|
|
Carta do pirata Patalata |
|
¡Que sorpresa! O venres pola mañá trouxeron unha botella cunha mensaxe para os nenos/as do cole. A continuación podedes lela:
¡Ola camaróns!
¿Sabedes quen son? ¡Claro que sí!, non sodes ningúns merluzos. Fai tiempo que non nos vemos pero non é culpa miña ¡de verdade!
Alguén con moi mala idea (no é por ser acusica, pero para min que a bruxa Pelandusca... perdón, Pitusa, tivo algo que ver) dixo que eu roubara algo, ¡nego totalmente esta acusación tan maliciosa!, eu só o levei prestado. Total...tampouco é para tanto levarse un barco coa súa tripulación pero, resultou que o que levei non era un barco calquera, era un barco pirata. En fin que teño barcos e malandríns de todas as pelaxes perseguíndome sen descanso.
Necesito a vosa axuda así que axiña volveredes saber de min. Polo de agora teño que deixarvos, pero recibiredes máis cartas, quero decir máis botellas. Non vos fiedes de ninguén e vixiade...vixiade...vixiade...
Pirata Patalata.
|
|
|
|
VISITA Á BIBLIOTECA |
|
O pasado mércores, 7 de novembro, os nenos e nenas de tres anos de EI, mergullámonos nunha aventura polo mar. Axudamos a Mik a rescatar o tesouro do barco pirata de Pata de Lata. Foi toda unha aventura porque mentres durmían os asaltamos e sen facer nin chisco de ruído, subimos ao barco, puxemos os cinco sentidos a traballar( escoitamos, non podíamos falar para non ser sorprendidos, tocamos amodiño as paredes, as barandas, ulimos a piratas que non se lavaban, e abríamos ben os ollos para estar atentos a calqueira imprevisto. Alí estabamos nós dispostos a devolver o tesouro á nosa escola. E conseguímolo.
Gustános moito a nosa biblioteca mariña; é fantástica porque para entrar nela temos que embarcar no submarino azul. Vaia viaxe!
|
|
|
|
MURAL DE EI |
|
As nosas mans de EI reflexan as cores que podemos observar no outono( marrón, vermello, laranxa, verde, amarelo,... Os nenos e nenas e as profes de infantil colaboramos traendo á escola distintos froitos para a exposición, que ulimos, tocamos, observamos, clasificamos e mesmo degustamos probando o marmelo, e o marmelo de mazá. Fixemos unha gran macedonia cos froitos de outono para celebrar o Día Mundial da Alimentación.
|
|
|
|
LA CASTAÑA FELIZ |
|
Co motivo da celebración do Magosto moitos nen@s inventaron contos que teñen as castañas como protagonistas. Aquí tendes unha mostra (preme AQUÍ para velo): |
|
|
|
TEMPO DE LECTURAS |
|
Hoxe empezamos en 2º de EP a actividade "Hora de ler" e tod@s estabamos un pouco impacientes por ver como resultaba. A experiencia foi moi agradable. Levamos a cabo todo un "ritual" antes de comenzar: ao primeiro toque da campaíña tod@s deixamos a tarefa que estabamos a realizar e recollemos e limpamos as mesas. Cando a campá soou por segunda vez, os nen@s levantáronse por grupos a escoller o libro da estantería. Co terceiro toque empezamos a ler, en silencio. Algún parecía querer comentar algunha cousa pero resistiu a tentación. Eu estaba tan emocionada ao ver a resposta dos nen@s que casi non me podía concentrar no meu libro. Cando finalizou o tempo, colocaron os marcapáxinas que tiñan preparados e levaron os libros á librería, ata o día seguinte.
¡Foi estupendo!
A profe.
|
|
|
|
OLA A TODOS/AS! |
|
Hoxe comenzamos esta andadura coa idea de dar a coñecer a nosa Biblioteca. Hai tempo vimos facendo un grande esforzo por renovar e mellorar este servizo no noso Centro. Este ano recibimos unha importante axuda económica da Consellería que supón un pulo a este proxecto. Polo de agora estamos a remodelar os espazos e a decoración. Tamén estamos deseñando o Proxecto de Centro que este curso xirará en torno ao mar, ao que nos sentimos moi ligados na nosa cidade. Pouco a pouco iremos contando os nosos progresos, presentarémosvos a nosa mascota, as bruxas contacontos e moitas cousas máis... |
|
|
|
Escribindo cartas fanse amigos |
|
MIK escribe cartas aos alumnos/as do colexio e proponlle lecturas, xogos...
CARTAS
|
|
|
|
Mensaxes para Mik |
|
 Na Biblioteca hai un recuncho onde os nen@s deixan as súas cartas e mensaxes para Mik.
|
|
|
|
Noticias de Patalata |
|
Estade moi atentos porque axiña teremos novas do pirata Patalata. ¿Que andará argallando? |
|
|
|
AQUÍ ESTOU |
|
A profe Charo debuxou a Mik facendo moitas cousas. Aquí tendes ao noso amigo...
|
|
|
|
|
|
|