O alumnado do terceiro Ciclo de EP relata a visita á Escola Obradoiro Mar de Vigo, actividade programada pola Biblioteca do Centro en torno ao proxecto interdisciplinar "Descubre un mundo MAR...abilloso":
Durante a mañá do día 11 de Decembro o alumnado de 5º e 6º visitamos a Escola Obradoiro Mar de Vigo. Na entrada das instalacións recibiunos o Director do Centro. Alí mesmo xa nos chamaron a atención varias embarcacións de diferentes tamaños e formas das que nos explicaron algúns detalles como os materiais de que están feitas, utilidades... Tamén nos deron a coñecer, en liñas xerais, o labor que levan a cabo neste Centro: reprodución das embarcacións tradicionais que se están perdendo, fabricación doutras máis modernas en poliéster e tamén se encargan da formación de persoas para estes traballos.
Xa no interior observamos o proceso de construción dun galeón, barco tradicional de madeira que servía para transportar mercadorías polas rías galegas. Vimos unha traiñeira de madeira e participamos nun obradoiro no que fixemos nós mariñeiros, reproducimos en cartolina unha chalana e traballamos coa linguaxe das bandeiras. Voltamos ao cole sabendo moitas máis cousas do mar e sobre todo das nosas rías. Foi unha visita a MAR de interesante...!!
Cóntalles a tod@s, nun comentario, cales foron os agasallos que recibiches polo Nadal.
No caso de que leras algún libro podes dicirnos cal é o título e explicarnos un pouco o seu argumento. Deste xeito, se nos parece interesante, podemos solicitalo en préstamo na nosa biblioteca.
Tal e como deixaron patente nunha rolda de prensa ofrecida en Santiago o 3 de xaneiro, os Reis Magos falan galego. A noticia é recollida polo Xornal.com do 4 de xaneiro. Nós xa supoñíamos que os Reis Magos entendían e empregaban a nosa lingua e @s nen@s que escribiron a súa carta en galego recibiron sen problemas os seus agasallos. Hoxe tod@s chegaron pletóric@s ao colexio, con moitas cousas que contar sobre as vacacións e sobre os regalos que recibiron.
Coa chegada do Nadal o cole encheuse de traballos que adornan os corredoiros. Este ano todos eles están inspirados no mar e resultaron ben orixinais e divertidos. Velaquí tendes unha mostra:
%5B2%5D.gif)
.jpg)
.JPG)
