QUE DÍA TAN DIVERTIDO E EMOCIONANTE!!! Hoxe foi o gran DÍA DA BIBLIOTECA no que, por fin, a biblio comeza a súa andaina no curso 18/19. Xa estaba desexando que chegara o momento porque vos tiña preparadas unha morea de sorpresas requeteguais e, por suposto, botaba moito de menos as vosas visitas. A partir do luns xa podedes facer uso dos servizos de préstamo semanal e de lectura nos recreos.
Antes de facer a crónica deste día tan especial queremos agradecer a colaboración e xenerosidade de Roscón e Uxía, compoñentes da banda de música infantil UXÍA LAMBONA E A BANDA MOLONA, que nos dedicaron desinteresadamente o seu bo facer e o seu tempo. MOITÍSIMAS GRAZAS!!! UN DÍA PARA LEMBRAR: Cando chegou a hora todos os grupos de alumnado baixaron á biblioteca, decorada dun xeito moi artístico e colorido, onde se atoparon coa exposición de novidades e a exposición temática sobre PINTURA, o tema do PDI deste curso. Despois de repasar as normas e os servizos que se ofrecen na biblioteca, puideron botarlle unha ollada aos libros novos, recolleron as mochilas viaxeiras, que xa emprenderon hoxe a súa viaxe, saborearon o doce agasallo de benvida e fixeron un pousado no photocall que achegou a familia dun alumno.
Ao rematar a visita á biblioteca, percorreron a exposición de traballos en familia arredor do lema "LER vaiche que nin PINTADO"
Ademáis, aos nenos e nenas de primeiro de EP e aos de nova incorporación ao centro entregáronlles as súas carpetas e os seus flamantes carnés de usuari@s.
Para ver as fotos clica na ligazón correspondente: SEXTO EP - QUINTO EP - CUARTO EP - TERCEIRO EP - SEGUNDO EP - PRIMEIRO EP
Como guinda do pastel, o magnífico espectáculo de música e baile que nos ofreceron Uxía Lambona e Roscón, coa colaboración especial dunha estupenda actriz revelación, que fixeron as delicias do noso animadísimo alumnado.
ÁLBUM DE FOTOS Como mostra do ben que o pasamos aquí vos deixo o vídeo do comezo da festa!!! Se queres ver máis vídeos do fantástico espectáculo fai clic AQUÍ QUE DÍA TAN XENIAL!!!! Moitos bicos ratunos para tod@s e moitas grazas, novamente, a Roscón e a UxíaLambona por esta xornada inesquecible. E xa sabedes, AGÁRDOVOS NA BIBLIO!!!
Xa chega o SAMAÍN e os nenos e nenas do cole prepáranse para recibilo con moita arte. Como actividade relacionada co PDI deste curso, cada grupo elexiu un cadro dun famoso pintor/a que represente esta data ou que nos produza un sentimento de medo ou desacougo. Despois, coa axuda do profe de música, crearán unha banda sonora para acompañar cada obra de arte. Que idea tan xenial!!! O alumnado deste centro non é nada medoso e atoparon cadros realmente inquedantes. A ver que vos parecen: E. INFANTIL (3 anos)
SISARGAS. Urbano Lugrís
INFANTIL (4 anos)
O BERRO. Edvuard Munch
INFANTIL (5 anos)
CAMUFLAXE. Noemí Núñez
PRIMEIRO EP
GUERNICA. Pablo Picasso
SEGUNDO EP
CAVEIRA CON CIGARRO. Van Gogh
TERCEIRO EP
AS TRES BRUXAS DE MACBETH. Alexandre Marie Colin
CUARTO DE EP
SOÑO DUNHA TARDE DOMINICAL NA ALAMEDA CENTRAL. Diego Rivera
Ateigado está o cole de preciosos traballos realizados en familia polo noso alumnado. Dá gusto ver as paredes e os corredores cheos de creatividade e imaxinación. MOITOSPARABÉNS A TOD@S!!!
Co remate do prazo para a entrega de traballos para a biblioteca, chega unha morea de auténticas obras de arte para a exposición que axiña estará nos corredores para o goce de toda a comunidade educativa. MOITAS grazas a todas as familias que colaboraron coa súa creatividade, coa súa ilusión, co seu tempo, co seu entusiasmo, coa súa complicidade e compromiso, demostrando, unha vez máis, que a educación dos nosos nenos e nenas é cousa de TOD@S.
Convidamos a toda a comunidade educativa a visitar e gozar da exposición. Para aqueles que non poidan achegarse ao centro teñen AQUÍ unha ligazón ao álbum de fotos onde iremos subindo todos os traballos. No panel lateral tamén atoparedes unha ligazón permanente ao álbum clicando nunha imaxe como a de abaixo
Hoxe chegaron novos magníficos traballos para a exposición da biblioteca!!! Todos explicaron moi ben como xurdiron as ideas e como as puxeron en práctica, así como os materiais que empregaron e a contribución de cada membro da familia. MOITOS PARABÉNS A TODOS!!!Sodes uns artistas xeniais!!!!
Que marabilla!!! Estamos abraiados coa cantidade e a calidade dos traballos que achegan as familias para a convocatoria que nos fixo a biblioteca por medio do seu algareiro ratiño MIK. Aquí van algunhas das fantásticas novidades:
Por certo, os traballos aínda son máis bonitos se os vedes ao natural, por iso vos recomendamos que vos pasedes polo centro para gozar a gusto de todas as vosas obras.
%5B2%5D.gif)
.jpg)
.JPG)
