O RECANTO DE MIK


LER, COMPARTIR, DISFRUTAR E APRENDER COA BIBLIOTECA
Este blog quere ser un lugar de encontro e comunicación onde compartir experiencias en torno á lectura, a biblioteca escolar e a educación en xeral.
http://www.edu.xunta.es/biblioteca/blog/


Counter
benvidosempty


Os teus comentarios


O MEU PERFIL
bibliocole@gmail.com
 ETIQUETAS - SECCIÓNS
 LIGAZÓNS
 FOTOGALERIA
 BUSCADOR
 ARQUIVO

PDI: A VOLTA AO MUNDO FACENDO DEPORTE
Desde o departamento de Educación Física achégannos os traballos do alumnado arredor do proxecto documental sobre Países e Culturas. A volta ao mundo facendo deporte é o título que acolle os fantásticos murais que locen nos corredores do centro. PARABÉNS A TOD@S!!!
Comentarios (0) - Sección: PAÍSES E CULTURAS. PDI 16/17 - Publicado o 01-06-2017 18:08
# Ligazón permanente a este artigo
PRÓXIMO ENCONTRO CON ALICIA BORRÁS

Comentarios (0) - Sección: Visitas autores/as - Publicado o 01-06-2017 17:50
# Ligazón permanente a este artigo
PRÓXIMO ENCONTRO CON FRAN ALONSO
Comentarios (0) - Sección: Visitas autores/as - Publicado o 29-05-2017 16:23
# Ligazón permanente a este artigo
VISITA DE FINA CASALDERREY

O 18 de maio, os nenos e nenas de QUINTO de EP, recibiron na nosa biblioteca a Fina Casalderrey, unha escritora xa coñecida polo alumnado por ternos visitado noutras ocasións. Desta vez, o motivo foi a súa preciosa historia A lagoa das nenas mudas. Como sempre, foi unha delicia estar con ela, escoitala e compartir opinións e sentimentos. Moitas grazas, FINA, esperamos verte axiña!!!

Por suposto, tamén asinou os nosos exemplares:

MOITAS GRAZAS POR COMPARTIR CONNOSCO ESTES MOMENTOS TAN AMENOS!!!
Moitas máis fotos, AQUÍ
Comentarios (0) - Sección: Visitas autores/as - Publicado o 22-05-2017 20:46
# Ligazón permanente a este artigo
VISITA Á EXPOSICIÓN DE TRABALLOS PARA O DÍA DO LIBRO 2017
Agora que xa está totalmente rematada , o alumnado de CUARTO DE EP, gozou de todas as creacións familiares arredor dos Libros viaxeiros. Fixeron un percorrido ao longo de toda a exposición e quedaron abraiados pola enorme imaxinación e o coidado dos detalles en todos os traballos. Encantounos. PARABÉNS a tod@s, sodes uns ARTISTAS!!!
MÁIS FOTOS, AQUÍ
Comentarios (0) - Sección: Día do Libro - Publicado o 22-05-2017 20:29
# Ligazón permanente a este artigo
LETRAS GALEGAS 2017: EXPOSICIÓN
Durante as dúas semanas de misteriosa correspondencia na que recibimos preciosos contos da obra de Carlos Casares, A galiña azul, os paneis da biblioteca fóronse enchendo de datos moi interesantes sobre a vida e a obra deste escritor. Os nenos e nenas do centro atenderon a petición de MIK e recolleron nos distintos xornais galegos todas as noticias que trataban sobre este autor. Ao final case empapelaron as paredes!!! Quedou chulísimo!!
Dentro da biblioteca tamén se dispuxo unha selección das súas obras máis coñecidas:
Despois de traballar na biblioteca arredor do DÍA das Letras e de Carlos Casares, saímos para ler os paneis da biblioteca e aprender máis cousas. GRAZAS, MIK!!!
VER MÁIS FOTOS AQUÍ
Comentarios (0) - Sección: Letras Galegas - Publicado o 22-05-2017 20:15
# Ligazón permanente a este artigo
MAIOS 2017
Como cada ano no mes de maio, hoxe celebramos a chegada da primavera coa tradicional "Festa do Maio". Todos os nenos e nenas do centro contribúen á construción do maio vestindo con fiuncho, flores, cocas e outros elementos naturais unha armazón de madeira con forma de pirámide:
Como era de supoñer, unha alusión ao noso proxecto anual sobre Países e culturas coroaba o noso maio viaxeiro. QUEDOU XENIAL!!
Despois de dous días de traballo, reunímonos no ximnasio (a choiva non deu tregua!) para gozar cantando unhas coplas moi simpáticas e batendo cos nosos paus ao ritmo dos recitados. Unhas flores moi bonitas fixeron a presentación do que ía acontecer:
A continuación viñeron as coplas:
E cando xa pensabamos que o problema dos pokemon quedara solucionado no entroido, atopamos un Pikachu rebuldeiro agochado debaixo do maio!!! Estamos apañados!!! Teremos que seguir buscando polo mundo estes trasnos amarelos!!
Queremos dar as GRAZAS ás familias que quixeron acompañarnos neste día e a toda a comunidade educativa pola súa colaboración na achega dos materiais. E, por suposto, un agradecemento moi especial ao noso conserxe Alfonso e á nosa querida PROFE MARILUZ pola súa xenerosidade e pola súa impagable axuda.

Para ver máis fotos, clic nas seguintes ligazóns:

- ELABORACIÓN DO MAIO
- FESTA DOS MAIOS 2017
Comentarios (0) - Sección: Festas - Actividades - Publicado o 12-05-2017 18:46
# Ligazón permanente a este artigo
NOVA MENSAXE DE MIK!!!
QUE SORPRESA!!! A primeira hora da mañá o noso conserxe, Alfonso, colocou unhas preciosas caixas de correo nas portas das aulas. Que misterio!! Non sabiamos que pensar, pero, ao pouco tempo, o noso amiguiño MIK enviounos unha mensaxe!

Como vedes, xa temos traballo! Haberá que buscar nos xornais e recortar as noticias que falen de Carlos Casares, semellantes a estas que nos mandou MIK:
Pero..., ademais da mensaxe, dentro da caixa había unha carta nun sobre azul que levaba o debuxo dunha galiña tamén AZUL!! Que haberá dentro??? Cada curso deberá descubrilo e... INVESTIGAR!!! Que emoción! Este MIK é XENIAL!!
Comentarios (2) - Sección: Biblioteca - Publicado o 08-05-2017 19:05
# Ligazón permanente a este artigo
MISTERIO NOS PANEIS DA BIBLIOTECA
Durante os últimos días estiveron aparecendo misteriosas mensaxes nos paneis da biblioteca e quedamos moi intrigados cunha feituca e moi simpática GALIÑA AZUL!!! Que andaría argallando o noso amiguiño MIK??
Por fin, hoxe resolvemos o enigma: o Día das Letras Galegas está dedicado ao escritor CARLOS CASARES, autor de moitas obras dirixidas aos lectores máis novos como A galiña azul, As laranxas máis laranxas de todas as laranxas, Lolo anda en bicicleta ou O can Rin e o lobo Crispín. Agora só temos que seguir lendo nos paneis para enterarnos de todas as cousas interesantes relacionadas coa súa historia ou coas súas historias. XENIAL!!!
Comentarios (0) - Sección: Biblioteca - Publicado o 05-05-2017 18:58
# Ligazón permanente a este artigo
DÍA DO LIBRO 2017: MURAL DOS LIBROS VIAXEIROS
Así de precioso quedou o mural dos libros viaxeiros para poñer de relevancia o Día Mundial do Libro. Como vedes, a imaxinación e a orixinalidade, ademáis dos libros, foron protagonistas de todas as achegas do alumnado e as súas familias. Unha vez máis, GRAZAS pola vosa colaboración e complicidade.
Comentarios (0) - Sección: Día do Libro - Publicado o 05-05-2017 18:30
# Ligazón permanente a este artigo
© by Abertal




Se algunha das fotografías, debuxos... que aparecen neste blog están suxeitas a dereitos de autor, póñanse en contacto con nós e serán retirados.


Free counter and web stats