O RECANTO DE MIK


LER, COMPARTIR, DISFRUTAR E APRENDER COA BIBLIOTECA
Este blog quere ser un lugar de encontro e comunicación onde compartir experiencias en torno á lectura, a biblioteca escolar e a educación en xeral.
http://www.edu.xunta.es/biblioteca/blog/


Counter
benvidosempty


Os teus comentarios

enriquecen este blog.
MOITAS GRAZAS!

















https://get.google.com/albumarchive/109183052507519885982?source=pwa

https://get.google.com/albumarchive/109183052507519885982/album/AF1QipNOHzZ_Gt0MWJY4n_M7vQqSY3sOau7PdzstZdXP








































RECURSOS SOBRE CINE NA ESCOLA
https://miaulatic.blogspot.com.es/p/blog-page_3.html
PDI 17/18:
O CINE NO MESTRES GOLDAR
http://blogoteca.com/orecantodemik/index.php?cat=14633
https://photos.app.goo.gl/VIMND5o3Y5cjjIX03

outils webmaster

Locations of visitors to this page

Myspace text generator


Make glow text and comments


O MEU PERFIL
bibliocole@gmail.com
 ETIQUETAS - SECCIÓNS
 LIGAZÓNS
 FOTOGALERIA
 BUSCADOR
 ARQUIVO

O ALUMNADO DE SEGUNDO DE EP ESCRIBE CARTAS AO NOSO AMIGUIÑO MIK
Despois da frenética actividade destes últimos días na biblioteca, os nenos e nenas de segundo de Primaria responden cunha enorme cantidade de cartas para Mik que foron deixando na súa caixa de correo. Estamos impacientes por coñecer o contido das mensaxes e tamén por ver o contentísimo que se pon o noso querido ratiño. Cóntanos, MIK, que che dixeron estes nen@s tan guapos e espelid@s!??
Comentarios (0) - Sección: Biblioteca - Publicado o 01-11-2017 16:54
# Ligazón permanente a este artigo
SAMAÍN: SESIÓNS DE CINE DE MEDO NA BIBLIOTECA
Co gallo da celebración do SAMAÍN, durante esta semana MIK organizou na biblio as XORNADAS DE CINE DE MEDO. Cada curso baixou á biblioteca e gozou e tremeu coas estupendas películas seleccionadas: HOTEL TRANSILVANIA2, FRANKENWEENIE e PESADILLA ANTES DE NAVIDAD.
O luns atopamos nas portas das aulas unha tétrica mensaxe de Mik emplazándonos na biblioteca para ver a exposición temática sobre o Samaín e para retarnos a introducir as mans nunhas espeluznantes caixas con sorpresas terroríficas. Como sempre, os nosos nenos e nenas aceptaron sen dubidar e atrevéronse coas caixas misteriosas:

Despois asistimos á sesión de cine dispostos a pasar moooooito medo:
Foi XENIAL!!! GRAZAS, MIK!!!!
Máis fotos AQUÍ
E se aínda queres seguir festexando o SAMAÍN podes pasalo de medo cantando e bailando cos seguintes vídeos:

Comentarios (0) - Sección: CINE: PDI 17/18 - Publicado o 01-11-2017 16:05
# Ligazón permanente a este artigo
PELICULETRAS
O venres, 27 de outubro, celebramos por todo o alto a reapertura da nosa biblioteca. Baixo o lema "UNHA BIBLIO DE CINE" festexamos ao estilo máis hollywoodiense a estrea de "PELICULETRAS". As nosas pequenas grandes estrelas posaron na alfombra vermella co ÓSCAR que eles mesmos outorgaban á súa lectura favorita, mostrando eses libros a fotógrafos e xornalistas. A xornada resultou emocionante e divertida e, con ilusión e entusiasmo, demostraron que a biblioteca e os libros teñen moito protagonismo nas vidas dos nosos nenos e nenas.
A historia comezou hai varios días cando todas as aulas recibiron unha carta do noso amiguiño MIK onde nos convidaba a participar na festa e nos daba as consignas para que a actividade fora mooooi cinematográfica.


Chegado o día, cada grupo de alumnado tiña asignada a hora da visita á biblioteca, onde puideron ver a exposición de novidades, a exposición temática sobre o cine, recolleron as mochilas viaxeiras que comezarían ese mesmo día a súa andaina polos fogares do alumnado e, ademais, atoparon un doce e agarimoso agasallo de benvida do noso querido MIK. E, por suposto, os nenos e nenas de 4º de E. Infantil e todos aqueles que se incorporaron ao centro este curso recibiron a súa flamante carpeta da biblioteca co seu carné de usuari@


Despois acudiron ao salón de actos para presentarse ante as cámaras caracterizados de personaxes de películas e exhibindo o seu libro favorito. Tod@s estaban guapísimos!!!!

Aínda estamos recompilando as fotos de todo o alumnado que recollen cada momento deste día. Irán aparecendo NESTA LIGAZÓN
Comentarios (0) - Sección: CINE: PDI 17/18 - Publicado o 28-10-2017 00:48
# Ligazón permanente a este artigo
ANTONIO GARCÍA TEIJEIRO, GAÑADOR DO PREMIO NACIONAL DE LITERATURA INFANTIL E XUVENIL 2017
Desde a biblioteca do Ceip Mestres Goldar queremos enviar os nosos máis afectuosos parabéns a Antonio García Teijeiro polo merecidísimo recoñecemento que ven de acadar ao recibir o Premio Nacional de Literatura Infantil pola súa obra POEMAR O MAR. Poemar o mar, un libro de poemas fermosamente ilustrado por Xan López Domínguez, forma parte dunha triloxía que ten o mar como protagonista. O xurado decidiu premiar ao autor e a súa obra "por ser un libro cargado de emoción, cunha brillante elección léxica, onde o mar é o gran protagonista, poboado de criaturas que transitan por orixinais e suxestivas composicións poéticas". Cunha ampla e variada contribución á literatura infantil e xuvenil, García Teijeiro é un dos grandes poetas e narradores da nosa terra. Entre as súas publicacións atópanse «Ventos», «Lueiro de Papel» e «Na fogueira dous versos», obra premiada co Premio Merlín en 1996.
Nesta LIGAZÓN podedes acceder ao último encontro do autor co alumnado do noso centro e a continuación algunhas imaxes para lembrar aqueles emotivos momentos:
Comentarios (0) - Sección: Biblioteca - Publicado o 04-10-2017 16:37
# Ligazón permanente a este artigo
BENVID@S AO CURSO 2017 / 2018!!!!
Ola, nenos, nenas e familias! Xa estamos aquí un novo curso!! Esta semana voltamos ao noso cole con moita ilusión e algo nervios@s por atoparmos cos nosos compañeiros e compañeiras e cos profes e "profas", para percorrer xunt@s unha andaina na que seguro teremos novas e fantásticas experiencias, coas que aprenderemos moito e gozaremos aínda máis.
Desde este recanto, o Claustro de profesores do noso centro quere darvos a benvida e desexarvos un estupendo 2017/2018. Eu agárdovos na biblioteca pois xa estou argallando cousas moi divertidas para vós. Teño algunhas ideas de película! que vos encantarán, xa veredes! Estade atent@s, axiña teredes noticias miñas!! Moitos bicos ratunos e FELIZ CURSO 2017/2018!!
Comentarios (0) - Sección: Biblioteca - Publicado o 13-09-2017 20:59
# Ligazón permanente a este artigo
APRENDER A PENSAR COA BIBLIOTECA ESCOLAR
"Aprender a pensar coa biblioteca escolar" é o lema escollido para os materiais que a Consellería de Cultura, Educación e Ordenación Universitaria edita a comezos do curso 2017/2018 con destino ás bibliotecas escolares dos centros educativos galegos.
O ilustrador Xosé Tomás foi o encargado, nesta ocasión, de realizar a  interpretación gráfica do lema anual.
Unha biblioteca escolar actualizada no seu modelo, nos seus recursos e equipamentos, nas súas propostas; atendida con profesionalidade e integrada no día a día do centro educativo, supón unha oportunidade única para axudar a nenas e nenos a desenvolver o seu pensamento crítico, a "aprender a pensar".
Aprender a pensar a través dos contos, da tradición oral, das lecturas de ficción, da poesía, do teatro; a través das lecturas de materiais de divulgación científica, a través das investigacións. Aprender a pensar co cine e coa música. Aprender a pensar baixo a guía e orientación dun profesorado consciente da importancia da curiosidade como motor vital e, tamén, da importancia de activar no alumnado os mecanismos para desenvolver o pensamento complexo. A biblioteca escolar é un espazo privilexiado para que o alumnado non perda a súa capacidade de asombro; para que aprenda a formularse preguntas diante dos distintos fenómenos naturais ou sociais e, tamén, a procurar algunhas respostas á complexidade que lle toca vivir. (Recollido en: BEGA)
Comentarios (0) - Sección: Biblioteca - Publicado o 13-09-2017 20:42
# Ligazón permanente a este artigo
PRECIOSO AGASALLO DO ALUMNADO DA PROMOCIÓN 2008/2017 AO CENTRO MESTRES GOLDAR
Xa podemos gozar do precioso agasallo colectivo que fixo a promoción de SEXTO ao cole que os acompañou e guiou durante os seus primeiros nove anos de vida escolar. Coa dirección de Begoña, despois de varias horas de traballo, conseguiron deixar a súa colorida pegada para o deleite dos nenos e nenas que quedan no cole e doutros que chegarán despois. Para sempre teremos a lembranza do seu paso polo MESTRES GOLDAR. MOITAS GRAZAS!! O proceso foi longo e laborioso pero MOI DIVERTIDO
O resultado final, FANTÁSTICO!!!
Grazas á web da pintora podemos ver o interesante proceso, desde os bocetos ata o resultado final. Clic AQUÍ para acceder á súa páxina
Queridos nenos e nenas, para sempre nas nosas lembranzas e nos nosos corazóns. MOITA SORTE!!!
Comentarios (0) - Sección: Varios - Publicado o 01-07-2017 00:19
# Ligazón permanente a este artigo
FELIZ VERÁN 2017!!!
O ratiño MIK e o claustro de profesores do Ceip Mestres Goldar desexamos a toda a comunidade educativa unhas moi felices vacacións.
Unha aperta especial e moi agarimosa para a promoción de sexto, que se despide este ano do noso cole. Agardamos que lembredes con cariño o voso paso polo Mestres Goldar e confiamos en que a nova andaina que ides emprender estea ateigada de éxitos, tanto no aspecto académico como no persoal. Queridos nenos e nenas, ATA SEMPRE!!

E, por suposto, un bico enorme para a nosa querida MARISÉ. GRAZAS por todo, COMPAÑEIRA!!!
BO VERÁN E FELICES LECTURAS!!!


Se queredes ver un resumo do curso 16/17, clic nas seguintes ligazóns:

Comentarios (0) - Sección: Varios - Publicado o 25-06-2017 12:48
# Ligazón permanente a este artigo
SEGUNDA SESIÓN DA SEMANA DA MÚSICA
Hoxe acudimos á segunda cita coa SEMANA DA MÚSICA na que gozamos dun variado e fantástico espectáculo musical a cargo do alumnado de cuarto, quinto e sexto de E. Primaria.
NEREA PÉREZ ROCHA foi a primeira en subir ao escenario para ofrecernos unha actuación na que tocou a batería como acompañamiento dunha peza moi, moi rockeira. A continuación, CANDELA tocou magnificamente o seu clarinete e NEREA engaiolounos a tod@s coa música do seu violín:

Despois chegaron os bailes:
Dous grupos de nenas de quinto realizaron á perfección dúas vistosas e complicadas coreografías

Como broche final, un fantástico baile realizado por nenas de quinto e sexto:
PARABÉNS A TODAS!!! FIXÉSTELO XENIAL!!!
Clic AQUÍ para ver o álbum completo da SEMANA DA MÚSICA
Comentarios (0) - Sección: SEMANA DAS ARTES - Publicado o 21-06-2017 17:58
# Ligazón permanente a este artigo
COMEZA A SEMANA DA MÚSICA: QUE ARTISTAS!!!
A SEMANA DA MÚSICA non podía comezar mellor!!! O alumnado de CUARTO demostrou coas súas actuacións que ten moita arte para o baile e moito talento para a música. Tamén nos demostraron a súa capacidade para traballar en equipo, a súa habilidade para organizarse, a súa creatividade e o seu saber facer nun escenario. Primeiro foi NICOLAS, que nos ofreceu unha peza preciosa coa súa acordeón. Fíxoo XENIAL!
A continuación subiu ao escenario NAIM para deleitarnos cunha peza de gaita acompañado polo profe Toniño. ENCANTOUNOS!!
E chegaron Os sete magníficos (ALEJANDRO M., BIRHANU, RAMSÉS, NICOLÁS, LEO, FABIOLA E NEREA) que nos encandilaron cunha coreografía que sorprendeu a todos porque coidaran todos os detalles, tanto no vestuario como na posta en escena. XENIAL!!!:
EVA, JULIA E LUCÍA prepararon unha coreografía moi chula que nos gustou moitísimo!
E para finalizar a xornada, Zaira, María e Claudia sorprendéronnos cun baile moi elaborado repleto de acrobacias moi complicadas que realizaron á perfección. FANTÁSTICO!!!
FELICIDADES, CHIC@S!!! SODES GRANDES ARTISTAS!! Mañá seguiremos gozando de toda a vosa creatividade e talento. Con que nos sorprenderan??!!
Álbum completo de fotos AQUÍ
Comentarios (0) - Sección: SEMANA DAS ARTES - Publicado o 20-06-2017 22:20
# Ligazón permanente a este artigo
© by Abertal




Se algunha das fotografías, debuxos... que aparecen neste blog están suxeitas a dereitos de autor, póñanse en contacto con nós e serán retirados.


Free counter and web stats