O RECANTO DE MIK


LER, COMPARTIR, DISFRUTAR E APRENDER COA BIBLIOTECA
Este blog quere ser un lugar de encontro e comunicación onde compartir experiencias en torno á lectura, a biblioteca escolar e a educación en xeral.
http://www.edu.xunta.es/biblioteca/blog/


Counter
benvidosempty


Os teus comentarios

enriquecen este blog.
MOITAS GRAZAS!


















https://get.google.com/albumarchive/109183052507519885982?source=pwa

https://get.google.com/albumarchive/109183052507519885982/album/AF1QipNOHzZ_Gt0MWJY4n_M7vQqSY3sOau7PdzstZdXP








































RECURSOS SOBRE CINE NA ESCOLA
https://miaulatic.blogspot.com.es/p/blog-page_3.html
PDI 17/18:
O CINE NO MESTRES GOLDAR
http://blogoteca.com/orecantodemik/index.php?cat=14633


outils webmaster

Locations of visitors to this page

Myspace text generator


Make glow text and comments


O MEU PERFIL
bibliocole@gmail.com
 ETIQUETAS - SECCIÓNS
 LIGAZÓNS
 FOTOGALERIA
 BUSCADOR
 ARQUIVO

HORA DE LER SEN LUZ
Hoxe, na HORA DE LER, todo o alumnado do centro experimentou a sensación de levar a cabo unha actividade escolar sen luz eléctrica, tal e como lles ocorre a moitos nenos e nenas da súa idade que viven en zonas desfavorecidas do planeta. Primeiro, visionaron unha presentación sobre dereitos humanos para falar, despois, sobre o dereito á educación e a igualdade de oportunidades. Tamén levaron para as súas casas a encomenda de falar coas súas familias sobre as escolas sen luz e o programa Luces para aprender. A ver que nos contan mañá sobre as súas conversas familiares. Así se desenvolveu a actividade:
Primeiro escoitaron:

Despois falaron:

Por último, intentaron ler:



Mañá, sacaremos conclusións.
Comentarios (2) - Sección: Dereitos humanos - Infancia - Valores - Publicado o 10-12-2014 20:40
# Ligazón permanente a este artigo
10 DE DECEMBRO: DÍA DOS DEREITOS HUMANOS. O DEREITO Á EDUCACIÓN
Co gallo da celebración do Día dos DDHH, desde mañá ata o 30 de xaneiro (Día da Paz) traballaremos o dereito á educación ao fío do noso proxecto documental sobre a luz. Difundiremos e afondaremos sobre o programa "LUCES PARA APRENDER", promovido pola OEI, que consiste en dotar de luz eléctrica 60000 escolas de zonas desfavorecidas de varios países iberoamericanos. Como primeira actividade de toma de conciencia sobre a realidade de moitos nenos e nenas da idade dos nosos alumn@s, mañá estaremos 3 minutos da "hora de ler" sen luz, é dicir, coas luces apagadas e as persianas case pechadas. Queremos provocar o debate e levar a nivel de conciencia o afortunados que somos nas nosas escolas. Despois veremos un vídeo-testemuña dunha escola sen luz e outro de hai algúns anos do cantante Huecco, que xa empregamos no noso proxecto sobre XXOO. A partir destas primeiras "tomas de contacto" faremos unha serie de actividades de investigación sobre as escolas sen luz na actualidade, as súas necesidades e a súa realidade, en resumo, a diferencia de oportunidades por ter nacido nun determinado lugar.

Comentarios (5) - Sección: Dereitos humanos - Infancia - Valores - Publicado o 09-12-2014 22:29
# Ligazón permanente a este artigo
20 NOVEMBRO: DÍA UNIVERSAL DA INFANCIA
«Todos fomos nen@s algunha vez. E todos desexamos por igual o benestar dos nosos nen@s, que sempre foi e seguirá sendo a arela máis universal da humanidade».

Uns nenos no campamento de desprazados internos no estado de Rakhine, Myanmar. OCHA
Imaxe de Google

RECURSOS EDUCATIVOS:


Comentarios (0) - Sección: Dereitos humanos - Infancia - Valores - Publicado o 20-11-2012 09:18
# Ligazón permanente a este artigo
10 de Decembro: Día dos DDHH
63 anos despois da súa proclamación, segue sendo necesario lembrar esta data, 10 de decembro, na que a Asamblea Xeral das Nacións Unidas aprobou a Declaración dos Dereitos Humanos.Necesario porque nin tan sequera nos países que asinaron esta declaración están garantidos estes dereitos en igualdade de condicións para toda a poboación. Non hai máis que botar unha ollada ao noso arredor, asomarse ás noticias.
Mais aínda así cabe pensar que un outro mundo é posible, que hai arrecendos espallados no ar que nos permiten prender unha candea pola esperanza, por estas xeracións, hoxe nen@s, adolescentes, que medran nas nosas aulas, ao abeiro das nosas Bibliotecas -das súas lecturas, da súa información, da súa formación- nen@s e adolescentes que se implican ilusionad@s e con empeño en proxectos coma "Coñecernos para querernos", nun intercambio persoal e de coñecementos con nen@s dos campamentos saharahuis, para quenes a apertura dunha biblioteca con (o Bubisher) ou sen (O Niño do Bubi) rodas, supón moito máis que un mundo de oportunidades. Para acceder á ilusión, aos soños, á formación, ao coñecemento doutras culturas, doutro idioma.

E con esa candea acesa, brincan faíscas que prenden en case un cento de Bibliotecas Escolares Galegas, que por todo o país escollen cada unha un fermoso álbum ilustrado para agasallar a ese recén estreado Niño do Bubi, porque, coma nas nosas propias Bibliotecas, toda inauguración é unha festa. A esa festa que é a lectura, nesas bibliotecas acubilladas na area, queremos enviar estes álbumes como aves portadoras de boa sorte, como bubishers* cheos de cor, imaxes, historias. Porque as nosas bibliotecas, @s nos@s lectores e lectoras, compartimos co Bubisher, cos lectores e lectoras das súas bibliotecas a crenza firme nos Dereitos Humanos, dende o seu 1º artigo: "Tod@s nascemos libres e iguais en dignidade e dereitos"


* O bubisher (Oenanthe leucopyga e Oenanthe leucura) é un paxariño tímido que vive na Península e tamén en África, aquí chamámoslle collalba negra e no Sáhara o seu nome significa paxaro da boa sorte, no dialecto hassaní é Bubchir بوبشير (o da boa nova) porque adoita aniñar e criar despois das choivas, o que quer dicer que medrará a herba, algo moi importante para quen ten gando.
Bubisher é tamén o nome dun autobús-biblioteca que circula entre os campamentos do Sáhara para levar lectura e información. Ou sexa, unha biblio... pero con rodas!!!

Se queredes unirvos á iniciativa de Álbumes para o Bubisher, só tedes que poñer os vosos datos xunto ao resto das Bibes Galegas.

Música e DDHH
Texto de Maribel Serantes (CEIP Os Casais)
Imaxe atopada aquí




Comentarios (0) - Sección: Dereitos humanos - Infancia - Valores - Publicado o 10-12-2011 12:27
# Ligazón permanente a este artigo
DEREITOS DA INFANCIA. RECURSOS
Glogster que recolle moitos recursos para traballar os dereitos dos nenos e das nenas. Se queredes velo a tamaño grande, tedes que clicar no cadradiño rosa onde pon Glogster poster yourself e despois en VIEW FULL SIZE.



Comentarios (1) - Sección: Dereitos humanos - Infancia - Valores - Publicado o 19-11-2011 22:04
# Ligazón permanente a este artigo
UNHA VEZ MÁIS...
Unha imaxe que fai pensar...

Comentarios (1) - Sección: Dereitos humanos - Infancia - Valores - Publicado o 22-11-2010 00:20
# Ligazón permanente a este artigo
¿CAL CHE GUSTA MÁIS?
Hai xa algún tempo, co motivo da celebración do Día da Paz, atopei un impresionante documento sobre os prexuízos raciais. Penso que tamén nestas datas pode servirnos para a reflexión e o debate nas aulas:



Comentarios (2) - Sección: Dereitos humanos - Infancia - Valores - Publicado o 21-11-2010 20:41
# Ligazón permanente a este artigo
DEREITOS HUMANOS III. HISTORIA DE SUABA. PROPOSTA DE TRABALLO

Moitas persoas no mundo carecen dos recursos máis elementais e imprescindibles para vivir, polo que contraen terribles enfermidades, a meirande parte das veces incurables e, a miudo, mortais. Así nos conta Suaba a historia da súa vida:




En "Enrédate con Unicef" podes ver/ler outros cómics, vídeos, xogos ...


Plan de traballo para o DÍA DOS DEREITOS HUMANOS (proposta para os diferentes niveis de Primaria):

- Visionado da "Historia de Suaba"
- Debate/coloquio sobre as condicións de vida ás que se ven sometidas moitas persoas por carecer de recursos imprescindibles para a supervivencia.
- Busca de información (mediante fichas-guion) sobre:
UNICEF / Enfermidades orixinadas por consumo de auga non potable
- Realización da webquest
DÍA DOS DEREITOS HUMANOS (Ceip Andrade)
- Analizar e interpretar os seguintes carteis:

IES Río Cabe

Ceip Pazos

- Elaboración en grupo dun cartel que faga referencia aos DDHH



Comentarios (1) - Sección: Dereitos humanos - Infancia - Valores - Publicado o 09-12-2009 23:50
# Ligazón permanente a este artigo
DEREITOS HUMANOS II. Paula Bronstein
Paula Bronstein: "A súa cara vai quedar marcada para sempre"


Paula Bronstein, fotoxornalista que leva máis de 15 anos traballando para varios xornais norteamericanos e que ten acadado innumerables premios, realiza fotografías que retratan a realidade de Afganistán, o país dos talibáns, desafiando o perigo que supón mostrar ao mundo situacións intolerables de total ausencia dos máis elementais dereitos humanos. A autora desta imaxe explica a sobrecolledora historia de Mohboba, a nena protagonista, e as circunstancias en que foi tomada a fotografía (foto comentada pola autora).


Fonte: quesabesde
Comentarios (2) - Sección: Dereitos humanos - Infancia - Valores - Publicado o 09-12-2009 11:13
# Ligazón permanente a este artigo
DÍA DOS DEREITOS HUMANOS I. RECURSOS
O 10 de decembro, DÍA DOS DEREITOS HUMANOS, é unha data para a concienciación, un día especial que se leva ás aulas coa esperanza de que as xeracións que nos sucedan consigan o que ata o de agora parece un soño. Dende as bibliotecas escolares faise un esforzo para achegar ás nosas comunidades educativas recursos e materiais que faciliten o traballo e favorezan e inciten a reflexión.
Dende o Ceip de Andrade chéganos unha boísima webquest para traballar co alumnado do terceiro ciclo de Primaria e primeiro ciclo da ESO:




MÁIS RECURSOS recompilados da rede:


Por último, traballos colaborativos das bibliotecas escolares galegas que paga a pena lembrar:
DÍA DOS DEREITOS HUMANOS
O MUNDO DO CINE E OS DEREITOS HUMANOS
O MUNDO DAS LETRAS E OS DEREITOS HUMANOS
O MUNDO DA MÚSICA E OS DEREITOS HUMANOS

ACTUALIZACIÓN:
Dende a biblioteca do IES de Fene achégannos xenerosamente estes estupendos materiais:
Guía de Música e DDHH
Actividade sobre os Dereitos Humanos utilizando a prensa
Escolma poética



Comentarios (4) - Sección: Dereitos humanos - Infancia - Valores - Publicado o 07-12-2009 14:13
# Ligazón permanente a este artigo
1 [2]
© by Abertal




Se algunha das fotografías, debuxos... que aparecen neste blog están suxeitas a dereitos de autor, póñanse en contacto con nós e serán retirados.


Free counter and web stats