O MEGO DA ESCOLA


Blog da Comisión Cultural MARTÍN SARMIENTO de Vilafranca para a potenciación do uso do galego nos centros do ensino no Bierzo e a promoción dos Intercambios escolares Bierzo-Galicia.

O meu perfil
 CATEGORÍAS
 FOTOBLOGOTECA
 BUSCADOR
 BUSCAR BLOGS GALEGOS
 ARQUIVO
 ANTERIORES

Celebramos o Día do Galego no Bierzo
Onte pechábase a décima edición das Xornadas Martín Sarmiento en Vilafranca. Iremos colocando eiquí diversas reportaxes para dar unha idea do que se levou a cabo, dos anuncios que se realizaron e algunhas das propostas que se reflicten nos través de distintos medios:

PREMIOS: TRAS OS PASOS DE MORALES

O DECÁLOGO: NOVOS ESPAZOS PARA O GALEGO NO BIERZO
O Pleno do Consello Comarcal aprobaba o pasado 2 de marzo un decálogo de propostas que coloca enriba da mesa e presentou á prensa o día 9 de marzo con motivo das X Xornadas Sarmiento coa intención de comezar a discutilas e concretalas co visto bo e o apoio da Junta de Castela e León e da Xunta de Galicia.
BierzotV
Presentación dos Premios Morales
Bierzo comarca
Diario de León
La nueva crónica
infobierzo
o portal da SXPL
Sobre o decálogo Novos Espazos para o Galego no Bierzo en El Eco del Bierzo
Comentarios (0) - Categoría: XORNADAS MARTÍN SARMIENTO - Publicado o 10-03-2018 08:45
# Ligazón permanente a este artigo
Programa das X Xornadas Martín Sarmiento



CELEBRAMOS O DÍA DO GALEGO NO BIERZO
Chegamos xa á décima edición das Xornadas Martín Sarmiento en Vilafranca do Bierzo coa esperanza de ir asentando, curso a curso, o Día do Galego nos Centros Docentes do Bierzo. Neste día 9 de marzo centos de alumnos/as vidos de distintos puntos do Bierzo presumen de cultura e identidade. Temos a certeza de que máis aló das aulas este sentimento serán quen de llo contaxiar a outros sectores da sociedade berciana que perciben que vai sendo hora de arroupar o acordo de Promoción da Lingua Galega que leva 16 anos aplicándose e reclama un novo pulo.

NA PROCURA DE NOVOS ESPAZOS PARA O GALEGO NO BIERZO

Debemos ir dando pasos firmes para superar a falta de Planificación e Dinamización lingüística, como reclama o Comité de Expertos para a Carta europea das linguas rexionais e minoritarias do Consello de Europa. É o momento de que a administración local e comarcal, os medios de comunicación bercianos, as entidades culturais asuman un maior compromiso coa lingua que nos confire personalidade.

A Comisión Cultural “Martín Sarmiento” de Vilafranca, coa participación da Real Academia Galega, as autoridades educativas autonómicas, alcaldes do Bierzo e o seu Consello Comarcal entre outros entes bercianos preocupados pola perda de galego-falantes cremos necesario incorporar novas iniciativas, xunto ao importantísimo labor educativo, para fortalecer o uso da nosa fala onde habitualmente é utilizada, mellorar o actual Programa de Promoción nos centros escolares e abrir novos espazos para o galego na comarca.

Programa do Día do Galego nos centros docentes do Bierzo. Venres 9 de marzo 2018, Vilafranca do Bierzo.

1.ª SESIÓN:
9,30 h. APERTURA DO INTERCAMBIO DE SECUNDARIA:
ITINERARIO DIDÁCTICO NA VILA DE SARMIENTO: Intercambio Escolar dos IES do Bierzo en diferentes espazos da vila natal de Sarmiento.Están presentes a totalidade dos alumnos/as do Programa de SECUNDARIA dos centros:
IES Padre Sarmiento (Vilafranca)
IES Bergidum Flavium (Cacabelos)
IES Europa (Ponferrada)
IES Virgen de la Encina. (Ponferrada)
Alumnos/a Galego del EOI de Ponferrada.
11,30 h.: Intervención das autoridades presentes do Consello comarcal, da Xunta de Galicia e da Junta Castilla y León.


2.ª SESIÓN: TEATRO VILAFRANQUINO
“ENRIQUE GIL Y CARRASCO”

11,00 APERTURA DA SESIÓN DE PRIMARIA:
- Espectáculo RADIO BULE-BULE de PACO NOGUEIRAS. Esta actuación musical está subvencionada pola Secretaría Xeral de Política Lingüística da Consellaría de Educación e Ordenación Universitaria da Xunta de Galicia.

Asisten alumnos/as dos centros de PRIMARIA de:
CEIP San Lorenzo de Brindis de Vilafranca,
CEIP da Quinta Angustia de Cacabelos,
CEIP Valentín García Yebra de Ponferrada,
CEIP Compostilla de Ponferrada,
CEIP Jesús Maestro de Ponferrada,
CEIP San Ildefonso de Camponaraia,
CEIP Virgen del Carmen de Ponferrada,
CEIP Toral de Merallo,
CEIP M.L.Ucieda de Toral dos Vados,
CRA Carucedo,
CRA Cubillos do Sil,
CRA Ximena Muñiz de Corullón,
CRA Ponte de Domingo Flórez,
Colexio Divina Pastora Vilafranca.

12:30h. Intervención das autoridades presentes: Alcalde de Vilafranca, Consello Comarcal, Xunta de Galicia e da Junta de Castilla y León.


SESIÓN DE TARDE 9 de marzo
TEATRO VILAFRANQUINO
“ENRIQUE GIL Y CARRASCO”

16:30 h. MESA DE DEBATE: As arelas de Sarmiento.
Trátase dun encontro para abordar un seguimento das propostas realizadas o ano pasado nestas mesas de traballo e concretar novos compromisos de cara ao 2018 e o galego no Bierzo como poden ser:
- Establecemento de acordos coas administraciois locais e o Consello Comarcal, RAG, Xunta e Junta de Castela e León.
- Convocatoria do Concurso ANTONIO FERNÁNDEZ MORALES.
- Proposta de cambios nas Xornadas Sarmiento.
- Proseguir coa dinamización da Exposición Antonio Fernández Morales e o galego no Bierzo.
Comentarios (0) - Categoría: XORNADAS MARTÍN SARMIENTO - Publicado o 21-02-2018 05:46
# Ligazón permanente a este artigo
Preparando o programa das X XORNADAS SARMIENTO

Comentarios (0) - Categoría: XORNADAS MARTÍN SARMIENTO - Publicado o 10-02-2018 11:37
# Ligazón permanente a este artigo
As familias bercianas apoian o Galego, agora no CRA DE CUBILLOS
A raíz das Xornadas Sarmiento deste ano saltou esta nova en prensa que segue xerando titulares. Esta apoio das familias a un programa de Promoción do galego vai medrando e temos que manifestar a nosa satisfación de colgar titulares que son positivos e que evidencian que os bercianos/as manteñan un interese claro pola fala e a cultura propias, sabendo que a súa introdución nos centros do ensino pode contribuír tamén a afianzar dereitos lingüísticos que temos e portas abertas ao futuro laboral dos seus fillos/as.

Titular de hoxe no Diario de León.
Comentarios (0) - Categoría: XORNADAS MARTÍN SARMIENTO - Publicado o 03-04-2017 16:55
# Ligazón permanente a este artigo
Dignidade e identidade, á raíz das Xornadas
Sorprendeunos e conmoveunos gratamente un artigo de opinión que circula pola rede estes días, tras da celebración das IX Xornadas Sarmiento. Recomendamos encarecidamente a súa lectura e un pequeno exercicio de reflexión sobre o pasado, pero tamén sobre o futuro do galego no Bierzo que é inevitable tras ler o texto. Pedímoslle á autora, Raquel González Pol, de inmediato podelo reproducir neste blog e eiquí o deixamos: Chapurreando . Graciñas Raquel.
Comentarios (0) - Categoría: XORNADAS MARTÍN SARMIENTO - Publicado o 29-03-2017 21:27
# Ligazón permanente a este artigo
CELEBRADAS AS IX XORNADAS MARTÍN SARMIENTO

Onte 14 de marzo foron realizadas as IX Xornadas Martín Sarmiento que inauguraban tamén as celebraciois do bicentenario de Antonio Fernández Morales. O Día do galego nos centros escolares do Bierzo volveu a ser un éxito en canto á participación.

O alumnado de Primaria de 13 centros bercianos onde se imparte o Programa de promoción do galego colgaron no teatro e nas rúas centrais de Vilafranca os seus traballos, unha interpretación plástica sobre os versos dos Ensaios poéticos en dialecto berciano. Serían os alumnos e alumnas de Secundaria os encargados de dramatizar distintos poemas: O Fiandón da aldea, Vilafranca e a Vendima, A Ponferrada,O Entroido...







mesmo alumnos da Escola Oficial de Idiomas realizaron unha lectura teatralizada do poema Na Volta da sega.


Podemos visualizar unha crónica na canle BIERZOTV

Logo chegaron os anuncios da realización dunha Exposición sobre o autor e o galego no Bierzo que percorrerá distintas vilas da comarca berciana e os discursos das autoridades educativas presentes Jesús Hurtado Olea da Consejería de Educación da Junta de Castilla y León e o Secretario Xeral de Política Lingüística da Xunta de Galicia que confirmaron a intención de ampliar a oferta do galego para o centro de Cubillos do Sil.

Así aparece recollido na propia páxina oficial da Secretaría Xeral de Política Lingüística da Xunta que subvencionou a actuación das Cantarolas para xente miúda de Senén Baamonde en Bierzo diario

Tamén se fixo eco do evento o diario La nueva Crónica
Comentarios (0) - Categoría: XORNADAS MARTÍN SARMIENTO - Publicado o 15-03-2017 06:13
# Ligazón permanente a este artigo
CONVOCADAS E EN MARCHA AS IX XORNADAS MARTÍN SARMIENTO

Este ano vanse celebrar o próximo día 14 de marzo a causa da folga de ensino que está convocada para o día 9 de marzo, cando habitualmente celebramos o Día do Galego nos centros de ensino do Bierzo, dado que é a data na que naceu Sarmiento en Vilafranca do Bierzo.

Este curso ademais estamos de celebración por dous motivos que son o Bicentenario de Antonio Fernández Morales, que esperamos ir enchendo de actividades a partir deste mes de marzo, e os 15 anos de introdución do Programa de galego nos colexios e institutos doe Bierzo e a Seabra.

Os intercambios escolares terán logo como fío condutor ao propio autor dos Ensaios poéticos en dialecto berciano coas dramatizacois que xa preparan os alumnos/as de Secundaria e distintas recreaciois dos seus versos en traballos de plástica que xa están pintando os alumnos/as de Primaria.

Un obxectivo central das Xornadas abordar os problemas que presenta o galego no Bierzo procurando unha serie de actuaciois que repercutan na súa reivindicación e conservación, de aí que na presente edición realicemos un seguimento do catálogo de propostas que baixo o título: Novos espazos para o galego no Bierzo, comezamos a vertebrar o ano pasado tanto no eido do ensino como tamén da administración a cultura e os medios de comunicación bercianos. Este ano o Bicentenario de Morales debe permitir avanzar de forma substancial nas medidas de promoción do galego máis aló dos centros escolares, algo vital para frear a perda de falantes de galego na comarca.


PROGRAMA DAS IX XORNADAS MARTÍN SARMIENTO

ANTONIO FDEZ. MORALES E O GALEGO NO BIERZO

O bicentenario do cantor do Bierzo en galego, Antonio Fernández Morales que comezamos a celebrar nas IX Xornadas Martín Sarmiento sempre é un bo momento para realizar unha reflexión colectiva sobre unha das metas deste autor, meta na que coincide ademais plenamente con Sarmiento. Referímonos á reivindicación da lingua na que ambos escribiron. É por iso de destacar que serán escolares de todo o Bierzo os que o celebren primeiro no Día do Galego nos centros docentes do Bierzo coincidindo cos 15 anos do comezo deste Programa de Promoción no Bierzo.

CREANDO NOVOS ESPAZOS PARA
O GALEGO NO BIERZO

A situación da lingua galega no Bierzo evidencia unha falta de Planificación e Dinamización lingüística necesarias como reclama o Comité de Expertos para a Carta Europea das linguas Rexionais e minoritarias do Consello de Europa.
Nas últimas ediciois nas sesiois da tarde destas Xornadas, que organiza a Comisión Cultural “Martín Sarmiento” de Vilafranca, coa participación da Real Academia galega, as autoridades educativas autonómicas, alcaldes del Bierzo e o Consello Comarcal entre outros entes bercianos preocupados pola perda de galego-falantes redactamos un catálogo de propostas para fortalecer o uso da nosa fala onde habitualmente é utilizada, mellorar o actual programa de Promoción nos centros escolares e abrir novos espazos para o galego na comarca que pretendemos impulsar á calor deste 2017, ano do Bicentenario de Morales.

Día Programa do Galego nas escolas do Bierzo.
martes 14 de marzo 2017, Vilafranca do Bierzo.
1ª SESIÓN: TEATRO VILAFRANQUINO
“ENRIQUE GIL Y CARRASCO”
9,30h. APERTURA DO INTERCAMBIO DE SECUNDARIA
Saúdo do Alcalde de Vilafranca.
DRAMATIZACIÓN DE TEXTOS DE FERNÁNDEZ MORALES realizadas polos alumnos/as do Programa de Promoción de galego con motivo do Bicentenario do autor dos Ensaios poéticos en dialecto berciano (1861).
IES Padre Sarmiento (Vilafranca)
IES Bergidum Flavium (Cacabelos)
IES Europa (Ponferrada)
IES Virgen de la Encina. (Ponferrada)
Alumnos/a Galego da EOI de Ponferrada.

10:10 h. Presentación da EXPOSICIÓN DIDÁCTICA: Antonio Fernández Morales e o galego no Bierzo. Trátase dunha exposición deseñada para coñecer mellor o contexto e contribución do autor á historia da lingua galega no Bierzo e a súa reivindicación como autor do movemento literario do Rexurdimento.
10,30 h.: Intervención das autoridades presentes do Consello Comarcal, da Xunta de Galicia e da Junta Castilla y León.

2ª SESIÓN:
11,00h. APERTURA DA SESIÓN DE PRIMARIA:
- Actuación musical "Cantarolas para xente miúda" de Senén Vaamonde subvencionada pola Secretaría Xeral de Política Lingüística da Consellaría de Cultura, Educación e Ordenación Universitaria da Xunta de Galicia.
Asisten alumnos/as dos centros de PRIMARIA de:
CEIP San Lorenzo de Brindis de Vilafranca,
CEIP da Quinta Angustia de Cacabelos,
CEIP Valentín García Yebra de Ponferrada,
CEIP Compostilla de Ponferrada,
CEIP Jesús Maestro de Ponferrada,
CEIP San Ildefonso de Camponaraia,
CEIP Virgen del Carmen de Ponferrada,
CEIP Toral de Meraio,
CEIP M.L.Ucieda de Toral dos Vados,
CRA Carucedo,
CRA Jimena Muñiz de Corullón,
CRA Puente de Domingo Flórez,
Colexio Divina Pastora de Vilafranca.

12,40 h.Breve intervención das Autoridades educativas presentes do Consello Comarcal, da Xunta de Galicia e da Junta de Castilla y León.

SESIÓN DE TARDE (14 de marzo)
TEATRO VILAFRANQUINO
“ENRIQUE GIL Y CARRASCO”

16,30 h. MESA DE DEBATE: As arelas de Sarmiento.
MESA DE TRABALLO: SEGUIMENTO DO CATÁLOGO DE PROPOSTAS DE PLANIFICACIÓN E DINAMIZACIÓN: NOVOS ESPAZOS PARA O GALEGO NO BIERZO. Contaremos coa presenza e asesoramento da Real Academia Galega.

1-EDUCACIÓN: Representantes da Secretaria Xeral de Política Lingüística da Xunta de Galicia, Consejería de Educación de la Junta de Castela e León, docentes e directores dos centros e Comisión Cultural.
2- ADMINISTRACIOIS: ALCALDES DO BIERZO OESTE E PRESIDENTE DO CONSELLO COMARCAL.
3- CULTURA: COLECTIVOS CULTURAIS DO BIERZO.
4- MEDIOS DE COMUNICACIÓN: Periodistas e medios de comunicación da comarca.
5- LITERATURA: Editores e escritores do Bierzo.
HORARIO PREVISTO:
16,30- Intervencións previas e debate.
17,30- Presentación de propostas do catálogo: Novos espazos para o galego no Bierzo para o presente ano 2017 no Bicentenario de Antonio Fernández Morales.

Comentarios (0) - Categoría: XORNADAS MARTÍN SARMIENTO - Publicado o 22-02-2017 06:47
# Ligazón permanente a este artigo
A XORNADA SARMIENTO: Un ano máis, un paso máis
Onte celebrouse a VIII edición da Xornadas Martín Sarmiento en Vilafranca do Bierzo, coincidindo co día no que naceu nesta vila berciana, celebrouse un ano máis o Día do Galego nos centros escolares do Bierzo. Xuntáronse con ese motivo no Teatro de Vilafranca, en primeiro lugar, a totalidade dos alumnos/as de Secundaria do Bierzo e unha representación da Escola Oficial de Idiomas de Ponferrada, para levar a cabo traducir e interpretar poemas de Antonio Pereira. Unha colaboración coa Fundación Antonio Pereira permitiu que cada un dos alumnos levase un exemplar do libro deste autor Contos da Cábila na súa versión en galego. Houbo tamén unha actuación teatral titulada Sarmiento no Día do galego nos centros escolares do Bierzo que representou o grupo de teatro vilafranquino "Voladores" baixo a dirección de Sara Ortiz.

A media mañá deu comezo unha segunda sesión coa representación dun numeroso grupos de alumnos/as de Primaria dos 12 centros deste nivel de ensino onde se imparte Programa de Promoción do Galego que asistiron a un evento lúdico con Pablo Díaz e a súa banda unha catividade subvencionada pola Secretaría Xeral de Política Lingüística da Xunta de Galicia.

Precisamente as autoridades educativas de Galicia e da Castela e León presentes durante toda a xornada fixeron fincapé na importancia de mellorar o Programa para lograr o seu asentamento e unha contribución a frear a perda de falantes de galego no Bierzo. Tamén se pronunciaron neste sentido o Alcalde de Vilafranca e o Presidente do Consello Comarcal do Bierzo presentes nos actos.

Durante a sesión da tarde, a Mesa de traballo que leva o nome: "as arelas de Sarmiento", propúxose realizar un catálogo de propostas para unha normalización do galego na comarca, potenciando os vellos e abrindo novos espazos para a lingua máis aló do eido da educación. Unha das propostas que maior ilusión e expectación está provocando é a da Candidatura para o Día das Letras Galegas do ano 2017 para Antonio Fernández Morales coincidindo co seu Bicentenario.


Imos ir deixando distintos enlaces coa repercusión mediática que estas Xornadas espertaron:

No bierzodiario que tamén informa sobre a candidatura de Morales


no Diario de León outra noticia

na nueva crónica

outra referencia


Infobierzo

en bierzonoticias, unha reportaxe sobre os intercambios escolares e tamén sobre a candidatura de Morales

na Voz de Galicia neste xornal xa aparecera o propio día 9 esta nova que saíu en todas as ediciois para toda Galicia.

tamén na voz de Galicia

elbierzodigital, tamén estoutra

bierzotv

en Galiciaconfidencial

en sermos

na rtvcyl



Comentarios (0) - Categoría: XORNADAS MARTÍN SARMIENTO - Publicado o 10-03-2016 09:50
# Ligazón permanente a este artigo
CONVOCADAS AS VIII XORNADAS MARTÍN SARMIENTO
A DIVERSIDADE LINGÜÍSTICA GARANTÍA DA RIQUEZA PATRIMONIAL

As VIII Xornadas Martín Sarmiento realizan de novo unha convocatoria na que, en sesión de mañá, se porán en común diversas experiencias escolares baixo o lema “A diversidade Lingüística, garantía da riqueza patrimonial”.

Acudirán escolares de todo o Bierzo a celebrar o Día do Galego nos centros docentes do Bierzo, o 9 de marzo día no que naceu o Padre Sarmiento en Vilafranca. Destacamos entre outras iniciativas a que froito da colaboración coa Fundación Antonio Pereira denominamos “Antonio Pereira en galego”.

NOVOS ESPAZOS PARA
O GALEGO NO BIERZO


Nas dúas últimas ediciois destas Xornadas, que organiza a Comisión Cultural “Martín Sarmiento” de Vilafranca, mantivemos varios debates coas autoridades educativas e con distintos alcaldes e entes bercianos preocupados pola perda de falantes de galego no Bierzo dos que ten participado mesmo a Real Academia Galega.

A situación da lingua galega no Bierzo evidencia unha falta de Planificación e Dinamización lingüística necesarias como acaba de certificar o Comité de Expertos para a Carta Europea das linguas Rexionais e minoritarias do Consello de Europa.

A presente edición pretende proseguir co debate, pero á vez redactar un catálogo de propostas para facer fortalecer o uso da nosa fala onde habitualmente é utilizada, mellorar o actual programa de Promoción nos centros escolares e abrir novos espazos para o galego na comarca.

PROGRAMA DE ACTOS do Día Programa do Galego nas escolas do Bierzo, mércores 9 de marzo 2016, Vilafranca do Bierzo.

1ª SESIÓN: TEATRO VILAFRANQUINO
“ENRIQUE GIL Y CARRASCO”


9,30 h. APERTURA DOS INTERCAMBIOS DE SECUNDARIA:
Saúdo do Alcalde de Vilafranca.

EXPOSICIÓN DOS TRABALLOS DE SECUNDARIA: ANTONIO PEREIRA EN GALEGO. Intercambio Escolar dos IES do Bierzo, un pequena exposición que realiza cada centro que participa no Programa de galego no Bierzo. Están presentes a totalidade dos alumnos/as do Programa de Promoción de SECUNDARIA dos centros:

IES Padre Sarmiento (Vilafranca)
IES Bergidum Flavium (Cacabelos)
IES Europa (Ponferrada)
IES Virgen de la Encina. (Ponferrada)
Alumnos/a Galego da EOI de Ponferrada.

10:00 h: Sarmiento no Día do Galego no Bierzo. Grupo de teatro “Voladores” de Vilafranca dirixido por Sara Ortiz.
10,30 h.: Intervención das autoridades presentes do Consello Comarcal, da Xunta de Galicia e da Junta Castilla y León.

2ª SESIÓN:
11,00h: . APERTURA DOS INTERCAMBIOS DE PRIMARIA .
- Actuación de PABLO DÍAZ e a BANDA TIC TAC TOC, subvencionada pola Secretaría Xeral de Política Lingüística da Consellaría de Cultura, Educación e Ordenación Universitaria da Xunta de Galicia.
Asisten alumnos/as dos centros de PRIMARIA de:

CEIP San Lorenzo de Brindis de Vilafranca,
CEIP da Quinta Angustia de Cacabelos,
CEIP Valentín García Yebra de Ponferrada,
CEIP Compostilla de Ponferrada,
CEIP Jesús Maestro de Ponferrada,
CEIP San Ildefonso de Camponaraia,
CEIP Virgen del Carmen de Ponferrada,
CEIP Toral de Meraio,
CEIP M.L.Ucieda de Toral dos Vados,
CRA Carucedo,
CRA Jimena Muñiz de Corullón,
CRA Puente de Domingo Flórez,
Colexio Divina Pastora de Vilafranca.

12,40 h.Breve intervención das Autoridades educativas presentes do Consello Comarcal, da Xunta de Galicia e da Junta de Castilla y León.

SESIÓN DE TARDE (9 de marzo)
TEATRO VILAFRANQUINO
“ENRIQUE GIL Y CARRASCO”


16,30 h. MESA DE DEBATE: As arelas de Sarmiento.
MESAS DE TRABALLO PARA UN CATÁLOGO DE PROPOSTAS DE PLANIFICACIÓN E DINAMIZACIÓN: NOVOS ESPAZOS PARA O GALEGO NO BIERZO.

1-EDUCACIÓN: Representantes de SXPL, CASTILLA Y LEÓN, MESTRES, PROFESORES, ALUMNOS E DIRECTORES/ Comisión Cultural.
2- ADMINISTRACIOIS: ALCALDES DO BIERZO OESTE E PRESIDENTE DO CONSELLO COMARCAL.
3- CULTURA: ASOCIACIÓNS E COLECTIVOS CULTURALES DO BIERZO.
4- MEDIOS DE COMUNICACIÓN: Periodistas e medios de comunicación da comarca.
5- LITERATURA: Editores e escritores do Bierzo.

HORARIO PREVISTO:
16,30 - 17,30 Intervenciois previas.
17,30 - 18,30 Mesas de traballo do catálogo.
19,00- Redacción das propostas, prazos e revisión do mesmo.
19,30-20,00 Presentación do Catálogo de propostas: Novos espazos para o galego no Bierzo.

Anuncio do evento na páxina da Secretaría Xeral de Política Lingüística da Xunta de Galicia que colabora economicamente para que a Xornadas se leven a cabo.
Comentarios (0) - Categoría: XORNADAS MARTÍN SARMIENTO - Publicado o 25-02-2016 18:17
# Ligazón permanente a este artigo
Constituída a Comisión preparatoria da Mesa deTraballo das VIII Xornadas Martín Sarmiento.
Onte 30 de xaneiro quedou constituída a Comisión preparatoria para a realización dunha Mesa de Traballo que terá lugar o próximo 9 de marzo en Vilafranca do Bierzo con motivo da celebración das VIII Xornadas Martín Sarmiento (2016).

Ademais da celebración do Día Escolar do Programa do Galego no Bierzo, cos habituais intercambios de experiencias de centros de Primaria e Secundaria na presente edición tentarase darlle continuidade a unhas propostas de Dinamización Lingüística que nos comprometeramos a abordar en anteriores ediciois das Xornadas para o Bierzo que compaxinen a creación de novos espazos e a conservación dos usos tradicionais da fala galega na comarca.

A Comisión preparatoria, ademais de confirmar a data do 9 de marzo para a publicación dun primeiro Catálogo de propostas, acordou fixar unha nova data de reunión(a do 20 de febreiro) coa finalidade de ampliar a convocatoria dos participantes que logo intervirán no debates e concretar os contidos a debater nesa Mesa de Traballo das VIII Xornadas Martín Sarmiento para Novos espazos para o galego no Bierzo e que contaría en principio con cinco apartados:

1-Educación:Co obxectivo de mellorar o Programa de Promoción do Galego nos centros do Bierzo.

2-Cultura:Asentar circuitos culturais en galego con carácter descentralizado e permanente.

3- Literatura:Procurar a edición de novos materiais en galego.Preparación do Bicentenario do nacemento de Antonio Fernández Morales.

4- Medios de Comunicación:Procurar a presenza nos medios comarcais (radio, prensa,tv).

5- Administracióis locais, comarcais e autonómicas coas que concretar medidas específicas de planificación e dinamización lingüística no Bierzo.



Comentarios (0) - Categoría: XORNADAS MARTÍN SARMIENTO - Publicado o 31-01-2016 14:29
# Ligazón permanente a este artigo
1 [2] [3] [4]
© by Abertal