O FALAR NON TEN CANCELAS


ENDL IES Lagoa de Antela

O meu perfil
 CATEGORÍAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

DÍPTICO SOBRE UXÍO NOVONEYRA
Confeccionamos este díptico para agasallar a comunidade educativa.


Comentarios (0) - Categoría: LETRAS GALEGAS - Publicado o 15-05-2010 20:22
# Ligazón permanente a este artigo
SOBRE O ENSAIO DO RECITAL DAS LETRAS

Esquecíaseme dicir que esta escena corresponde en realidade a un ensaio para o recital das Letras, a xente está a musicar o poema "Letanía de Galicia" e a encontrar as voces e coros adecuados.
Comentarios (0) - Categoría: LETRAS GALEGAS - Publicado o 15-05-2010 16:23
# Ligazón permanente a este artigo
VÍDEO PROPIO SOBRE UXÍO NOVONEYRA

Por fin o noso vídeo sobre Uxío Novoneyra! Tivemos que fragmentalo para non rebaixar en exceso a calidade.
Grazas ás alumnas do club de lectura de 1º de BAC que quedaron o mediodía do luns(Beatriz, Úrsula, Isabel, Mirian e Noelia), ao polifacético Pablo e aos músicos Cristian e Miguel.
Esquecemos especificar que unha peza musical "roubámoslla" a Carlos Núñez e que as imaxes da Guerra Civil están baixadas da rede.








Comentarios (0) - Categoría: LETRAS GALEGAS - Publicado o 15-05-2010 16:15
# Ligazón permanente a este artigo
PRESENTACIÓNS DIVERSAS PARA AS LETRAS GALEGAS
IES Arzúa



IES Elviña



IES de Fene



CEIP de Andrade – Pontedeume


Comentarios (0) - Categoría: LETRAS GALEGAS - Publicado o 15-05-2010 15:39
# Ligazón permanente a este artigo
VÍDEO SOBRE UXÍO NOVONEYRA
A través da Coordinadora dos ENDL chéganos este vídeo sobre o poeta d'O Courel.

Os traballos e os días de Uxío Novoneyra from Coordinadora Galega ENDL on Vimeo.

Comentarios (0) - Categoría: LETRAS GALEGAS - Publicado o 11-05-2010 23:45
# Ligazón permanente a este artigo
PROGRAMA LETRAS GALEGAS 2010
O xogo test web sobre Uxío Novoneyra atópase na nosa sección de normalización da páxina web.

Comentarios (0) - Categoría: LETRAS GALEGAS - Publicado o 11-05-2010 07:00
# Ligazón permanente a este artigo
POEMA DE UXÍO NOVONEYRA NA SÚA VOZ
A través desta videomontaxe chéganos a voz de Uxío Novoneyra. Na súa páxina web poderedes atopar todo tipo de información: poemas, vídeos, fotos, gravados...

Comentarios (0) - Categoría: LETRAS GALEGAS - Publicado o 10-05-2010 22:37
# Ligazón permanente a este artigo
O IES PINTOR COLMEIRO NUN VIDEOCLIP DE GALEGUIDADE
Magnífica manifestación de galeguidade do IES Pintor Colmeiro de Silleda, parabéns aos promotores da idea.

Comentarios (0) - Categoría: NOVAS DE INTERESE - Publicado o 07-05-2010 17:47
# Ligazón permanente a este artigo
desconxeLE: interesante campaña de fomento da lectura
Reverso Comunicación Cultura e Lingua desenvolve con 2.0 Editora esta campaña de fomento da lectura dirixido a mediadores de lectura (libreiros, bibliotecarios, docentes etc., principais estimuladores do hábito lector
.

Comentarios (0) - Categoría: CAMPAÑAS - Publicado o 06-05-2010 10:43
# Ligazón permanente a este artigo
MAIO: MES DAS LETRAS
Comentarios (0) - Categoría: LETRAS GALEGAS - Publicado o 05-05-2010 08:59
# Ligazón permanente a este artigo
POEMA DE ROSALÍA PARA INICIAR O MES DAS LETRAS
Isabel, Uxía, Noelia e Beatriz elaboraron este vídeo. A voz corresponde á profesora de Bioloxía Mar Fernández.



Comentarios (0) - Categoría: CREACIÓNS ALUMNADO - Publicado o 03-05-2010 07:43
# Ligazón permanente a este artigo
O GALEGO no mundo
O galego tamén se aprende fóra de Galicia. En Croacia e Xapón temos dous exemplos. Chegamos a eles a través do blog amigo A ghaivota, do Monte Carrasco.




Comentarios (1) - Categoría: VARIOS - Publicado o 02-05-2010 09:59
# Ligazón permanente a este artigo
RECIBIMOS A XENTE DO IES MONTE CARRASCO DE CANGAS
Tocounos recibir o profesorado e alumnado do IES Monte Carrasco de Cangas, agardábase un día de calor e foi lume. Ás 10:30 chegou o bus do Morraso ao instituto e deste, sen demora, para Lodoselo, ao CDR O Viso. Alí, primeiro fixemos pan da maneira tradicional no forno comunal: amasamos, seguimos o ritual, responsos incluídos, e elaboramos o noso boliño personalizado. Para socializar compartimos xogos populares:a porca, a ra, os zancos, o lanzamento de boina, o aro, o escachaovos ás cegas…, só faltou o saching, e iso que había un por alí... Logo dun refrixerio os monitores someteron o alumnado a unha proba de supervivencia, catro grupos armados de búsolas, papel e bolígrafo emprenderon un xogo de orientación a pleno sol que rematou no monte-aula da natureza que alberga máis de 100 especies de árbores. De alí a Xinzo, visita brevísima que nos custou unhas olladas de reproche, e de Xinzo a Sandiás, á Casa da Lagoa, onde viaxamos no tempo e navegamos metaforicamente pola lagoa, recollemos o beón e habitamos as palafitas, que frescura para tanta calor!
Tempo de despedida, promesas de volverse ver e caras compunxidas, as separacións sempre son traumáticas.
Esperamos de todo corazón que o pasaran ben e aprenderan algo da vida do rural como nós aprendemos da vida mariñeira. Se cadra o curso vindeiro consolidamos esta relación…, que se Entroido, que se algunha viaxe compartida…, quen sabe!
Ata logo, Cangas!!


Comentarios (1) - Categoría: INTERCAMBIOS E CONTACTOS - Publicado o 27-04-2010 19:59
# Ligazón permanente a este artigo
23 DE ABRIL: DÍA DO LIBRO
Mira e escoita! Un rap dedicado ao libro.

Comentarios (0) - Categoría: DATAS PARA NON ESQUECER - Publicado o 23-04-2010 11:05
# Ligazón permanente a este artigo
UNHA XORNADA CON LEO CALDAS E DOMINGO VILLAR EN PANXÓN
“O inspector Leo Caldas saíu do taxi e saltou por riba das pozas ata a beirarrúa.”

Así comeza a novela A praia dos afogados de Domingo Villar, o indiscutible éxito da literatura galega que dende o verán pasado segue superando recordes. O luns desprazámonos en dous autobuses a Panxón para escoitar unhas palabras do autor e percorrer o itinerario da novela. Gozamos das vistas de Monteferro, sentimos as voces dos afogados na praia da Madorra, admiramos a o Templo Votivo do Mar, unha marabilla modernista de Antonio Palacios, e paseamos polo porto pesqueiro de Panxón. Algúns mesmo se armaron de valor e mergulláronse na praia recollida da vila, libre de turistas. O itinerario foi amenizado por Ana, unha actriz que escenificou con algúns alumnos partes da novela. Recoñecemos o talento de Pablo, Anxo, Manuel Quelle, Miguel García e Iván que formaron parte da farándula e gozaron sendo protagonistas literarios.
Na praia da Medorra tiven a oportunidade de charlar cunha señora de idade que se sumou, curiosidade espertada por tanta adolescencia xunta, á turba. Contoume que ela encontrara un afogado había non moito, só trinta anos, e que a esa praia ían parar moitos mariñeiros estranxeiros porque bebían e iso provocaba que se descontrolasen e perdesen o siso, chocando coas rochas que rodean as Illas Estelas. Curioso o destino, o azar traste que nos depara sorpresas.
Quizais o misterio da relación con Alba se resolva na 3ª parte das andanzas de Leo caldas e Rafael Estévez, o aragonés que xa comeza a entender a forma de ser dos galegos. Agardámola impacientemente!


Comentarios (1) - Categoría: VISITAS E ENCONTROS - Publicado o 14-04-2010 21:57
# Ligazón permanente a este artigo
CONCURSO LINGUA DE AMOR

O Consello da Xuventude de Galicia (CXG), a través do seu Servizo de Normalización Lingüística, puxo en marcha a IV.ª edición de Lingua de amor, o concurso de cancións e declaracións de amor en galego a través da internet.


Lingua de amor ten como obxectivo principal estender o uso do galego como lingua habitual entre a xente moza nas súas comunicacións a través da rede.


Establécense dúas modalidades de participación: declaracións e cancións de amor.

Os premios serán os seguintes:




Modalidade 1: declaracións de amor en galego a través da rede

Categoría A (de 14 a 19 anos):
1.º Un computador portátil Netbook
2.º Unha consola Nintendo DSI XL
3.º Unha cámara de fotos dixital

Categoría B (de 20 a 35 anos):
1.º Un computador portátil Netbook
2.º Unha cámara de vídeo dixital
3.º Unha consola Nintendo DSI XL

Modalidade 2: cancións de amor en lingua galega
1.º Un computador portátil Netbook
2.º Un iPod de 3.ª xeración
3.º Unha consola Nintendo DSI XL

Para participar no concurso só hai que rexistrarse na páxina www.linguadeamor.eu.
O prazo permanecerá aberto ata o 28 de maio de 2010 e para as votacións será do 29 de maio ata o 6 de xuño de 2010

Comentarios (0) - Categoría: CONCURSOS - Publicado o 13-04-2010 12:45
# Ligazón permanente a este artigo
MARÍA YÁÑEZ E EUFALO.TV
María Yáñez, autora xunto con Mónica Ares do documental Linguas cruzadas, presentou o espazo web de EuFalo.TV., un espazo colaborativo sobre a lingua e os falantes.


Aquí tedes o vídeo promocional

Comentarios (0) - Categoría: NOVAS DE INTERESE - Publicado o 13-04-2010 07:16
# Ligazón permanente a este artigo
CONCURSO LETRAS GALEGAS

Comentarios (0) - Categoría: CONCURSOS - Publicado o 11-04-2010 22:54
# Ligazón permanente a este artigo
CANTIGA DE ESCARNIO EN VÍDEO
Esta recreación audiovisual dunha cantiga de escarnio é unha xoia. Estes alumnos de 1º B de Bacharelato (Cristian, José, Anxo e Miguel) son uns artistas. Chapeau! Ou xapó!


Comentarios (5) - Categoría: CREACIÓNS ALUMNADO - Publicado o 09-04-2010 10:52
# Ligazón permanente a este artigo
OS CANS ALIENÍXENAS DE NOVO EN ACCIÓN
Adolfo, Ana, Pablo,Valentina e colaboradores noutro episodio desta serie. Parece que un dos cans xa vocaliza mellor. Noutros planetas tamén se aprende galego!




Comentarios (0) - Categoría: CREACIÓNS ALUMNADO - Publicado o 29-03-2010 12:54
# Ligazón permanente a este artigo
PREMIOS MARÍA CASARES DE TEATRO: BEGOÑA MUÑOZ SAÁ OBTÉN O PREMIO Á MELLOR ADAPTACIÓN POL'A ESMORGA

O teatro galego viviu onte a súa noite de gala. O teatro Rosalía de Castro de Santiago foi o escenario escollido para facer entrega dos premios do mundo da farándula.
Begoña Muñoz Saá, unha boa amiga que ten visitado o noso centro e que cada ano nos achega as súas creacións e adaptacións teatrais, levou o premio á mellor adaptación de texto. O traballo foi realizado conxuntamente con Carlos Couceiro, tristemente falecido, sobre a novela de Eduardo Blanco-Amor hai trece anos, e foi levado á escena pola compañía ourensá Sarabela.
Para saber máis pinchar aquí.

Como homenaxe a esta dramaturga reproducimos parte da entrevista que lle realizou o noso alumnado hai catro anos. Noraboa, Begoña, tíñalo ben merecido!

Begoña Muñoz Saá, dramaturga e profesora de Lingua e Literatura Galegas e Teatro no IES Otero Pedrayo de Ourense, visitounos o 16 de maio para dar unha interesante e amena charla sobre “O feito teatral”. Despois dunha sesión interactiva, chea de descubrimentos e risoterapia, foi entrevistada por alumnas e alumnos de 4º da ESO. Contestou amablemente as preguntas de Susana, Lucía, Clara, Yéssica, Cristian, Zurine, Borja, Rocío…

ENTREVISTA

P- Que lle gusta máis, dar clases de teatro ou escribir?

R- A min encántame dar clases, gústame mogollón porque me parece un privilexio. Non noto que pasa a idade por min, porque vós tedes 16 anos sempre, e aínda que se vai distanciando a idade do alumnado e a miña eu non o noto, a min dáme a sensación de que estou na plena xuventude sempre, non noto o paso do tempo. A min dóeme moitísimo a cabeza e cando entro en clase pásame a dor; teño preocupacións, problemas e desaparecen nas aulas.

P- Como imparte as clases de teatro?

R- Os tres primeiros meses, ata decembro, facemos traballo de cohesión de grupo, poñemos un pouco a ton a voz, a expresión corporal, traballamos movemento en escena, sentimentos, etc; logo participamos en todas as conmemoracións do centro, por exemplo, o Día da Muller Traballadora, o Día da Paz, e aproveitamos o grupo de teatro para facer performances, ou para desenvolver accións ou para animar un pouco o centro, e logo despois, se nos dá tempo, facemos algo: contacontos, recitado de poesía, pequenas escenas de teatro...,


P- Pensa que o teatro pode ser unha cura ou remedio emocional?

R- Si, o teatro é unha maneira para coñecerte moitísimo, pois cada vez que tes que representar un personaxe tes que facer un estudo de como ese personaxe actuaría. Por exemplo, se ti tes que representar unha persoa que ten SIDA, evidentemente ti non podes enfermar para poder representalo ben pero si que te tes que documentar, igual que para facer de prostituta tes que documentarte. Un bo actor e unha boa actriz teñen que ser, primeiro, uns grandes observadores da realidade e, segundo, teñen que ser unhas persoas moi tolerantes, pois saben perfectamente o que poden sentir as persoas nun momento determinado. Se ás persoas conflitivas, ás que teñen algún tipo de problema social ou un sistema de valores desaxustado, por exemplo, alumnos que son moi machistas, que teñen un desprezo absoluto da muller, se a estes alumnos en teatro lles fas vivenciar o que sente unha muller manipulada ou unha muller desprezada- é horroroso porque se poñen fatal- podes conseguir que se sensibilicen e cambien de actitudes. Estas persoas, que desprezan os homosexuais e lles chaman maricóns, en teatro, mediante as improvisacións, pódeslles facer comprender o que un home homosexual podería sentir nesa circunstancia.

Para ler o resto da entrevista pinchar aquí.
Comentarios (1) - Categoría: NOVAS DE INTERESE - Publicado o 25-03-2010 14:58
# Ligazón permanente a este artigo
CONCURSO OUFF ESCOLA

BASES


1. FINALIDADE DA CONVOCATORIA

O obxectivo desta convocatoria é regular o procedemento de aceptación e participación de proxectos audiovisuais no II Certame de Cinema OUFF Escola convocado polas devanditas entidades.



2. PARTICIPANTES

Poderá participar o alumnado matriculado en centros públicos e privados de ensino non universitario de Galicia durante o curso 2009-2010, así como aqueles de fóra de Galicia que teñan no seu currículo materias de e en lingua galega. A participación realizarase sempre baixo a titoría dun profesor ou profesora responsábel do proxecto.


3. CATEGORÍAS

Estabelécense dúas categorías:

A) Infantil e primaria.

B) Outros niveis de ensino non universitario

Máis información aquí.
Comentarios (0) - Categoría: CONCURSOS - Publicado o 22-03-2010 12:07
# Ligazón permanente a este artigo
VI concurso de fotografía Xurxo Lobato
VI concurso de fotografía Xurxo Lobato

Organizada por:
Asociación de Antigos Alumnos do Instituto de Monelos (A Coruña)
Requisitos:



* Este concurso de fotografía vai dirixido ao alumnado de Educación Secundaria de Galicia.
* Temática libre. As fotografías poden presentarse en branco/negro ou cor e un máximo de tres fotos por participante. O tamaño da obra axustarase a 18 x 24 centímetros e ofrécense tres posibilidades (soporte papel, por correo electrónico a fotomonelos@gmail.com e de teléfonos móbiles.
* Presentación, os autores deberán elixir un pseudónimo e escribilo na parte de atrás de cada foto xunto co seu título, sobre unha etiqueta adhesiva. Introducir nun sobre pequeno un papel cos datos persoais, teléfono de contacto e enderezo do centro escolar. Remitirase todo a: V Concurso de Fotografía Xurxo Lobato, IES Monelos, Rúa Montes, 62. 15009 A Coruña.

Data de inscrición:
ata 14 de abril de 2010

A Asociación de Antigos Alumnos do Instituto de Monelos (A Coruña) convoca unha nova edición do concurso de fotografía Xurxo Lobato, dirixido especialmente a alumnos e alumnas de ensino secundario de Galicia.

Dotación:
1º premio: diploma e 300 euros.
2º premio: diploma e 200 euros.
3º premio: diploma e 100 euros.

O xurado valorará a posibilidade de conceder algunha mención a maiores en función da calidade das obras presentadas.

Información:
fotomonelos@gmail.com
Comentarios (0) - Categoría: CONCURSOS - Publicado o 22-03-2010 12:03
# Ligazón permanente a este artigo
2º PARTE DE OS CANS ALIENÍXENAS
Colgamos a 2ª parte de Os cans alieníxenas, película ideada, producida e dirixida por alumnado de 1º da ESO.


OS CANS ALIENÍXENAS
Comentarios (0) - Categoría: NOVAS DE INTERESE - Publicado o 10-03-2010 11:03
# Ligazón permanente a este artigo
CRÓNICA DA NOSA VIAXE A CANGAS


Os ENDL do IES Monte Carrasco e do IES Lagoa de Antela organizamos un intercambio entre ambos centros. Nunha primeira fase o alumnado cangués e limiao estableceu contacto epistolar para presentarse e contar aspectos relevantes das súas respectivas zonas. A segunda fase supuxo o desprazamento a terras da península d’O Morrazo para coñecerse.
O día 3 de marzo iniciamos a nosa travesía coa chuvia por compañeira, unha chuvia miúda e persistente que parecía querer pór en perigo os nosos plans. Chegamos a Bueu e gozamos visitando o Museo Massó, previa acollida da directora e da coordinadora do ENDL do IES Monte Carrasco, Luz e Begoña. Logo recollemos o alumnado do seu centro, reserva e miradas tímidas no autobús, e visitamos o cruceiro de Hío, onde un divertido xogo de presentación baixo un fino orballo conseguiu identificar visualmente as persoas que se cartearan. Despois recalamos na Costa da Vela onde regalamos os ollos coas vistas e espantamos a choiva con esconxuros fotoxénicos. A choiva liscou! Como xa se nos ía o estómago coa fame atracamos no instituto para xantar. Alí fomos recibidos os profes por medio claustro que nos convidou a deliciosos manxares: empanada, tortilla e torta de mazá. O xeo comezaba a derreterse. Despois do café e unha visita ás dependencias do instituto, subimos a'O Balcón do Rei, un outeiro cunhas vistas de luxo, onde estaba previsto comer se o tempo non o impedise. De alí para Cangas, xa cos raios do deus Sol sobre os nosos corpos. Na vila as alumnas e alumnos autóctonos exerceron de guías do alumnado limiao mentres Begoña, Luz, Tomás e Carmen dabamos sebo á lingua nunha terraza. A despedida chegou no peirao onde os e as de terra adentro embarcamos para Vigo. Persoas que ao principio se miraban con desconfianza e mantiñan unha actitude de reserva venceran resistencias e despedíanse con abrazos e tristeza. Custaba separarse.
A próxima cita terá lugar en Xinzo o 26 de abril, esperamos corresponder coa mesma hospitalidade con que nos acolleron.
Comentarios (0) - Categoría: ACCIÓNS EN VALORES - Publicado o 08-03-2010 12:02
# Ligazón permanente a este artigo
EN GALEGO PROBA E VERÁS
Goza con este vídeo, tamén promovido pola Coordinadora de Equipos de Normalización, non ten desperdicio.


En galego, proba e verás from Coordinadora Galega ENDL on Vimeo.

Comentarios (0) - Categoría: CAMPAÑAS - Publicado o 24-02-2010 10:59
# Ligazón permanente a este artigo
ORGULLOS@ DO GALEGO

Martiño Rivas, Belén Regueira, Antón Reixa, Susana Seivane, Luís Tosar e María Castro participan dunha campaña a prol do galego promovida pola Coordinadora Galega de Equipos de Normalización e Dinamización Lingüística.

No xornal Vieiros podedes acceder á noticia e tamén ver o vídeo da campaña.
En Vimeo podedes ver outros vídeos sobre a lingua elaborados poloa Coordinadora.

Aplaudimos esta iniciativa da Coordinadora e animamos a todo o mundo a mostrar ese ORGULLO. Ante os ataques á lingua, a nosa DIGNIDADE.


Orgullos@s do galego from Coordinadora Galega ENDL on Vimeo.



Comentarios (0) - Categoría: CAMPAÑAS - Publicado o 23-02-2010 10:54
# Ligazón permanente a este artigo
VISITA DE MANUEL MANDIANES AO IES LAGOA DE ANTELA

O antropólogo Manuel Mandianes, natural de Loureses (concello d’Os Blancos) impartiu unha amena e distendida charla no IES Lagoa de Antela. Prolongou a sesión cunha mesa redonda onde contestou as preguntas que lle formularon os asistentes e as mozas do club de lectura de 1º de BAC (Beatriz, Úrsula, Mirian, Susana, Noelia, Uxía e Isabel). Podedes acceder á entrevista que lle realizaron no blog da revista No Límite.

Manuel Mandianes Castro é doutor en Etnografía e Antropoloxía, en Ciencias Sociais e Socioloxía, e en Teoloxía e investigador da Institución Milá i Fontanals do Consejo Superior de Investigaciones Científicas dedicada aos estudos humanísticos. Autor de Loureses, antropoloxía dunha parroquia galega (1984), Las serpientes contra Santiago (1989), El valle de Josafat. Un fresco de la España actual (1993), En cueros vivos. Pensamiento de C.J.C. sobre el hombre” (2002) e O burro (2002). Co-autor xunto con Olegario Sotelo Blanco de A concentración parcelaria(1994), con Josefina M. Antón de “O ciclo da vida” (1994), con Xosé Luís Martínez Carneiro e outros, Antela, A memoria asolagada (Xerais 1997). Ten publicados centenares de artigos en revistas especializadas de españa, Portugal, Francia, Bélxica e Grecia.
Comentarios (2) - Categoría: VISITAS E ENCONTROS - Publicado o 22-02-2010 11:41
# Ligazón permanente a este artigo
LUÍS TOSAR RECIBE O GOYA AO MELLOR ACTOR
QUE GRANDE É O CINE!!

Luís Tosar recibiu o premio Goya ao mellor actor. Rematou a súa intervención cun feixe de palabras en galego que nos emocionou. Un exemplo de galeguidade nestes tempos difíciles que nos tocou vivir.

A película Celda 211 foi a gañadora da gala celebrada onte, conseguindo un total de 8 goyas, entre eles o de mellor película e mellor director.
Noraboa!!


Comentarios (5) - Categoría: NOVAS DE INTERESE - Publicado o 15-02-2010 19:06
# Ligazón permanente a este artigo
ENTROIDO NO IES LAGOA DE ANTELA
Hai catro semanas que o Entroido irrompeu n’A Limia. Aos domingos Fareleiro, Oleiro e Corredoiro séguelle agora a semana máis festeira e transgresora do ano (e aínda quedará como remate o domingo de Piñata). A subversión e o exceso é o máis característico do Entroido, sen dúbida unha concesión do poder para manter intacto o sistema.

As pantallas, máscaras típicas de Xinzo, sairán estes días á rúa para facer soar as vexigas e sancionar cunha rolda de viños a quen sorprendan sen disfraz.

No instituto celebramos o venres 12 esta festa que ten a súa orixe en ritos pagáns de orixe precristiá. Ao tradicional concurso de disfraces e comparsas sumóuselle a entrega de premios do concurso de máscaras organizado polo departamento de Plástica cuxos primeiros premios de senllas categorías recaeron en dous membros do equipo de normalización: Adolfo Dacal e Miguel Carballo. Para eles a máis cálida noraboa. O 1º premio de disfraces na categoría individual foi para Miguel García e na categoría de grupo para A Gripe A. Que gocen cos premios!



FESTA DE ENTROIDO NO IES LAGOA DE ANTELA on PhotoPeach
Comentarios (8) - Categoría: FESTAS - Publicado o 15-02-2010 18:47
# Ligazón permanente a este artigo
INTERCAMBIO CO IES MONTE CARRASCO DE CANGAS

Este ano imos realizar un intercambio co IES Monte Carrasco, de Cangas. Cangas é unha vila mariñeira que está situada na península do Morrazo.
O noso alumnado de teatro e do Equipo de Normalización desprazarase á zona o 3 de marzo e eles visitaranos o 26 de abril.

Para coñecérmonos máis a zona e o propio centro dende alí mandáronnos estes enlaces:


http://www.cangas.org/

http://aghaivota.blogspot.com/
Comentarios (0) - Categoría: INTERCAMBIOS E CONTACTOS - Publicado o 12-02-2010 10:37
# Ligazón permanente a este artigo
14 DE FEBREIRO: DÍA DO AMOR

Lembramos o poeta português Eugénio de Andrade, poeta do amor e da natureza.



É urgente o amor.
É urgente um barco no mar.

É urgente destruir certas palavras,
ódio, solidão e crueldade,
alguns lamentos,
muitas espadas.

É urgente inventar alegria,
multiplicar os beijos, as searas,
é urgente descobrir rosas e rios
e manhãs claras.

Cai o silêncio nos ombros e a luz
impura, até doer.
É urgente o amor, é urgente
permanecer.
Comentarios (0) - Categoría: DATAS PARA NON ESQUECER - Publicado o 11-02-2010 10:50
# Ligazón permanente a este artigo
CONCURSO DE CALIGRAMAS

Comentarios (0) - Categoría: CONCURSOS - Publicado o 10-02-2010 10:39
# Ligazón permanente a este artigo
X NADA, UNHA CURTA PARA VER


A semana pasada, semana da non violencia, proxectouse nos recreos e nalgunhas sesións lectivas a curta X nada, coodirixida por Toni Veiga e Dani de la Torre e producida por Ficción Producións e que constitúe un alegato contra a violencia na mocidade.

Un rapaz é agredido por unha panda de xoves só por cruzarse no seu camiño. A falta de responsabilidade dos pais na educación do seu fillo, a quen consenten todo, crea un subproduto deshumanizado que procura o respecto a través do exercicio da violencia. O papel dos pais na educación dos fillos, o valor do superfluo, a cultura de ter, a ausencia de obxectivos na vida, a falta dun sistema de valores son algúns dos temas que agroman nesta curta. Paga a pena vela… e reflexionar.

Estas son algunhas cuestións que se debateron nas sesións de proxección:


1. Cres que hai algunha mensaxe nesta curtametraxe? Cal?
2. Que sentiches ao ver algunhas escenas? (impotencia, rabia, pena, vergonza allea, dor, desacougo…).
3. Como é a relación dos dous mozos coas respectivas familias?
4. Que hábitos ten o agresor?
5. Cales cres que son as causas que provocan o comportamento do agresor?
6. Cres que a reacción dos pais no xuízo é correcta?
7. Que se debería ter feito para evitar comportamentos/accións coma esta?
Comentarios (1) - Categoría: VARIOS - Publicado o 08-02-2010 09:09
# Ligazón permanente a este artigo
DÍA DA PAZ 2010
Celebramos o día da paz na biblioteca.
No blog lector Nós tamén navegar podedes visionar un vídeo con fragmentos das lecturas e o libriño confeccionado con algúns textos. E no blog da revista No Límite poderedes ler máis textos.

Comentarios (0) - Categoría: DATAS PARA NON ESQUECER - Publicado o 07-02-2010 11:51
# Ligazón permanente a este artigo
55 MENTIRAS SOBRE A LINGUA GALEGA: PRESENTACIÓN SIMULTÁNEA

55 mentiras sobre a lingua galega, primeiro libro de ProLingua
O venres 5 de febreiro vaise presentar un libro de forma simultánea en 56 localidades galegas e do mundo. A iniciativa de Prolingua ten o obxectivo de desmontar prexuízos sobre a lingua.
Comentarios (0) - Categoría: NOVAS DE INTERESE - Publicado o 01-02-2010 13:05
# Ligazón permanente a este artigo
ALUMNADO DO EQUIPO DE NORMALIZACIÓN DE 1º DA ESO REALIZA UN VÍDEO
Chamáronlle Os cans alieníxenas á curtametraxe que realizaron logo de asistir a un cursiño sobre vídeo. Esperemos que na 2ª parte, que xa está en marcha, o pulso da cámara (a irmá pequena de Adolfo) non trema tanto. Se cadra precisan dun trípode. Felicitacións a estes novos artistas!


Comentarios (18) - Categoría: CREACIÓNS ALUMNADO - Publicado o 28-01-2010 15:04
# Ligazón permanente a este artigo
XOSÉ LUÍS MÉNDEZ FERRÍN, NOVO PRESIDENTE DA REAL ACADEMIA GALEGA

O escritor ourensán Xosé Luís Méndez Ferrín foi elixido presidente da Real Academia Galega (RAG) o pasado venres 22 de xaneiro. O autor de Arraianos e Retorno a Tagen Ata , que sucede no cargo ao historiador Xosé Ramón Barreiro, declarou que el e o seu equipo serán “inflexíbeis” na defensa da lingua propia de Galicia nos catro anos do seu mandato. Na páxina da RAG podedes acceder á Análise das bases do novo decreto sobre o galego no ensino non universitario, paga a pena lelo pois é un informe racional, ateigado de argumentos de peso.
Comentarios (1) - Categoría: NOVAS DE INTERESE - Publicado o 28-01-2010 14:55
# Ligazón permanente a este artigo
ENCHEUSE O OBRADOIRO

Unha imaxe así vale máis ca mil palabras, aínda que esta imaxe fose para reivindicar palabras na nosa lingua. Tomámola prestada do diario Xornal.

O ensino bótase á rúa en defensa da lingua propia de Galicia


A marcha contra o “decreto do plurilingüismo” reborda a Praza do Obradoiro nunha xornada de paro maioritario nos centros de ensino público. Xornal decide desdobrarse e aproveitar a imaxe dunha das prazas máis fermosas do mundo chea de galegos en defensa do seu idioma para ofrecer aos seus lectores unha primeira que ocupa tamén a contraportada, formando un póster que axudará a outorgar á manifestación o seu xusto alcance.
Para seguir lendo: Xornal
Comentarios (4) - Categoría: NOVAS DE INTERESE - Publicado o 22-01-2010 10:51
# Ligazón permanente a este artigo
A REAL ACADEMIA GALEGA REXEITA O NOVO DECRETO DO GALEGO

noticia de O Xornal

O NOVO DECRETO DO PLURILINGÜISMO

A Academia denuncia que o decreto de Feijóo pode vulnerar a legalidade.
Inaceptable, inconsistente, irresponsable, insostible”. Os catro “i” que para a Real Academia Galega describen o borrador do decreto do plurilingüismo que o presidente da Xunta, Alberto Núñez Feijóo presentou o pasado 30 de decembro. No día de onte, este organismo oficial a prol do idioma propio de Galicia presentou nun acto ante a prensa as súas valoracións ante as bases da nova normativa.

Foi o presidente en funcións da institución, Manuel González, quen se dirixiu aos medios na sede da Academia na Coruña. A valoración foi dura, xa que os académicos sosteñen que o borrador da Consellería de Educación pode non só “vulnerar a legalidade” senón incorrer “na perda e subtracción” do galego.


Para seguir a noticia: O Xornal
Comentarios (0) - Categoría: NOVAS DE INTERESE - Publicado o 19-01-2010 12:37
# Ligazón permanente a este artigo
© by Abertal