O FALAR NON TEN CANCELAS


ENDL IES Lagoa de Antela

O meu perfil
 CATEGORÍAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

TOPONIMIA D'A LIMIA 2011
Colgamos os traballos sobre toponimia e microtoponimia d'A Limia realizado polo alumnado de Bac.

OS BLANCOS

MOURIL: (Lat. Mauru) Pequena aldea situada nas proximidades do concello onde, segundo os veciños, había moitas mouras.

VILARIÑO DAS POLDRAS

SOPENEDO: (lat. SUB + PINNA) Rúa que discorre por debaixo dos penedos.

FARAMONTAOS

OUTEIRO DAS MOAS: (lat. ALTARIU + lat. MOLA) Outeiro no que
cortaban as pedras e facían as moas dos muíños.

NOCELO DA PENA

O MARCO DOS VALENTES: ( xerm. MARKA + latín VALENTE) Lugar no monte da aldea, onde hai unha pedra grande. Antigamente alí xuntábanse os mozos, para ver quen era capaz de erguela. Así comprobaban cal era o máis valente e o que tiña máis forza. Esta pedra tamén serve como división entre as terras de Nocelo e O Santo.

CALVOS

PENEDO DA MOURA: (latín PINNA + MAURU). Lenda case descoñecida polos veciños, só recordan que no cal vivía unha moura cos seus fillos, case afastada do resto da aldea, nese lugar hai unha fonte na cal esta lavaba a roupa.

No blog da revista No Límite atoparedes máis toponimia recollida polo alumnado da comarca.


Comentarios (3) - Categoría: TOPONIMIA - Publicado o 13-06-2011 08:51
# Ligazón permanente a este artigo
CELEBRANDO OS 20 ANOS DE NORMALIZACIÓN E HOMENAXEANDO A AGUSTÍN FERNÁNDEZ PAZ

Alí estivemos, no Museo do Pobo Galego, nese espazo habitado por pedras que resisten o paso do tempo e albergan voces que non dormen. Alí, preto de Rosalía e Castelao, celebramos os 20 anos de normalización do galego e homenaxeamos a Agustín Fernández Paz, un referente na historia da galeguización do ensino que leva máis de vinte anos fabricando historias na nosa lingua.

A Coordinadora Galega de Equipos de Normalización realizou un traballo excelente, canto traballiño!, organizando material de moitos centros, montando vídeos incribles, deseñando un percorrido pola historia destes 20 anos, cos seus avances e retrocesos, cos seus éxitos e fracasos...

Parabéns por facer posible este acto cargado de historia e de emocións, que arrancou aplausos prolongados e xestos de admiración.

E parabéns para Agustín, parabéns pola súa integridade, pola súa perseveranza, por darnos leccións de dignidade, por ser tan xeneroso, por seguir camiñando...

Aquí vai un vídeo inspirado nas súa narrativa de suspense e que extraín dun traballo de literatura de hai dous anos, realizado por unhas mozas moi lectoras, daquela de 4º de ESO, hoxe preuniversitarias. A verdade é que este vídeo está cortado dunha curta en que Uxía, Mirian, Úrsula, Isabel e Mª Luisa dramatizaron un relato de Contos por palabras, "Vanesa e os anuncios". Esta versión teatralizada subirémola noutra ocasión.

Comentarios (1) - Categoría: NOVAS DE INTERESE - Publicado o 05-06-2011 19:38
# Ligazón permanente a este artigo
PLANTACIÓN DE CANDÁS E O DÍA DO MEDIO AMBIENTE
O domingo é o Día Mundial do Medio Ambiente e queremos anticiparnos deixándovos estas imaxes da plantación en Candás, un dos moitos montes que padeceu un incendio o ano 2006 e que deu lugar a un proxecto educativo entre o EDLG e o Departamento de Bioloxía. Cada ano o alumnado do IES Lagoa de Antela, e agora tamén o do IES Cidade de Antioquía, colabora no rescate desta zona plantando freixos, castiñeiros, rebolos...

E non deixedes de ler este magnífico artigo de Beatriz Domínguez, conmove.

CINSA

Unha vida simple, ese é o título dun libro no que se fala sobre actividades e actitudes que contribúen a evitar os ataques deliberados contra unha natureza indefensa, que está quizais a estas alturas, demasiado enferma. O autor deste manual vive en Nova York, desprázase en bicicleta desafiando o tráfico da 5th Avenue, e é vexetariano. Un tipo “raro” (poderíamos pensar) posto que resulta realmente contraditorio que un amante da natureza habite nunha xungla de cemento, como o é esta gran cidade. Encántalle escoitar o canto dos milleiros de paxaros que habitan as árbores de Central Park, e sempre que pode deléitase coas vistas que dende o “Top of the Rock” ofrecen os pulmóns da cidade en outono, cando os tons ocres e avermellados se apoderan do parque. Aínda así a súa estación favorita segue a ser, sen dúbida, a primavera. E se me permitides o comentario, tamén é a miña. Trátase da estación da emerxencia, do agromo das flores e a maduración das froitas. O instante xusto no que a natureza semella explotar e expandirse, un espectáculo espontáneo e fermoso que ultimamente estamos empeñados en ignorar. E máis aló das nosas preferencias estacionais, o problema está quizais na indiferenza que, en cuestións naturais nos caracteriza no último milenio.


O resto do artigo continúa No Límite.



O texto e a música de fondo é de Dios K te Crew.
Comentarios (0) - Categoría: ACCIÓNS EN VALORES - Publicado o 03-06-2011 08:31
# Ligazón permanente a este artigo
POETÍZATE 2011
Alumnado de 1º de BAC ofrécenos estas recreacións poéticas baseadas nos poemas da antoloxía de Fran Alonso Poetízate.


Hai poemas para pensar, para rir, para sentir, para soñar...

Comentarios (0) - Categoría: CREACIÓNS ALUMNADO - Publicado o 01-06-2011 20:26
# Ligazón permanente a este artigo
BREOGÁN PRIETO ENTREGA O PREMIO A SÚA IRMÁ LEDICIA

Non me resisto á tentación de pór esta foto, polo significado que contén, pois vemos a Breogán, membro do club de lectura de 1º de ESO, entregándolle o premio a súa irmá Ledicia, membro do club de lectura de 1º de BAC. Hai uns meses fora Ledicia quen lle fixera entrega do premio de fotografía a Breogán. Parabén para os dous, amantes da lectura e fillos de bibliotecaria. Será que os libros inflúen nas relacións cordiais (de corazón) entre irmáns? Observade a cara de orgullo e satisfacción dela, é totalmente gráfica.
Comentarios (2) - Categoría: CONCURSOS - Publicado o 01-06-2011 09:41
# Ligazón permanente a este artigo
ENTREGAMOS OS PREMIOS DOS CONCURSOS DAS LETRAS

Entregamos os premios de vídeo e literario.

Aí vai un fragmento do relato "O préstamo", de Xosé Manuel R. Quintela, de 2º de ESO (2º pola esquerda na foto).

[...]
Fun a unha taberna que frecuentaba e alí atopeino, sentado a unha mesa detrás dunha xerra de cervexa. Achegueime e díxenlle que se reunira comigo ás doce da noite nun almacén abandonado que quedaba preto da pensión, preguntoume por que e díxenlle que era privado, que non llo contara a ninguén e que era moi importante-
Cheguei á pensión e non saín da miña habitación ata as doce menos dez. Abrín un caixón da mesiña de noite que tiña a carón da cama e collín o meu revólver de guerra que tiña gardado nunha caixa de puros. Coloquei seis balas no tambor e metín o revólver no peto da chaqueta de modo que ninguén o vira e dirixinme ao almacén coas mans metidas nos petos.
[..]

Comentarios (0) - Categoría: CONCURSOS - Publicado o 01-06-2011 09:34
# Ligazón permanente a este artigo
RECITAL NA BIBLIOTECA
Para rematar a homenaxe a Lois Pereiro, membros do club de lectura de 1º ciclo de ESO e de 1ºde BAC, integrantes do EDLG de 2º de ESO e as alumnas pre-universitarias Beatriz, Uxía e Noelia, que formaron parte do club de lectura e que agora poñen rumbo a outros horizontes, recitaron poemas do escritor monfortino na biblioteca.


Seleccionamos uns fragmentos deste recital onde interveñen persoas que non participaron no recital de Xinzo.


Comentarios (0) - Categoría: LETRAS GALEGAS - Publicado o 01-06-2011 08:13
# Ligazón permanente a este artigo
LETRAS GALEGAS NA BIBLIOTECA
Mañá entregaremos os premios do concurso literario e o de vídeo, ademais de escoitar poemas de Lois Pereiro nas voces do alumnado do club de lectura e proxectar vídeos sobre o escritor monfortino. Non nos cansamos de homenaxealo.

Parabéns aos gañador@s!


Comentarios (0) - Categoría: LETRAS GALEGAS - Publicado o 26-05-2011 19:46
# Ligazón permanente a este artigo
RECITAL POLAS LETRAS NA PRAZA DE XINZO
Alumnado do club de lectura de 1º de ESO, integrantes do EDLG de 2º de ESO e alumnado colaborador acudiu á cita convocada polas bibliotecas dos catro centros escolares de Xinzo (CEIP Rosalía de Castro, CEIP Carlos Casares, IES Cidade de Antioquía e IES Lagoa de Antela) na Praza Maior da vila para celebrar as Letras Galegas. O alumnado encheu a praza coas palabras de Lois Pereiro, de Celso Emilio Ferreiro, Rosalía de Castro...Tamén houbo música e baile.

A homenaxe pola lingua, encarnada este ano na figura de Lois Pereiro, continúa, incansable...




Comentarios (0) - Categoría: LETRAS GALEGAS - Publicado o 23-05-2011 00:01
# Ligazón permanente a este artigo
SEGUIMOS COA HOMENAXE A LOIS PEREIRO
Aquí vai o 2º vídeo para homenaxear a Lois Pereiro neste día.
En trafegando ronseis e a coordinadora dos EDNL hai ampla información e enlaces a recursos.

MIL PRIMAVERAS MÁIS PARA A LINGUA!

Comentarios (0) - Categoría: LETRAS GALEGAS - Publicado o 17-05-2011 22:26
# Ligazón permanente a este artigo
UN AGASALLO PARA O MUNDO
Nós tamén compartimos este agasallo o Día das Letras Galegas e tamén os outros 364 días do ano.





Comentarios (0) - Categoría: CAMPAÑAS - Publicado o 17-05-2011 22:16
# Ligazón permanente a este artigo
ALBA PROL CID FALOU DA LINGUAXE NOS MEDIOS DE COMUNICACIÓN

Alba Prol Cid, licenciada en Comunicación Audiovisual e antiga alumna do noso instituto, volveu ao centro para impartir unha charla sobre "A linguaxe nos medios de comunicación". Abriunos os ollos sobre como funcionan os medios, como deciden o que é actualidade, como transmiten a ideoloxía e valores dominantes, como priman o verosímil sobre verídico, a súa falta de obxectividade, a influencia na opinión pública, a sobreinformación e o exceso de mensaxes sen contido ou con contido distorsionado... Expuxo exemplos de manipulación que nos sorprenderon e insistiu na necesidade de desenmascarar o aparente e ser crític@s.

Unha sesión interesante que agradecemos dados os tempos que corren, de difamación e calumnias e de medios facéndose eco destas e non dos desmentidos.

Grazas, Alba, foi un pracer escoitar as túas palabras.


Aquí podedes ver Tan preto, tan lonxe, un interesante documental realizado por Alba Prol e Sabela Iglesias, sobre diferentes espazos de comunicación coexistindo na mesma sociedade. Seguro que non deixa indiferente e provoca a reflexión.



- Curtametraxe proxectada no Foro da Cidadanía e da Comunicación 2008 (Facultade de Ciencias da Comunicación · USC)

- Curtametraxe-documental preseleccionada no concurso do Festival de Curtas ON&OFF de Ribadeo 2008.


Dirección_Aniamas
Produción_Alba Prol e Sabela Iglesias
Operadoras de cámara_Isabel Rey e Irene Suárez
Edición e montaxe_Alba Prol e Sabela Iglesias
Postprodución_Irene Suárez, Isabel Rey e Sabela Iglesias


Tan preto e tan lonxe from Sabela Iglesias on Vimeo.

Comentarios (0) - Categoría: VISITAS E ENCONTROS - Publicado o 14-05-2011 12:43
# Ligazón permanente a este artigo
VÍDEO LOIS PEREIRO
Comentarios (1) - Categoría: LETRAS GALEGAS - Publicado o 08-05-2011 23:50
# Ligazón permanente a este artigo
MÁIS LOIS PEREIRO
Comentarios (0) - Categoría: LETRAS GALEGAS - Publicado o 08-05-2011 10:51
# Ligazón permanente a este artigo
MÁIS LOIS PEREIRO

Comentarios (0) - Categoría: LETRAS GALEGAS - Publicado o 07-05-2011 12:38
# Ligazón permanente a este artigo
MÁIS LOIS PEREIRO

Escollemos estes dous poemas de Lois Pereiro, Poesía última de amor e enfermidade 1992-1995 para acompañar este cartel de produción propia.

XIV
(Contra a morte o amor que vai conmigo)

Dos días que reserva para min o destino
cada unha das súas noites por vivir
sería a derradeira
a única esencial
se puidese vivirte a ti tamén
trasnoitado sobre o teu corpo en calma
cohabitando os teus soños
sobrevivindo á miña inexistencia
soñando nas túas noites
ou prorrogado en ti.



Un soño alleo repetido

O certo é que teño a impresión ás veces
que se fai máis patente cada día
de que pese ás evidencias en contra
debín morrer daquela

e estou vivindo un soño repetido
nas noites dos que me seguen querendo.
Comentarios (0) - Categoría: LETRAS GALEGAS - Publicado o 06-05-2011 07:38
# Ligazón permanente a este artigo
PALABRAS DE LOIS PEREIRO

FRAGMENTOS DE POEMAS PARA UNHA LOIA DE LOIS PEREIRO

AGORA AÍNDA TEÑO OPCIÓN PARA EXILIAR O MEU ESPÍRITO NO ÁRTICO, EN ASIA OU NO NEPAL, E TEÑO PERMISO PARA QUE NADA HUMÁN ME SEXA ALLEO. POR ISO PODO DECIDIR MILITAR NA MIÑA PROPIA LINGUA, "PORQUE QUERO, ME PETA E ME DA A GAÑA..." MOITAS CULTURAS SE CRUZAN NO MEU ESPÍRITO E NO MEU CORAZÓN NON HAI FRONTEIRAS. NINGUÉN ME IMPEDIU NUNCA SER MÁIS CRÍTICO E SARCÁSTICO CO QUE EU SINTO MEU, PROPIO E HERDADO.

DEFENDÁMONOS, LOGO, CALADAMENTE, CON FURIA, OU CON HUMOR TIBETANO, PERO NON TRANSIXAMOS CUNHA SOIA AGRESIÓN MÁIS, PORQUE OS ATAQUES ESTÁN SENDO MÁIS SUTÍS, MÁIS CHEOS DE ARGUMENTOS, DE FALSA ERUDICIÓN, EN NOME DO PROGRESO OU DUNHA INCERTA IRMANDADE UNIVERSAL QUE SÓ AVANZA CARA A UNIFORMIDADE TECNOLÓXICA. ESTÁ EN XOGO A NOSA SUPERVIVENCIA, E NON SÓ COMO POBO, SENÓN COMO SERES HUMÁNS: OS MESMOS QUE DESDE AS SÚAS ORIXES COMA ESPECIE FORON CREANDO MILLEIROS DE LINGUAS E CULTURAS QUE PERVIVEN OU NON, CREADAS POLA PURA NECESIDADE DE AUTOSUPERACIÓN E TRASCENDENCIA DO ESPÍRITO HUMÁN.

A REFLEXIÓN, AS IDEAS, A CREACIÓN OU AS PALABRAS. A ARTE E A CULTURA É SEMPRE O QUE ME SALVA DA TENTACIÓN DA MORTE, E ME ANIMA A REINICIAR, A REANUDARME NO COÑECEMENTO E NA TRANSFORMACIÓN DA MIÑA ALMA EXTRAVIADA.


Comentarios (1) - Categoría: LETRAS GALEGAS - Publicado o 04-05-2011 09:15
# Ligazón permanente a este artigo
RECURSOS PARA AS LETRAS GALEGAS
Na páxina web da Coordinadora de Equipos de Normalización atopamos todo tipo de recursos para traballar co poeta Lois Pereiro.
Comentarios (0) - Categoría: ACCIÓNS EN VALORES - Publicado o 01-05-2011 20:48
# Ligazón permanente a este artigo
COMUNICADO DO EDLG
O Equipo de Dinamización Lingüística do IES Lagoa de Antela rexeita as calumnias enviadas á prensa sobre os valores educativos do noso centro e lamenta que moitos medios se fixesen eco destas infamias sen contrastar a información, contribuíndo así aos fins propagandísticos que se perseguían con este ataque. Unha vez máis declaramos sentirnos orgullos@s de educar para a tolerancia e os valores democráticos e seguiremos nesa liña, desempeñando as funcións e cumprindo os obxectivos que marca o noso proxecto educativo.
Comentarios (38) - Categoría: VARIOS - Publicado o 28-04-2011 15:23
# Ligazón permanente a este artigo
23 DE ABRIL, DÍA DO LIBRO

Comentarios (0) - Categoría: DATAS PARA NON ESQUECER - Publicado o 23-04-2011 21:32
# Ligazón permanente a este artigo
MAÑÁ IMOS AO VAL DE XÁLIMA
Mañá saímos de excursión! Alumnado do EDLG e o club de lectura do IES Monte Carrasco, IES Julio Prieto Nespereira e IES Lagoa de Antela viaxa a terras de Cáceres onde se emprega A FALA para empaparse de cultura e vivir unha experiencia de intercambio.
Máis información no blog creado para este proxecto: Monte Lagoa Nespereira.


Esperamos que sexan uns días inesquecibles!!
Comentarios (0) - Categoría: NOVAS DE INTERESE - Publicado o 13-04-2011 08:56
# Ligazón permanente a este artigo
MÚSICA EN GALEGO CON CONTIDO
Grazas a Irene, chéganme estas dúas referencias musicais galegas que paga a pena escoitar: Tempos de muller de Wöyza e GgAaL-EGO de El Puto Coke.




Comentarios (1) - Categoría: MÚSICA - Publicado o 05-04-2011 08:57
# Ligazón permanente a este artigo
EXPOSICIÓN DE RUTH MATILDA ANDERSON E BUSCA DE INFORMACIÓN
Xunto co departamento de Plástica e o equipo da biblioteca o EDLG organizou unha exposición de fotos da fotógrafa norteamericana Ruth Matilda Anderson no corredor da biblioteca. Todos os grupos da ESO e 1º de BAC visitaron a exposición e responderon un cuestionario adaptado por niveis sobre as fotografías e outros apartados relacionados coa época e con personaxes femininas relevantes da historia galega. Con este exercicio o alumnado aprendeu a traballar en equipo, a procurar información na biblioteca, na web, a "ler" imaxes do noso pasado e fixarse nos pés de foto. Foi unha experiencia moi gratificante.




Comentarios (1) - Categoría: EXPOSICIÓNS - Publicado o 04-04-2011 21:35
# Ligazón permanente a este artigo
VIDEOPOEMA SOBRE UN POEMA DE LOIS PEREIRO DO IES CAMPO DE SAN ALBERTO
Do blog de Gracia e Anxo, trafegando ronseis, tamén nos chega este videopoema realizado por Gerardo Rodríguez e Jorge García-Valenciano con motivo do Día das Letras Galegas 2011 para o IES Campo de San Alberto e que está baseado no poema de Lois Pereiro "Curiosidade", do libro Poesía última de amor e enfermidade.


"Curiosidade" from 310room on Vimeo.

Comentarios (0) - Categoría: LETRAS GALEGAS - Publicado o 30-03-2011 09:00
# Ligazón permanente a este artigo
A MULLER LAMPREA DO IES AS BARXAS CONTRA A PERDA DAS LINGUAS
De trafegando ronseis "roubamos" este vídeo realizado polo alumnado de 1º de ESO do IES As Barxas sobre o valor das linguas. Precioso! Parabén para profesorado e alumnado por este traballo

Comentarios (0) - Categoría: AUDIOVISUAL - Publicado o 30-03-2011 08:56
# Ligazón permanente a este artigo
TEATRO: DÍA MUNDIAL E COMEZA A MITEU

Hoxe é o Día Mundial do Teatro e esta semana comeza a MITEU (Mostra Internacional de Teatro Universitario) en Ourense.
Se queredes ver o programa e outros asuntos de interese sobre este acontecemento entrade na súa páxina: MITEU.
Comentarios (1) - Categoría: TEATRO - Publicado o 27-03-2011 13:20
# Ligazón permanente a este artigo
UN POEMA DRAMATIZADO PARA O DÍA DA POESÍA
Para conmemorar o Día da poesía escollemos o poema Penélope de Díaz Castro dramatizado por Benita e Alba. Será certo o que di?

Comentarios (1) - Categoría: DATAS PARA NON ESQUECER - Publicado o 20-03-2011 22:58
# Ligazón permanente a este artigo
TEATRO NA BIBLIOTECA
Como levamos organizando estes últimos anos, o mes de marzo celebramos conxuntamente o Día da Muller e o Día do Teatro coa representación teatral de "Ramón", de Sergi Belbel, nunha das adaptacións realizadas por Begoña Muñoz Saá. Un texto que non ten desperdicio, con altas doses de humor.


Fotos no blog lector Nós tamén navegar.

Comentarios (0) - Categoría: ACCIÓNS EN VALORES - Publicado o 20-03-2011 17:30
# Ligazón permanente a este artigo
ANO DE LOIS PEREIRO
Nesta páxina atoparedes información, actos e vídeos sobre Lois Pereiro, o escritor homenaxeado este ano nas Letras Galegas: Lois Pereiro.


Velaquí vai unha mostra:



Comentarios (0) - Categoría: LETRAS GALEGAS - Publicado o 19-03-2011 11:56
# Ligazón permanente a este artigo
ENTROIDO NO IES LAGOA DE ANTELA
Chegou o entroido á Limia! Para os que non somos de zonas tan festeiras, o entroido significa filloas da pedra, orellas, un cocido coa familia... E, se cadra, disfraces para os máis cativos. Pero aquí as cousas son doutra maneira.
Por vez primeira o desfile foi no interior, o salón de actos é bastante máis acolledor que o xélido patio do IES, os que levaban pouca roupa non pasaron frío (mirade que feliz estaba a noiva), os que levaban vestidos longos non corrían risco de que se mollasen, e o xurado podía estar sentado ao quente. Iso si, algúns deberon pasar o seu ao ter que montar todo o escenario.
Sería imposible citar a todos e cada un dos participantes, pero a primeira sorpresa levámola ao ver a un membro da Benemérita ao cargo dos ordenadores. A partir de aí vimos como outros membros do equipo directivo eran bruxas (só este día?), e como o alumnado se convertía en nenas pequenas, en moscas, en mimos, en comecocos, en ciclistas ... Pero as fotos xa dan conta de todo isto. O que quero destacar é o que non transmiten as fotos, a sensación que moitos dos alí presentes experimentamos ao ver como na parodia dunha voda xitana cantaban o “cheli” dúas alumnas desa étnia. Calquera podería pensar que o alumnado deste grupo social se molestaría pola escolla dos seus compañeiros, pero en lugar diso, participaron no seu xogo. E non só iso, os mozos de 2º de bacharelato contan coa colaboración de dúas rapazas de 1º da ESO.
A voda xitana era o único grupo-clase, ata 27 se puxeron de acordo para disfrazarse, só lles quedan unhas semanas no IES, pero seguro que recordarán durante moitos anos os aplausos que conseguiron ese día, non só polo disfrace, máis aínda por levarse ben.

Uxía Nogueira




Comentarios (0) - Categoría: FESTAS - Publicado o 13-03-2011 20:14
# Ligazón permanente a este artigo
8 DE MARZO: RUTH ANDERSON NA MEMORIA
Con motivo do Día da Muller estamos a preparar unha exposición de fotografías de Ruth Anderson en Galicia. Velaquí unha mostra seleccionada de fotos da nosa memoria en que aparecen mulleres.




Comentarios (0) - Categoría: DATAS PARA NON ESQUECER - Publicado o 08-03-2011 16:05
# Ligazón permanente a este artigo
NACE UN BLOG PARA A EXCURSIÓN AO VAL DAS ELLAS
Os tres institutos que imos compartir viaxe ao Val das Ellas ou de Xálima (IES Prieto Nespereira, IES Monte Carrasco e IES Lagoa de Antela) creamos un blog para colgar todo o material (investigación, actividades, vídeos...) sobre este proxecto.

Monte Lagoa Nespereira no Val de Xálima
Comentarios (0) - Categoría: INTERCAMBIOS E CONTACTOS - Publicado o 02-03-2011 09:08
# Ligazón permanente a este artigo
DÍA DE ROSALÍA
Neste enlace do blog A gaivota, d@s nos@s amig@s do EDLG do IES Monte Carrasco, hai unha morea de poemas visuais da nosa benquerida Rosalía.

Comentarios (0) - Categoría: NOVAS DE INTERESE - Publicado o 24-02-2011 12:05
# Ligazón permanente a este artigo
DOCUMENTAL SOBRE O ENTROIDO
Rescatamos aquí o documental realizado por unhas alumnas do noso instituto e dirixido por Roxelio Barbosa, profesor que actualmente traballa no IES Allariz, sobre o Entroido.


Comentarios (0) - Categoría: FESTAS - Publicado o 22-02-2011 19:46
# Ligazón permanente a este artigo
GAÑADORES DO CONCURSO DE VÍDEO SOBRE TRADICIÓN ORAL
Adolfo e Pablo, de 2º de ESO, e Valentina, de 4º de ESO, gañaron o concurso de vídeo sobre tradición oral. Realizaron un orixinal guión mesturando varias lendas da bisbarra e logo, usando o croma, graváronas en vídeo. Noraboa!

O guión colgámolo no blog No límite.



Comentarios (3) - Categoría: CONCURSOS - Publicado o 21-02-2011 20:46
# Ligazón permanente a este artigo
POEMAS VISUAIS DE AMOR
Cunha das cantigas de amigo máis fermosas de Martin Codax ("Ondas do mar de Vigo")de fondo, cantada maxistralmente por Socorro Lira (Cores do Atlántico)e poemas de Ana Romaní, Marica Campo, Olga Novo, Antonio García Teijeiro, Daniel Salgado, Lois Pereiro, Paul Eluard e Catulo elaboramos este vídeo para o día do amor.

Velaquí tamén un fermoso poema de Jacques Prévert que nos serve para desenmascarar o falso amor, ese produto perverso que condena e destrúe. O amor axuda a medrar non a caer dun precipicio.


Meu amor,
fun ao mercado da ferralla
e comprei cadeas,
cadeas fortes
para ti,
meu amor,
e despois fun ao mercado dos esclavos
e procureite
pero non te atopei,
meu amor.




Comentarios (0) - Categoría: DATAS PARA NON ESQUECER - Publicado o 13-02-2011 20:28
# Ligazón permanente a este artigo
ANO DO POETA LOIS PEREIRO
Este é o ano de LOIS PEREIRO.
Aquí vai o anuncio dun espectáculo dirixido por Antón Reixa. Fixádevos no texto e na montaxe.
Chéganos vía Trafegando ronseis.


Mundo Lois from Mundo Lois on Vimeo.

Comentarios (0) - Categoría: LETRAS GALEGAS - Publicado o 11-02-2011 19:06
# Ligazón permanente a este artigo
BASES PARA O VIII FESTIVAL DE CANS
Xa están colgadas as bases para a presentación de curtametraxes ao VIII Festival de Cans que se celebrará do 18 a 21 de maio deste ano.

A Asociación Cultural Arela abre o prazo de admisión de curtametraxes para a súa selección para participar na VIII edición do Festival de Cans.

As bases son as seguintes:

1.As curtametraxes que se presenten deben ser curtametraxes galegas dos anos 2009, 2010 ou 2011. A efectos de participación neste festival, por curtametraxes galegas enténdense pezas producidas por produtoras de Galicia, feitas en Galicia ou cux@ director/a sexa galeg@.

2.Establécense dúas categorías a concurso:

a.curtametraxes de ficción;

b.curtametraxes de animación

O certame admite ademais todo tipo de curtametraxes que poden ser incluídas noutras seccións fóra de concurso.

3.A duración de cada curtametraxe non superará os 30 minutos.

4.Establécense os seguintes premios, coa dotación económica que se indica:

1. premio do xurado á mellor curtametraxe de ficción: 1.500 € e Can de Pedra;
2. premio do xurado á mellor curtametraxe de animación: 1.500 € e Can de Pedra;
3. premio do público á mellor curtametraxe de ficción: 1.000 € e Can de Pedra;
4. premio do público á mellor curtametraxe de animación: 1.000 € e Can de Pedra;
5. premio do xurado á mellor actriz: Can de Pedra;
6. premio do xurado ao mellor actor: Can de Pedra.

5.As curtametraxes deben enviarse antes do 15 de marzo de 2011 ao seguinte enderezo:

Asociación Cultural Arela

Aptdo. de Correos 232

C.P. 36400 O Porriño (Pontevedra)

Máis información na páxina web do Festival.
Comentarios (0) - Categoría: AUDIOVISUAL - Publicado o 09-02-2011 19:26
# Ligazón permanente a este artigo
ROSA ANEIROS NO IES LAGOA DE ANTELA
Comentarios (0) - Categoría: NOVAS DE INTERESE - Publicado o 31-01-2011 06:52
# Ligazón permanente a este artigo
ANTICIPO PARA O DÍA DA PAZ
Preparamos o Día da Paz no instituto. Aquí van dous vídeos para reflexionar. O segundo deles foi proxectado hai tres anos por estas datas.




Comentarios (0) - Categoría: DATAS PARA NON ESQUECER - Publicado o 23-01-2011 19:32
# Ligazón permanente a este artigo
© by Abertal