O FALAR NON TEN CANCELAS


ENDL IES Lagoa de Antela

O meu perfil
 CATEGORÍAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

VÍDEO CASEIRO DE XOSÉ Mª ÁLVAREZ BLÁZQUEZ
Recréate no vídeo sobre o homenaxeado este ano nas Letras Galegas, con voces do alumnado e cántiga de berce cantada e musicada. Merece a pena!!!
http://centros.edu.xunta.es/ieslagoadeantela/?q=taxonomy/term/46
Comentarios (0) - Categoría: LETRAS GALEGAS - Publicado o 02-06-2008 10:25
# Ligazón permanente a este artigo
CORRELINGUA 2008: 365 DÍAS EN GALEGO

O alumnado de 1º da ESO acudiu á cita anual para participar na carreira lúdica pola lingua.
Comentarios (1) - Categoría: DATAS PARA NON ESQUECER - Publicado o 27-05-2008 11:40
# Ligazón permanente a este artigo
PREMIO VERSOS CON FOTO

Á nosa Lagoa tan anegada
abríronlle o corazón,
morreu, xa non voltará.

Raquel Seoane
Alejandra Parejas

Comentarios (1) - Categoría: CONCURSOS - Publicado o 27-05-2008 11:34
# Ligazón permanente a este artigo
VIDEOPOEMA
Preme aquí e atoparás videopoemas, tamén figura un dos gañadores do concurso das Letras Galegas. O outro videopoema pesa moito, a ver se nolo reducen os creadores.http://centros.edu.xunta.es/ieslagoadeantela/?q=taxonomy/term/46
Comentarios (1) - Categoría: CONCURSOS - Publicado o 22-05-2008 20:19
# Ligazón permanente a este artigo
MIL PRIMAVERAS MÁIS
Se non queres que desapareza:
fala,escribe, le, canta,
soña, ama... en

GALEGO!!


PREMIOS CONCURSO LETRAS GALEGAS!!!

VIDEOPOEMAS

1º PREMIO EX-AEQUO

2º DA ESO:
“Galiza” de JUAN LUÍS ABUÍN – CRISTIAN ARROJO

1º BAC:
“Xa é hora de cambiar” de SONIA MÍGUEZ – ALBA MORÁN


PREMIOS VERSOS CON FOTO

1º premio
Keky Kandrakar ( Raquel Seoane)Alejandra Parejas

Accésit
Buky (Alba Augusto Mandianes)

Entrega de premios:
Martes 20 de maio 2º recreo na Biblioteca


Comentarios (2) - Categoría: DATAS PARA NON ESQUECER - Publicado o 19-05-2008 22:23
# Ligazón permanente a este artigo
A VIDA DAS LINGUAS É UNHA METÁFORA DAS NOSAS VIDAS

Por todas as partes a nosa lingua deita bágoas porque os seus propios fillos a están abandonando, deixándoa soa co seu pesado fardo.

Dun poema en lingua wolof , Senegal, Useyno Gey Cosaan


Comentarios (0) - Categoría: DATAS PARA NON ESQUECER - Publicado o 19-05-2008 21:49
# Ligazón permanente a este artigo
AO RESCATE DAS VOCES QUE SE ESTÁN A PERDER

Comentarios (12) - Categoría: DATAS PARA NON ESQUECER - Publicado o 18-05-2008 12:11
# Ligazón permanente a este artigo
E TOUPAMOS COA RISA!!

Celso Fernández Sanmartín compartiu connosco as súas historias e o Salón de Actos escachou a rir. As alumnas e alumnos de 2º e 4º da ESO gozaron con este personaxe que parecía ter saltado dun conto de Ánxel Fole ou dunha lareira. Desta guerra veñan balas.
Comentarios (0) - Categoría: VISITAS E ENCONTROS - Publicado o 16-05-2008 17:29
# Ligazón permanente a este artigo
CONCURSO DE MINIVÍDEOS POLA LINGUA
O IES As Lagoas de Ourense acaba de convocar un concurso de minivídeos pola lingua. As bases están recollidas na súa páxina web: http://centros.edu.xunta.es/iesaslagoas/
Comentarios (0) - Categoría: DATAS PARA NON ESQUECER - Publicado o 14-05-2008 09:38
# Ligazón permanente a este artigo
CAMPAÑA DE LECTURA EN GALEGO

Comentarios (0) - Categoría: CAMPAÑAS - Publicado o 12-05-2008 13:47
# Ligazón permanente a este artigo
PROGRAMA DE ACTOS MES DAS LETRAS

Comentarios (0) - Categoría: LETRAS GALEGAS - Publicado o 12-05-2008 13:44
# Ligazón permanente a este artigo
MES DAS LETRAS: HOMENAXE A XOSÉ MARÍA ÁLVAREZ BLÁZQUEZ

AQUIL NENO QUE EU FUN

Non me doi iste anceio, ista procura
de bens, que con soñalos
abonda. non me fire
a anguria do vivir que non se atopa,
nin o noxo da xente que me luxa
co soio seu ollar de can doente.
Non me inquedan as dores,
nin as tebras da noite, que resoa
con chamadas do alén que eu soio escoito.

Nada xa me conmove.
O que me fire e doi, o que me inqueda,
é aquil neno que eu fun, sempre perdido.



Comentarios (1) - Categoría: DATAS PARA NON ESQUECER - Publicado o 29-04-2008 10:54
# Ligazón permanente a este artigo
OS DESEÑOS SOBRE A LINGUA DO ALUMNADO DO LAGOA PARA SÉCHU SENDE

Entra neste blog e recréate, vale a pena:http://www.blogoteca.com/madeingaliza
Comentarios (0) - Categoría: DATAS PARA NON ESQUECER - Publicado o 29-04-2008 08:23
# Ligazón permanente a este artigo
PRADOLONGO: CINE EN GALEGO


O verán presentábase como todos os demais, con festas, tardes no río, excursións a Pradolongo...pero esta vez nada vai ser igual.
Pradolongo é unha paisaxe insólita na que existe un prado cunha lagoa glaciar.Pero pode que ese lugar agache un tesouro económico... Dous irmáns, Roi e Martiño, posúen visións diferentes sobre a vida. Tres amigos dende a infancia, Armando, Raquel e Martiño, que se enfrontan aos retos dunha vida adulta: as responsabilidades, os desenganos, a rivalidade no amor...
Os vínculos da infancia comezan a abanear...
Comentarios (1) - Categoría: CINEFÓRUM - Publicado o 27-04-2008 20:19
# Ligazón permanente a este artigo
A POESÍA MORDEUNOS, A POESÍA TEN DENTES.

A POESÍA MORDEU EN NÓS PORQUE TEN DENTES.
GRAZAS A XABIER E A TODAS AS ALUMNAS E ALUMNOS QUE O ACOMPAÑARON: ELSA, GABRIEL, ELISA, VICTORIA, LAURA, VANESA, CRISTINA, IAGO, SELENE, JESSICA, ALBA, SONIA, MAIMUNA, FATIMA, VINICIUS, SMAYLEN, RANDY, IONUT, JASMIN, AO ALUMNADO DE TEATRO DE 3º D ( MARÍA LUISA, MANOLO, MARÍA, LAURA, JOSÉ, TANIA PRIETO, TANIA PÉREZ, ANXO) E DE 3º C (LAURA, ANDREA, JENNI, CAROLINA, UXÍA ALONSO, CRISTINA, MIRIAM, MÓNICA, UXÍA DOMÍNGUEZ, ÁLEX). PRESTARON A SÚA VOZ AOS POEMAS DE XABIER E ENCHERON DE EMOCIÓN O ESPAZO –TAN LÚGUBRE- DO SALÓN DE ACTOS.



onde gardamos as bágoas para cando ardan os ancares?

ben imos chorar no día en que morra o último vello
e o país sexa un museo de ferralla do trinque
e arañeiras afumadas pendurando das trabes
coma veos

ónde esas bágoas e o óxido post-pranto
que ha vir
que xa ventamos
que xa é tradición entre o enxebre enxugar de ollos
e a mirada a un metro por diante dos pasos
resignada coma o volver empezar
a envelenarse

ónde as bágoas todas que nos faltan
inda
para a confirmación do devir colectivo
que agarda aos que aprenderon a nadar de nenos
coma os cans
o xusto para aboiar na lagoa que escacha coa risa
ao procurármola
por entre os sucos acugulos de terróns
por baixo deles
/
e por riba
as migallas que nos restan do que seica é chaira
e cortaventos
a pingaren da cámara dixital para devolvernos virtualmente
o que xa case nin foi
e esmorece
e calan
... e non sabemos cánto queda para rematar a obra comunal
o monumento ao pranto que tecemos no borde de todos os abismos
e non volta ningún dos que un día subiron ao monte
e non voltaron
e non volta o perfume a chumbo trazando vieiros imposibles
toda a noite
e non volta o guerrilleiro coa palabra na boca e un mañuzo de versos no
[fardel ao lombo
e non volta o violador do escuro
o amante da terra
o fecundador das poulas
e non volta o seu esperma salferindo a noite
e non volta a xustiza pola man para escribir na marxe dos parágrafos
as pasaxes censuradas
e non volta
e non volta
non volta
... e non sabemos cánto
cánto lle queda á fonte que nos nutre a contagotas

se vai rachar dunha vez o espello
ou se imos aboiar para sempre
neste anaco de vidro
a carón dos dentes






Xabier Xil Xardón De cadáveres no espello (inédito)



Comentarios (3) - Categoría: VISITAS E ENCONTROS - Publicado o 25-04-2008 12:38
# Ligazón permanente a este artigo
CONCURSO LETRAS GALEGAS, ANÍMATE A PARTICIPAR!!

Se necesitas inspiración entra na sección de Normalización Lingüística da páxina web e recréate nos vídeo-poemas artísticos do alumnado de 1º de BAC.
Comentarios (1) - Categoría: DATAS PARA NON ESQUECER - Publicado o 17-04-2008 13:00
# Ligazón permanente a este artigo
CONCURSO LETRAS GALEGAS, ANÍMATE A PARTICIPAR!!

Comentarios (0) - Categoría: DATAS PARA NON ESQUECER - Publicado o 17-04-2008 11:57
# Ligazón permanente a este artigo
VIVE A POESÍA!! RECITAL DE XABIER XIL XARDÓN NO LAGOA

Un antigo alumno, gañador de varios premios de poesía, entre eles o Antón Tovar, achégase ao instituto para agasallarnos coa súa voz.
Hai anos, cando andaba por este centro, Xabier Xil Xardón, recibiu varios premios: Entre nós en galego, Minerva e Repsol. Xa prometía daquela.
Pertence ao colectivo Redes Escarlata e ten publicado algunha cousiña e participado en intervencións poéticas como Poetas na rúa no concello de Combarro.
No recital poranlle voz a poemas seus e doutros e doutras poetas alumnas e alumnos do IES Lagoa de Antela.
Recital multicultural e multimedia.
Vivamos a poesía!
Comentarios (2) - Categoría: DATAS PARA NON ESQUECER - Publicado o 14-04-2008 19:52
# Ligazón permanente a este artigo
MANIFESTACIÓN POLA LINGUA EN SANTIAGO

A Mesa pola Normalización Lingüística promove, para o domingo 18 de maio, un día despois da celebración do Día das Letras, unha grande manifestación baixo o lema “Polo dereito a vivirmos en galego”, que partirá ás 12 horas da Alameda de Santiago de Compostela e finalizará na praza da Quintana.

ACUDE!!
Comentarios (0) - Categoría: DATAS PARA NON ESQUECER - Publicado o 10-04-2008 11:44
# Ligazón permanente a este artigo
VISITA A MACEDA - VIAXAR EN GALEGO

O luns 31 de marzo, tendo a alumnas e alumnos de 1º de BAC como expertos guías e como anfitrionas as profes de galego do IES San Mamede de Maceda, Charo e Miriam, visitamos Baños de Molgas, o castelo da propia vila de Maceda e o mosteiro de Xunqueira de Espadanedo. Agradecemos a hospitalidade destas xentes veciñas e esperamos corresponder para o ano vindeiro. MOITAS GRAZAS.

Na galería de fotos da páxina web do instituto colgaremos máis fotos desta xornada.
Comentarios (0) - Categoría: INTERCAMBIOS E CONTACTOS - Publicado o 31-03-2008 19:58
# Ligazón permanente a este artigo
2ª FASE PLANTACIÓN EN CANDÁS

Alumnas e alumnos de 3º e 4º da ESO abordaron a 2ª fase da plantación iniciada o ano pasado no monte de Candás, sito no concello de Rairiz de Veiga. Plantáronse unhas cen árbores autóctonas (carballos, freixos, avivros, castiñeiros…) no terreo que sufrira un incendio o verán do 2006.
Comentarios (0) - Categoría: ACCIÓNS EN VALORES - Publicado o 19-03-2008 13:29
# Ligazón permanente a este artigo
POEMAS ALTERADOS DE 1º BAC
Poemas alterados Poetízate 1º BAC

“Festa” de Luis Amado Carballo


As caras da tristeza
rompen as bágoas salgadas,
mortes duras e ledas
chegan baleiras á vila.

Cristina Salgado

Os salaios da desgrazada
estremecen o ceo negro,
vestimentas vermellas e negras
mostran perdas de guerra.

Adrián Ferreira

As bombas da foguetada
escachan as nubes de festa,
estrelas azuis e brancas
caen feridas á terra.

Estefanía Rúa

“Por amor” de Darío Xohán Cabana


Por amor son xa máis de cen quilos.
Por comer estou como estou.
Por comer peso o que peso.
Por comer.

Por comer médrame a barriga
E estíraseme o bandullo.
Por comer xa non me dobro.
Por comer, todo por comer.

Omayra Rodríguez

Por agradecemento recoñezo o meu.
Por agradecemento recordo a miña identidade.
Por agradecemento aprendo o meu idioma.
Por agradecemento.

Por agradecemento son galegofalante
e ábrolle o corazón.
Por agradecemento respecto a fala.
Por agradecemento, só por agradecemento.

Selene Casas

“O Sol e o Mar” de Antonio Noriega

A pataca e a verza ó home
¡moito lle deben deber!
Apórtalle a pataca as proteínas
e danlle as verzas as vitaminas.

Héctor Alfonso


O sal e a auga á area
¡moito lle poden querer!
Acaríñalle o sal a pel
e bícalle a area os pés.

Carmen Villarino

“Con auga de sede vella” de Álvaro Cunqueiro

Cunha mirada fresca
namorar eu namoreina,
namoreina’

Cun sorriso ledo
namorar eu namoreina,
namoreina?

Namorar eu namoreina
cunha caricia tenra,
namoreina?

Namorar eu namoreina
cunha sincera aperta,
namoreina?

Vanesa Colmenero



“Anoitecer na terraza” de Xavier Seoane


Medran as flores sobre o campo
descansan os paxaros no niño
vexo os homes traballando a carón do río.
Se me fixo no horizonte,
útiles durante moito tempo,
vexo ermos os terreos dos nosos vellos.

Jose Antonio Fernández.



“Terra Chá” de Manuel María

O instituto pouco é:
unha clase aquí e outra acolá,
cen profesores, libros raros,
un pesadelo terrible e duradeiro
no que estamos os rapaces a traballar.
A rúa resulta libertá.

Marcos Román


“Go”l de Eduardo Blanco-Amor

Polo boleto da boa lotaría
vou mirando a combinación
e números, mala sorte,
non podemos ir ó Norte.

Sonia Míguez


“A noite é necesaria” de xosé Mª Díaz Castro

A vida é necesaria
pra que elas poidan ver
que sobre o medo e a rabia
se poden impoñer.

Alba Morán


“Cando ela dorme” de Vicente Araguas

Cando ela dorme
semella a sombra
dunha bolboreta fermosa.
E os ollos
na cara
doces coma
cereixas novas.
Cando ela dorme:
un koala
deitado
na cama.

Sara Seoane


“Bolboreta” de Francisco X. Fernández Naval

Lúa

Durante a noitiña
a lúa é raíña celeste
ó amnecer saca a coroa
e cédella ó sol
dos madrugadores empedernidos.

Jéssica Casas


“Poderíano escoller como epitafio” de Lois Pereiro

Derramade lágrimas no meu sepulcro,
no lugar onde eu descanse
mandádeme tristes e alegres recordos
de viveza e divindade infernal para resistir.

Melania Blanco


“Abecedario da desolación” de Miro Villar

Como imaxe (a árbore) típica dun cadro
como pendentes (os froitos) colgados das orellas
como herba (as follas) ao longo dun prado
como patas (as ramas) dunha araña velenosa
como estrutura (o tronco) de calquera construción
como material (a madeira) propio dunha obra
como boca (as raíces) para un animal
como base (a terra) para poder sobrevivir.

Javier Pérez Vallejo


“Definición” de Lupe Gómez

Brincar sobre
unha esponxa.
Absorbela e que me absorba.
Iso é o sexo.

Alejandro Figueroa


“Se te enamoras” de Lupe Gómez

Se me queres
queda e non marches
ou lévame
e deixamos todo
como dous namorados.

Joana Álvarez



“O que máis me gusta da poesía” de Kiko Neves

O que máis me gusta do día
as comidas.


Na vida o noventa por cento
deberían ser comidas.
Ou melocotóns en “almíbar”.

Vanesa Rodríguez


“Quero sentarme” de Lupe Gómez

Odio escoitarte
Na cama en
Suxeitador e bragas.

Antía Pousa



“O pozo que non hai” de Álvaro Cunqueiro


O pipo que non hai

-Dáme viño, ña compañeira
E ficarei aquí.

-Acolá hai un pipo
Que reverque, meu amigo!

-O viño que eu quero
Estache sorrindo a ti!

-Este viño ten dono,
Procura outro, meu amigo!

Marcos Rodríguez


“Quérote” de Raúl Gómez Pato

Átote,
sen que esteas,
ó meu corazón
como unha perdiz.

David Barrio


“O amor” de Lupe Gómez

O amor foi
un raio moi luminoso
que estralou no meu
corazón. e quedou aí
para sempre. Eu limpei
o sangue do
meu corazón. pero ela
espandiuse
por todo o meu corpo.

Jasmin Biúndo

“No máis fondo, no máis fondo” de Ramón Cabanillas

No máis adentro, no máis adentro,
lévote comigo:
entraches de repente
Para sempre quedar aquí.

Crávame o puñal!
Non teñas compaixón de min
pero non te pases moito
porque te podes ferir.

Mª Xosé Fernández



Comentarios (3) - Categoría: CREACIÓNS ALUMNADO - Publicado o 18-03-2008 12:29
# Ligazón permanente a este artigo
COLAXE 8 DE MARZO E POEMAS


Colaxe de Alba Núñez, 4º da ESO


Sobre o poema “Quero sentarme” de Lupe Gómez

Odio escoitarte
Na cama en
Suxeitador e bragas.

Antía Pousa



Sobre o poema “A noite é necesaria” de Xº Mª Díaz Castro

A vida é necesaria
Pra que elas poidan ver
Que sobre o medo e a rabia
Se poden impoñer.

Alba Morán


Comentarios (3) - Categoría: DATAS PARA NON ESQUECER - Publicado o 11-03-2008 18:25
# Ligazón permanente a este artigo
CONCURSO DE HAIKUS
Comentarios (0) - Categoría: DATAS PARA NON ESQUECER - Publicado o 05-03-2008 20:39
# Ligazón permanente a este artigo
POEMAS VANGARDISTAS NA AULA

Poema colectivo expresionista


O vello espírito paciente salpica a vella estancia
e enche de tristura e pesadume os recunchos da conciencia.
Sen ser nada concreto logra transmitirme forza.
Sensacións estrañas,
agradables,
desagradables,
mentres a estrañeza das vosas falas de cores alumean o bosque.
De súpeto,
o medo, a tristura, a sorpresa das cores de imaxes deformadas.
Defórmanse as caras na noite cando se asustan con cores tristes.
Nun só papel un cadro infernal.
Ese corpo manchado salta cara afora en forma de lume,
humano crucificado con cor de sangue vermello.
Dá medo só velo.
Amargura, tristeza, infelicidade.
Non
o que non pensei é que estiveras sufrindo,
tenue noite que mostras horribles pesadelos.
4º C - ESO

Poema vangardista

Xuntos ata que a morte nos separe

A tristeza es ti
(pois) grazas a ti síntome como aquelas casas na escuridade.
A fermosa paisaxe é observada
pero puntas e picos non me inspiran nada
pois a túa fermosura corróeme,
Vella Aldea da miña infancia,
a túa pel núa tan fráxil como a lúa,
como lugar estraño do máis alá.
As cores conforman a vila e o seu mercado,
todos somos iguais,
delicadeza, sentimento de paz na noite escura,
a liberdade que se atopa na natureza do ser,
o verde bosque,
a vida libre no mar,
no mar reflíctese todo a luz o brillo a realidade,
as fermosas casas de toda unha vida,
casa fogar da túa vida,
unha casa no medio do campo,
a casa dos meus soños con flores no xardín,
rapaces alegres xogan no xardín hoxe.
Mirando cara ó río non vai frío,
observando as árbores podo ver a fermosura da natureza,
pero
a ignorancia é o pai noso de cada día
e todo é un soño,
o meu Soño, demasiado fermoso,
Vella Aldea da miña infancia,
vellos recordos de sal e auga.

4º B ESO







Comentarios (0) - Categoría: LETRAS GALEGAS - Publicado o 28-02-2008 10:09
# Ligazón permanente a este artigo
24 DE FEBREIRO DÍA DE ROSALÍA
Rosalía de Castro abriu un camiño novo na historia da literatura galega.
Ríndámoslle unha homenaxe permanente.

Homenaxe a Rosalía

Noite brillante
Bate que bate
E non me enamoro, non
¡Negro caravel maldito!
Que os amores xa fuxiron
Ven a noite…morre o día.

Irene Rodríguez



Adiós FIGOS! Adiós EUROVISIÓN!
Castellana de Castilla,
Meniña, ti a máis erótica-festiva,
Co teu chandal de herbas e flores.

Elena, Mayte e Carlos
Comentarios (0) - Categoría: DATAS PARA NON ESQUECER - Publicado o 19-02-2008 08:28
# Ligazón permanente a este artigo
DÍA DA LINGUA MATERNA. 21 DE FEBREIRO
Segundo a Unesco, máis de 6000 linguas do mundo corren o risco de desaparecer.

Cada dúas semanas morre un.

A biodiversidade está en perigo.

Desterra os prexuízos!

FALA GALEGO!!

Comentarios (4) - Categoría: DATAS PARA NON ESQUECER - Publicado o 16-02-2008 12:16
# Ligazón permanente a este artigo
BOLBORETA, CARBALLO, BRÉTEMA...

Hai moitas palabras para preparar o xantar e dixerir con pracer : tixola, artesa, fornada, unto, verzas, lacón con grelos, chourizos, polbo á feira, porco ao espeto, amorodo, biscoito, roscón de reis.

Hai palabras para visitar, abrazar, conversar e coidar: carballo, castiñeiro, salgueiro, penedo.

Hai palabras para camiñar, congostra, ou para navegar: regueiro, regato, lagoa.

Hainas para untar a memoria, para non esquecer: lembranza, artesa, penedo, morriña, saudade.

Hainas para sorrir: ledicia, sorriso.

E para arrepiar, escuridade.

Hainas para tocar e sentir e querer: amor, agarimo, arrolar, aloumiño, Galiza.

E para celebrar e gozar: saúde, gaita, entroido.

Hai moitas palabras para pasear, xente miúda a quen saudar, escoitar e contemplar: bolboreta, teixugo, esquío, escornabois, vagalume, xoaniña, paporroibo.

Hainas para as persoas que veñen: axóuxere, arrolar.

E para as que se van: bágoa, badalada.

Palabras para apoiarse, alicerce.

Para ulir, arrecendo.

Para quecer, lareira.

E para arrefriar: brétema, orballo, choiva.

Para levar no corazón, lagoa...

E para imaxinar: trasgo, conxuro, raíña...

E soñar, lúa.

Hai palabras para procurar sempre: liberdade, paz.

Sen precipitarse, paciencia.

Pero con constancia.
Comentarios (1) - Categoría: DATAS PARA NON ESQUECER - Publicado o 07-02-2008 18:33
# Ligazón permanente a este artigo
QUE SE FALE E ESCRIBA EN GALEGO DEPENDE DE TI!
1. Fala en galego sempre que poidas. Coa familia, cos amigos e amigas etc.
Fai o propósito de falar en galego a quen sabes que te entende aínda que até o de agora lles falases en castelán.

2. Respecta a aquelas persoas que che falen noutra lingua, mais esixe que tamén as outras persoas respecten a túa.

3. Diríxete en galego a todos e todas: na rúa, por teléfono, no centro de ensino, no traballo. Verás que te entenden. Continúalles a falar en galego, aínda que che respondan noutro idioma.

4. Ás persoas que coñezas que entenden o galego coloquial, mais mostran curiosidade por algún termo que ignoran, explícalles o significado desas palabras, axudándoas a ampliar o vocabulario. Se alguén se esforza en falar o noso idioma, axúdalle e demóstralle que valoras o seu comportamento.

5. Respecta as diferenzas locais da lingua. Coñece as particularidades de cada zona. Esta é a riqueza do galego, como a de todas as linguas.

6. Toma a decisión de escribir todos os apuntamentos, notas, correos electrónicos e cartas en galego. A partir de hoxe pon sempre o teu nome en galego. Fai mudar os teus papeis, impresos, rótulos etc. Sería ben triste que por aforrar uns pequenísimos gastos deixásemos de contribuír á expansión do noso idioma.

7. Faite subscritor/a de publicacións escritas total ou en boa parte en galego. Le libros, asiste a espectáculos teatrais, musicais, cinematográficos, visita páxinas web etc., na nosa lingua.

8. Esixe de todos, mesmo das institucións máis rutineiras, que che escriban en galego. Faino amablemente. Non perdas o tempo e os nervios en pelexas cos inimigos declarados da lingua do país. Déixaos de lado, ignóraos.

9. Se tes como lingua familiar o castelán, interésate pola nosa lingua. Loita contra a inxustiza fomentada durante tantos anos. Toda a represión dunha lingua é un acto de barbarie. E sobre todo tenta falala e escribila, porque a mellor defensa de calquera lingua é o seu uso.

10. Se sentes un bloqueo psicolóxico, como adoita ocorrer para pasar a falar en galego con persoas e en ambientes en que sempre falaches castelán, comeza por usalo cos descoñecidos, a practicalo en situacións novas, para ilo introducindo despois na túa esfera habitual. Non te avergoñes dos defectos de pronuncia ou escrita; respectar o galego mais a distancia, “sen rompelo nin lixalo”, iso si que deteriora o idioma.

11. Se es profesor/a e non impartes as aulas en galego, proponte comezar para este curso vindeiro. O tempo que resta é suficiente para te pores ao día. Cun pequeno esforzo contribuirás dun xeito moi importante á normalización do noso idioma.

Fotocopia este texto e difúndeo polo teu centro de ensino.

TODA PERSOA QUE DEFENDA A SÚA PROPIA LINGUA SEN AGREDIR A NINGUÉN TEN A RAZÓN DA SÚA PARTE

(Adaptación dun texto ideado polo Dr. Tilbert D. Stegmann, da Universidade de Frankfurt)”.

Comentarios (2) - Categoría: DATAS PARA NON ESQUECER - Publicado o 26-01-2008 11:38
# Ligazón permanente a este artigo
A LIÑA DO GALEGO: SOBRE OS DEREITOS LINGÜÍSTICOS
Este servizo, creado pola Mesa, atenderá a través do teléfono 902 10 64 74 e do correo-e linhadogalego@amesanl.org.


A Mesa pola Normalización Lingüística puxo en funcionamento o proxecto «A liña do Galego», un servizo que tramitará queixas e consultas sobre os dereitos lingüísticos dos cidadáns, que tamén estenderá felicitacións a quen dea pasos en favor do galego.

Comentarios (1) - Categoría: DATAS PARA NON ESQUECER - Publicado o 14-01-2008 00:10
# Ligazón permanente a este artigo
GALEGUIZÁNDONOS SEMPRE
Á procura das palabras que nos gustan

PARTICIPA!!
Comentarios (13) - Categoría: DATAS PARA NON ESQUECER - Publicado o 08-01-2008 11:14
# Ligazón permanente a este artigo
INTERESANTE BLOG, MERGÚLLATE
http://www.blogoteca.com/cenlf/
Comentarios (0) - Categoría: DATAS PARA NON ESQUECER - Publicado o 07-01-2008 18:59
# Ligazón permanente a este artigo
COUSAS DA LINGUA
Verte aquí as túas suxestións, opinións, comentarios sobre a lingua.
Comentarios (1) - Categoría: DATAS PARA NON ESQUECER - Publicado o 27-12-2007 12:12
# Ligazón permanente a este artigo
Contra a violencia de xénero
Desenmascarámoste, imbécil, fauces de fouces con fuciño furado. Mancas cun xesto repugnante de besta avinagrada. A túa voz machada coitelo que rabuña a alma. A man o brazo o corpo todo nunha danza cadáver. Abres carnívoro nicho e péchasme dentro.
Comentarios (2) - Categoría: DATAS PARA NON ESQUECER - Publicado o 20-10-2007 12:36
# Ligazón permanente a este artigo
Arde o lume da lareira
Este espazo nace para facernos visibles, para derramar sal na rede e azucre nas palabras. Dende o corazón deshidratado da Limia convidamos a participar a todas as persoas que aman a lingua. Ánimo, e mil primaveras máis para o galego.
Comentarios (2) - Categoría: DATAS PARA NON ESQUECER - Publicado o 11-10-2007 18:04
# Ligazón permanente a este artigo
© by Abertal