CRONICA ACTIVIDADE OBRADOIRO DE HIP-HOP CON GARCIA MC, por Héitor Colmenero

Nesta ocasión tivemos a ocasión de recibir clases dun dos grandes do panorama do hip-hop na Galiza, Serxio Regos, máis coñecido por García MC.
Nunha intensa hora aprendemos a historia do hip-hop, dende os seus comezos no barrio do Bronx en Nova Iorque, na Zulú Nation inaugurada por Áfrika Bambaata, pai do hip-hop ata os actuais scratches impulsados por Kool dj Hearth. Falounos un pouco das catro vertentes principais da cultura da rúa: o rap (MC'ing), o break dance, o grafitti e o Dj'ing.
Finalmente e para por o broche de ouro a esta estupenda xornada fixonos un “mini-concerto” cun dos seus temas nos que musicaliza os poemas de Celso Emilio Ferreiro, Camiño a pé.
Nesta xornada puidemos ver como un dos mais grandes na movida do hip-hop era un home moi humilde e cercano cos seus fans entre os cales me considero o número 1!
Nada máis para dicir, simplemente ver as fotos e o vídeo, porque seica din que unha imaxe vale mais que mil verbas.