Os Quinquilláns actuaron no instituto o pasado 24 de outubro. Asistiu á representación o alumnado de 1º e 2º de ESO. O espectáculo foi organizado e financiado polo Concello de Xinzo de Limia, en colaboración coa Deputación de Ourense e a Editorial Galaxia.
A compañía representou Cousas, de Castelao. Personaxes entrañables coma Migueliño, Panchito e a Marquesiña cobraron vida no escenario a través de Lucho Penabade e Tero Rodríguez, moi aplaudidos ao final da actuación.
|
