O debuxante Pepe Carreiro visitou o IES Lagoa de Antela para falar do seu labor como debuxante gráfico ao alumnado de 2º e 3º de ESO, que leran os seus libros Historia de Galicia e Historia da lingua, e amosounos unha pequena mostra do seu extraordinario talento artístico debuxando algúns personaxes creados por el.

Pepe Carreiro está actualmente implicado nun novo proxecto: O PAPAGAIO, un xornal escolar mensual, co obxectivo de achegar a información aos nenos e nenas, dun xeito máis apropiado á súas idade.