O FALAR NON TEN CANCELAS


ENDL IES Lagoa de Antela

O meu perfil
 CATEGORÍAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

SAMAÍN 2016


O alumnado de FP Básica de cociña, guiado polos seus profesores, celebraron o Samaín dunha maneira orixinal: adornaron o espazo, cociñaron produtos típicos que tamén decoraron e alumnas e alumnos disfrazáronse para ofrecer os produtos ao profesorado no recreo.

Todo estaba moi rico!
Comentarios (0) - Categoría: DATAS PARA NON ESQUECER - Publicado o 20-11-2016 11:41
# Ligazón permanente a este artigo
SAMAÍN 2016

Celebramos o Samaín por todo o alto en colaboración co equipo da Biblioteca:

Convocamos un concurso de contos de medo con moito éxito de participación.

A Biblioteca convocou un concurso de cabazas tuneadas que cada ano supera en orixinalidade ao anterior.

O alumnado de FP Básica de cociña celebraron tamén o Samaín.

Alumnado de 1º ciclo de ESO e profesorado gozamos dunha sesión entretida co, sempre entrañable, Celso Fernández Sanmartín.
Comentarios (0) - Categoría: DATAS PARA NON ESQUECER - Publicado o 20-11-2016 11:39
# Ligazón permanente a este artigo
CELEBRAMOS O SAMAÍN

Celebramos o Samaín no instituto. O departamento de Plástica en colaboración coa Biblioteca convocou un concurso de cabazas tuneadas que se expuxeron na biblioteca. Houbo moita orixinalidade como vén sendo habitual.

O ENDL convocou un concurso de contos de medo con apetitosos premios.
Comentarios (0) - Categoría: DATAS PARA NON ESQUECER - Publicado o 15-11-2015 20:31
# Ligazón permanente a este artigo
DÍA DE ROSALÍA

Para celebrar o Día de Rosalía, Kimberly González,alumna de 2º de BAC, realizou un graffiti nunha das paredes do patio. Contou coa axuda de Sara Vázquez, profesora de Plástica.
Agradecemos a súa inestimable colaboración nesta acción improvisada, aínda que, sen dúbida, cargada de poesía plástica e visual. Que perdure no tempo coma a pegada de Rosalía.
Comentarios (0) - Categoría: DATAS PARA NON ESQUECER - Publicado o 25-02-2014 19:52
# Ligazón permanente a este artigo
SAMAÍN NA BIBLIOTECA

Decorouse a biblioteca coas cabazas presentadas ao concurso, organizado polo Departamento de Plástica e a biblioteca. Tamén se adornou con debuxos e outros motivos de medo.
Comentarios (0) - Categoría: DATAS PARA NON ESQUECER - Publicado o 01-12-2013 19:56
# Ligazón permanente a este artigo
DÍA DO MEDIO AMBIENTE

Celebramos o Día do Medio Ambiente cun concurso de fotos en 1º de ESO, promovido por Tomás García, profesor de Bioloxía e membro do ENDL, co tema “A primavera no patio do instituto”. As fotos permanecen expostas no corredor.

Felicitamos o alumnos e alumnas que participaron e, en especial, os que foron seleccionados pola calidade das fotografías que presentaron: Xabier Rivero, Lucía Fernández e Ángela Tejada


Comentarios (0) - Categoría: DATAS PARA NON ESQUECER - Publicado o 12-06-2013 09:18
# Ligazón permanente a este artigo
DÍA DE ROSALÍA
Onte foi o Día de Rosalía. Este ano cúmprense 150 anos da publicación de Cantares Gallegos e 50 anos da 1ª celebración do Día Letras Galegas, dedicada a Rosalía de Castro.

Vexamos e escoitemos poemas musicados (Aid, César Castillo e Anxo Angueira con Guadi Galego e Abe Rábade), lipdub do CPI Vedra e videopoemas realizados polo noso alumnado doutros anos.

“A xustiza pola man”







“Quíxente tanto, meniña”



"Iste vaise"



“Alborada”



"Xan"


Comentarios (0) - Categoría: DATAS PARA NON ESQUECER - Publicado o 25-02-2013 11:02
# Ligazón permanente a este artigo
SEGUIMOS CON CARLOS CASARES
Seguimos coa homenaxe de Carlos Casares cando se cumpren os dez anos do seu pasamento.
Deixamos aquí un breve repaso pola súa vida e produción e tamén as creacións literarias e plásticas do alumnado.


PREMIOS CONCURSO CARLOS CASARES

1º CICLO

LITERARIO
1º premio: Sheila Valencia
Accésit: Breogán Prieto

BANDA DESEÑADA
Uxía Formoso e María Souto

2º CICLO

BANDA DESEÑADA
PREMIO EX-AEQUO Kelly Rodríguez e Adolfo Dacal - Déborah Loertscher, Noelia Freiría e Eva González

Noraboa ás persoas gañadoras!






Comentarios (1) - Categoría: DATAS PARA NON ESQUECER - Publicado o 18-04-2012 19:40
# Ligazón permanente a este artigo
22 DE MARZO, DÍA DA AUGA

Hoxe é o Día da Auga, e no país dos ríos, regatos, lagoas e mar, cómpre lembrar, en tempos de seca e nunha terra coa memoria desecada, que a auga é vida e que, sen ela, é imposible sobrevivir.
Comentarios (0) - Categoría: DATAS PARA NON ESQUECER - Publicado o 22-03-2012 21:01
# Ligazón permanente a este artigo
24 DE FEBREIRO, DÍA DE ROSALÍA DE CASTRO
Mañá, 24 de febreiro, celébranse os 175 anos do nacemento de Rosalía de Castro. O noso compañeiro Xosé Manuel Méndez, membro do ENDL, confeccionou este precioso vídeo para conmemorar a data.


A Asociación de Escritoras e Escritores en Lingua Galega (AELG) anima á cidadanía a agasallar un libro en galego e unha flor no día do nacemento de Rosalía de Castro. Máis información aquí.





Comentarios (0) - Categoría: DATAS PARA NON ESQUECER - Publicado o 23-02-2012 21:17
# Ligazón permanente a este artigo
MAÑÁ CELEBRAMOS O DÍA DA PAZ
Mañá celebramos o Día da Paz con varias actividades, destacamos a de Paraugas pola Paz e Abrazos Gratis na Biblioteca. Máis información no blog lector Nós tamén navegar.



Comentarios (1) - Categoría: DATAS PARA NON ESQUECER - Publicado o 29-01-2012 21:12
# Ligazón permanente a este artigo
CELEBRAMOS O SAMAÍN NA BIBLIOTECA

O EDLG xunto co equipo da biblioteca organizamos e celebramos o Samaín na biblioteca. Destacamos o concurso de cabazas e contos de medo así como a escenificación de contos de medo por parte do alumnado de teatro.
Comentarios (0) - Categoría: DATAS PARA NON ESQUECER - Publicado o 28-10-2011 22:25
# Ligazón permanente a este artigo
CELEBRAMOS O SAMAÍN NA BIBLIOTECA

O EDLG xunto co equipo da biblioteca organizamos e celebramos o Samaín na biblioteca. Destacamos o concurso de cabazas e contos de medo así como a escenificación de contos de medo por parte do alumnado de teatro (parabéns a Kelly, Adolfo, Toño, Juanjo, Édgar e José Manuel pola súa magnífica estrea teatral, vencido o pánico escénico) así como a entrega do público e as delicias do alumnado de PCPI de Cociña.
Comentarios (1) - Categoría: DATAS PARA NON ESQUECER - Publicado o 28-10-2011 21:50
# Ligazón permanente a este artigo
23 DE ABRIL, DÍA DO LIBRO

Comentarios (0) - Categoría: DATAS PARA NON ESQUECER - Publicado o 23-04-2011 21:32
# Ligazón permanente a este artigo
UN POEMA DRAMATIZADO PARA O DÍA DA POESÍA
Para conmemorar o Día da poesía escollemos o poema Penélope de Díaz Castro dramatizado por Benita e Alba. Será certo o que di?

Comentarios (1) - Categoría: DATAS PARA NON ESQUECER - Publicado o 20-03-2011 22:58
# Ligazón permanente a este artigo
8 DE MARZO: RUTH ANDERSON NA MEMORIA
Con motivo do Día da Muller estamos a preparar unha exposición de fotografías de Ruth Anderson en Galicia. Velaquí unha mostra seleccionada de fotos da nosa memoria en que aparecen mulleres.




Comentarios (0) - Categoría: DATAS PARA NON ESQUECER - Publicado o 08-03-2011 16:05
# Ligazón permanente a este artigo
POEMAS VISUAIS DE AMOR
Cunha das cantigas de amigo máis fermosas de Martin Codax ("Ondas do mar de Vigo")de fondo, cantada maxistralmente por Socorro Lira (Cores do Atlántico)e poemas de Ana Romaní, Marica Campo, Olga Novo, Antonio García Teijeiro, Daniel Salgado, Lois Pereiro, Paul Eluard e Catulo elaboramos este vídeo para o día do amor.

Velaquí tamén un fermoso poema de Jacques Prévert que nos serve para desenmascarar o falso amor, ese produto perverso que condena e destrúe. O amor axuda a medrar non a caer dun precipicio.


Meu amor,
fun ao mercado da ferralla
e comprei cadeas,
cadeas fortes
para ti,
meu amor,
e despois fun ao mercado dos esclavos
e procureite
pero non te atopei,
meu amor.




Comentarios (0) - Categoría: DATAS PARA NON ESQUECER - Publicado o 13-02-2011 20:28
# Ligazón permanente a este artigo
ANTICIPO PARA O DÍA DA PAZ
Preparamos o Día da Paz no instituto. Aquí van dous vídeos para reflexionar. O segundo deles foi proxectado hai tres anos por estas datas.




Comentarios (0) - Categoría: DATAS PARA NON ESQUECER - Publicado o 23-01-2011 19:32
# Ligazón permanente a este artigo
25 DE NOVEMBRO: DÍA MUNDIAL CONTRA A VIOLENCIA DE XÉNERO
Esta semana centraremos as nosas actividades na prevención e denuncia da violencia de xénero.

Comentarios (0) - Categoría: DATAS PARA NON ESQUECER - Publicado o 21-11-2010 21:22
# Ligazón permanente a este artigo
SAMAÍN 2010 NA BIBLIOTECA DO IES LAGOA DE ANTELA
Durante toda a semana pasada celebramos o Samaín. Decoramos o corredor que conduce á biblioteca e esta con motivos de medo, realizamos un concurso de cabazas e dedicamos tres recreos a escenificar contos de medo.
Os grupos de teatro de 3º da ESO realizaron unha lectura dramática dunha adaptación do relato "O Fornadas" de Xabier P. Docampo (de Cando petan na porta pola noite) e escenificaron tres contos de medo inventados por elas e eles mesm@s.
A nosa lectora de inglés Natalie tamén leu un conto de medo de Edgar Allan Poe, "O corazón delator" empregando tres idiomas: inglés, castelán e galego.


Aquí van algunhas fotos e secuencias breves da celebración.>




Comentarios (0) - Categoría: DATAS PARA NON ESQUECER - Publicado o 07-11-2010 11:59
# Ligazón permanente a este artigo
SAMAÍN 2010, PÁNICO NA BIBLIOTECA
Esta semana celebramos o Samaín con dramatizacións de contos de medo na biblioteca e un concurso de cabazas.
Aí vai un primeiro vídeo para crear ambiente.


Comentarios (0) - Categoría: DATAS PARA NON ESQUECER - Publicado o 05-11-2010 08:13
# Ligazón permanente a este artigo
23 DE ABRIL: DÍA DO LIBRO
Mira e escoita! Un rap dedicado ao libro.

Comentarios (0) - Categoría: DATAS PARA NON ESQUECER - Publicado o 23-04-2010 11:05
# Ligazón permanente a este artigo
14 DE FEBREIRO: DÍA DO AMOR

Lembramos o poeta português Eugénio de Andrade, poeta do amor e da natureza.



É urgente o amor.
É urgente um barco no mar.

É urgente destruir certas palavras,
ódio, solidão e crueldade,
alguns lamentos,
muitas espadas.

É urgente inventar alegria,
multiplicar os beijos, as searas,
é urgente descobrir rosas e rios
e manhãs claras.

Cai o silêncio nos ombros e a luz
impura, até doer.
É urgente o amor, é urgente
permanecer.
Comentarios (0) - Categoría: DATAS PARA NON ESQUECER - Publicado o 11-02-2010 10:50
# Ligazón permanente a este artigo
DÍA DA PAZ 2010
Celebramos o día da paz na biblioteca.
No blog lector Nós tamén navegar podedes visionar un vídeo con fragmentos das lecturas e o libriño confeccionado con algúns textos. E no blog da revista No Límite poderedes ler máis textos.

Comentarios (0) - Categoría: DATAS PARA NON ESQUECER - Publicado o 07-02-2010 11:51
# Ligazón permanente a este artigo
1 DE DECEMBRO: DÍA MUNDIAL CONTRA A SIDA
Recuperamos este vídeo protagonizado polo grupo de teatro de hai dous anos porque segue a ser vixente.


Comentarios (0) - Categoría: DATAS PARA NON ESQUECER - Publicado o 30-11-2009 12:05
# Ligazón permanente a este artigo
PATCHWORK CONTRA A VIOLENCIA DE XÉNERO
O alumnado de ESO do IES Lagoa de Antela está confeccionando varios patchwork contra a violencia de xénero. Frases en positivo, carteis, palabras e os nomes das vítimas mortais deste ano son os motivos temáticos pintados en diversos anacos de tea. A actividade de coser xuntos, mozas e mozos, contribúe a unha educación para a igualdade.


Comentarios (6) - Categoría: DATAS PARA NON ESQUECER - Publicado o 23-11-2009 11:41
# Ligazón permanente a este artigo
SEMANA DE PÁNICO NA BIBLIOTECA: O SAMAÍN DÁ MEDO
Esta semana a biblioteca vai dar medo. Velaquí vai un aperitivo.

Comentarios (2) - Categoría: DATAS PARA NON ESQUECER - Publicado o 02-11-2009 10:48
# Ligazón permanente a este artigo
CORRELINGUA 2009
O alumnado de 1º da ESO, como é tradición, participou nesta nova edición do CORRELINGUA.

Esta carreira é un acto simbólico pola defensa da nosa lingua que se celebra todos os anos nas capitais das catro provincias.

Comentarios (1) - Categoría: DATAS PARA NON ESQUECER - Publicado o 08-05-2009 14:01
# Ligazón permanente a este artigo
25 DE ABRIL SEMPRE!!
Onte foi 25 de Abril!! O 25 de abril conmemórase a Revolução dos Cravos, o levantamento que, en 1975, en Portugal, protagonizou o exército contra a ditadura de Marcelo Caetano, continuador do tirano Salazar.
O exército entrou en Lisboa cun caravel na punta dos fusís e foi recibido pola poboación con moito balbordo e alegría. Unha revolución sen derramamento de sangue e liderada polo exército, o que tal se viu! Portugal estaba canso de mandar fillos a África a morrer pola patria, cuxa defensa na conservación das colonias rebeldes era máis importante para os dous ditadores que a vida dos seus compatriotas. A PIDE, odiada institución que se encargaba de perseguir, torturar e eliminar os “subversivos”, foi desmantelada.
A canción símbolo da revolución foi Grándola, cantada por José Afonso (Zeca), hoxe convertida nun himno que non coñece froterias.Grándola, vila morena, terra da fraternidade, o povo é que máis ordena, dentro de ti, ó cidade... A acrtiz e directora portuguesa Maria de Medeiros dirixiu e protagonizou unha película sobre os acontecementos: Capitães de Abril.
25 de Abril sempre!!
Comentarios (1) - Categoría: DATAS PARA NON ESQUECER - Publicado o 26-04-2009 18:48
# Ligazón permanente a este artigo
VÍDEO SOBRE RAMÓN PIÑEIRO

As letras galegas homenaxean a Ramón Piñeiro. Atopamos este vídeo grazas ao blog


no bico da lingua
Comentarios (1) - Categoría: DATAS PARA NON ESQUECER - Publicado o 20-04-2009 09:54
# Ligazón permanente a este artigo
"RAMÓN" NA BIBLIOTECA: LECTURAS DRAMÁTICAS

Celebramos o Día Mundial do Teatro cunha lectura dramática na biblioteca. De novo foi “Ramón” de Sergi Belbel, adaptada por Begoña Muñoz e readaptada nesta ocasión para 8 personaxes, a que logrou arrancar os risos e os aplausos do público. Noraboa para as e os protagonistas de 3º C de ESO: Pablo, Marta, Andrea Rodríguez, Lucía, Andrea Feijóo, Manuel, Eva e Diego.
Se queres información sobre pica aquí.Sergi Belbel
Comentarios (0) - Categoría: DATAS PARA NON ESQUECER - Publicado o 27-03-2009 00:02
# Ligazón permanente a este artigo
27 DE MARZO: DÍA MUNDIAL DO TEATRO

O 27 de marzo conmemórase o Día Mundial do Teatro, declarado polo Instituto de Teatro Internacional como recoñecemento ao importante papel que desempeña na vida das persoas.
Os beneficios que aporta o teatro no ámbito educativo son moi valiosos, pois permite adquirir habilidades sociais que contribúen á formación integral das persoas. A súa práctica incrementa a competencia social e cidadá, axuda a coñecerse e coñecer os demais, potencia a empatía e a resolución dos conflitos a través do diálogo, desenvolve a sensibilidade e a creatividade e favorece a adquisición da competencia comunicativa.

“ O poder esencial do teatro é deixar de lado todo o que separa as persoas: diferenzas de raza, de educación relixiosa ou política, diferenzas de linguaxe. En cambio pon de relevo todo o que as persoas teñen en común: o riso e as bágoas, a alegría e a tristeza, a felicidade e a angustia, ou sexa o que é dominio do corazón. O teatro fai aparecer o corazón común de todas as persoas, nisto é o máis eficaz vehículo de paz.”

Jean Louis Barrault (actor e director francés)

Rescatamos estas palabras de Begoña Muñoz Saá( dramaturga e profesora de Lingua e Literatura Galegas e Teatro no IES Otero Pedrayo de Ourense) que impartiu unha charlla interactiva sobre teatro no IES Lagoa de Antela hai 3 anos e concedeu unha entrevista a un grupo de alumnas e alumnos de 4º da ESO. Nas clases de teatro traballamos con textos creados ou adaptados desta dramaturga tan comprometida co teatro e a educación.

P- Pensa que o teatro pode ser unha cura ou remedio emocional?

R- Si, o teatro é unha maneira para coñecerte moitísimo, pois cada vez que tes que representar un personaxe tes que facer un estudo de como ese personaxe actuaría. Por exemplo, se ti tes que representar unha persoa que ten SIDA, evidentemente ti non podes enfermar para poder representalo ben pero si que te tes que documentar, igual que para facer de prostituta tes que documentarte. Un bo actor e unha boa actriz teñen que ser, primeiro, uns grandes observadores da realidade e, segundo, teñen que ser unhas persoas moi tolerantes, pois saben perfectamente o que poden sentir as persoas nun momento determinado. Se ás persoas conflitivas, ás que teñen algún tipo de problema social ou un sistema de valores desaxustado,como son os alumnos machistas, que teñen un desprezo absoluto da muller, lles fas vivenciar o que sente unha persoa que sofre, unha muller manipulada ou unha muller desprezada- é horroroso porque se poñen fatal- podes conseguir que se sensibilicen e cambien de actitudes. A estas persoas, que desprezan os homosexuais e lles chaman maricóns, en teatro, mediante as improvisacións, pódeslles facer comprender o que un home homosexual podería sentir nesa circunstancia.

P- Escolle unha obra e un personaxe, ese con quen te identificarías.

R- Ofelia, por exemplo, pero identifícome, sobre todo, coas mulleres que padecen algún tipo de maltrato, as mulleres que están doídas, as mulleres que sofren, todas as mulleres que aparecen nas obras de teatro con algún tipo de estigma. Porque independentemente de que ti non vivas a experiencia do maltrato si que te sentes maltratada constantemente pola vida. A vida dos homes segue sendo nestes momentos máis fácil cá nosa, é o que penso, hai unha diferenza enorme e iso é tan inxusto... A única esperanza que teño é que estas cousas vaian cambiando; as miñas fillas, por exemplo, dende logo non van educadas como fun eu, para soportar o que eu soportei. Isto ten que cambiar porque a comodidade de vida que teñen os homes, en xeral, en comparación coa vida das mulleres, é abismal; é tan evidente esta inxustiza que eu non entendo como todo o mundo non reacciona.
Comentarios (0) - Categoría: DATAS PARA NON ESQUECER - Publicado o 24-03-2009 11:44
# Ligazón permanente a este artigo
MARTA DACOSTA RESUCITA A OFELIA

RESUCITANDO A OFELIA

Marta Dacosta achegouse ao noso instituto para falármanos, entre outros temas, da “invisibilidade” das mulleres e da existencia do “teito de cristal” no ámbito literario.

A través dalgúns textos, a poeta foi desmontando algúns mitos fabricados sobre prexuízos sexistas e insistiu na necesidade de documentarse antes de crer algunha “análise minimizadora” contra mulleres relevantes, sobre todo cando estas críticas son produto dunha ollada masculina. Como exemplo, citou lendas sobre algunhas escritoras coñecidas (Rosalía de Castro, María Mariño...) que nos sorprenderon e que demostraron como as autoridades literarias acostuman a desconfiar da intelixencia das mulleres e mostran reticencias á hora de valorar a calidade das súas obras.

A poeta tamén interpretou algúns textos de poetas dende unha óptica feminista. Xohana Torres, Luisa Villalta, Antía Otero, a mesma Marta Dacosta, forman parte dun grupo de escritoras que incorporan unha nova materia poética aos seus versos: vivencias, experiencias e simboloxía claramente femininas.

Canto material incitando á reflexión.

Durante moito tempo a muller non foi máis ca un obxecto artístico deseñado para satisfacer o ego masculino, unha proxección dos seus desexos. Estas escritoras, coma outras moitas, racharon cos estereotipos e construíron novos espellos onde mirarse, espellos que devolven identidades: de mulleres-suxeito, mulleres activas, críticas, independentes, que asumen espazos sen ter que xustificarse.

E aínda que hai moito camiño por andar o proceso é irreversible e xa non hai marcha atrás.

Mentres Penélope navega Ofelia resucita.

Grazas, Marta.

Máis información no seu blog e no blog lector .
Acuática Nós tamén navegar
Comentarios (0) - Categoría: DATAS PARA NON ESQUECER - Publicado o 10-03-2009 00:58
# Ligazón permanente a este artigo
DÍA DA LINGUA MATERNA: 21 DE FEBREIRO
Rescatamos do xornal O faro de Vigo esta noticia da semana pasada que convida a reflexionar.
O galego deixa de ser unha lingua en perigo de extinción para a Unesco
No Estado español, contabilízanse catro idiomas en risco de desaparición ou nunha situación vulnerable


M. MATO / VIGO Un total de 2.500 linguas de todo o mundo sofren o risco de desaparecer. Son os datos do último Atlas Unesco das linguas en perigo no mundo que onte foi presentado en París e no que catro idiomas do Estado Español figuran no límite da existencia ante a disminución alarmante de falantes. Neste grupo, non se atopa o galego que pasa a situarse "a salvo" xa que "todas as xeracións falan a lingua e a súa transmisión dunha xeración a outra é continua". Esta categorización do galego contrasta coa que recibira no anterior volume do ano 2001 onde figuraba como unha lingua "en perigo".
Un dos encargados de realizar o Atlas o filólogo finlandés Tapani Salminen explicaba onte a Efe que o galego protexeuse nestes últimos anos pola súa proximidade ao portugués. Engadiu Salminen tamén que, de toda Europa, a lingua minoritaria máis forte é, actualmente, o catalán.
No caso do vasco, o informe da Unesco etiqueta a súa situación como "vulnerable" entendendo como tal que "a maioría dos nenos falan a lingua, pero o seu uso pode estar restrinxido a determinados ámbitos (o fogar, por exemplo)". O Atlas engade que o euskera rexistra 660.000 falantes nativos.

Se queres seguir lendo preme aquí:O galego deixa de ser unha lingua en perigo de extinción
Comentarios (3) - Categoría: DATAS PARA NON ESQUECER - Publicado o 25-02-2009 20:07
# Ligazón permanente a este artigo
FESTIVAL DE NADAL MULTICULTURAL


Organizado pola vicedirección do IES Lagoa de Antela e conducido por dous excelentes presentadores celebrouse o Festival de Nadal no IES Lagoa de Antela. Actuacións multiculturais e diversificadas que fixeron as delicias dun público totalmente entregado.
A música foi a protagonista do acto: danza árabe, tango, rap, sons galegos modernizados, ritmos latinos, piano… converteron o Salón de Actos nun escenario multidiverso unido polo respecto e a solidariedade.
Entregáronse os premios dos diferentes concursos: postais de Nadal, en busca do tesouro escondido, micropoemas…
Todo para celebrar a chegada das vacacións de inverno, as que despiden o ano e nas cales facemos balance do vivido e deseñamos proxectos de futuro con ganas de cumprilos sempre.
E como esta é unha época de bos propósitos, por que non comezar con pequenos plans a curto prazo e non imposibles?
E como esta tamén é época de compras e agasallos, por que non planificar ben os gastos e evitar o consumismo?

Regala libros, regala en galego, consume responsablemente.
Comentarios (0) - Categoría: DATAS PARA NON ESQUECER - Publicado o 24-12-2008 10:59
# Ligazón permanente a este artigo
COUSAS DA LINGUA EN ANIMACIÓN
Vimos de descubrir, grazas ao blog de Séchu Sende, estas animacións.
A lingua animada
Comentarios (0) - Categoría: DATAS PARA NON ESQUECER - Publicado o 13-12-2008 21:33
# Ligazón permanente a este artigo
DÍA DOS DEREITOS HUMANOS: AS COSTAS DO MUNDO

Proxectaremos este documental para celebrar o día.

FICHA TÉCNICA
Dirección: Javier Corcuera
Guión: Elías Querejeta, Fernando León de Aranoa e Javier Corcuera
Produción: Elías Querejeta P.C. coa colaboración de TVE e Vía Dixital
Duración: 89 min.
Países: Perú, Turquía, Estados Unidos
Ano de produción: 2000
Repartición:

Sinopsis: A película componse de tres reportaxes que afrontan outras tantas situacións de degradación humana e inxustiza social e política. A primeira pasaxe, O Neno, segue os pasos de Guinder Rodríguez, un espilido e encantador rapaz de 11 anos, que malvive coa súa numerosa familia nunha chabola dos suburbios máis pobres de Lima. Da súa man móstrase o duro traballo dos picapedreiros, ao que se ven abocados moitos menores da zona, que deben facer esforzos heroicos para seguir recibindo educación escolar. O segundo fragmento, A Palabra, é unha homenaxe a Leyla Zana, a primeira muller kurda que chegou a ser deputada no parlamento turco, e que leva desde 1994 nun cárcere de Ankara, cumprindo unha condena de 15 anos. O motivo: levar ao seu xuramento parlamentario un diadema coas cores da bandeira de Kurdistán e pronunciar, no prohibido idioma kurdo, unha frase sobre a irmandade entre o seu pobo e o pobo turco. Esta vez guían a historia os seus familiares, e especialmente o seu marido, Mehdi Zana, que foi o primeiro alcalde kurdo de Diyarbarkir -a principal cidade do Kurdistán turco- e que agora vive autoexiliado en Suecia, tras pasar 16 anos no cárcere. Sobre el pesan aínda outras condenas por un total de máis de 25 anos de prisión. Finalmente, n’A Vida, a cámara entra no corredor da morte dun cárcere de Texas, para mostrar sen concesións a deshumanización que leva a pena capital. Ao fío das confesións íntimas de Thomas Miller-O -un condenado negro, que xa sufriu dez datas de execución e coñeceu a 120 executados-, preséntanse as declaracións alucinantes, na súa terrible frialdade burocrática, do alcaide, o capelán protestante e outros funcionarios do cárcere, así como as sentidas opinións de familiares de condenados e dalgunha vítima.
Comentarios (0) - Categoría: DATAS PARA NON ESQUECER - Publicado o 07-12-2008 13:51
# Ligazón permanente a este artigo
LECTURAS ABERTAS CONTRA A VIOLENCIA DE XÉNERO


Pasaba as horas diante do espello
Contando cada segundo

Morrín tantas noites
Coñecín tan poucas lúas
E soñei tantas estrelas…

Baten na porta e xa se adiviña o cheiro a whisky barato ó outro lado do muro de Berlín

O cronómetro biolóxico acelérase
Coñecedor do holocausto

Cantas veces fuxín
E ningunha fun quen de facelo

Baten na porta e cada vez é máis intenso o perfume dos puños sanguentos

O reflexo volveuse negro
E murcharon as rosas dun perdón tantas veces errado

Abrín a fiestra
E cobarde de min
Vivín para sempre.


Ana Parada

Esta vella alumna do IES Lagoa de Antela mándanos os seus versos contra a violencia sexista.


Comentarios (1) - Categoría: DATAS PARA NON ESQUECER - Publicado o 24-11-2008 18:27
# Ligazón permanente a este artigo
SESIÓNS DE CINEFÓRUM

DÍA: MÉRCORES 26 DE NOVEMBRO
HORA:16:00 HORAS
LUGAR: SALÓN DE ACTOS


TITULO ORIXINAL O baño do Papa
ANO: 2005

DURACIÓN: 90 minutos

PAÍS: Uruguai
DIRECTOR: César Charlone, Enrique Fernández

GUIÓN: César Charlone, Enrique Fernández
MÚSICA: Gabriel Casacuberta, Luciano Supervielle
FOTOGRAFÍA: César Charlone
REPARTO: César Troncoso, Virginia Méndez, Virginia Ruíz, Mario Silva, Nelson Lence, Henry De Leon, Jose Arce, Rosario Dous Santos, Hugo Blandamuro

PRODUTORA: Laroux Cine
XÉNERO E CRÍTICA:


Drama. Comedia / SINOPSIS: É o ano 1988 e o Papa XOÁN PAULO II vai visitar Melo, unha pobre comunidade fronteiriza de Uruguai. O Pontífice empezará a súa xira por Latinoamérica nesta pequena cidade na que se espera a máis de 50.000 visitantes. Os máis modestos están convencidos de que esta visita será milagrosa para a alma e a carteira; moito cren que vendéndolle comida e bebida a esa multitude faranse case ricos. Pero Beto ten unha idea mellor: construirá unhas letrinas diante da súa casa e alugaraas. (FILMAFFINITY)

Unha historia conmovedora e chea de humor, acerca da dignidade humana e a solidariedade, do guionista e realizador Enrique Fernández e do director de fotografía e realizador César Charlone (nomeado a un Oscar pola fotografía de Cidade de Deus), e coproducida por Fernando Meirelles, realizador nomeado pola Academia de Hollywood (Cidade de Deus, O xardineiro fiel).


Comentarios (0) - Categoría: DATAS PARA NON ESQUECER - Publicado o 23-11-2008 10:37
# Ligazón permanente a este artigo
MAGOSTO EN LODOSELO

Profes e ex-profes do IES Lagoa de Antela, nenas, nenos e persoas achegadas déronse cita en Lodoselo para gozar dun magosto intenso organizado por Tomás, profesor de Ciencias, en colaboración cos membros da asociación CRD O Viso.

Amasamos pan e comemos inchóns (as raspas da masa), atrevémonos cos xogos populares (ra, zancos, sacapauciños, peóns, chave, pesca-botella…), xantamos de vicio, esforzámonos nun interesante xogo de orientación na Aula de Natureza (bosque mixto con cerquiños, acivros, faias, teixos, abelairas, carballos, bidueiros…) e rematamos, claro, con castañas asadas.

As crianças pasearon en burro, percorreron a horta e xogaron a fartar.
Comentarios (1) - Categoría: DATAS PARA NON ESQUECER - Publicado o 17-11-2008 09:48
# Ligazón permanente a este artigo
1 [2]
© by Abertal