lugar para a conectividade e o intercambio de memoria sobre o noso pasado personal e humano


THE BATTLE OF THE GOOD MEN

Selección oficial Cans 2018. sección vídeo clips.

Selección oficial Son Rías 2018. sección vídeo clips.

A VOLTA DOS NOVE

Nominación Mellor Documental
Premios Mestre Mateo, 2015

Premio do Público
Festival Primavera do Cine, 2015


DESDE DENTRO DO CORAZÓN

Nominada a Mellor Banda Sonora
Jerry Goldsmith Awards, 2013

Nominada a Mellor Longametraxe
Festival Primavera do Cine, 2014


O FAIADO DA MEMORIA

Arousán do Ano 2009
Apartado Cultura


A MEMORIA NOS TEMPOS DO VOLFRAM

1º Premio Certamen Etnográfico
Espiello, 2005


ARQUIVO DA MEMORIA SOCIAL
damemoria@gmail.com
 ESPACIOS
 GALERÍA DE FOTOS
 Ir a estas páxinas
 ARQUIVO

A emigración a Inglaterra


Escribo isto mentres escoito unha versión do "come together" dos beatles. Rosa e José non creo que tiveran tempo de cruzarse con eles alá polas illas británicas. Tiñan o tempo demasiado ocupado co traballo.

Pero hai unha cousa, o velas súas fotografías da emigración, e era ese coche co que posa José nesta foto da dereita e que no artigo de Serxio é Rosa a que está retratada con el.

Os que temos algo máis de trinta anos (bastantes mais) lembrámonos de cando os emigrantes chegaban o noso pobo con aqueles cochazos que daban ganas de collela maleta e sair escopetados a buscar ese lugar onde debía brotalo maná no medio dos campos de millo. Non como aquí que neses campos só había espantallos, homes do saco e sacauntos. Aquilo si que era un efecto chamada.

Trinta anos a cabalo de Vilagarcía, Aberdeen, Londres e Compostela

Esta é unha historia de emigración, de encontros e desencontros cando a vida hai que gañala fóra. Tamén dunha pregunta: ¿realmente mudou tanto isto?
Comentarios (5) - Categoría: Os Artigos do Faiado - Publicado o 19-02-2009 15:42
¡Xa estamos de Volta!
Cumplindo o prometido, xa estamos aquí.
Para comenzar tres espacios novos: Os toros en Vilagarcía, unha rareza, as obras, esa historia de nunca rematar e o comenzo de Fexdega. decenove fotografías que ilustran eses espacios da memoria. A amplia recollida de material gráfico destes días permítenos abrir novos espacios e/ou aumentar os xa existentes. De momento apostamos por abrir ventás antes de aumentar os contidos das xa existentes.
De tódalas formas sería importante a opinión de vostedes por se lles gustaría reforzar algún dos apartados xa existentes. Todo se informaría no apartado principal. De momento disfruten destes novos espazos.
Comentarios (0) - Categoría: Xeral - Publicado o 19-02-2009 12:51
O comenzo de Fexdega

Inauguración da primeira Feira Exposición Agrícola e Industrial de Vilagarcía (Fexdega)


foto donada por Pedro Piñeiro
Comentarios (0) - Categoría: Actualizacións da Galería de Fotos - Publicado o 19-02-2009 12:15
Estamos de Obras

Obras en Vilagarcía


foto donada por Pedro Piñeiro
Comentarios (0) - Categoría: Actualizacións da Galería de Fotos - Publicado o 19-02-2009 11:30
Moncho Paredes e os touros

Moncho Paredes
Comentarios (13) - Categoría: Actualizacións da Galería de Fotos - Publicado o 19-02-2009 11:14
Mauthausen e o Arquivo Social da Memoria

Dentro das súas actividades ao Arquivo Social da Memoria encomendóuselle a tarefa de buscar datos sobre as familias vilagarciáns que tiveran un familiar nos tristemente celebres campos de concentración nazis.

A cuestión era buscar posibles fillos desas personas que faleceran nos campos e que fosen menores de 21 anos no momento da morte dos seus proxenitores, xa que o goberno francés lles concede unha axuda duns 27.000 € polos padecementos sufridos polas súas familias.

A falta dos datos que ainda nos ten que aportar o Rexistro Civil da Vila, a día de hoxe (18 de febreiro e 2009), e logo de ter consultados os libros de nacementos das parroquias de Vilaxoán e O Carril, temos identificados a tres dos falecidos dos que, dous deles, temos localizados as súas familias.

Os nomes e datos de vida das cinco personas son:

José García Rodríguez de O Carril
nacido o 12 de abril de 1912
morto en Mauthausen o 15 e outubre de 1941

Antonio Quintáns Romero de O Carril
nacido o 5 de maio de 1909
morto en mauthausen o 19 de marzo de 1942

Francisco Varela Loureiro de (supostamente) Trabanca Sardiñeira (pode ter fallos no nome)
nacido o 15 de novembro de 1896
morto en Mauthausen o 6 de abril de 1941

Ramón Díaz Ribas de Vilaxoán
nacido o 15 de outubro de 1887
morto en Mauthausen o 27 de xaneiro de 1941

Antonio Lamas Jueguen
de Vilaxoán
nacido 0 9 de agosto de 1912
foi o único que foi liberado do campo de Buchenwald (Alemania)

O día 17 de febreiro celebrouse unha xuntanza entre as dúas familias localizadas e os medios de prensa:

O Faro de Vigo, nun artigo escrito por Juan Fernández, titula, Una historia para los invisibles

No Diario de Arousa, Montse Fajardo escribe, Francia libera los recuerdos de Balbina, na sección de Vilagarcía

E en La Voz de Galicia e firmado por Roi Palmas, dous artigos: Francia salva la memoria arousana del exterminio nazi e Antonio Lamas fue uno de los liberados de Mauthausen.



A marxe dos vilagarciáns, outras personas da comarca sufriron padecemento e/ou morreron neses campos de concentración. Son o caso de,

Ramón Garrido Vial de O Grove (alias León Carrero Mestre) nacido o 24 de maio de 1915 e liberado en Allach 0 30 de abril de 1945

Antolín Rodríguez Abad de Vilanova de Arousa, nacido o 19 de outubre de 1912 e morto en Mauthausen o 10 de xaneiro de 1942

José Callón Peón de Ribeira, nacido o 13 de otubro de 1913 e morto en Mauthausen o 19 de febreiro de 1943.

Silvestre Albite Miranda de Ribeira, nacido o 5 de setembro de 1912 e morto en Mauthausen o 9 de novembro de 1941.

Francisco Caamaño Fernández de A Pobra do Caramiñal, nacido o 3 de decembro de 1907 e morto en Gusen o 3 novembro de 1941.

Juan Cameán San Isidro de A Pobra do Caramiñal, nacido o 1 de novembro de 1910 e morto o 29 de outubro de 1941 en Hartheim.

José Millán Martínez de A Pobra do Caramiñal, nacido o 29 outubro de 1915 e morto o 15 de xaneiro de 1942.

José Mínguez Castro de A Pobra do Caramiñal, nacido o 11 de marzo de 1908 e morto o 10 de xaneiro de 1942.

José Naveiro Couso de A Pobra de O Caramiñal, nacido o 19 de marzo de 1911 e morto en Hartheim o 18 de decembro de 1941.

Marcelino Ríos Outeiral de A Pobra de O Caramiñal, nacido o 7 de novembro de 1914 e liberado o 5 de maio de 1945 de Mauthausen.

Francisco Mendoza Coto de A Pobra de O Caramiñal, nacido o 21 e febreiro de 1912 e do que se descoñece o seu destino.

Na base de datos do Ministerio de Cultura tamén podemos atopar xente de Pontevedra, Boiro, Noia, Corrubedo, Vigo, etc
Comentarios (0) - Categoría: Xeral - Publicado o 18-02-2009 14:34
Perdoen as Molestias

Por motivo da grande cantidade de fotografías recibidas nos últimos días atopámonos ocupados a tempo total no escaneado deste material.

Por iso nos está sendo difícil a actualización do blog de forma diaria tal como era a nosa intención unha vez que comenzamos a preparar este espazo.

Por iso esperamos de que os que nos visitan dunha forma asidua nos poidan perdoar. O vindeiro xoves, 19 de febreiro, esperamos ter actualizado o blog con abundante material para poder compensar esta espera.

Gracias e permañezan atentos a pantalla. Enseguida estamos con vostedes.

O Arquivo Social da Memoria de Vilagarcía
Comentarios (0) - Categoría: Xeral - Publicado o 17-02-2009 00:39
Dando a nota
Texto ainda por colocar


foto donada por Segundo Barcala
Comentarios (6) - Categoría: Actualizacións da Galería de Fotos - Publicado o 12-02-2009 15:23
A praia Compostela

Texto provisional. Só sirve para afianzala fotografía.


foto donada por Fefa
Comentarios (2) - Categoría: Actualizacións da Galería de Fotos - Publicado o 11-02-2009 20:44
O "muelle" de ferro


Gracias a cantidade de fotografías que vostedes están cedendo o Arquivo Social da Memoria, e esperamos que sexan moitas máis, podemos realizar espacios monográficos adicados a distintas localizacións de Vilagarcía. Distintos puntos de vista dun mesmo lugar.

Vamos a comenzar por un dos lugares emblemáticos da Vila. Aquel do que todos falan e que uns poucos poden decir hoxe que o viron e que o disfrutaron.

Un lugar que serviu para recibir a moitos visitantes ilustres e viaxeiros camiño da cidade Santiaguesa, que despediu a moitos camiño dun porvir máis alá do mar.

Estamos a falar do "muelle" de ferro. Esa extensión de Vilagarcía que se abría catrocentos metros sobre o mar. Parecía que invitaba a xente a pasar. Que servía tamén para realizar un paseo dominical. Contemplar unha posta de sol. "Ir a velos barcos" que chegaban.

A mediados dos sesenta este, que xa era un emblema de Vilagarcía, desaparece "en ben do progreso". Pouco a pouco Vilagarcía, a pesar de nacer e crecer desde o mar e co mar, comenzaba a alonxarse del.

Quédannos hoxe, para o recordo, aquelas imaxes que gardaron os fotógrafos, que serviron para imprimir centos de postais, que recolleron cámaras de aficionados que ían a "retratarse" a ese peirao, o "muelle" de ferro.


foto donada por Teresa Briones


Comentarios (3) - Categoría: Actualizacións da Galería de Fotos - Publicado o 11-02-2009 20:09
© by Abertal