lugar para a conectividade e o intercambio de memoria sobre o noso pasado personal e humano
THE BATTLE OF THE GOOD MEN

Selección oficial Cans 2018. sección vídeo clips.

A VOLTA DOS NOVE

Nominación Mellor Documental
Premios Mestre Mateo, 2015

Premio do Público
Festival Primavera do Cine, 2015


DESDE DENTRO DO CORAZÓN

Nominada a Mellor Banda Sonora
Jerry Goldsmith Awards, 2013

Nominada a Mellor Longametraxe
Festival Primavera do Cine, 2014


O FAIADO DA MEMORIA

Arousán do Ano 2009
Apartado Cultura


A MEMORIA NOS TEMPOS DO VOLFRAM

1º Premio Certamen Etnográfico
Espiello, 2005


ARQUIVO DA MEMORIA SOCIAL
damemoria@gmail.com
 ESPACIOS
 GALERÍA DE FOTOS
 Ir a estas páxinas
 ARQUIVO

O NÚMERO DOUS DO VALENTÍN TRIBUNE

Ainda que pareza a mesma imaxe da que xa puxemos anteriormente, con motivo da presentación do número catro, non é así.

Esta portada corresponde o número dous do Decano da Prensa Caballeresca na súa edición "carnavalera".

O grandioso Valentín Tribune.

Estamos no ano 1971, nos días exactos da botadura e singladura do Submarinentín que podedes ver no vídeo que está mais abaixo ou mesmo na galería reservada para os temas audiovisuais.

Esta edición está chea de noticias mais ou menos certas e incluso falsas de todo. A calidade deixa un tanto que desexar pero, de momento, é o que che hai. Maloserá que non consigamos copias mellores que podamos cambiar por esta dentro de pouco.

Para baixala só teredes que premer aquí e seguilo procedemento habitual ao que estades, pola gran cantidade de baixadas, moi habituados.

Que vostedes o disfruten.
Comentarios (0) - Categoría: Zona de DESCARGAS - Publicado o 08-02-2010 23:23
ZONA DE DESCARGAS
A partires de agora, na parte esquerda da pantalla deste blog, tedes un novo espazo que se chama ZONA DE DESCARGAS.

Alí van a ir a parar os distintos arquivos que podedes baixar do blog, ben os que xa están nestes momentos (historia dos trompos, apropósitos, Carús, Valentín Tribune,...) como os que se vaian engadindo a partires de agora.


Gracias e disfrutade.
Comentarios (2) - Categoría: Zona de DESCARGAS - Publicado o 08-02-2010 15:58
O SUBMARINENTÍN ZEPPELENTIANO
Seguindo cos capítulos adicados a Orde do Zeppelentín traemos hoxe unha gravación sacada dos mais profundos e negros arquivos do cesid.

Trátase da posta en marcha do segundo enxeño realizado polos zeppelentianos: O submarinentín. O buque insignia da orde vilagarciana.

Un submarino chamado a suceder o nautilus que anos antes fixera a súa viaxe baixo o casquete polar.

O submarinentín logrou, con éxito, permanecer varios días baixo as augas arousáns. E alí seguiría hasta hoxe si non o foran a buscar.

Todo un fito da puxante inxeñería zeppelentiana.

Queda aquí esta testemuña visual daquela historia tan colosal.

Comentarios (1) - Categoría: Galería de Vídeos - Publicado o 06-02-2010 01:06
E AQUÍ ESTÁ O REGALIÑO!!
Da man de Tino Silva, que xa aportou unha boa cantidade de fotos o Faiado e do que esperamos ainda moitas máis, chega a nos este anaco de película que datamos nos anos 30 do pasado século na praia Compostela.

As imaxes son preciosas e con moita calidade para ser unha gravación doméstica, posiblemente en 16 milímetros ou Patte Baby.

Algunha das personas están identificadas pero esperamos que vos aportedes datos e, especialmente, para saber quenes poderán ser eses nenos pequenos que ainda poderían estar vivos a día de hoxe.

A música que se escoita de acompañamento non é unha calquera, senón que está feita expresamente para este anaco de memoria. ¿Por quen?. Sentímolo pero non nos está permitido decírvolo, pero como somos uns cotillas (de feito adicámonos a escudriñar nas vosas lembranzas) non nos podemos resistir... ¿que?, ¿como dices, Juan?, ¿Que non podo decilo teu nome?. Pois punto-pelota. Non o digo.

Pero é mellor deixar de ler e e que vos poñades a ver este cachiño de vida na praia Compostela.

Disfrutade deste regalo de aniversario.

Comentarios (15) - Categoría: Galería de Vídeos - Publicado o 03-02-2010 21:34
E QUE CUMPLADES MOITOS MAIS!!

Coido que é o momento de soplar. Soplar no bo sentido da palabra, non nun figurado. Eu refírome o feito de botar aire con forza pola boca co fin de apagala nosa vela.

Ahí está, colocada no medio da, daquela, Praza da República, recén inaugurada.

Este é o noso/voso cumpleanos. Nos só nos dedicamos a recoller, catalogar e subir fotografías este blog. Pero se non fose por vos, permitíndonos, nun principio, entrar nos vosos fogares, rebuscar nos vosos recordos, donalos para podelos compartir... Sen vos isto non sería mais que papel mollado. Un blog sen sustancia. Un arquivo sen contidos. Por iso este tamén é voso aniversario.

E como regalo de aniversario queríamos colocar aquí unha pequena película da praia de Compostela nos anos 30. Pero a tecnoloxía estase a pelexar con nos no día de hoxe. Pero non desistimos e esperamos que o longo desta xornada podamos retirar parte deste comentario e colocar ese anaco en movimento da nosa historia.

Permanecede atentos a esta vosa pantalla.
Comentarios (0) - Categoría: Xeral - Publicado o 03-02-2010 18:16
TACHAAAAAN!!!!


E chegou o día no que se cumple o final da subida conmemorativa.

365 fotografías colocadas o longo destes últimos días. E mañán, de cumpleanos. Teremos que facer unha tarta onde coloquemos a nosa primeira veliña. Ainda que sexa virtual.

A última subida corresponden as Galerías Soan campás de voda, Primeiras comunións e Tradicións nosas, actos e festas.

Disfrutade.



Comentarios (0) - Categoría: Actualizacións da Galería de Fotos - Publicado o 02-02-2010 15:05
QUEDAN DOUS DÍAS!!
Xa estamos as pre-vísperas. Dentro de tres días cumplios-cumplides e dentro de dous rematamos con estas grandes subidas. Coas 92 subidas no día de hoxe xa vamos en 303 fotografías novas.

¿E onde están as que se subiron hoxe?.

Pois moi simple, nas Galerías de Posando (67) e Outra maneira de vivir (25).

E, entre subida e subida, seguimos coa preparación da exposición da "Escola en Vilagarcía". A relación de materiales aportados para esta exposición xa comenza a colapsar o espazo da Concellería de Cultura, pero a nos danos igual, ainda que teñamos que habilitar outros espacios para seguir almacenando. A resposta das personas e dos centros académicos é fabulosa. E moitos deses materiales os teremos que recoller nos días previos a exposición, como a escola que vamos a montar extraida de Loenzo, ou as aportacións do Museo Pedagóxico de Galicia en cuestións de pupitres de distintas épocas, ou os libros, libretas, plumas, uniformes, mapas, etc que van a estar expostos na sala de exposicións do auditorio. E que teremos que ampliar polos pasillos xa que se nos vai quedar pequeno ese espazo.

E na de Corbatilla, nas aulas da Rede de Dinamización, están pasando o ecuador do obradoiro de videomontaxe na que se están elaborando unha serie de minidocumentais que serán exhibidos na sala de exposicións. Podedes ver arriba a pequena foto de parte dos asistentes o obradoiro. Esta semana daranlle os toques finais a estes traballos e logo, a metade de marzo poderemos velos no auditorio de Vilagarcía. Alí apareceran as testemuñas de algúns de vos que pasáchedes polo obradoiro a deixar as vosas experiencias como Lolita Camiño, Dieguito, Antonio, Ramón Rodríguez, Cunino... e tamén as experiencias dos propios integrantes do obradoiro como Tere Briones.

E logo estarán as fotos que nos donáchedes entre todos e todas. Quizás nos siguen faltando algunhas fotografías das escolas alumnos e mestres dalgunha das parroquias. Guillán, Cea, Trabanca Sardiñeira e Badiña, Castrogudín, Bamio, ... Se algún dos que nos leen ainda teñen algunha foto ou documentación destes lugares agradeceríamos que se puxesen en contacto con nos ben personalmente no concello (no segundo piso do auditorio) ou por correo electrónico.

De momento seguir disfrutando desta excepcional subida fotográfica.
Comentarios (0) - Categoría: Actualizacións da Galería de Fotos - Publicado o 31-01-2010 11:40
QUEDAN TRES DÍAS!!



Tres días para chegar a víspera do noso/voso primeiro aniversario. Nesa víspera teremos chegados as 365 fotografías tal como prometimos para levar a cabo esta conmemoración.

Fotografías que estanse a subir día a día a pesares de non anuncialo aquí.

De feito onte subíronse 30 fotografías na Galería Os deportes chegaron coa escuadra e hoxe 36 na de Os amigos.

Disfrutade e lembrar que mañán haberá máis.
Comentarios (0) - Categoría: Actualizacións da Galería de Fotos - Publicado o 29-01-2010 23:20
Homenaxe o doutor Tourón

Hoxe, venres 29, asistimos a celebración do 50 aniversario da morte do doutor Manuel Tourón.

Con tal motivo editouse un pequeno libro escrito por Javier Bouzada e Víctor Viana e donde o Faiado colaborou con aporte de fotografías e a preparación e escaneado das restantes.

Utilizouse para este traballo fotografías das donacións de Carrasco Villegas, Juan Carlos Porto e Jacobo Rey.

Gracias a todos. Pouco a pouco vaise realizando a historia personal de Vilagarcía e é gracias a participación e donación que realizades abríndonos os vosos fogares, chamándonos, índonos a visitar ó concello ou enviándonos fotografías vía internet.

Este traballo que comenzamos fai case dous anos (un máis que o blog) está dando os seus frutos incluso moito antes do que esperábamos. Pero iso non o facemos nos, solo somos os obreiros das vosas ilusións.

Disfrutade co libro (si é que non se esgotou xa, posto que a presencia na hoenaxe foi numerosísima)
Comentarios (2) - Categoría: Xeral - Publicado o 29-01-2010 23:08
FALTAN CINCO DÍAS
Faltan 5 días para o cumpleanos.

Onte esquencéusenos de colocar onde subíramos as fotos. Son os nervios dos celebrantes. Pero foron nas Galerías de Mulleres e traballo e O Carril.

Disfrutade que hoxe haberá máis.




P.D. ¿entre os presentes habera´´a algui´´en que sepa como sacar ese problema coas tildes? E que non vamos a dar acentuada unha palabra.

P.D.II. Gracias. Resolto o problema tíldico.
Comentarios (1) - Categoría: Actualizacións da Galería de Fotos - Publicado o 28-01-2010 10:01
© by Abertal