lugar para a conectividade e o intercambio de memoria sobre o noso pasado personal e humano
EU TAMÉN NECESITO AMAR

Premio Mellor documental galego CURTAS 2019.
Selección Oficial MICE 2020. Santiago (aplazado polo coronavirus)
Selección Oficial ESPIELLO 2020. Boltaña-Huesca (aplazado polo coronavirus)


THE BATTLE OF THE GOOD MEN

Selección oficial Cans 2018. sección vídeo clips.

Selección oficial Son Rías 2018. sección vídeo clips.

A VOLTA DOS NOVE

Nominación Mellor Documental
Premios Mestre Mateo, 2015

Premio do Público
Festival Primavera do Cine, 2015


DESDE DENTRO DO CORAZÓN

Nominada a Mellor Banda Sonora
Jerry Goldsmith Awards, 2013

Nominada a Mellor Longametraxe
Festival Primavera do Cine, 2014


O FAIADO DA MEMORIA

Arousán do Ano 2009
Apartado Cultura


A MEMORIA NOS TEMPOS DO VOLFRAM

1º Premio Certamen Etnográfico
Espiello, 2005


ARQUIVO DA MEMORIA SOCIAL
damemoria@gmail.com
 ESPACIOS
 GALERÍA DE FOTOS
 Ir a estas páxinas
 ARQUIVO

VÍDEO FILLO PREDILECTO A JOSÉ MOREIRA

O prometido é deuda e aquí está o vídeo gravado o día do seu nomeamento como fillo predilecto de Vilagarcía de Arousa.

Comenza cunha ofrenda floral diante do monumento a súa honra colocado na rúa que, logo, levaría o seu nome.

Logo, no concello, tería lugar o nomeamento de forma oficial dentro dun pleno extraordinario de honra.

Esperamos que podades velo tranquilamente se non poidéchedes estar presentes nese acto de homenaxe a un dos nosos mellores veciños.

Gracias pola vosa atención.



Comentarios (0) - Categoría: Galería de Vídeos - Publicado o 01-07-2010 09:40
O PROMETIDO É DEUDA
Iste é un traballo feito con moito amor. Por un lado o de Antonio que montou as imaxes, polo outro o de Juan Carlos Porto que creou a música, fixoa nacer pensando nos seus Pais sobre todo. O Faiado quérelle a Juan Carlos, sabemos da súa cruzada coa memoria de Manolo e de Gelina, os seus Pais. Acaba de facer trinta e un anos do seu pasamento, a Juan Carlos sigue doéndolle a ferida, a súa ausencia. Os seus recordos siguen vivos no seu corazón. Compuxo unha musica na súa memoria e o Antonio fixo o resto. Que o disfrutedes, merece a pena.

Comentarios (21) - Categoría: Galería de Vídeos - Publicado o 13-05-2010 18:14
OS CAMPANEIROS de VILAGARCÍA
Estando a revisar, reordenar e reclasificar o noso disco duro atopei esta reportaxe que formou parte dun dvd que editamos para o libro sobre os Campaneiros de Vilagarcía e que editou Edicións do Cumio.

Non sabemos de quen é a reportaxe pero non nos gustaría que esta se quedará no fondo escuro da memoria do disco duro. Os irmáns Valiñas do Sixto, xunto cos Carballa, espallaron polo país adiante (o mundo é parte do país) a súa música que nace do mais profundo da terra e que é sachada a golpe de ronco e palleta para ir a parar os surcos dos nosos cerebros. E parte do noso acervo cultural, como o é o rock, a polka, o hip-hop ou a cumbia. Somos un universo que colle nun fol, somos unha terra que crea e dela, ben regada e cuidada, crece de todo, tamén hervas malas, para que o vamos a negar, pero é máis grande e fermoso o que é bo e xeneroso.

Coido que a idiosincracia particular dos Campaneiros, vilagarciáns de terra adentro, é parte do espíritu que nos fai crecer.

Escoitémolos con agarimo, recollidos, cos ollos abertos e a mente tamén. Para seguir adiante temos que ver moito para atrás, como o mariñeiro que vai bogando de costas o seu destino, posto que ten que fixarse nas referencias que vai deixando tras súa.

Disfrutade con esta reportaxe e quen sepa de quen é a autoría que a diga e así farase xustiza xa que non conta con títulos de crédito algúns, só os iniciais que lle colocamos nos mesmos.

Os Campaneiros de Vilagarcía from o faiado da memoria on Vimeo.

Comentarios (2) - Categoría: Galería de Vídeos - Publicado o 27-03-2010 00:42
O SUBMARINENTÍN ZEPPELENTIANO
Seguindo cos capítulos adicados a Orde do Zeppelentín traemos hoxe unha gravación sacada dos mais profundos e negros arquivos do cesid.

Trátase da posta en marcha do segundo enxeño realizado polos zeppelentianos: O submarinentín. O buque insignia da orde vilagarciana.

Un submarino chamado a suceder o nautilus que anos antes fixera a súa viaxe baixo o casquete polar.

O submarinentín logrou, con éxito, permanecer varios días baixo as augas arousáns. E alí seguiría hasta hoxe si non o foran a buscar.

Todo un fito da puxante inxeñería zeppelentiana.

Queda aquí esta testemuña visual daquela historia tan colosal.

Comentarios (1) - Categoría: Galería de Vídeos - Publicado o 06-02-2010 01:06
E AQUÍ ESTÁ O REGALIÑO!!
Da man de Tino Silva, que xa aportou unha boa cantidade de fotos o Faiado e do que esperamos ainda moitas máis, chega a nos este anaco de película que datamos nos anos 30 do pasado século na praia Compostela.

As imaxes son preciosas e con moita calidade para ser unha gravación doméstica, posiblemente en 16 milímetros ou Patte Baby.

Algunha das personas están identificadas pero esperamos que vos aportedes datos e, especialmente, para saber quenes poderán ser eses nenos pequenos que ainda poderían estar vivos a día de hoxe.

A música que se escoita de acompañamento non é unha calquera, senón que está feita expresamente para este anaco de memoria. ¿Por quen?. Sentímolo pero non nos está permitido decírvolo, pero como somos uns cotillas (de feito adicámonos a escudriñar nas vosas lembranzas) non nos podemos resistir... ¿que?, ¿como dices, Juan?, ¿Que non podo decilo teu nome?. Pois punto-pelota. Non o digo.

Pero é mellor deixar de ler e e que vos poñades a ver este cachiño de vida na praia Compostela.

Disfrutade deste regalo de aniversario.

Comentarios (15) - Categoría: Galería de Vídeos - Publicado o 03-02-2010 21:34
o vó do Zeppelentín

Vamos a relatar, en curtos capítulos, por aquilo de darlle máis emoción, algunhas das actividades da Orde do Zeppelentín.

Nesta primeira entrega podemos ver unha gravación do lanzamento, o 22 de agosto de 1970, do Zeppelentín que, como o nome indica, trátase dun inxeño voador inventado, construido, patentado e probado polos xenios non sufecentemente recoñecidos (g.a.d.) da devandita Orde.

Gracias a que neses anos non estaba recoñecida a lei de delito ecolóxico hoxe moitos dos membros zeppelentinianos gozan dun descanso na súa casa en vez de en sanquintinentín.

Pasemos a observar con atención e detenimento o ocurrido naquel día sen necesidade de atender os diálogos, mais que nada por que non os ten.


zeppelentin
Comentarios (1) - Categoría: Galería de Vídeos - Publicado o 25-01-2010 21:29
O Arosa tamén é parte da nosa memoria
O son forma parte tamén da nosa memoria. Con ese motivo realizamos o espectáculo "...coa axuda dos meus amigos", un reencontro visual e emocional pero tamén, e moi importante para nos, era a recuperación daquel sonido do que non había nada gravado. Por iso dispuxemos a súa gravación sonora e visual que pronto poderedes contemplar vos mesmos.

Hoxe é outra cousa a que vos queremos amosar.

Aproveitando a retrasmisión dos sete últimos minutos do partido de ascenso a segunda B entre o Olot de Girona e o Arousa s.c. realizados por radio arousa, na voz de Felipe Suárez, alá polos inicios dos anos oitenta, facemos un percorrido visual polo equipo vilagarcían a través das fotografías que nos déchedes e algunhas do fondo da entidade deportiva.

O resultado do choque no partido de ida celebrado no estadio de A Lomba fora de 2-0 a favor do Arousa, polo que o equipo vilagarcián ía cunha lixeira ventaxa no seu desplazamento a Cataluña. Pero os poucos minutos de comenzar o encontro os de Olot marcaban un gol que cae como un xerro de auga fría sobre os nosos. Quedaban por diante case os noventa minutos do encontro. Aquí está a emoción do remate do encontro a espera de si o Olot logra empatar o encontro (ou de superalo que tamén podería ser) ou si os de Vilagarcía consiguen resistir e ascender a segunda B.

Pasen e vexan, escoiten e disfruten.

Comentarios (3) - Categoría: Galería de Vídeos - Publicado o 04-01-2010 17:57
A banda sonora de O Faiado
Hoxe vamos de estrea, os do Faiado e decir, todos vos. O noso Artista Juan Carlos Porto compuxo unha musica para o noso blog, el é así de xeneroso. Escoitade...fala do mar, fala do tombo de Vilaxoan, do calexon da mexona, do Xiabre e Lobeira, do monte de San Xoán en Bamio, do Loureiro en Trabanca, de Rubiáns, de Cea, da Torre, do Carril, da Tomada, de Cortegada, do Balneario da Concha, da Escuadra Inglesa, do Casablanca, do Con...escoitade, sona ó mar, o noso mar...o de Arousa.


tema de "o Faiado da Memoria"
Comentarios (48) - Categoría: Galería de Vídeos - Publicado o 19-09-2009 20:08
Vilagarcía nos 60

Cesar Díaz de la Jara envíanos un vídeo familiar gravado en Vilagarcía no comenzo dos anos 60.

Nel podemos apreciar a praia de Compostela, a rúa Daviña (daquela lucía outro nome), regatas de dornas, unha lixeira visión do cabo Razo ó fondo, en Ferrazo, o carril,...

O remate de todo contemplamos, a pesares da escuridade e da deficiencia da sensibilidade cinematográfica, o combate naval de San Roque.

Este é un dos exemplos do que tamén nos gustaría recibir como donación. Esta é unha cinta familiar pero donde vemos os cambeos tidos no pobo despois da súa gravación. Esperemos que o exemplo sirva como acicate para que estas películas pasen ó servicio público para o disfrute de todos.

Xa comentamos noutros apartados a recollida de materiais deste tipo que vai desde os anos vinte hasta principios dos sesenta en formatos semiprofesionais ou profesionais pero, paradoxicamente, ainda non recibíramos ningunha en super 8 ou 8mm, un formato mais popular e caseiro.

Ter en conta de que nos encargamos da dixitalización dese material e proporcionaremos os donantes unha copia do donado en DVD para que o poidan ver tranquilamente na súa casa e a devolución do material orixinal, claro.

Disfruten con estes catro minutos de documento visual.



Vilagarcía nos sesenta
Comentarios (4) - Categoría: Galería de Vídeos - Publicado o 30-07-2009 22:46
Un cine para rematala semana
íamos a colocar unhas cantas fotografías no día de onte, mércores, moitas delas chegadas por correo electrónico, pero entre as cousas de sempre, a preparación do material para subilo e outras historias, a cousa quedou no desexo. E como hoxe o cincoenta por cento do faiado vaise cara o extranxeiro a subida queda posposta para o fin de semana. Daquela teremos que esmerarnos.

Pero non queríamos marchar sen deixar algo con que poder entreternos mentras nos mantemos a espera. En vez dunha fotografía vai a ser unha imaxe en movimento. Bueno, non unha senón dúas.

O Arquivo Social da Memoria, como ben sabedes, aparte de recoller fotografías e documentos tamén o fai con sonidos (eses casettes e bobinas magnetofónicas que hai por casa con gravacións feitas por un e que hoxe, a pesares dos seus defectos técnicos, poden ser auténticas xoias) e películas caseiras (tipo super 8 ou incluso 16 mm. Xa as encontramos tamén de 35 mm e de 9.5 mm) que fixemos das festas, vodas e comunións ou das nosas estadías pola praia ou das peliculiñas que facíamos intentando emular a Cecil B de Mille.

Precisamente a primeira que vos vamos a amosar é unha viaxe vacacional dunha xente, probablemente da Coruña, ó Carril e Cortegada alá polos finais dos anos vinte do século pasado. Na gravación que se fan a eles mesmos mentras disfrutan dos baños ou da viaxe pola ría podemos entrever anacos do muelle de ferro, o trafego de dornas pola ría, a contorna do Carriñ e Cortegada, etc. Non coñecemos quenes son as personas, nen os visitantes nen os autóctonos xa que esta cinta foi atopada de forma circunstancial.



Vilagarcía e Cortegada, anos vinte


A segunda xa é máis nova. Data dos cincoenta e está gravada polo fotógrafo José Luis Leal Soto e foi donada ó Arquivo Social da Memoria polo seu fillo Peto Leal. Trátase dunha regata de dornas pola ría. Podemos observar distintas maniobras destas embarcacións pola ría co forte reflexo do sol sobre as augas arousáns. Esta gravación é a primeira dunha serie delas que iremos amosando feitas polo mesmo fotógrafo que teñen a Vilagarcía como elemento principal e que formaron parte da primeira exposición que realizamos en 2008. Esta peliculiña ten a característica engadida de ter como fondo sonoro unha composición musical do noso querido amigo Arturo Solar, que é o culpable, tamén, de que esté escribindo isto as seis e pico da madrugada xa que non é conscente de que onde vive e traballa (Los Ángeles, EEUU) ten un desfase horario considerable con Vilagarcía e chama a unhas horas intempestivas. Pero seguro que vos llo agradecedes por riba.



Regatas de dornas
Comentarios (6) - Categoría: Galería de Vídeos - Publicado o 16-07-2009 07:01
© by Abertal