lugar para a conectividade e o intercambio de memoria sobre o noso pasado personal e humano


THE BATTLE OF THE GOOD MEN

Selección oficial Cans 2018. sección vídeo clips.

Selección oficial Son Rías 2018. sección vídeo clips.

A VOLTA DOS NOVE

Nominación Mellor Documental
Premios Mestre Mateo, 2015

Premio do Público
Festival Primavera do Cine, 2015


DESDE DENTRO DO CORAZÓN

Nominada a Mellor Banda Sonora
Jerry Goldsmith Awards, 2013

Nominada a Mellor Longametraxe
Festival Primavera do Cine, 2014


O FAIADO DA MEMORIA

Arousán do Ano 2009
Apartado Cultura


A MEMORIA NOS TEMPOS DO VOLFRAM

1º Premio Certamen Etnográfico
Espiello, 2005


ARQUIVO DA MEMORIA SOCIAL
damemoria@gmail.com
 ESPACIOS
 GALERÍA DE FOTOS
 Ir a estas páxinas
 ARQUIVO

Unha década de historias


A exposición unha década de historias, os 60, xa está en marcha. O próximo martes, día 30, ás oito e media (20:30) da tarde terá lugar a súa inauguración oficial no Auditorio de Vilagarcía.

A exposición estará composta de 10 paneis cun total dunhas cen fotografías máis un aporte sonoro da época en forma de cancións e locucións e anuncios de radio onde se poden ver máis fotografías nun bucle continuo. Haberá unhas sillas para que a xente esté cómoda mentras contempla o pase.

Arriba deste artigo vai o cartel da exposición para que teñades coñecemento e podades pasala información.

O horario do Auditorio, á marxe do día de inauguración, é de 9 da mañán a 2 da tarde e de 4 a 10. O espazo que ocupa é de toda a planta baixa xa que a nosa vai a ser un complemento da exposición da Fundación 10 de Marzo, que tamén se inaugura ese día, e que trata sobre as mobilizacións estudiantis en Santiago durante o ano 1968.

Esperamos que as disfruten.
Comentarios (9) - Categoría: Xeral - Publicado o 27-06-2009 11:25
Abrimos OFICINA con Memoria!!!
Estamos que non collemos dentro de nos. Que saltamos de pura alegría. Como uns nenos con zapatos novos...e acharolados.
Xa temos un lugar, aparte deste virtual, donde poder atoparnos: Nunha oficina da Concellería de Cultura. No segundo piso do Auditorio Vilagarcián dentro da propia Concellería.
Alí poderemos vernos de forma tranquila calqueira mañán. Pódense traer fotografías, documentos, ir a preguntar calqueira cousa, enviar material, contactar para que vaiamos a facer unha visita a domicilio para escanear...que xa temos casa!. Pouco amueblada xa que somos recén casados e con poucos posibles, pero con ilusións de ter un servicio que nos poida achegar máis.

E ademáis se nos pode contactar por teléfono, no 986 51 26 00. Vamos, que mais fácil para contactar co Arquivo Social da Memoria, en dúas palabras, im-posible.

Esperámosvos.

E lembrar que o Auditorio é ese edificio que parece unha caixa, despois de atravesala avda da Mariña cara ó muelle e que está onde antes había mar pero, volo prometo, non se vai afundir...é seguro.
Comentarios (5) - Categoría: Xeral - Publicado o 30-05-2009 10:21
A decepción de Salitre
O luns, 11 de maio, emitiuse na tvg a reportaxe "porto de Vilagarcía de Arousa" dentro do programa "Salitre".

Para aquel que non pudo velo en directo sempre pode seguir este enlace e aceder a el dentro da páxina web da compañia de radio e televisión de Galicia.

A reportaxe, para quen o Arquivo Social da Memoria de Vilagarcía realizou unha serie de traballos como a da búsqueda da maior parte das testemuñas e de material tanto gráfica como audiovisual, tivo unha nota de desprezo hacia nos: nin se nos nomea nos títulos de crédito. Logo se nos pidiu disculpas por elo, si, pero era a segunda trompada que se nos daba co mesmo programa. A primeira fora o desplante realizado polo director do mesmo hacia nos durante os días de gravación.

Non é intención nosa personal a da figuración, de feito os nosos nomes desaparecen tras o o xenérico do Arquivo, pero é unha consideración hacia quen te estivo armando un programa pondo todo o seu tempo a súa disposición. A misión que realizamos foi satisfatoria nese senso, é unha pena aquelas que, trala entrevista, non sairon na montaxe final ou que non foron aproveitadas en todas as súas posibilidades, pero esa simple inclusión nos títulos era máis que suficente recompensa. E que nin a Concellería de Cultura, a donde pertenece o Arquivo, se lle fai mención, e, vendo outros capítulos desa serie, non sucede o mesmo en outros concellos.

Pero que lle vamos a facer, sonche as cousas da farándula.

Eche o que hai!.

Comentarios (3) - Categoría: Xeral - Publicado o 12-05-2009 18:54
Xente Nosa na TVG
Noticia da exposición de Xente Nosa na TVG

agalega.info - Videos das noticias dos informativos da TVG
Comentarios (0) - Categoría: Xeral - Publicado o 05-05-2009 23:30
De visita a exposición XENTE NOSA

Cun lixeiro retraso informamos da visita dos alumnos do IES do Carril a exposición XENTE NOSA.

Como sempre a iniciativa parte da profesora do devandito instituto, Esther, que coas súas explicacións sobre a historia da vila, a partires das exposicións fai deste coñecemento algo mais ameno.

A exposición, unha vez rematada o seu tempo, o día 30, comenzará un periplo polos centros universitarios.

O primeiro será, precisamente, o do Carril e a continuación o Bouza Brey.

Tamén realizará unha xira a exposición VILAGARCÍA, IMAXES DA MEMORIA polos distintos centros socioculturais de Vilagarcía. En breve daremos unha relacións dos lugares e datas polos que vai pasar.
Comentarios (0) - Categoría: Xeral - Publicado o 27-04-2009 13:24
Reposición da exposición VILAGARCÍA, IMAXES DA MEMORIA


Para as personas que non tiveron o querían volver a vela, estamos repoñendo os paneis da exposición VILAGARCÍA, IMAXES DA MEMORIA, no segundo piso do Auditorio de Vilagarcía, xusto a entrada da Concellería de Cultura.

A exposición estivera o ano pasado na sala de exposicións Antón Rivas Briones e a partires da súa finalización estivo polos diferentes institutos da Vila. Unha vez rematado este ciclo e antes de comenzar un novo que é polos distintos centros socioculturais, exhíbese como complemento e recordatorio da exposición do primeiro piso XENTE NOSA.

Este enclave no que se atopa permítenos ver, a través dos ventanais do auditorio, a exposición e, o mesmo tempo, os espazos reais que se mostran en eles, ou polo menos a lembranza de onde estaban.

O horario é o mesmo, xa saben, de oito da mañán e de forma ininterrumpida asta as 10 da noite e de luns a sábado.

Que a disfruten.
Comentarios (0) - Categoría: Xeral - Publicado o 22-04-2009 02:23
Domesticando espazos


Pasamos a primeira semana da exposición de XENTE NOSA no auditorio.

Foi un momento difícil xa que para nos o espazo do auditorio é unha praza que, a pesar de que non podemos estar descontentos pola asistenza de público a nosa exposición, sempre consideramos difícil.

Dificil por moitas circunstancias. Especialmente polo baleiro de material humano que hai polas súas salas.

A xente de Vilagarcía parece que ten reparo pisar ese lugar. Como si o ter estado alí o mar lle producese algún reparo especial. Ou quizais polo descoñecemento do que alí se mostra. Ou por que algunha persona descoñece ese lugar. O que si é certo é de que resulta difícil ver por alí algunha persona que non vaia expresamente a realizar algunha función administrativa, a concellería de cultura, ou a algunha actuación de música ou teatro (ainda que tampouco na cantidade que se podía esperar dunha cidade como esta que tampouco está tan sobrada de celebracións cultuais). Fora diso é extraño que pisen ese lugar.

E sen embargo hai máis vida. Nestes momentos aparte da nosa mostra, conviven entre esas paredes tres mostras mais: unha sobre a segunda república, outra sobre a censura e outra dos alumnos de bacharelato artístico do IES do Carril. Pero é que ademais é o lugar de ensaios dos grupos musicais de Vilagarcía ou a impartición de clases do conservatorio. Suficente para que o lugar fora un foco de concentración de xente. Outros pobos, con mais caudal humano que o noso lle é complexo atopar tanto en tan pouco espazo...e sen embargo desprézase. Gustaríanos saber as razóns, o porqué. É un momento para opinar. Un momento para dar un xiro.
Comentarios (1) - Categoría: Xeral - Publicado o 22-04-2009 02:11
Presentación de XENTE NOSA

O pasado mércores 8 de abril foi presentada os medios de comunicación da comarca Arousán a exposición organizada pola Concellería de Cultura de Vilagarcía a través do Arquivo Social da Memoria, XENTE NOSA. Vilagarcía nos anos 30.

Estiveron presentes, La Voz de Galicia, Faro de Vigo, Diario de Arousa e o canal de televisión local Telesalnés.

A exposición inaugurarase o vindeiro luns 13 de abril e permanecerá aberta, no espazo aberto do primeiro andar do Auditorio de Vilagarcía de oito da mañán a dez da noite ininterrumpidamente e de luns a sábado, hasta finais de mes.

Tamén se fixo referencia o ciclo de documentais que tamén comenzará o luns 13, DOCUMENTOS DE MEMORIA, que proxectará, hasta o día 16, xoves, un documental diario na Sala de Conferencias do Auditorio a partires das oito da tarde (20:00 horas). Comenzará con esta noite, velada, o que lle seguirán nos días sucesivos, traballadores do contrabando, flores tristes e Memorial de Camposancos. A entrada é libre e gratuita.
Comentarios (0) - Categoría: Xeral - Publicado o 09-04-2009 08:38
Comenzamos un novo mes
Rematou febreiro, comenza marzo cun novo futuro no noso presente. É a unha e media da madrugada do lunes 2 de marzo. Atrás quedan moitas cousas e unha intensa fin de semana en moitos sentidos.

O máis importante é o esforzo de introdución de material gráfico que fixemos. Abrimos catro espazos novos: vamos de parranda con 13 fotografías, mulleres e traballo con 8, o referendum de 1966 con cinco e un vídeo e a festa da camelia con sete fotografías.

Por outra parte engadimos máis material en espazos xa abertos como, traballando duro con seis novas fotografías, gaudeamos igitur con 9 e a Vilagarcía de onte con 14.

Xa estamos cerca das duascentas fotografías no blog e seguimos avanzando.

Esperamos que este esforzo en aportar máis material a esta exposición virtual do Arquivo Social da Memoria de Vilagarcía sexa do agrado de vostedes e que compense os momentos nos que non poidamos actualizalo blog coa periocidade que nos mesmos quixéramos.

Seguiremos avanzando. E sigan contantando con nos como asta agora, ben por correo ordinario, electrónico ou telefónico.

Moitas gracias.
Comentarios (1) - Categoría: Xeral - Publicado o 02-03-2009 01:48
Os Apropositos
Gracias, de novo a Pepe Prego, pola súa aportación ó Arquivo Social de Vilagarcía. Esta vez trátase de dous fabulosos libriños datados en 1916 e 1924. Son dous apropositos escritos, o primeiro, por Ricardo Urioste e Román Fernández e titulado "El dios Momo Diputado o Arremángate que hay lama" e o segundo "Fantasías de Severo ó Contra todo y contra nadie" escrito nesta ocasión por Manuel Rey Posse e J. Buhigas Olavarrieta, con incrustacións de Román Fernández Gil. Ambalasduas editadas na imprenta de "Galicia Nueva".

En breves días teremos dixitalizados os dous libriños (dunhas cincuenta páxinas cada un) e colocarémolos para que todos vostedes os poidan baixar e disfrutar.

A iso vamos a engadir os textos escritos polo propio Pepe Prego a quen lle estaremos agradecidos por todas as aportacións que nos fai.

Na foto da esquerda unha foto donada por Chocolate donde está el, vestido de Cardenal, na celebración dun enterro da sardiña de Vilaxoán no remate da década dos setenta.
Comentarios (0) - Categoría: Xeral - Publicado o 28-02-2009 23:12
© by Abertal