O clube das ideas  


Blog do DEPARTAMENTO de FILOSOFÍA do IES Álvaro Cunqueiro de Vigo. Administrado por estudantes de 1º e 2º de Bacharelato.

O noso perfil
lladipa@gmail.com
  CATEGORÍAS
  SAÍDAS. ACONTECEMENTOS
 RECOMENDADOS
 ATOPAR
  ARQUIVO
 ANTERIORES

HIPATIA , muller, filósofa e científica.
ÁGORA,
unha película de Amenabar,
ambientada na Alexandría do século IV,
onde unha muller chamada Hipatia móstrase coma un personaxe fascinante.


A historia de Hipatia vai unida á mítica Biblioteca de Alexandría, onde se acumulaban gran parte dos coñecementos que a humanidade conseguira ata entón, e que ela intentaba defender.

Na película relátanse os desvelos desta muller, primeira científica e filósofa de occidente, por protexer os valiosos papiros depositados alí. E todo isto en Exipto, durante a ocupación romana, fai 1600 anos.

Alexandría, situada no delta do río Nilo, foi fundada por Alexandre Magno e daquela era a cidade máis importante do mundo. Tiña un porto comercial, un xigantesco faro que media 100 metros de altura e que fora considerado unha das setes marabillas do mundo, contaba tamén cunha fastuosa biblioteca, un xardín botánico, e un observatorio astronómico. Cidade cosmopolita exemplar, nela convivian xentes procedentes de moitos lugares.
O seu Museo -chamado así por estar consagrado ás musas, deusas das artes e das ciencias- converteuse no maior centro de investigación da época. Nel estudábase matemáticas, astronomía, historia, física, literatura, medicina, filosofía... e un sin fin de materias. Alí impartía clase Hipatia, nunha época na que as mulleres tiñan poucas oportunidades e nun ambente de homes, ela desenvolveuse con valentía ata que un grupo de fanáticos prenden lume á biblioteca e danlle morte no ano 415 a. C.... E a cidade luxosa, chea de palacios e xardíns, afundíuse polo seu propio peso no lodo do Nilo.


Non che perdas o acontecemento!
Deixámoste cunha pequena mostra
da rodaxe.




Escribe o teu comentario (21) - Categoría: Filosofía - Publicado o 14-10-2009 14:56
# Ligazón permanente a este artigo
Premios á Innovación Educativa 2009

O CLUBE DAS IDEAS
está participando na edición de 2009
dos Premios á Innovación Educativa.


Se queres apoiar o nosa experiencia ou calquera outra das inscritas este ano preme aquí, ou tamén no logo que aparece no menú da esquerda

Podedes votar ou mesmo deixar algún comentario en prol da candidatura que máis vos agrade.

Grazas a todos !!



Escribe o teu comentario (14) - Categoría: Novas do Instituto - Publicado o 08-10-2009 16:02
# Ligazón permanente a este artigo
Sabedoría indíxena (by Zoraida de la Iglesia & Juan Daniel Alonso)


Escribe o teu comentario (1) - Categoría: Creacións nosas - Publicado o 06-10-2009 20:21
# Ligazón permanente a este artigo
© by Abertal
Licencia Creative Commons