Hoxe fomos de excursión a Lugo co instituto. No autobús aburrinme un pouco porque eran dúas horas e pasado tanto tempo xa non sabes que facer.
Ao chegar dividíronnos en dous grupos e eu fun ver o Centro de Interpretación da Muralla de Lugo. O museo estaba dividido en tres plantas, unha por cada etapa da muralla. Ensináronos varios vídeos e imaxes de lugares emblemáticos. Logo fomos á Cas dos Mosaicos. Alí consérvanse os restos do piso dunha domus romana que está composta por mosaicos. Había un que se vía completo. Logo demos un paseo polas murallas. Cando ías paseando vías que a xente corría, ía en bicicleta, paseaba o can e facía actividades da vida cotiá na muralla e iso impresionaba moito.
Comemos no centro comercial "As Termas" e logo marchamos para a casa.

O día 11 de xuño fomos coa escola de excursión á Coruña. Montamos no autobús e dirixímonos a estación de trens de Santiago. Alí ás dez e vinte montamos no tren. Como había mais pasaxeiros non puidemos ir toda a clase xunta. Atravesamos prados, construcións, fabricas, túneles...
Finalmente chegamos á Coruña onde nos diriximos á Casa das Ciencias e ao Planetario. Na Casa das Ciencias vimos no baixo unha incubadora con poliños, un aro pequeno e de metal que daba voltas nunha mesa e aguantaba un minuto e un péndulo de Foucault.
No primeiro andar vimos todo tipo de experimentos e rarezas. Como por exemplo un ventilador pequeno que se movía cunha rodiña e movía a area encerrada
nunha urna,un recipiente cheo de xabrón que facía unha cortina transparente como as pompas de xabrón...
Na seguinte planta había moitos anfibios como ras, sapos, tritóns...
Na seguinte explicábanos cousas sobre os medicamentos.
E por fin o máis desexado para min o Planetario.
Alí proxectaron un video sobre a evolución e aprendemos moitas cousas: que as estrelas se atopan a anos luz de nós ou que o sol vai formar cando morra un burato negro.
Con moita fame fomos comer ao Domus. Comemos e fomos visitalo. Vimos corazóns de diferentes animais, e ata xogamos unha batalla coa mente.
Esa batalla consistía en relaxarse e a través das ondas cerebrais mover unha bola.
Marchamos dalí e fomos a Casa dos Peixes. Observamos diferentes ecosistemas mariños . En cada ecosistema vivían animais diferentes.
No Nautilius, unha sala con forma de submarino, había duas quenllas, Gastón e Hermosa.
No Nutilius atormentamos á guía con preguntas sobre todo o que nos interesaba.
Mais tarde fomos ver as focas. As focas eran moi churruscas e bonitas.
Marchamos para a escola, moi, moi, moi cansos e algúns ata durmimos!!
Foi a mellor excursión!

O xoves 19 fun coa miña familia, polo día do pai, ao monte Pindo. O monte Pindo mide 627 metros de altura!!!!
Nós subimos só ata o Olimpo Celta por que estabamos cansos, non chegamos a subir á Moa. Polo camiño, eu quedabame atrás pero a min non me importaba moito chegar ou non ao Olimpo Celta porque xa estaba tan cansa que só quería dar volta. Nun momento adiantáronos unhas persoas que andaban a fume de carozo. Eu creo que os trouxeron nun helicóptero. Ademais logo xa non os vimos baixar.
Cando por fin chegamos arriba fixemos unha pequena obra de teatro aproveitando o eco. Desde alí arriba víase todo. Pagou a pena facer o esforzo para chegar arriba. A baixade eu ía embalada pola pendente e chegamos moito máis rápido.
Despois fomos visitar a central eléctrica e a fervenza do Ézaro.
Molou moito o día do pai!!!!!!!!!!!!!!

Tamén pasei tres días en Remesar, na casa dos meus amigos Lois e Madó, que é de turismo rural. Como teñen unha piscina, bañeime moito. Fun ver a fervenza da Toxa,e o río Ulla. Collín amoras e fomos cazar gazafellos. Os gazafellos son como coellos pero con máis pelo, eu nunca os vin pero disque son así. Non tivemos éxito pero marchei contenta para a casa. Saúdos para Remesar!!

Este verán fun a Italia,a ver a miña tía. En Italia fun visitar: Parma, Bolonia, Pisa, Lucca, Florencia e Venecia. Venecia foi o que máis me gustou. Tamén fun ver castelos como o de Torre Chiara. Paseino xenial!!!!!!.