O castelo da lúa


ENDL do IES Félix Muriel
Découvrez la playlist Blog avec The Homens


Os proxectos deste ENDL recibiron Premios de innovación educativa en normalización lingüística nos cursos 2007-2008, 2008-2009 e 2009-2010.

Perfil
enl.felixmuriel@gmail.com
 CATEGORÍAS
 AS NOSAS FOTOS
 RECOMENDAMOS
 DESTACAMOS
 ANTERIORES
 ARQUIVO
 Se buscas... atopas!
 BUSCAR BLOGS GALEGOS

Vixésimo segunda edición dos cursos de lingua e cultura galegas para estranxeiros e españois
Os cursos de lingua e cultura galegas para estranxeiros e españois, desenvolveranse dende o 2 ao 30 de xullo deste 2009 na Universidade de Santiago de Compostela.

Trátase dunha iniciativa que co paso do tempo foise consolidando , e cada vez máis persoas amosanse interesadas por este proxecto (2000 dende que se puxeron en marcha).

A convocatoria foi posible grazas a Secretaría Xeral de Política Lingüística en colaboración coa Real Academia Galega e o Instituto da Lingua Galega.

O prazo de inscrición permanecerá aberto ata o 30 de abril. Nel poderanse inscribir todas as persoas que o desexen (sempre que teñan os 18 anos). Para realizar a inscrición ou solicitar información sobre o curso , os interesados poden chamar o teléfono 34-981 563 100, ou do enderezo electrónico ilgcurso@usc.es.

O obxectivo principal é ofrecerlles aos alumnos o achegamento á lingua galega e á realidade sociocultural de Galicia.
O programa inclue clases teóricas e prácticas de galego , sesións sobre literatura , xeografía , arte e historia, viaxes e visitas a espazos de interese cultural e paisaxístico.


A organización establece diferentes niveis dentro dos cursos, un nivel elemental , medio , superior. Cada un elixirá o correspondente atendendo o seu coñecemento do idioma.

A Secretaría Xeral de Política Lingüística financia bolsas (450 euros), para a realización destes cursos. Ademais os solicitantes das bolsas quedarán exentos do pagamento da matrícula. Os aspirantes a estas axudas deben consultar as condicións na web ilgcurso@usc.es.
Cando remate o prazo de inscrición, a organización outorgará as bolsas e comunicaralles o resultado ós agraciados.

O importe total da matrícula para aquelas persoas que non solicitaron bolsa ou que non lles foi concedida, ascende a 200 euros, incluíndo o dereito a clases, material didáctico, excursións e certificados.

A recepción do alumnado terá lugar o 2 de xullo, na praza da Universidade, dende as 10.00 as 14.00 horas. Este día , os estudantes recibirán os horarios e o material das clases.

Ángel Rodríguez (2º Bach. C)
e ti que opinas? (0) - Categoría: Novas lingüísticas - Publicado o 30-03-2009 17:34
# Ligazón permanente a este artigo
O DECRETO DO GALEGO TEN UN RESPALDO TOTAL DA COMUNIDADE ESCOLAR
A Mesa pola normalización lingüística recórdalle ao PP que o Decreto do galego que pretende derrogar cando chegue á Xunta, ten un respaldo unánime da comunidade educativa. En concreto do consello escolar de Galicia, das organizacións de estudantes, dos sindicatos que representan o 90% do profesorado, dos movementos de renovación pedagóxica e a Federación pública de asociacións de pais e nais que impulsaron e apoiaron esta norma.
A Mesa reta ao PP a elaborar outra lexislación que teña máis respaldo cá actual, e recorda que o anuncio da derrogación do decreto fíxose sen contar ca comunidade escolar.

Adrián Silva (2º Bach. C)
e ti que opinas? (1) - Categoría: Novas lingüísticas - Publicado o 30-03-2009 17:23
# Ligazón permanente a este artigo
Nos camiños do entusiasmo. Calidade da lingua e planificación de Goretti Sanmartín.
Hoxe 30 de marzo, na Asociación Alexandre Bóveda da Coruña, levarase a cabo a presentación do libro Nos camiños do entusiasmo. Calidade da lingua e planificación de Goretti Sanmartín.
Este libro ten como fin ligar a defensa do galego co emprego dun modelo de lingua culto que inflúa na recuperación do prestixio e dignidade que precisa para ocupar o lugar que merece como lingua propia de Galicia.
O acto contará coa participación de Xosé Manuel Sánchez Rei, Manuel Bragado e Goretti Sanmartín.

Cristina Saborido (2º Bach. C)
e ti que opinas? (0) - Categoría: Novas lingüísticas - Publicado o 30-03-2009 17:20
# Ligazón permanente a este artigo
AIR GALICIA CO CONFLITO LINGÜÍSTICO
Primeiro: sabedes o que é Air Galicia?
Air Galicia é un programa de humor que reflite de maneira irónica a relación que os/as galegos/as mantemos ante diferentes temas.
Por iso un dos seus capítulos foi dedicado ao conflito lingüístico con diferentes sketchs.Por exemplo, o dun madrileño indignado co uso do galego ou unha recollida e firmas contra a imposición.
Fixádesvos no fondo do tema? Deixamos que un madrileño nos aquí traslade o "seu problema"...

Lucía Rey (2º Bach. B)
e ti que opinas? (0) - Categoría: Novas lingüísticas - Publicado o 28-03-2009 04:30
# Ligazón permanente a este artigo
A Unión Europea apoia as linguas minorizadas e o plurilingüismo
o Parlamento Europeo acaba de aprobar -con 355 votos a favor, 279 en contra e 69 abstencións- unha resolución que subliña a necesidade de prestar unha atención especial aos alumnos que non poden estudar na súa lingua materna. É dicir que cómpre favorecer o ensino nas linguas minorizadas.

O texto que foi aprobado non tivo en conta a proposta do Partido Popular Europeo de que se deixaxe liberdade para que os pais poidan elixir a lingua na que queiran educar aos seus fillos nos países con linguas cooficiais.

O texto aprobado incide na necesidade de preservar a diversidade lingüística e o multilingüismo ao tempo que fomenta a aprendizaxe de idiomas.

Dado que esta noticia saíu á luz onte 25 de marzo, pódese ver en toda a prensa alusións a esta noticia, enfocada -coma sempre- desde os distintos puntos de vista.
e ti que opinas? (1) - Categoría: O mundo do ensino - Publicado o 26-03-2009 15:26
# Ligazón permanente a este artigo
CONVOCATORIA DE REUNIÓN PARA OS ENDL DE TODA GALICIA
AO COIDADO dos responsables e membros dos Equipos de Normalización e Dinamización Lingüística do centros de Ensino Infantil, Primario e Secundario.

Ola a todos/as.

Somos un grupo de persoas que está a traballar en ENDL de diferentes centros de Ensino da zona de Santiago que nos xuntamos para falarmos de como podemos afrontar a nova situación canto á normalización da nosa lingua. Dado que as cousas van mudar, e parece que non para ben, consideramos que é necesario transmitirlle á sociedade e ao novo goberno o que pensamos ao respecto dos cambios anunciados. Por iso vos convocamos a unha reunión que se celebrará o vindeiro sábado 28 de marzo ás 16.30 da tarde no Instituto Galego de Información (IGI) (San Marcos, Estrada do Aeroporto, ao pasar o Hotel Apóstol Santiago). O obxectivo da reunión é o seguinte:

-Avaliarmos a posibilidade de facermos pública a nosa posición canto ao Decreto 124/2007, que se quere derrogar. Levaremos un texto base para consensuarmos antes de mandalo aos medios. Sería un texto de carácter técnico, como normalizadores que somos, e para nada incompatible con outros posicionamentos que poidan facer outras organizacións sociais e políticas que fagan algo ao respecto.

-Pensarmos na posibilidade de crearmos unha Coordinadora Galega de Equipos de Normalización e Dinamización Lingüística para actuar colectivamente a prol da nosa lingua tanto a nivel particular, nos nosos centros, como en xeral, na sociedade.

Por favor, comunicádelle esta convocatoria a todos cantos membros dos ENDL coñezades, e que polos motivos que foren non leron esta información.
Agardamos contar coa vosa asistencia para entre todos poder traballar para conseguir obxectivos normalizadores.
Por favor, confirmade asistencia.

Saúdos a todos/as.


Román Landín Cerqueiro (CEIP Aurelio-Cuntis)

Valentina Formoso Gosende (IES Félix Muriel- Rianxo)

Xesús Mosquera (CRA de Santa Comba)

Luís Aldegunde (CEIP de Rois)

Sara Paz (CEIP da Baña)

Pila Buela (IES de Valga)

Gracia Sanctorum (IES Pintor Colmeiro-Silleda)

Sechu Sende (IES Marco do Camballón-Vila de Cruces)

Daniel Asorei (CEIP de Touro)

Xoán Constenla (CEIP de Portas)

Ana Rial (IES de Caldas)

Miguel Louzao Outeiro (IES Coroso-Ribeira)


e ti que opinas? (3) - Categoría: O mundo do ensino - Publicado o 23-03-2009 02:04
# Ligazón permanente a este artigo
70 anos despois
AS PROPOSTAS CULTURAIS DO EXILIO MARCARON AS DÚAS BANDAS DO ATLÁNTICO.

70 anos despois é o título do congreso que se celebrou do 12 ata o 14 de marzo no Pazo de Mariñán.No evento analizáronse as pegadas deste colectivo en ámbitos coma a ciencia, o cine ou o teatro. Entre as múltiples figuras que se analizaron na iniciativa cabe destacar un dos exemplos senlleiros daquel exilio, Luís Seoane.

Cristina Saborido (2ºBach. C)
e ti que opinas? (0) - Categoría: Novas lingüísticas - Publicado o 19-03-2009 21:53
# Ligazón permanente a este artigo
Para sermos máis nós!

Este é o lema no que se basea GALEGUIZAR GALIZA, un portal de internet no que colaboran colectivos como a Asociación de funcionarios para a Normalización Lingüística, Fundación Lois Peña Novo, Asociación Álvaro das Casas e o Foro Enrique Peinador.
Todas estas organizacións teñen obxetivos comúns e o máis importante é o de promover políticas lingüísticas para contribuír a normalizar o noso idioma.
O nome deste portal non o inventaron senón que , Galeguizar Galiza, son termos que qixeron recuperar da obra de Lois Peña.

Lucía Rey (2º Bach. B)
e ti que opinas? (0) - Categoría: Novas lingüísticas - Publicado o 19-03-2009 10:44
# Ligazón permanente a este artigo
Torta de Santiago
Ingredientes:
- 9 Ovos
- 125 gr. de azucre
- 5 gr. de canela moída
- 500 gr. de fariña
- 250 gr. de améndoas
- Raiadura de limón
- Manteiga

Preparación:
Para a masa: Xúntase un ovo batido cunha cullerada de auga, coa canela e co azucre engadindo pouco a pouco a fariña ata ter unha masa máis ben fina.Amasar e estirala cun rolo de cociña. Forrar o molde, previamente untado con manteiga.

Recheo: Escaldar, pelar e esmiuzar as améndoas. Bater o resto dos ovos co azucre, a canela e raiadura de limón. Xuntar coas améndoas reservando algunhas para o adorno. Bater novamente. Botar todo isto sobre o molde, enriba da masa, espolvorear coas améndoas sobrantes e reservadas para este fin.Meter no forno ata que acade unha tonalidade dourada.

Aproveitade o festivo para sorprender á vosa familia con esta inesquecible torta.

Daniel Fernández Romero
e ti que opinas? (0) - Categoría: Da xouba á sardiña: a nosa cociña - Publicado o 17-03-2009 15:00
# Ligazón permanente a este artigo
O esperado Atlas Mundial en Galego xa está na rede!
O pasado sete de marzo fíxose realidade o proxecto, que se viña anunciando dende o 2008 e que consiste nun Atlas Mundial en Galego, onde se poderán consultar os exónimos e a súa adaptación ao galego.
Este Atlas na nosa lingua abarcará o nome de todos os países, as súas capitais, as principais cidades, provincias e rexións. Pero tamén recolle os principais accidentes xeográficos.

O proxecto establece criterios de adaptación ao galego de topónimos que empregan alfabetos distintos ao latino(grego), ou que conteñen sons non existentes en galego, así como indicacións de lectura para a súa pronuncia.

Este atlas, pódese consultar na web www.crtvg.es/atlas , este é unha resposta a un convenio de colaboración (entre A Compañía de Radio Televisión de Galicia [CRTVG] e a Consellaría de Innovación e Industria) , este convenio permitirá a posta en marcha desta base de datos dos tóponimos internacionais e accidentes xeográficos en galego.


Así , agora cando teñas unha dúbida , non o penses dúas veces , e consulta na páxina anterior.
e ti que opinas? (0) - Categoría: Novas lingüísticas - Publicado o 16-03-2009 17:44
# Ligazón permanente a este artigo
1 [2]
© by Abertal
Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.Apoia o Manifesto a prol da convivencia lingüística e a da igualdade de dereitos para o galegojujelEste blogue forma parte da Rede de Blogueiras/os en defensa do Galego