ENDL do IES Félix Muriel
Equipo de Normalización da Lingua Galega

Perfil
enl.felixmuriel@gmail.com
 CATEGORÍAS
 AS NOSAS FOTOS
 RECOMENDAMOS
 Se buscas... atopas!
 BUSCAR BLOGS GALEGOS
 ARQUIVO
 ANTERIORES
 DESTACAMOS

ARROZ CON BERBERECHOS

Ingredientes:

• 2 cuncas de arroz.
• 2 puñados de berberechos (a gusto)
• 1 pemento picado.
• 200gramos de chícharos.
• 1 dente de allo picado.
• Unha cebola picada.
• Aceite de oliva.


Preparación:

1. Sofritir o pemento, a cebola e o allo cun chorro de aceite de oliva.
2. Engadir os berberechos.
3. Unha vez que abran a cuncha os berberechos, engadir os chícharos, o arroz e dúas cuncas de auga por cadansúa de arroz.
4. Cocer o tempo necesario (15-20 minutos)
5. Presentar e servir.
e ti que opinas? (0) - Categoría: Da xouba á sardiña: a nosa cociña - Publicado o 21-11-2008 11:58
# Ligazón permanente a este artigo
Máis achegas en liña do xenio de Rianxo
A Deputación de Pontevedra realizou un catálogo de fondos dixitalizados da obra de Castelao preservada no Museo Provincial(consta de 1.611 pezas , das cales 1.549 son debuxos). A peneira pódese visitar na páxina web do centro museístico, no enderezo Catálogo Castelao.

Os títulos dos catálogos de debuxo son: Álbum e debuxos de Bretaña,Álbums de Guerra, As cruces de pedra en Galicia e na Bretaña, Cousas da vida, As mulleres e Debuxos de negros.
En canto ós relatos: Diario de 1921, Os dous de sempre , Cousas da vida ,Os homes e Os vellos non deben namorarse. Entre os debuxos pódese encontrar caricaturas, carteis, retratos de cegos, emigrantes, músicos e anciáns, así como paisaxes, máscaras e temas marítimos e relixiosos.

Este catálogo foi definido por moitos como: “un instrumento fundamental e imprescindíbel para as persoas interesadas en coñecer a obra do intelectual galeguista”. Esta presentación resulta ser un método moderno e introducido nos mellores museos do mundo. A colección será ampliada no futuro, segundo avanzou o presidente do ente provincial.

Ángel Rodríguez (2º Bach. C)
e ti que opinas? (0) - Categoría: Novas lingüísticas - Publicado o 21-11-2008 00:19
# Ligazón permanente a este artigo
Defensora en Madrid do valor das linguas cooficiais do Estado
O 20 de novembro, en Madrid, Marisol López (secretaria xeral de Política Lingüística da Xunta de Galicia) defendeu o valor das linguas cooficiais como un patrimonio de todo o estado co motivo da inauguración na capital da exposición "As nosas palabras, os nosos mundos". A secretaria xeral explicou os contidos e as mensaxes desta exposición e de paso realizou unha defensa do plurilingüismo como un valor positivo que facilita o diálogo, o respecto, a comprensión e a integración social.

Máis do 99 por cento da poboación entende o galego e máis do 87 por cento fálao sempre ou con frecuencia e por isto asegurou que en Galicia non se impón o galego (que ó ser a nosa lingua será normal que a falemos, non?). Explicou tamén que debe haber igualdade entre as linguas cooficiais e que a Xunta de Galicia traballa para garantir un ensino de calidade que facilite a aprendizaxe das linguas oficias e outras.

Isabel Otero (2º Bach. B)
e ti que opinas? (0) - Categoría: Novas lingüísticas - Publicado o 21-11-2008 00:12
# Ligazón permanente a este artigo
Vimianzo queda sen servizo de normalización lingüística
Hoxe enterámonos dunha mala nova para a nosa lingua:

O Concello de Vimianzo suprimiu o seu servizo de normalización lingüística, (poñendo como excusa que as subvencións non cubrían todo o custo do proxecto), segundo denunciou a Coordinadora de Traballadores/as de Normalización da Lingua (CTNL).

O concello vimiancés renunciou á axuda de 12 mil euros anuais que lle concedía a Deputación da Coruña para financiar o servizo durante os seguintes anos 2009-2011. O concello xustificou a decisión polo feito de que o organismo provincial esixía unha titulación superior para o posto, e asegurou que a subvención non cubría tal custo.

Ángel Rodríguez (2º Bach.C)
e ti que opinas? (0) - Categoría: Novas lingüísticas - Publicado o 21-11-2008 00:06
# Ligazón permanente a este artigo
Animación lingüística
Política lingüística e oito editoriais galegas levan a máis de 70 concellos un completo programa de animación lingüística

A Secretaria Xeral de Política Lingüística, Marisol López, presentou na Biblioteca Pública Ánxel Casal, o programa de animación lingüística que se vai desenvolver ata que remate o ano en máis de 70 vilas e cidades galegas en colaboración coas editoriais A Nosa Terra, Baía, Galaxia, Sotelo , Xerais , etc. Esta iniciativa inclúe contacontos , libros , música e teatro.
As actividades están destinadas a rapaces entre 4 e 18 anos, son de balde e todas elas van encamiñadas a fomentar o uso do galego entre os máis novos, xa que son o grupo de idade que menos usa o galego , tanto na fala como na escrita. Aínda así prevé a participación de 50.000 rapaces.

Por eso a miña opinión rapaces é que intentedes ir a estas actividades por que serán moi instrutivas para cada un de nós, e ademais sempre aprenderemos algo novo.


-Lugares e horarios das actividades próximas:


- "Graffiti e letras" actividades en Santiago.

- En Ribeira na casa Hamlet representa no Ateneo Valle-Inclán a obra "Remoldiño vai á feira".

- En Santiago de Compostela, ás 18:00 horas no Centro Comercial Área Central:"Tardes con Paco Peco Pequeneiro".

Angel Rodríguez (2º Bach. C)
e ti que opinas? (0) - Categoría: Novas lingüísticas - Publicado o 20-11-2008 14:05
# Ligazón permanente a este artigo
Promoción do galego entre os avogados
Co título "Xustamente, en galego" o Servizo de Asesoramento Lingüístico do Colexio de Avogados de Santiago de Compostela pretende promocionar o uso do galego entre a avogacía.

Xulgados, facultades de dereito, colexios de avogados etc , serán os lugares nos que principalmente se estenda esta campaña a través de carteis divulgativos.

Na páxina web do colexio de avogados abrirase un apartado no que as persoas interesadas poderan deixar o seu "motivo" polo que incrementar o uso do galego no ámbito da xustiza.

Daniel Díaz (2º Bach.C)
e ti que opinas? (0) - Categoría: Novas lingüísticas - Publicado o 20-11-2008 13:57
# Ligazón permanente a este artigo
TRADUTOR GALEGO-INGLÉS
Opentrad: POR FIN TRADUTOR GALEGO-INGLÉS. Pódese atopar no web de Imaxin, no enlace www.desarrollo.imaxin.com:7000/

O Opentrad é unha ferramenta que permite a tradución entre idiomas.
Imaxin presenta o Opentrad na rede cun prototipo do que será o primeiro tradutor automático entre galego e inglés.
Os interesados poden colaborar no desenvolvemento e mellora desta iniciativa.

Lucia Rey (2º Bach. B)
e ti que opinas? (0) - Categoría: Novas lingüísticas - Publicado o 20-11-2008 13:34
# Ligazón permanente a este artigo
Aprender sobre as vangardas e a Xeración Nós na rede
A profesora de lingua e literatura galega Rosa Salgueiro ten unha páxina web moi interesante (www.rosasalgueiro.com). Nela que podemos atopar materiais para estudar e traballar a nosa lingua e a nosa literatura.
Dado que en 2º de Bacharelato estamos estudando as Vangardas e a Xeración Nós, achegámosvos algúns dos enlaces que sobre estes temas atopamos nesa páxina.

Vangardas.

-Poemas de Manuel Antonio comentados:

http://www.xente.mundo-r.com/anvi/exercicios_de_lingua/de4a4/0.htm

- Cunqueiro. Pódese atopar un dos seus poemas máis coñecidos musicados (O niño novo do vento) nunha páxina moi interesante: a do ENDL do IES de Cambre (Son de poetas).

http://sondepoetas.blogspot.com/2007/11/no-nio-novo-do-vento-hai-unha-pomba.html

Exercicios interactivos sobre o grupo Nós:

http://centros.edu.xunta.es/iesoteropedrayo.ourense/dptos/gal/materiaisliteratura.htm

Castelao:
http://cadernodelingua.wordpress.com/2008/01/29/alfonso-d-castelao/

Comentario do pai de Migueliño: http://personales.jet.es/a-rede/comentariosgal/miguel.html
Poemas de M. Antonio comentados
Son de poetas
Materiais de lingua e literatura do IES Otero Pedrayo
e ti que opinas? (0) - Categoría: O mundo do ensino - Publicado o 20-11-2008 07:43
# Ligazón permanente a este artigo
TRONCO DE NADAL


-Ingredientes:

-Margarina
-Coco
-1 Xema de ovo
-Cacao “Raposo”
-Viño doce
-Leite
-Galletas






-Elaboración:

Mistúrase a margarina, o coco e a xema de ovo. Despois faise a outra crema con cacao “O Raposo”, viño doce, leite e margarina. A continuación ponse ordenadamente a capa de galletas, a de crema de chocolate, a de galleta e a de manteiga. A galleta móllase en viño doce.





Patricia Túñez Gómez 1ºBACH-C
e ti que opinas? (0) - Categoría: Da xouba á sardiña: a nosa cociña - Publicado o 19-11-2008 23:50
# Ligazón permanente a este artigo
COUSAS QUE PASAN NOUTROS CENTROS



Arte no instituto.
Esta semana imos falar do IES Adormideras, de A Coruña, onde os alumnos e alumnas que cursan o Bacherelato Artístico, tanto de 1º como de 2º prestaron a súa axuda e colaboración durante este trimestre dándolle un cambio de imaxe ao seu centro de ensino e levando a cabo a tarefa de trasladar cadros de autores vangardistas como Matisse, Picasso, Miró..., interpretados polos alumnos mesmos ás portas do centro.
Unha das participantes no proxecto, Yaiza Lancina Rodríguez de 1º bacherelato,conta nun artigo redactado por ela mesma os pasos que seguiron e o resultado:
"Primeiro fixemos bosquexos dos cadros para despois elixir os motivos que, sempre asesorados polo profesorado, serían representados nas portas. Unha vez escollido o cadro, o paso seguinte foi poñer mans á obra cos pinceis, brocha, pintura... Sacamos as portas para pintar os marcos e debuxar con proxector sobre as mesmas os cadros elixidos, só quedaba o máis difícil... darlle cor.
"Moitas 'chapuzas' foron as que fixeron, xa que levar un control en equipo non é doado e menos cando son tantas persoas, pero co esforzo dos máis motivados, que moitas veces prestaron a súa axuda nas horas de recreo, o resultado final foi, ó meu parecer, excepcional, de feito causaron a excepción dos demais alumnos e dos profes xa que non pasan desapercibidas.
"Hai que recoñecer que dan un toque de alegría ó instituto. Cando chegas cedo polas mañás e ves as portas mesmo parece que che inspiran para traballar.
"Non foi un traballo doado polo que non está demais loar a estes compañeiros e profesores que se molestaron en traballar para darlle vida ó lugar onde pasamos moitas horas do día convivindo uns con outros.
"MURAL: Xa está rematado o mural do instituto. Podédelo contemplar na zona do patio. Foi realizado por Christian Diamante, ex-alumno do Centro e actualmente estudante de Belas Artes na Universidad de Pontevedra. Como se pode observar, é un mural reamente integrado no contexto, con tódolos elemntos significativos do barrio e do centro de estudos. Destaca a luminosidade das diferentes cores amarelas e as distintas tonalidades de azul. [...].
"QUERES SABER ONDE ESTÁS?: Pictogramas descritivos dos espacios e dependencias da planta baixa do centro así como rotulación das mesmas. O profesor do departamento de Artes Plásticas Juan López de Heredia coordina este traballo co alumnado de deseño de 2º de Bacherelato Artístico. O traballo trata de identificar con elementos iconográficos e textos as zonas do instituto para identificalas coa linguaxe gráfica".
Tamén contamos con comentarios doutra compañeira do IES Adormideras, Sonia Prego Rodríguez de 2º de Bacherelato:
"A DECORACIÓN DAS PORTAS: A idea de decorar as portas do Instituto fixo que moitos alumnos se puxesen mans á obra para propoñer ideas. Os profesores Laura, Indalecio, Mª Luísa e Ana Pita foron os encargados de escollelos e guiar os grupos de traballo correspondentes a cada porta. No noso caso propuxen facer unha interpretación do cadro de De Chirico "Héctor e Andrómeda". Cando a miña idea foi elixida comezamos co traballo de lixar e logo pasamos a pintar o marco e o máis importante, a porta. Nela traballamos Iciar Barcia, Alba García, Fran García e eu.
"O resultado final gustóunos moito, foron moitas horas de traballo pero o remate foi moi gratificante. Agora sentímonos satisfeitos de poder contribuír á decoración do Centro. Importante é darlle as grazas a Mª Luísa que nos dirixiu e axudou a que o resultado fose o que todos podedes ver".
Dende logo, esta iniciativa mellorou a estética do Centro, quedou moito máis bonito e, por que non?, inspira aos alumnos a traballar e facer as clases un pouco máis relaxantes.
Aínda que no noso Centro non temos Bacherelato de Artes, contamos con moitos alumnos ós que non se lle dá mal pintar e podiamos convertir o noso frío e gris instituto nun edifico cheo de murais con mensaxes de cores refrescantes e vivas. Que vos parece se facemos todo o posible para conseguilo?

Esther Domínguez Alcalde
1º BACH C
e ti que opinas? (0) - Categoría: O mundo do ensino - Publicado o 19-11-2008 11:05
# Ligazón permanente a este artigo
© by Abertal
Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.Apoia o Manifesto a prol da convivencia lingüística e a da igualdade de dereitos para o galegojujelEste blogue forma parte da Rede de Blogueiras/os en defensa do Galego