ENDL do IES Félix Muriel
Equipo de Normalización da Lingua Galega

Perfil
enl.felixmuriel@gmail.com
 CATEGORÍAS
 AS NOSAS FOTOS
 RECOMENDAMOS
 Se buscas... atopas!
 BUSCAR BLOGS GALEGOS
 ARQUIVO
 ANTERIORES
 DESTACAMOS

Torta de Santiago
Ingredientes:
- 9 Ovos
- 125 gr. de azucre
- 5 gr. de canela moída
- 500 gr. de fariña
- 250 gr. de améndoas
- Raiadura de limón
- Manteiga

Preparación:
Para a masa: Xúntase un ovo batido cunha cullerada de auga, coa canela e co azucre engadindo pouco a pouco a fariña ata ter unha masa máis ben fina.Amasar e estirala cun rolo de cociña. Forrar o molde, previamente untado con manteiga.

Recheo: Escaldar, pelar e esmiuzar as améndoas. Bater o resto dos ovos co azucre, a canela e raiadura de limón. Xuntar coas améndoas reservando algunhas para o adorno. Bater novamente. Botar todo isto sobre o molde, enriba da masa, espolvorear coas améndoas sobrantes e reservadas para este fin.Meter no forno ata que acade unha tonalidade dourada.

Aproveitade o festivo para sorprender á vosa familia con esta inesquecible torta.

Daniel Fernández Romero
e ti que opinas? (0) - Categoría: Da xouba á sardiña: a nosa cociña - Publicado o 17-03-2009 15:00
# Ligazón permanente a este artigo
O esperado Atlas Mundial en Galego xa está na rede!
O pasado sete de marzo fíxose realidade o proxecto, que se viña anunciando dende o 2008 e que consiste nun Atlas Mundial en Galego, onde se poderán consultar os exónimos e a súa adaptación ao galego.
Este Atlas na nosa lingua abarcará o nome de todos os países, as súas capitais, as principais cidades, provincias e rexións. Pero tamén recolle os principais accidentes xeográficos.

O proxecto establece criterios de adaptación ao galego de topónimos que empregan alfabetos distintos ao latino(grego), ou que conteñen sons non existentes en galego, así como indicacións de lectura para a súa pronuncia.

Este atlas, pódese consultar na web www.crtvg.es/atlas , este é unha resposta a un convenio de colaboración (entre A Compañía de Radio Televisión de Galicia [CRTVG] e a Consellaría de Innovación e Industria) , este convenio permitirá a posta en marcha desta base de datos dos tóponimos internacionais e accidentes xeográficos en galego.


Así , agora cando teñas unha dúbida , non o penses dúas veces , e consulta na páxina anterior.
e ti que opinas? (0) - Categoría: Novas lingüísticas - Publicado o 16-03-2009 17:44
# Ligazón permanente a este artigo
Á Mesa non lle gustan as propostas do novo presidente
A Mesa pola Normalización Lingüística asegurou que non vai quedar de brazos cruzados ante o que eles denominan "intento de Alberto Núñez Feijoo por querer reducir o galego no ensino".

Para Carlos Callón, presidente da asociación en defensa do idioma, trátase do primeiro gran paso atrás para a lingua desde a chegada da democracia e un atentado contra principios básicos recollidos no Estatuto, porque as materias son impartidas en galego para que o alumnado adquira competencias neste idioma, non para que o profesorado teña que practicar a lingua xa que o dereito dos estudantes é formarse. Ademais afirma que Feijoo vai en contra de todas as normas sobre galeguización do ensino impulsadas na democracia, volvendo á situación do tardofranquismo.

A Mesa vai solicitar reunións tanto con Feijoo como cos futuros responsábeis de Política Lingüística e de Educación en canto tomen posesión para recordarlles que a crise non se resolve atacando á cultura e ao noso ADN como pobo, que é unha das potencialidades de Galiza e elemento de cohesión e que o feito de gañar as eleccións non fai que as mentiras se volvan realidade, como cando falan da imposición do galego.

Mentres tanto A Mesa convocou unha reunión o pasado luns 9 de marzo, na Galería Sargadelos de Compostela, para todas as asociacións e colectivos que quixeran defender a lingua para definir os próximos pasos a dar e para conseguir a implicación de toda a sociedade galega na marcha polo galego.

Daniel Díaz (2º Bach. C)
e ti que opinas? (1) - Categoría: Novas lingüísticas - Publicado o 16-03-2009 17:39
# Ligazón permanente a este artigo
ROBALIZA CON PATACAS Ó FORNO
Ingredentes:
1 robaliza
3 patacas
1 cebola grande
1/2 vaso de aceite de oliva
1/2 vaso de viño branco
1 dente de allo
perexil
sal

Elaboración:

Limpar o peixe.Adobalo con allo, perexel e o sal. Nunha tarteira botar as patacas en talladas grosas e facer un fondo,a continuación repetir o mesmo coa cebola, salar e esparexer o perexel por riba. Colocar a robaliza en riba desta guarnición para posteriormente regar todo co aceite e co viño.
Meter no forno a temperatura elevada media hora aproximadamente.
Servir a robaliza acompañada de leituga e un bo viño branco do país.

Jennifer González Fernández 1ºB
e ti que opinas? (2) - Categoría: Da xouba á sardiña: a nosa cociña - Publicado o 12-03-2009 22:19
# Ligazón permanente a este artigo
CONTA AS ESTRELAS
A historia sitúase en Copenhague, Dinamarca, durante a II Guerra Mundial. O relato narra a vivencia de dúas nenas danesas Annemarie Johansen e máis a súa familia, e a súa amiga xudea Ellen Rosen, durante a ocupación alemana.
Todo comeza na cidade de Copenhague, cando Annemarie e Ellen van á carreira pola beirarúa. Ían acompañadas da irmá pequena de Annemarie, Kirsti.

De súpeto, ó doblar a esquina, un soldado nazi detívoas cun sonoro “¡Halten!”(DETÉDEVOS en alemán). Pregúntalles que fan?, por que andan a correr? ó que Annemarie contesta que se desplazan a esa velocidade porque ía a celebrarse unha carreira na súa escola e andaban a entrenarse.

O soldado deixounas ir, non sen antes aconsellarlles que non debían andar ás carreiras, que quen o fai é que algo malo fixo.

As rapazas contan o acontecido ás súas familias. Todo o mundo está preocupado polas novas referentes á ocupación alemana.

Uns días despois do incidente, os alemanes están reasentando ós xudíos de tódolos países en campos de concentración. Os Johanssen deciden axudar ós seus amigos xudeos.

Peter, que fora noivo da irmá falecida de Annemarie forma parte do grupo de resistencia contra a ocupación axudando a agocharse e a fuxir ás familia xudeas. O mozo vaise ver implicado directamente nesta fermosa historia chea de feitos reais e literarios onde a solidariedade, a amistade, o medo, o holocausto e outros temas son tratados de forma estupenda pola autora.

Daniel Fernández Romero,1ºB

e ti que opinas? (4) - Categoría: Cousas - Publicado o 05-03-2009 17:56
# Ligazón permanente a este artigo
Lendo a Fernández Paz
Lemos o libro "Aire Negro" de Agustín Fernández Paz e resultounos moi interesante como todos os libros del que levamos lido. Aínda que xa se podía intuír que nos ía deixar cun final aberto, xa que el adoita facer finais indeterminados que che deixan coas ganas de que a historia continuase, conseguiu motivarnos ata a última liña.
A verdade é que xa levamos lido tres obras de Agustín Fernández Paz e dende o primeiro que collemos na man volvémonos asiduas lectoras del, xa que a súa forma de escribir anima a ler sin parar, pese a que nos gustaría que algunha vez nos puxese un final ás súas historias.

Alba Figueira e Raquel Figueira (1º Bach. A)
e ti que opinas? (2) - Categoría: O mundo do ensino - Publicado o 04-03-2009 13:08
# Ligazón permanente a este artigo
Máis sobre o mapa da Unesco sobre as linguas en perigo
"Extraño mapa é ese onde non se teñen en conta as diferenzas das linguas por territorios"

Estas son as palabras que dixo o presidente da Mesa pola Normalización Lingüística referíndose ao mapa feito pola UNESCO. Este mapa, en teoría, é elaborado atendendo ás linguas en perigo para que a sua situación mellore. Pero segundo os estudos a situación do galego non mudou para mellor dende a elaboración do mapa anterior a este, senon que empeorou. O que mudou foi a metodoloxía á hora de incluíren as linguas no mapa.
A UNESCO non ten en conta a perigosidade dos idiomas alí onde se falan e isto debría ser o criterio máis importante para a realización deste mapa por iso, a Mesa fixo notar o seu desacordo.

Lucía Rey (2º Bach. B)
e ti que opinas? (0) - Categoría: Novas lingüísticas - Publicado o 04-03-2009 11:39
# Ligazón permanente a este artigo
O GALEGO DEIXA DE ESTAR EN PERIGO?
A nova edición publicada pola UNESCO do Atlas de linguas en perigo retira o galego da categoría de linguas en perigo. Algúns dos criterios polas que a organización internacional considera que a nosa lingua xa non está tan en perigo son o poder falar libremente o galego, o feito de que os nenos o aprendan, a súa presenza na educación e a súa proximidade ao portugués.

Cristina Saborido (2º Bach. C)
e ti que opinas? (2) - Categoría: Novas lingüísticas - Publicado o 26-02-2009 10:01
# Ligazón permanente a este artigo
A Editorial Demo preséntase co álbum Lobos de Moeche
Lobos de Moeche é o segundo cómic en lingua galega elaborado por Manel Cráneo.
Esta obra é unha historia de aventuras que se embienta na Galicia da revolta irmandiña; é unha obra de tema medieval.
A aditorial Demo presentarase entre marzo e abril apostando por este cómic en galego e pola recuperación do patrimonio histórico de Galicia.
Se queremos botarlle unha ollada a Lobos de Moeche xa podemos ver a capa, un teaser e varias páxinas na rede.

Lucía Rey (2º Bach. B)
e ti que opinas? (0) - Categoría: Novas lingüísticas - Publicado o 19-02-2009 13:19
# Ligazón permanente a este artigo
PROBABLEMENTE OS DEUSES NON EXISTEN PERO A CULTURA GALEGA SI
Kiko da Silva, ilustrador e director da revista mensual de humor galego “RETRANCA”, estivo o pasado martes no IES e comentou entre outras moitas cousas, a censura que sufriu a campaña PROBABLEMENTE OS DEUSES NON EXISTEN PERO A CULTURA GALEGA SI. PORQUE NON FALAMOS DAS COUSAS QUE EXISTEN? deseñada para ser exposta nos autobuses de Vigo
A intención desta iniciativa non era outra máis que a de concienciar á xente que a cultura galega necesita tamén que creamos nela para existir. Esta campaña non gardaba ningunha relación coa iniciada hai pouco tempo en Barcelona sobre o ateísmo.
Tras unha entrevista coa dirección de Vitrasa, chegaron ó acordo de cambiar na frase a palabra “Deuses” pola de “Zeus” e a empresa de transportes, comprometeuse a facer dentro dos seus autobuses, unha exposición coas obras e cadriños de Retranca así coma poñer dúas traseiras dos buses coa publicidade da publicación. A partir do xoves 19 de febreiro, en Vigo poderase contemplar nos autobuses urbanos, esta enxeñosa e interesante iniciativa.

Nota: Recordade que a revista A Retranca era un dos candidatos para o premio Leixaprén deste ano. Non o gañou desta vez, pero quizais para o ano...
e ti que opinas? (2) - Categoría: Ollada crítica - Publicado o 18-02-2009 23:41
# Ligazón permanente a este artigo
© by Abertal
Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.Apoia o Manifesto a prol da convivencia lingüística e a da igualdade de dereitos para o galegojujelEste blogue forma parte da Rede de Blogueiras/os en defensa do Galego