O castelo da lúa


ENDL do IES Félix Muriel
Découvrez la playlist Blog avec The Homens


Os proxectos deste ENDL recibiron Premios de innovación educativa en normalización lingüística nos cursos 2007-2008, 2008-2009 e 2009-2010.

Perfil
enl.felixmuriel@gmail.com
 CATEGORÍAS
 AS NOSAS FOTOS
 RECOMENDAMOS
 DESTACAMOS
 ANTERIORES
 ARQUIVO
 Se buscas... atopas!
 BUSCAR BLOGS GALEGOS

Outro mundo
Neste primeiro ano no instituto estou coñecendo moita xente, e tamén paso máis tempo coa que xa coñecía. De momento estame gustando este lugar. As materias son cada vez máis complicadas e hai que estudar máis ca nunca. Como é o primeiro curso, moitos dos profesores aínda non apredenderon os nosos nomes. Creo que os profesores que mellor me caen son Forjan, Xabier e Enrique, os de Sociais, Lengua e Naturais.

Outra novidade é o servizo de cafetería. Nos colexios nos que estiven ata o de agora non había este espazo. Aquí, pola contra, se olvidaches o almorzo na casa, sempre podes recorrer á cafetería, pero vai moita xente, e por esa causa hai que esperar un pouco na cola.

Algo que me gustou moito tamén foi que se separase a asignatura de Coñecemento do Medio en Ciencias Naturais e Ciencias Sociais, porque nos permite separar contidos que non teñen nada que ver entre si.

Non sei o que me vai esperar nestes seis anos que vou estar aquí, pero agardo que sexa algo bo e que teña éxito.

Daniel Fernández Romero. 1º B
e ti que opinas? (1) - Categoría: O mundo do ensino - Publicado o 12-12-2008 12:12
# Ligazón permanente a este artigo
ARROZ CON CHOPO
1. INGREDIENTES:
o 1l de auga.
o ½ vaso de viño branco.
o 3 ramos de perexil.
o ½ cebola picada en anacos.
o 2 dentes de allo picados en anacos.
o 1 sobre de azafrán.
o Especies.
o 2 culleres de aceite de oliva.
o 1/2 kg de arroz.
o 1kg de chopo.
o Unhas areas de sal.


MATERIAS DE COCIÑA QUE HAI QUE EMPREGAR:

o Unha paelleira ou tarteira segundo as preferenzas
o 1 fornelo.


PREPARACIÓN:

1- Poñer a paelleira ó lume.
2- Botarlle dúas culleres aceite de oliva, 3 ramas de perexil, allo picado e cebola no fondo da paelleira.
3- Deixar fritir a allada.
4- Botar o medio vaso de viño, xunto co azafrán, as especies o medio litro de auga a paelleira.
5- Agora sen esperar botáselle o chopo e déixese cocer unha hora.
6- O cabo da hora botáselle o arroz e deixase cocer dez minutos todo xunto.
7- O pasar o tempo sácase do lume e déixase refacer entre doce e quince minutos.
e ti que opinas? (0) - Categoría: Da xouba á sardiña: a nosa cociña - Publicado o 12-12-2008 11:47
# Ligazón permanente a este artigo
O goberno español vai avaliar o grao de respecto aos dereitos lingüísticos en Galicia
O Consello das Linguas Oficiais na Administración Xeral do Estado vai utilizar os expedientes da Mesa pola Normalización Lingüística para avaliar o grao de aplicación en Galiza da normativa vixente en materias idiomáticas.
O presidente deste colectivo cidadán, Carlos Callón, manifesta a súa satisfación por esta iniciativa e agarda que se adopten as medidas correctoras, xa que o Estado non pode seguir actuando como se a lingua galega non existise.
Os expedientes tramitados pola Mesa foron feitos a partir das queixas presentadas polos cidadán a través da Liña do Galego.

Cristina Saborido
Tamara Miguéns
(2º Bach. C)
e ti que opinas? (1) - Categoría: Novas lingüísticas - Publicado o 08-12-2008 11:22
# Ligazón permanente a este artigo
Que haberá despois?
Despois de pasar por este instituto ninguén sabemos o que nos espera,pero todos queremos facer algo.Uns atoparemos traballo, outros conseguiremos que nos admitan nunha universidade e facer carreira. Pero o máis triste de todo é que se cadra algúns non conseguiremos ningunha das dúas opcións e acabaremos no paro.
Por iso o que debemos facer é estudar e aprobar, centrándonos nos estudos, porque o saber e a intelixencia abren máis portas das que un pensa. Se un é bo estudante, pode conseguir os seus soños sen dificultade.
Por iso debemos estudar para ter un futuro con máis posibilidades. Senón podemos acabar coma moita xente, na rúa, sen recursos económicos e sen traballo.



Daniel Fernández Romero. 1º ESO B
e ti que opinas? (2) - Categoría: O mundo do ensino - Publicado o 05-12-2008 12:31
# Ligazón permanente a este artigo
OUTRO MUNDO

Neste primeiro ano no instituto estou coñecendo moita xente, e tamén paso máis tempo coa que xa coñecía. De momento estame gustando este lugar. As materias son cada vez máis complicadas e hai que estudar máis ca nunca. Cómo é o primeiro curso, moitos dos profesores aínda non apredenderon os nosos nomes. Creo que os profesores que mellor me caen son Forjan ,Xavier e Enrique ,os de Sociais, Lengua e Naturais.

Outra novidade é o servizo de cafetería. Nos colexios nos que estiven ata agora non había este espazo. Aquí,pola contra, se olvidaches o almorzo na casa, sempre podes recorrer á cafetería, pero vai moita xente, e por esa causa hai que esperar un pouco na cola.

Algo que me gustou moito tamén foi que se separase a asignatura de Coñecemento do Medio en Ciencias Naturais e Ciencias Sociais, porque nos permite separar cousas que non teñen nada que ver entre si.

Non sei o que me vai esperar nestes seis anos que vou estar aquí, pero agardo que sexa algo bo e que teña éxito.


Daniel Fernández Romero (1º ESO B)
e ti que opinas? (0) - Categoría: O mundo do ensino - Publicado o 05-12-2008 12:22
# Ligazón permanente a este artigo
Simposium sobre O Porco de pé no IES Otero Pedrayo
Este luns comeza no I.E.S. Otero Pedrayo un Simposium sobre a obra coa que Risco chegou o seu máximo esplendor O Porco de Pé, da que se cumpren 80 anos da súa primeira edición.

Este autor da xeración Nós, emprega todas os instrumentos da sátira para ridiculizar á burguesía, a través dun castelán que chega a ser alcalde nunha vila ourensá a comezos do século XX, “Na postguerra, D. Celidonio ascendeu de porco a marrán e chegou a ser alcalde”.
No simposio, organizado pola Fundación Vicente Risco, participarán como conferenciantes (Arturo Lezcano, Manuel Outeriño, Xosé Manuel Dobarro, Anxo Tarrío , entre outros moitos). Analizarase dende o contexto histórico e social de Ourense durante o período de vida de Risco, personaxes, estilo e linguaxe da novela.

O Porco de Pé é se cadra a obra narrativa máis orixinal e valiosa de Risco, gabada por todos os críticos e investigadores, mesmo con aqueles máis críticos coa ideoloxía do autor, principalmente coa adoptada a partir de 1936.

Ángel Rodríguez (1º Bach.C)
e ti que opinas? (0) - Categoría: O mundo do ensino - Publicado o 05-12-2008 10:07
# Ligazón permanente a este artigo
Crepúsculo
O Best Seller mundial de Stephenie Meyer pasou á Gran Pantalla estreándose en cines o dia 5 de decembro do 2008 en España. Conta a historia de Bella Swan, unha adolescente de 17 anos que se vai a vivir co seu pai a Forks, unha vila no noroeste de Washington. O seu primeiro día de instituto coñece a uns amigos e come con eles. Cando están comendo, fíxase nun grupo un tanto raro que se senta nunha solitaria mesa do comedor: Os Cullen. O que máis lle chama á atencion deles é a súa perfección, en especial a dun mozo, Edward, do que se namora. Un amigo de Bella insinúalle que Edward podería pertencer a unha raza vampírica, o cal resulta ser verdade.

É un libro moi interesante, moi ben contado e excepcionalmente orixinal. Tanto o libro coma a película están en castelán, o cal, non convence a bastantes galegos. Isto ocorre (na nosa opinion) porque non temos bos dobradores e sobretodo porque non se ten en conta o suficiente a nosa lingua...

Julia, Nacho, Adrián (3º ESO B)
e ti que opinas? (5) - Categoría: Cousas - Publicado o 03-12-2008 13:33
# Ligazón permanente a este artigo
XURELOS Ó FORNO CON PATACAS

Ingredientes para tres persoas:
-3 xurelos.
-1 cebola.
-1 tomate.
-100g de touciño con febra.
-Medio limón.
-5 patacas.
-Aceite.
-Sal
-Viño branco



Elaboración:

Cubrir o fondo da fonte do forno co aceite.
Engadir o pemento en talladas, a cebola, e o tomate.
Meter no forno e agardar 5 minutos.
Pasado este tempo, botar as patacas cortadas en anacos e máis os xurelos abertos ó medio co limón e o touciño metidos no seu interior.
Regar con viño branco e salar.
Introducir novamente a fonte no forno e deixar cociñar 1hora aproximadamente a a170º.




CRISTIAN CAMPOS FERNÁNDEZ 3ª ESO



e ti que opinas? (1) - Categoría: Da xouba á sardiña: a nosa cociña - Publicado o 02-12-2008 12:55
# Ligazón permanente a este artigo
Entrar na Universidade sen selectividade
A normativa de Acceso á Universidade aprobada polo Consello de Ministros di que os titulados en Formación Profesional de Grao Superior, poderán acceder a calquera carreira universitaria sin necesidade da selectividade.

Ata o de agora, moitos destes títulos daban acceso a carreiras directamente relacionadas co estudado. A gran novidade é que a partir de agora, tamén se poderá acceder a carreiras que non teñan ningún tipo de relación cos estudos cursados. Eso si, sempre que chegue a nota.

No curso 2006-07 o 8,7 % do alumnado que entraron na universidade, eran procedentes da F.P.

Adrián Silva (2º Bach.C)
e ti que opinas? (2) - Categoría: O mundo do ensino - Publicado o 01-12-2008 19:32
# Ligazón permanente a este artigo
DOCE MIL NOVOS ICO-PRESTAMOS PARA FACER O POSGRAO
O goberno e o ICO (Instituto de Crédito Oficial), poñen en marcha unha nova liña de créditos para cursar un máster universitario.

É un sistema complementario ó xeral de bolsas, que permite axudar economicamente os mozos que desexen cursar un máster.

O límite máximo do préstamo irá unido á duración do máster, e poderá estar para universidades españolas, nos 28.800 €, e se se cursa no estranxeiro pode acceder a un máximo de ata 34.800 €.

Os préstamos teñen unha carencia de 5 anos, e a súa amortización é de 8 a 15 anos, todo isto co interese do 0%.

Fonte: La Voz de Galicia

Adrián Silva Costas (2º Bach C)
e ti que opinas? (0) - Categoría: Cousas - Publicado o 01-12-2008 12:21
# Ligazón permanente a este artigo
© by Abertal
Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.Apoia o Manifesto a prol da convivencia lingüística e a da igualdade de dereitos para o galegojujelEste blogue forma parte da Rede de Blogueiras/os en defensa do Galego