|
|
|
|
| gorinho.gl |
|
 Hai tempo, un profesor do I.E.S FELIX MURIEL
creou un páxina web en internet.
Nesta, el, subía á rede traballos que os alumnos lle iamos mandando.
Por desgracia, este profesor xubilouse e non sei se poderemos seguir co blog. Aínda así espero que disfrute moito da súa xubilación.
Eu penso que é unha páxina moi bonita na que se poden ler historias, ver cómics e mirar moitas outras cousas como autorretratos ou ver imaxes que colgaron os alumnos. Tamén penso que sería unha pena, que esa páxina se perdese.
É aquí o o nome da páxina, animádevos a vela:
http://gorinho.gl/
Gabriel Figueira Núñez |
|
|
|
|
| A VOLTA |
|
Ola a todos e todas!
Estamos nun novo curso. Empezámolo con alumnado novo de 1ºESO e a eles vai dirixida esta mensaxe:
O intituto vai ser algo novo e divertido por descubrir. Ídelo pasar moi ben, se se estuda non ides ter ningún problema.
Benvidos ao IES Félix Muriel.
Se queredes colaborar co ENDL sodes todos e todas benvid@s. Visitade o noso local de Normalización.
Ricardo Mosquera García 2ºESO B |
|
|
|
|
| Minecraft |
|
Hoxe vouvos falar sobre o Minecraft, é un xogo divertido porque te podes conectar a través dunha rede wifi con outros compañeiros.
Hai dous modos de participar:
SUPERVIVENCIA : podes recoller cousas necesarias para sobrevivir (lá, madeira ,etc).
CREATIVO: E un modo no que os materias non fai falta recollelos, principalmente úsase para contruír edificios moi grandes.
Alberto 1º ESO B |
|
|
|
|
| Lendo un libro no Castelao |
|
O pasado mércores varios compañeiros de 1º de ESO coma min, pero tamén máis maiores, fomos ler contos ao colexio Castelao.
Paseino moi ben. Fun ler un conto sobre Brasil a unha clase de segundo de primaria.
Fomos ás dez e media volvemos ás doce.
Sorprendeume o ben que se portaron os nenos e todo o que sabían sobre os países do mundo porque ao final da lectura estiveron comentándome cousas e puidemos charlar.
Déronnos como agasallo un marcapáxinas e unha brocheta de chuches.
Sebas 1ºB |
|
|
|
|
| Campamento Musical de Agolada |
|
 Do 27 ao 31 de xullo, vai haber un campamento musical en A Golada (Pontevedra). Esta vila
é un lugar moi bonito, que nos permite aproveitar para facer excursións, e hai unha piscina que é outro atractivo deste campamento, ademais dunha gran variedade de actividades musicais; clases de tuba, trompeta, clarinete etc, aparte de tocar en quartetos e nunha banda formada por todos os rapaces.
Por desgraza, só quedan libres prazas para tuba.
Así que os interesados, que se apunten xa, ou perderán unha gran semana a finais de xullo.
Ricardo. 1º ESO |
|
|
|
|
| A DESCUBERTA HÓRREO |
|
A primeira vez que vin un hórreo sorprendinme porque pensei que era unha casa apoiada sobre catro patas pero despois deime de conta de que soamente servía para gardar o millo.
Cando vin esta construción foi cando fun celebrar o meu bautizo na igrexa do Araño, hai tan só seis anos, cando eu tiña oito. Só levaba uns meses vivindo nesta localidade e antes non vira estas extrañas construcións con moitos buracos. Daquela pensei que o hórreo do Araño era o único que había nesta localidade pero despoi dinme de conta de que había máis pero moito máis pequenos.
Meu avó contoume que o hórreo do Araño foi construído no século dazasete e é o máis grande da Galiza tanto de alto como de longo, aínda que hai quen di que compite co de Carnota.
Díxome que medía trinta e dous metros de longo e doce metros de alto, que barbaridade!
TOFIK SANTIAGO GARRIDO 2ºC |
|
|
|
|
| Ruta ciclista por Campelo |
|
 Campelo è unha aldea da parroquia de Araño onde podemos difrutar dunha ruta ciclista en dirección ao pico Muralla. Desde alí teremos unhas boas vitas a Rianxo. Non custa nada chegar arriba porque o noso punto de partida xa está moi cerca do cumio.
O camiño está cuberto ata a metade de asfalto e o resto está é de pedras e terra.
Campelo para min é a mellor aldea que hai, e de feito vou todas as fins de semana desde esta aldea en biciclea ou en moto de cros por camiños ata chegar ao pico Muralla. Boa parte deles nada máis que os coñecen os veciños de Campelo. Eu son un deses afortunados, aínda que non sexa exactamente un veciño porque parte da semana resido no Araño.
Alex Miguéns
|
|
|
|
|
| Charla sobre a diabete |
|
Hai uns días veu ao instituto un diabético a darnos unha charla sobre a diabete. É unha enfermidade que se a padeces terás toda a vida, é incurable. Se tes ese problema quere dicir que o teu páncreas ten dificultades ou deixou de producir insulina e que, polo tanto tes que introducila a través de inxeccións. Os diabéticos teñen tamén que coidar moito a súa alimentación para non que non lles suba nin lles baixe moito o nivel de azucre no seu sangue.
Foi interesante coñecer máis cousas sobre esta doenza.
Déixovos, ata outra.
Brais Aido Rey 1ºESO B |
|
|
|
|
| Topoesía |
|
Nun artigo anterior dábavos conta do noso proxeto de topoesía. Agora poño máis poemas.
Señor San Bartolomeu
feito de pau de laranxo
quen che mandou dar pintura
foi o cura de Rianxo.
Señor San Bartolomeu
feito de pau de sanguiño,
líbrame, Santo bendito
do lobo de Rianxiño.
Eu caseime no Araño
Coa filla dun arañón
Ela bonita non era,
Fea si, honrada non.
As neniñas de Rianxo
pagan as rendas ó cuco,
eu como son rianxeira...
tócalle o pito, Farruco!
As rapazas de Buía
todas son unhas veletas*,
por un vaso de viño
deixan apalpar as tetas.
En Rianxo hai unha lancha
que lle chaman Manuela ,
en toda a ria de Arousa
non hai lancha coma ela .
|
|
|
|
|
| Esta fin de semana en Rianxo.... |
|
Mañá venres, 1º de maio, a partir das 5 da tarde desenvolverase no Campo de Arriba a Feira labrega e artesana de Rianxo "Sachos á rúa", organizada polos Foros Ecolóxicos da Barbanza coa colaboración do Concello de Rianxo
Rianxo acollerá un concerto moi especial o 2 de maio a cargo de tres coros vascos. A Coral Xumela e a Coral Monte Txio de Zarauzt e mais a Coral Olagarro, de Ondarribia, viaxan desde Euskal Herria a Galiza e chegan a Rianxo para estabelecer un irmanamento musical coa vila arousana. A actividade, organizada pola Escola de Ensino Galego Semente de Santiago de Compostela, e coa colaboración do Concello de Rianxo, completarase con outras actividades culturais como un roteiro histórico por Compostela. En Rianxo, as corais bascas coñecerán, coa colaboración do Concello, o patrimonio cultural local nun roteiro cantado polas rúas da vila entre as 12 e as 14 h.
A Escola de Ensino Galego Semente, impulsionada pola Gentalha do Pichel, é un proxecto educativo autoxestionado, popular e sen ánimo de lucro, que ten entre os seus principios, a interculturalidade, e esta ruada polas rúas de Rianxo pretende irmandar as nosas línguas e culturas propias. |
|
|
|
|
|
|
|
