O castelo da lúa


ENDL do IES Félix Muriel
Découvrez la playlist Blog avec The Homens


Os proxectos deste ENDL recibiron Premios de innovación educativa en normalización lingüística nos cursos 2007-2008, 2008-2009 e 2009-2010.

Perfil
enl.felixmuriel@gmail.com
 CATEGORÍAS
 AS NOSAS FOTOS
 RECOMENDAMOS
 DESTACAMOS
 ANTERIORES
 ARQUIVO
 Se buscas... atopas!
 BUSCAR BLOGS GALEGOS

Lendo: Cartas de amor

CARTAS DE AMOR
Fran Alonso


Non vos deixedes enganar polo título desta obra porque o seu autor xa nos di: non penses que son cartas de amor convencionais; e, de seguido aclara que o amor e o desamor poden ser o motivo que leva ás protagonistas destas historias a redactar as cartas. Pero nada máis.

Atoparedes nove relatos en forma de carta (escritos en soporte papel ou do tipo e-mail) cun título que indica o tema ao redor do que se desenvolve cada un:

Ilegal”: Unha senegalesa de nome Ndeye vai parir un fillo español e cóntalle á súa cuñada as peripecias da viaxe e a morte do marido;

Desde as tebras”: Sabela , cooperante que agora se atopa no caos da guerra de Iraq, esconxura as súas pantasmas na carta que lle envía a un amigo;

Confesión”: Mónica, mediante un e-mail, confésalle a súa homosexualidade á súa mellor amiga porque xa non pode soportar unha situación que parece obrigala a vivir unha dobre vida;

Sáhara, améndoa amarga”: Besmeh Haumdi, estudante retornada aos campamentos de refuxiados do Sáhara, escríbelle ó seu namorado e cóntalle que sente o deserto coma un cárcere;

Zé, volcán de amor”: Belinha, unha caboverdiana, vai emigrar para os Estados Unidos levando con ela a seus fillos. O seu home xa marchara deixándoos atrás e agora non saben nada del;

O que nunca me preguntaches”: Unha rapaza de 17 anos filipina, Dyana, vive da prostitución e namórase dun cliente vigués ao que lle escribe unha carta contándolle aspectos da súa vida;

A carta inesperada”: Begoña, señora de Núñez, recibe a carta dun antigo mozo, fuxido republicano, que a retrotrae a un pasado doloroso e moi equivocado” pero...

A guerra”: Maida leva demasiado tempo bailando de conflito en conflito, xa non pode máis e por iso lle envía a Dzevad “a quen tanto amei” unha carta suicida...

e “Lonxe”: Bárbara envíalle un e-mail a Luís Alberto no que pretende poñer fin ao seu amor adolescente, expoñéndolle con claridade e madurez as razóns polas que o seu amor na distancia non ten futuro.

A través deste conxunto de relatos, o seu autor enfoca a historia recente desde a perspectiva de quen a padece (guerra, inmigración, exilio, homofobia, fame...).


e ti que opinas? (0) - Categoría: Curso 2007/08 - Publicado o 05-06-2008 15:46
# Ligazón permanente a este artigo
Chuza! Meneame
Deixa o teu comentario
Nome:
Mail: (Non aparecerá publicado)
URL: (Debe comezar por http://)
O comentario será filtrado por un administrador antes de subir:
© by Abertal
Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.Apoia o Manifesto a prol da convivencia lingüística e a da igualdade de dereitos para o galegojujelEste blogue forma parte da Rede de Blogueiras/os en defensa do Galego