Club de lectura Nós tamén navegar IES Lagoa de Antela


ler sen cancelas

O meu perfil
 CATEGORÍAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

TERTULIA DE PROFESORAS NO BALNEARIO D'AS BURGAS

Celebramos un coloquio literario en Ourense algunhas das profes que participamos nas tertulias ourensás co noso alumnado lector. Acudimos á cita Almudena e Paloma, do IES Ferro Couselo; Xela, do IES Julio Prieto Nespereira; Avelina, do IES Blanco-Amor; Carmen, do IES Lagoa de Antela; e Sara, a coordinadora do proxecto. A pesar do frío a reunión tivo lugar ao aire libre, dentro das augas cálidas do balneario d'As Burgas, onde a cálida temperatura favoreceu o diálogo e o intercambio de impresións. Unha experiencia literaria totalmente terapéutica.

Purga, de Sofi Oksanen, foi a novela que nos convocou. Ambientada en Estonia, conta a historia dúas mulleres vítimas de agresións similares en épocas diferentes e cuxas vidas van converxer por motivos que non imos desvelar. A autora crea dende o 1º capítulo un clima de intriga que se mantén ata o final a base de indicios e saltos temporais. Bucea nas mentes das personaxes, verte interrogantes, reabre feridas, destripa o pasado, describe maxistralmente os ambientes, enfía escenas, lugares e tempos distintos... Non podemos desgranar máis sobre a novela para que as persoas se animen a lela, pois é un libro proposto para o noso club de profes. Chapeau para esta caste de libros que provocan adicción.
Entrevista no diario El País
Comentarios (2) - Categoría: NOVAS DO CLUB - Publicado o 30-12-2011 17:30
# Ligazón permanente a este artigo
O CLUB DE PROFES LE LA FIESTA DEL CHIVO E MENÚ DE ENGANOS

O membros do club de profes estamos a ler:
La fiesta del chivo, de Mario Vargas LLosa, unha novela ambientada na época da ditadura de Trujillo na República Dominicana.
Entrevista ao escritor.

Menú de enganos, de Núñez Singala, un libro de relatos, cheos de humor e sorpresas.


Trailer da película La fiesta del chivo:

Comentarios (3) - Categoría: CLUB DE PROFES - Publicado o 30-12-2011 17:00
# Ligazón permanente a este artigo
O CLUB LE FUTURO IMPERFECTO

Celebramos unha reunión para perfilar os detalles para o diálogo previo á tertulia que se celebrará en Ourense o 26 de xaneiro. Faltaban varios membros do club por estar preparando o festival de Nadal pero o libro, Futuro imperfecto, de Xulia Alonso, promete.

Máis abaixo deixamos unhas liñas orientativas para o debate.
Comentarios (0) - Categoría: NOVAS DO CLUB - Publicado o 24-12-2011 17:06
# Ligazón permanente a este artigo
CELEBRAMOS A 2ª TERTULIA DE PROFES

Celebramos a 2ª reunión do club de profes que adquiriu o sabor da pizza. A novela El manuscrito de piedra foi unha novela moi cuestionada polo sector máis esixente fronte a Sunset Park que só recibiu eloxios, sobre todo pola maneira de enfocar as personaxes, tanto como individualidades como polas relacións que establecen.
Comentarios (0) - Categoría: CLUB DE PROFES - Publicado o 24-12-2011 17:00
# Ligazón permanente a este artigo
O CLUB DE AULA REALIZOU AS EXPOSICIÓNS PROGRAMADAS

En 4º de ESO e 1º de BAC abordamos na clase de Lingua unha nova estratexia de animación á lectura. Grupos de tres e catro persoas leron un libro e realizaron unha exposición sobre o mesmo. A tarefa consistiu en escoller unha novela dun amplo itinerario temático e tratar aspectos literarios da novela (temas, personaxes...), ler textos seleccionados, clasificala tematicamente e abordar a biografía do autor ou autora. O obxectivo, ademais dos propiamente curriculares, era espertar a curiosidade lectora e, para iso, evitouse comentar o final. A experiencia resultou moi interesante pois logrouse captar a atención do alumnado oínte e provocar o desexo de ler algúns libros. Destacamos os de maior éxito: A cabeza de Medusa, de Marilar Aleixandre; Soidades de Ana, de Jordi Sierra i Fabra; Baixo mínimos, de Diego Ameixeiras; Un home que xaceu aquí, de Aníbal Malvar; O mecanoscrito da 2ª orixe, de Avi, Chamábase Luís, de Marina Mayoral e Aire negro, de Agustín Fernández Paz.
Comentarios (0) - Categoría: club de aula - Publicado o 24-12-2011 16:54
# Ligazón permanente a este artigo
CAMPAÑA DE LECTURA DE NADAL

Xa comezamos a nosa campaña de lectura para o Nadal. Á beira da nosa árbore de Nadal, unha pirámide de libros, colocamos unha mesa chea de lecturas variadas para todo tipo de lectoras e lectores. Tamén elaboramos este boletín de promoción con algunhas novidades. De paso, xa que estamos a preparar o PI entre Lingua e Plástica, confeccionamos un boletín con recomendacións de banda deseñada.








Comentarios (0) - Categoría: boletíns de lectura - Publicado o 14-12-2011 21:32
# Ligazón permanente a este artigo
A MAN DO DIAÑO, DE BRAIS RODRÍGUEZ
Video promocional da obra de banda deseñada A man do diaño, do autor Brais Rodríguez, premiado có Premio Castelao de BD da Deputación da Coruña no 2010. Unha historia dura nun contexto de guerra. Para reflexionar.

Comentarios (0) - Categoría: PARA LER E VER - Publicado o 10-12-2011 17:49
# Ligazón permanente a este artigo
JOAN MANUEL GISBERT IMPARTIU UNHA CHARLA AO ALUMNADO

O venres 25 de novembro asistimos a unha conferencia dada no salón de actos do noso instituto polo escritor Joan Manuel Gisbert, autor dun dos relatos que compoñen o libro Cinco cuentos sobre Velázquez lido este ano polo alumnando de 3º e 4º de ESO.

Pasamos con el un agradable momento que nos permitiu ver as cousas dende un punto de vista distinto e comprender mellor a orixe das súas ideas e do relato que lemos.


Kelly Domínguez, 3º C ESO


Comentarios (0) - Categoría: NOVAS DE INTERESE - Publicado o 09-12-2011 20:30
# Ligazón permanente a este artigo
LOS NADIES, DE EDUARDO GALEANO
O fermoso poema "Los nadies" de Eduardo Galeano na súa voz.
Chéganos a través de Trafegando ronseis, como non.

Acábase de crear un club de lectura virtual, Falemos de lecturas, e o libro que se está a comentar é Sunset Park, de Paul Auster. Si, o mesmo que estamos a ler no club de profes.

Comentarios (0) - Categoría: POETIZÁMONOS - Publicado o 03-12-2011 19:11
# Ligazón permanente a este artigo
LECTURA PARA AS TERTULIAS LITERARIAS OURENSÁS

Futuro imperfecto de Xulia Alonso é a novela escollida para a 1ª tertulia literaria ourensá.

Adxuntamos unha guía de lectura con cuestións e información para o alumnado lector que vai asistir á tertulia.



A película Eu, Cristina F. (Christiane F - Wir Kinder vom Bahnhof Zoo, Uli Edel, 1981), convertida en película de culto, trata o tema das drogas na adolescencia dunha maneira dura. Intervén no filme o cantante David Bowie.


Comentarios (0) - Categoría: NOVAS DO CLUB - Publicado o 02-12-2011 21:19
# Ligazón permanente a este artigo
1 [2]
© by Abertal