Club de lectura Nós tamén navegar IES Lagoa de Antela


ler sen cancelas

O meu perfil
 CATEGORÍAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

CELEBRAMOS O SAMAÍN NA BIBLIOTECA

Celebramos o Samaín con diferentes actividades: concurso de contos de medo, concurso de cabazas e lecturas dramatizadas de contos elaborados e escenificados polo grupo de teatro de 3º C de ESO. Preparamos o ambiente con elementos decorativos de terror, sombras e sons de medo, escenario propicio para que a Santa Compaña e un monicreque diabólico se paseasen pola biblioteca. Ao final houbo doces propios da época para os asistentes: mouse de castaña, brazo de xitano e pastas deliciosas preparadas polas alumnas do PCPI de Cociña, guiadas pola profesora Ivana. Que rico estaba todo! E como devoraban algúns!

Máis fotos no blog do EDLG, O falar non ten cancelas.
Comentarios (1) - Categoría: DATAS E ACCIÓNS PARA LEMBRAR - Publicado o 28-10-2011 21:46
# Ligazón permanente a este artigo
COMEZAMOS COS CLUBS DE AULA

Comezamos coas actividades do club de lectura de aula, na foto alumnado de 4º de ESO debatendo sobre a novela de Marilar Aleixandre Rúa Carbón, cuxo tema está de actualidade. A experiencia foi moi gratificante.
Comentarios (1) - Categoría: NOVAS DO CLUB - Publicado o 28-10-2011 21:31
# Ligazón permanente a este artigo
CELEBRAMOS O DÍA DA BIBLIOTECA

Esta semana celebramos o Día da Biblioteca. O luns 24 de outubro, o equipo da biblioteca fixémoslles entrega dun libro de Os megatoxos, un adhesivo, un marcador e un folleto a todos os alumnos e alumnas de 1º de ESO, que visitaron a biblioteca en diferentes quendas. Tamén realizamos un exercicio para a formación de usuarios: un xogo-concurso entre equipos para aprender a buscar libros de diferentes materias na biblioteca e interpretar as sinaturas, para o cal se lles entregou unha folla coa CDU a cada grupo. Este xogo resultou moi entretido e eficaz para a aprendizaxe. Como premio simbólico os membros dos equipos gañadores recibiron un diploma.
Comentarios (0) - Categoría: DATAS E ACCIÓNS PARA LEMBRAR - Publicado o 28-10-2011 21:21
# Ligazón permanente a este artigo
AS MIÑAS TARDES CON MARGUERITTE

O 2º libro de lectura é As miñas tardes con Margueritte, de Marie-Sabine Roger, unha historia tenra de iniciación á lectura con personaxes entrañables. Optamos pola tradución ao galego da editorial Galaxia.

Máis información:

http://www.que-leer.com/1760/marie-sabine-roger-tardes-con-margueritte.html#.TqJ8gLIcy5w




Esta novela foi levada ao cine co título de La tête en frich por Jean Becker, con Gérard Depardieu e Gisèle Casadesus como protagonistas. Velaquí o trailer.

Comentarios (1) - Categoría: CLUB DE PROFES - Publicado o 22-10-2011 10:50
# Ligazón permanente a este artigo
INICIAMOS A ANDAINA DO CLUB DE PROFES

Estamos a ler El héroe, de David Rubín, unha historia gráfica baseada no mito de Heracles/ Hércules e os seus 12 traballos.

Enlaces informativos e de crítica:

http://guiadelcomic.es/david-rubin/el-heroe.htm

http://siguealconejoblanco.com/comics/2011/04/critica-el-heroe-de-david-rubin/


Comentarios (0) - Categoría: CLUB DE PROFES - Publicado o 22-10-2011 10:40
# Ligazón permanente a este artigo
© by Abertal