Club de lectura Nós tamén navegar IES Lagoa de Antela


ler sen cancelas

O meu perfil
 CATEGORÍAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

MAÑÁ CELEBRAMOS O DÍA DA PAZ NO IES LAGOA DE ANTELA
Mañá, 30 de xaneiro, celebramos o Día da Paz.O menú será: Paraugas pola paz, vídeos, lecturas e abrazos.









http://issuu.com/x-1065/docs/paz_lecturas?mode=window&viewMode=singlePage


Comentarios (16) - Categoría: DATAS E ACCIÓNS PARA LEMBRAR - Publicado o 29-01-2012 20:07
# Ligazón permanente a este artigo
TERTULIAS EN OURENSE


O xoves 26 acudimos a unha nova cita coa literatura compartida no Liceo de Ourense. Viaxamos cos nosos veciños lectores do IES Cidade de Antioquía á capital e pola mañá visitamos a exposición de O Quixote e os Dereitos Humanos sita no IES Otero Pedrayo, cuxo autor, Queralt Blanch, desempeñou o papel de guía. Unha exposición moi interesante para espertar as conciencias.

Pola tarde reunímonos cos colegas lectores do IES de Allariz e intercambiamos impresións sobre o libro Futuro imperfecto de Xulia Alonso. Durante dúas horas dialogouse e discutiuse sobre diferentes aspectos temáticos e formais da novela e o debate seguiría se non fose polo encontro concertado coa autora. Xulia Alonso, no medio dunha palpable expectación, chegou, falou e cautivounos a todas as persoas presentes. Foi inevitable renderse á forza das palabras dunha muller que viviu unha época convulsa, que sufriu a dor da perda, que se enfrontou ao mundo e ao estigma dunha enfermidade maldita. O seu testemuño é un exemplo de superación, a súa novela unha lección de amor. Foi unha experiencia inesquecible.

Parabéns para todas as persoas que interviñeron e dinamizaron o debate (Fatima Aboufaris, Tiziana, Lucía, Álex, Inma…) e para todas as que escoitaron e non se atreveron a romper as barreiras da vergonza e a timidez. Non vos preocupedes, todo é cuestión de aprendizaxe, de práctica…


Comentarios (0) - Categoría: NOVAS DO CLUB - Publicado o 29-01-2012 20:01
# Ligazón permanente a este artigo
4º DE ESO DEBATE SOBRE DURMIDO SOBRE OS ESPELLOS

Abordamos con 4º de ESO o 1º coloquio sobre a novela de Jordi Sierra i Fabra Durmido sobre os espellos. O debate xirou en torno a temas como a ditadura e a censura e manipulación informativas, a falta de liberdade de expresión, a xustiza mediatizada polo poder político, a revolución cubana e os protagonistas desta… Cando tocou o timbre quedaron cuestións por discutir que se tratarán na seguinte xornada. Houbo persoas ás que non lles gustou a 1ª parte pola falta de acción e intriga e outras que necesitan un empurrón para intervir.
Comentarios (1) - Categoría: club de aula - Publicado o 28-01-2012 10:47
# Ligazón permanente a este artigo
O VENRES RECIBIREMOS A TOKIO, AUTOR DE CABANA DE BALIEIROS
O venres recibiremos a visita de Tokio, artífice da novela gráfica Cabana de Balieiros, unha historia ambientada nunha vila do s.XIX que agocha segredos. Misterios relacionados cos barcos, naufraxios e costumes ancestrais.


Comentarios (0) - Categoría: NOVAS DE INTERESE - Publicado o 23-01-2012 09:54
# Ligazón permanente a este artigo
O CLUB DE AULA LE DURMIDO SOBRE OS ESPELLOS

O club de aula de 4º de ESO le Durmido sobre os espellos, de Jordi Sierra i Fabra.

Velaquí unha ficha para dinamizar o coloquio.


Comentarios (0) - Categoría: club de aula - Publicado o 21-01-2012 19:13
# Ligazón permanente a este artigo
© by Abertal