Club de lectura Nós tamén navegar IES Lagoa de Antela


ler sen cancelas

O meu perfil
 CATEGORÍAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

A PRAIA DOS AFOGADOS, DE DOMINGO VILLAR

A praia dos afogados, de Domingo Villar
De novo o inspector Leo Caldas en acción, resolvendo casos difíciles, como en Ollos de auga. Diálogos áxiles e intrigas enredadas en labirintos delitivos e ambientes mariñeiros.

“-Traballo? –interesouse o pai.
-O meu axudante –confirmou Leo Caldas, separándose uns metros e buscando o tabaco no peto antes de contestar.
-Como foi todo? –preguntou, sostendo un cigarro entre os dentes ao que lle achegou a chama do acendedor.
-Aínda estou no porto este.
-Co afogado?
-Parece que o axudaron a afogar.
-E logo?
-Ten as mans atadas.
Con certa frecuencia, os suicidas que se lanzaban á auga ataban as mans ou os pés para ter a seguridade de que se cumpriría o seu propósito.
-Puido facelo el mesmo –apuntou Leo Caldas.
-Non, inspector. Non me pregunte por que, pero o forense cre que ese home nin se suicidou nin morreu pescando troitas.
-Troitas no mar hai poucas –dixo Caldas lacónico.
-Vostede xa me entende.”


Comentarios (1) - Categoría: PARA LER - Publicado o 15-05-2009 18:43
# Ligazón permanente a este artigo
ELENA PONIATOWSKA

Elena Poniatowska, escritora mexicana, foi elixida pola Asociación de Escritores de Lingua Galega como Galega Universal. Destacamosda súa produción literaria: El tren pasa primero, Las siete cabritas e Luz y luna, las lunitas. A súa obra fala de persoas que traballan en espazos subterráneos, que viven vidas que non "merecen" figurar nos libros de historia: indíxenas, vendedores ambulantes, traballadoras domésticas, obreiros do ferrocarril... Vidas anónimas que son rescatadas do anonimato.

Manuel Rivas escribiu un artigo, "Da vergoña allea ao orgullo universal", no cal falabba, entre outras "cousas", desta escritora. Extraemos estas palabras:


Leo un retrato literario de Szymborska feito por Elena Poniatowska e prendo nese principio luminoso do Non Sei. Anoto nese texto fértil dous detalles históricos que me chamaron a atención. Houbo soldados polacos que cargaron montados de a cabalo contra os tanques alemáns. Despois da guerra, o primeiro estabelecemento que abriu as súas portas en Varsovia foi unha tenda de flores. Talvez o feito de fixarme neses detalles ten de ver co xeito de escribir unha e outra. Por unha banda, vai unha amazona a cabalo contra un tanque. Por outra, ábrese unha floraría.

Agora si. Agora é tempo de orgullo. Se todo vai ben, teremos en Galicia a vindeira semana a Elena Poniatowska, elixida pola Asociación de Escritores de Lingua Galega como Galega Universal. Entre outros froitos desta visita, darase a coñecer o volume A filla do filósofo, relatos de La Poni (como lle chama con agarimo Carlos Fuentes) traducidos por escritores de nós ao galego.

É unha moi boa iniciativa a da AELG, que en ocasións anteriores distinguiu con esa condición de escritor ou escritora Galega Universal a autores relevantes de moi diversas orixes planetarias: Mahmud Darwish, Pepetela e Nancy Morejón. É evidente que Galicia sería algo moito máis pechado, provinciano, de non existir a cultura galega, esa floraría, esa amazona. Na liña de cultura aberta van tamén os premios Rosalía que outorga o Pen-Club de Galicia. Na última edición, o colombiano Álvaro Mutis, o catalán Joan Margarit e o vasco Jon Kortazar.

A nova Galega Universal é mexicana nacida en París e de orixe polaco. Como escritora, enfeitiza o xeito en que crea personaxes inesquecíbeis, como o son para min, por exemplo, os protagonistas das novelas El tren pasa primero e La piel del cielo. Mais ela, Elena Poniatowska, tamén é un personaxe co seu propio ronsel de lenda. Unha escritora e xornalista que tivo a coraxe de enfrontarse ao silencio criminal cando todos, ou case todos, calaban. Foi cando escribiu La noche de Tlatelolco, que trata da matanza de máis de 300 persoas na praza das Tres Culturas, na capital mexicana, en 1968, durante unha protesta estudantil, pouco antes de que comezaran as Olimpíadas. Un dos episodios máis sinistros e brutais da recente historia latinoamericana.

Como escribe ese libro Elena Poniatowska? "A noite, viúva do día", di un verso da súa amiga Szymborska. Pois ben. Nunha lección maxistral de xornalismo, o que fai Elena é apañar as cachizas daquela noite e compor con elas un tremente día. Vai apañando na escuridade todas as voces baixas, perseguidas, feridas, encarceradas, horrorizadas. Mais tamén figuran as do poder e os titulares ominosos duns medios de comunicación que deron por boas as trolas do poder criminal que ordenou a carnicería. É así que La noche de Tlatelolco figura entre os mellores libros de novo xornalismo do mundo enteiro, xunto cos tamén para min imprescindíbeis: Memorias do cárcere, do brasileiro Graciliano Ramos; Recuerdo de la muerte, do arxentino Miguel Bonasso, Memorias del calabozo, dos uruguaios Mauricio Rosencof e Eleuterio Fernández Huidobro, e El olvido que seremos, do colombiano Héctor Abad.

Elena Poniatowska, Galega Universal. Que sorte!
Comentarios (0) - Categoría: NOVAS DE INTERESE - Publicado o 12-05-2009 20:17
# Ligazón permanente a este artigo
ABRIL: MES DA LECTURA
Abril é o mes dos libros.

CELEBRAMOS O MES LENDO

O Departamento de Plástica convocou un concurso para fomentar a lectura e editouse unha pegatina co lema gañador: Disfruta lendo.
Celebramos a semana do cómic na biblioteca cunha exposición de debuxos de Tintín e Astérix e Obélix e recortes con viñetas. Tamén se colocaron exemplares de cómics para remexer.
Por último, editouse un folleto coa historia do cómic.
Comentarios (1) - Categoría: DATAS E ACCIÓNS PARA LEMBRAR - Publicado o 27-04-2009 12:53
# Ligazón permanente a este artigo
LIBRO COAS LECTURAS POLA PAZ
O Día da Paz organizamos unhas lecturas abertas na biblioteca con poemas nas diferentes lingua do centro traducidos ao galego, velaquí o resultado impreso.

Comentarios (0) - Categoría: DATAS E ACCIÓNS PARA LEMBRAR - Publicado o 03-04-2009 09:15
# Ligazón permanente a este artigo
VIDA E OBRA DE MARUXA MALLO
Realizamos un traballo de educación documental sobre a figura da pintora Maruxa Mallo (está a disposición de quen o desexe en formato word na nosa páxina, na sección de normalización: Maruxa Mallo); a continuación confeccionamos un libriño e, por último, unha exposición. O proxecto levou o título de "Á procura da personaxe misteriosa" (inspirado nun traballo xa realizado sobre o pintor Rembrandt) e resultou un éxito.

Comentarios (0) - Categoría: PARA LER - Publicado o 03-04-2009 09:11
# Ligazón permanente a este artigo
DRAMATIZACIÓN DE "RAMÓN" NA BIBLIOTECA
Comentarios (1) - Categoría: DATAS E ACCIÓNS PARA LEMBRAR - Publicado o 02-04-2009 10:15
# Ligazón permanente a este artigo
O CLUB NAVEGA
Comentarios (0) - Categoría: NOVAS DO CLUB - Publicado o 01-04-2009 12:17
# Ligazón permanente a este artigo
LIBRO DE FOTOS: XOGO DE EDUCACIÓN DOCUMENTAL
Comentarios (0) - Categoría: DATAS E ACCIÓNS PARA LEMBRAR - Publicado o 23-03-2009 21:21
# Ligazón permanente a este artigo
UXÍA NOGUEIRA OPINA SOBRE O CLUB DE LECTURA

Fai xa uns meses que o club de lectura de 3º "arrancou", pero é agora cando quero contarvos a nosa experiencia a todos os blogue-lectores.
Máis de 10 persoas supoñían demasiadas experiencias lectoras diferentes, demasiados gustos diversos. Parecía que había coincidencia nunha única cousa, todos quedaramos impresionados pola lectura de O neno do pixama de raias , algúns mesmo viran a película. Partindo desta premisa seleccionamos Unha bolsa de canicas, de Joseph Joffo.
O libro non resultou tan ben como era de esperar, tal vez a escolla non foi a mellor, posto que dúas tramas tan parecidas son inevitablemente comparadas, e este pareceu "descafeinado" fronte ao primeiro: menos crueldade (aínda que fose implícita) e un final feliz.
Por outro lado, unha das dificultades a vencer, para que o club funcionase ben, eran as múltiples reunións e ensaios que había neses días: festival de nadal, “El País de los estudiantes”... Nunca estabamos todos, e logo era difícil fixar os capítulos a ler para a próxima sesión, os comentarios repetíanse...
Xusto despois do Nadal comezamos coa segunda lectura, pero esta, cunha temática totalmente diferente, será comentada por algún outro membro do club
Comentarios (0) - Categoría: NOVAS DO CLUB - Publicado o 22-03-2009 18:26
# Ligazón permanente a este artigo
DÍA DA TERRA E DA POESÍA: FADWA TUQAN


SÓ QUERO ESTAR NO SEU SEO
Só quero morrer na miña terra,
Que me enterren nela,
Fundirme e esvaecerme na súa fertilidade
Para resucitar sendo herba na miña terra,
Resucitar sendo flor
Que esfole un neno crecido
No meu país.
Só quero estar no seo da miña patria
Sendo terra
Herba
Ou flor

Fadwa Tuqán (1917-2003, poeta palestina, traducida ao castelán por María Luisa Prieto)
Comentarios (0) - Categoría: DATAS E ACCIÓNS PARA LEMBRAR - Publicado o 21-03-2009 10:24
# Ligazón permanente a este artigo
© by Abertal