Club de lectura Nós tamén navegar IES Lagoa de Antela


ler sen cancelas

O meu perfil
 CATEGORÍAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

24 DE OUTUBRO: DÍA DA BIBLIOTECA
Celebraremos o Día da Biblioteca cun xogo de busca (entrar no blog da Biblioteca),
este cartel e unha exposición de fotos das actividades do club o curso pasado.


Comentarios (1) - Categoría: DATAS E ACCIÓNS PARA LEMBRAR - Publicado o 23-10-2012 18:41
# Ligazón permanente a este artigo
O C.F. BARCELONA CREA UN CLUB DE LECTURA PARA OS SEUS XOGADORES DE BASE

Esta noticia ben merece un oco no noso blog, por fin o deporte abraza a lectura abertamente.

Na páxina web da Cadena Ser encontraredes máis desenvolvida a noticia.

Oxalá este "vicio" se estenda como unha epidemia por todos os recunchos do planeta e se incruste nas veas das persoas até facerse adicción.
Comentarios (1) - Categoría: NOVAS DE INTERESE - Publicado o 21-10-2012 19:27
# Ligazón permanente a este artigo
GALIX HOMENAXEA A AGUSTÍN FERNÁNDEZ PAZ

O noso querido Agustín, que tanto ten feito pola normalización e a literatura no noso país, segue a recibir homenaxes. GALIX (Asociación Galega do Libro Infantil e Xuvenil) nomeou a Agustín Fernández Paz Socio de Honra e o escritor agasallou os presentes cun conto que está neste blog: Abrir as portas.
Comentarios (0) - Categoría: NOVAS DE INTERESE - Publicado o 21-10-2012 19:15
# Ligazón permanente a este artigo
COMEZA A ANDAINA DO CLUB DE PROFES

Comezamos o club de profes con estas dúas novelas:

El ladrón de arte de Noah Charney: historia chea de suspense co mundo da arte como escenario. O roubo dun retábulo de Caravaggio e un cadro de Malevich marcan o inicio da investigación de dous inspectores de policía.

Entrevista ao autor:

A miña planta de laranxa lima de José Mauro de Vasconcelos: unha historia conmovedora, que inxecta emoción nas veas, que toca o corazón.
Comentarios (2) - Categoría: CLUB DE PROFES - Publicado o 10-10-2012 20:31
# Ligazón permanente a este artigo
COMEZA A ANDAINA DO CLUB DE LECTURA

Comezamos esta semana a andaina do club de lectura.

Como se aproxima o Samaín, navegaremos rumbo á Terra do Medo, onde residen seres que arrepían ( a Santa Compaña, o lobishome, o demo, a xacia, a lamia, o Alén? ,) e meterémonos na boca do inferno?

Relatos de As fronteiras do medo de Agustín Fernández Paz serán a nosa primeira parada e, se sobrevivimos, iremos ao encontro de Xabier P. Docampo e os seus terroríficos relatos de Cando petan na porta pola noite.

Tamén na aula inventaremos e leremos contos de medo habitados polo terror e o espanto.
Comentarios (0) - Categoría: NOVAS DO CLUB - Publicado o 10-10-2012 20:11
# Ligazón permanente a este artigo
NOVO BLOG DA BIBLIOTECA IES LAGOA DE ANTELA
Abrimos unha nova canle de recursos didácticos, ferramentas tecnolóxicas,novas sobre a competencia lectora e información de actividades da biblioteca. Este espazo web vai destinado a toda a comunidade educativa do IES Lagoa de Antela e desexamos que se converta nun instrumento útil para potenciar e mellorar as competencias dende todas as materias. Ese é o noso compromiso, un compromiso fiel ao ensino público.

BIBLIOTECA IES LAGOA DE ANTELA
Comentarios (0) - Categoría: NOVAS DE INTERESE - Publicado o 05-07-2012 15:14
# Ligazón permanente a este artigo
DESPEDÍMONOS CUNS VIDEOPOEMAS REALIZADOS POLO ALUMNADO
Despedimos este curso con tres interesantes videopoemas do alumnado de 1º de BAC:
"Sombras", de Xosé María Álvarez Caccamo
"Dobres parellas, de Ramiro Fonte
"Game Over", de Makinaria, de Carlos Negro

FELIZ VERÁN!!






Comentarios (0) - Categoría: POETIZÁMONOS - Publicado o 03-07-2012 15:39
# Ligazón permanente a este artigo
MOCHILAS VIAXEIRAS E LIBROS PARA O VERÁN

Esgotamos as mochilas, e iso que superaban as vinte, con libros para toda a familia. Outro ano máis a campaña de préstamos de verán foi un éxito, tanto a nivel de profesorado como de alumnado. Os libros da nosa biblioteca tamén van á praia, ao río, ao campo, a ...???? nas vacacións. E eles levan de viaxe as persoas que os len. Que a sorte vos acompañe a tod@s!



Comentarios (0) - Categoría: MOCHILAS VIAXEIRAS - Publicado o 26-06-2012 21:42
# Ligazón permanente a este artigo
RECITAL DE MARÍA LADO E LUCÍA ALDAO

A andaina do club superou unha etapa máis desta travesía cuxo destino é o mesmo feito de navegar con palabras. Desexamos que sigan intactas ou que se incrementasen as ganas de entrar e percorrer páxinas de libros, de amasar versos, de abrazar frases, de identificarse con personaxes entrañables, de detestar malvados, de andar mundos...

Como fin de festa organizamos un recital ao que convidamos outra xente á que queremos contaxiar este virus da lectura.

Os clubs de lectura do IES Lagoa de Antela e IES Cidade de Antioquía e alumnado de 4º de ESO e 1º de BAC puideron gozar dunha sesión intensa de poesía e música coas poetas María Lado e Lucía Aldao. Laura Aparicio e Lucía Fernández encargáronse da presentación, Lucía leu un poema de Lucía Aldao e Tiziana Rodríguez e Alba Nogueira leron un poema a dúas voces de María Lado. Houbo moitas risas e aplausos e o público participou da creación dun poema colectivo con trazos dadaístas. Estivo xenial!


Comentarios (0) - Categoría: NOVAS DO CLUB - Publicado o 19-06-2012 20:36
# Ligazón permanente a este artigo
LER NON É CLANDESTINO, DO IES CHANO PIÑEIRO
Impresionante vídeo sobre a lectura da biblioteca IES Chano Piñeiro de Forcarei. Parabéns a todas as persoas que participaron.

Comentarios (0) - Categoría: NOVAS DE INTERESE - Publicado o 18-06-2012 10:14
# Ligazón permanente a este artigo
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0