Club de lectura Nós tamén navegar IES Lagoa de Antela


ler sen cancelas

O meu perfil
 CATEGORÍAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

INICIAMOS A ANDAINA DO CLUB DE LECTURA DE PROFES

Este mes iniciamos a nosa travesía de lecturas compartidas.
Unha vez recollidas algunhas propostas sobre lecturas e formas de organizar as reunións acordouse que estas teñan lugar unha vez ao mes en forma de coloquio-merendola, xantar ou cea en diferentes zonas habilitadas para o intercambio de impresións literarias e gastronómicas.
Tamén abrimos un espazo virtual no blog lector para subir fotos e comentarios.
Algunhas das lecturas propostas son: O home que plantaba árbores, de Jean Giono, un texto breve que xa se pode recoller fotocopiado na biblioteca, nun espazo que se habilitou para o profesorado; El antropólogo inocente, de Nigel Barley, un libro sobre a experiencia dun antropólogo cunha tribu de Camerún; Sardinia blues, de Flavio Soriga, unha novela ambientada na illa de Sardeña, que non deixa indiferente; A praia dos afogados, de Domingo Villar, unha novela de intriga, éxito de vendas este verán; e Persépolis, o cómic da iraniana Marjana Satrapi, que deu pé á película do mesmo nome.
Outras propostas: Xente ao lonxe, de Eduardo Blanco-Amor, novela ambientada no Ourense de principios do século pasado; La fiesta del chivo, de Mario Vargas Llosa, novela que transcorre na ditadura de Trujillo na República Dominicana, Fin de século en Palestina, de Miguel Anxo Murado, que recolle a experiencia deste en Palestina durante a Intifada; O club da calceta, de María reimóndez, unha novela que reivindica a dignidade das mulleres...
E as suxestións que se vaian facendo durante as reunións...
O home que plantaba árbores e dous relatos de Sauce ciego, mujer dormida, de Haruki Murakami, serán os primeiros textos que se porán en circulación esta semana en fotocopias.
Esperamos que esta viaxe compartida sexa agradable e as persoas que aínda non se animaron están convidadas a unirse a esta viaxe experimental.

Saúdos lectores!!


Páxina interesante con información sobre O home que plantaba árbores e o autor, JEAN GIONO. Ars Legendi.
De Murakami ofrecemos esta entrada da wikipedia.

Comentarios (4) - Categoría: CLUB DE PROFES - Publicado o 04-12-2009 13:45
# Ligazón permanente a este artigo
Chuza! Meneame
4 Comentario(s)
1 Cuando salimos en el periódico?, me encanta, cada semana unha nueva noticia de las muchas e interesantes actividades de la biblio o una entrevi#blgtk08#sta en la que se cuenta nada. Venga, chicas, ánimo, que somos las primes en el "xornal de los peques".
Firmado: Andrea (3 de primaria).
Comentario por Andrea (09-01-2010 17:52)
2 .....POR FIN.... Xa teño case todolas tarefas feitas. E Pensaba que non ía pode#blgtk08#r leer todo....... Ánimo Carmen, xa estou desexando que nos deas máis lecturas.
Comentario por sara (22-01-2010 02:06)
3 Sigo as ligazons que Carme proporciona e Ohhh! se temos o relato de GIONO en #blgtk08#animación.marabilloso descubrimento!
Deséxovos os mellores libros !!
Comentario por Elvira (27-01-2010 00:53)
4 Mañana nos reuniremos por primera vez.
Me parece toda una experiencia, asi que me apet#blgtk08#ece mucho que "el gran día" ya esté tan cerca.
Espero que sea la primera de muchas!!!
Comentario por Ana (03-02-2010 19:29)
Deixa o teu comentario
Nome:
Mail: (Non aparecerá publicado)
URL: (Debe comezar por http://)
Comentario:
© by Abertal