Club de lectura Nós tamén navegar IES Lagoa de Antela


ler sen cancelas

O meu perfil
 CATEGORÍAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

LECTURAS DRAMÁTICAS NA BIBLIOTECA

O grupo de teatro de 3º C de ESO ( Uxía, Mónica, Álex, Miriam, Iria, Elsa, Iván, Lucía, Leticia, Laura, Jenni, Andrea) e Pablo, de 3º C, realizaron unha lectura dramática a varias voces dunha adaptación do relato “Un amor que non mate” de Dulce Chacón. Sobre un público atento e entregado caeron as palabras. Unha homenaxe a todas as vítimas da violencia de xénero, a todas elas.

Escribimos un extracto do texto dramatizado:

[…]
Adeus, meu amor:
Principio e fin. O do outro día foi insoportable, que me pegases unha e outra vez con esa carraxe e que case lle pegases ao noso fillo, iso non o podo permitir. Encontrei un traballo lonxe de aquí. Todo ten un final. Sei que a culpa é toda miña, nunca debín consentirche que me anulases así. Pedíchesme tempo e eu deiche toda a miña vida. Todo o fixen por amor pero xa basta. Vou aprender a quererme de novo. Quíxente ata a loucura pero nin un paso máis. “Nin un paso máis”.

A Prudencia atopárona tirada no cuarto de baño, ao lado dun tubo de pastillas baleiro e en medio dun montón de papeis rotos. Teus pais tamén viñeron verte, Prudencia, non paraban de repetir “tiñamos que terte levado de aquí”, e non podes dicirlles que non choren. “Mamá, papá, non me soltedes a man, non vos vaiades”, non te oen, Prudencia, vanse abrazados mirando cara a atrás, “mirando cara a atrás”.
Descansa en paz, Prudencia. Xa non me dás pena, déixame descansar. Non quero que me confundan contigo nunca máis. Mesmo o meu home me chama Prudencia, quere espertarme, pídeme perdón. Teño sono, Prudencia, ti tamén, tantos anos xuntas e vaste sen dicir nin unha soa palabra. Xa dormes e eu encóntrome soa, déixome ir en silencio, coma ti. Xa durmo.

A todas elas, que xa non están.
A C. F. M. , a X. A. O., a Federica, a Nagore, a Maria José, a Mónica, a Encarnación, a Cecilia Natalia, a Rosario, a María, a Hortensia, a Natalia, a María Dolores, a…
Comentarios (2) - Categoría: DATAS E ACCIÓNS PARA LEMBRAR - Publicado o 26-11-2008 12:55
# Ligazón permanente a este artigo
Chuza! Meneame
2 Comentario(s)
1 Noraboa aos actores e actrices, case nos fan chorar, todas #blgtk08#nos sentimos un pouco maltratadas durante eses 20 minutos.
Comentario por Uxía (30-11-2008 11:39)
2 A verdade é que leron moi ben#blgtk08#, imposible non emocionarse.
Comentario por (01-12-2008 18:36)
Deixa o teu comentario
Nome:
Mail: (Non aparecerá publicado)
URL: (Debe comezar por http://)
Comentario:
© by Abertal