Club de lectura Nós tamén navegar IES Lagoa de Antela


ler sen cancelas

O meu perfil
 CATEGORÍAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

2ª TERTULIA EN OURENSE

Celebramos a 2ª das tertulias ourensás organizadas pola Concellaría de Educación. El lector de Julio Verne, de Almudena Grandes, foi a novela que nos convocou a unha nova cita coa literatura compartida. Unha historia que resultou difícil de ler para os membros do club pola frecuencia de saltos temporais e múltiples personaxes que aparecen. O coloquio xirou en torno ás relacións entre os personaxes, á división entre os bandos enfrontados, á dureza dunha guerra civil e as súas consecuencias; tamén se falou de amizade, do amor en todas as súas manifestacións, de heroes e mitos, de realismo, de personaxes nada maniqueos… A pesar de seren a Guerra Civil e a posguerra acontecementos dun período que ao noso alumnado lles queda moi lonxe, resultoulles interesante saber como era a vida nesa época, mesmo reprocharon que nas clases se tratase pouco este período da nosa historia.

Despois da tertulia a nosa coordinadora Sara Dacal tíñanos reservada unha sorpresa moi agradable, un encontro no Museo Municipal co artista que estaba expoñendo, Rafael Cachaldora, que nos agasallou cunha creación en directo, sendo acompañado no proceso creativo pola música en directo de Daniel Minimalia. Logo guiounos pola exposición facendo de anfitrión a un alumnado realmente impresionado. Só nos queda dar as grazas a Sara, a Rafael e a Daniel por este agasallo artístico.
Comentarios (1) - Categoría: NOVAS DO CLUB - Publicado o 01-06-2014 13:48
# Ligazón permanente a este artigo
Chuza! Meneame
1 Comentario(s)
1 Moitas grazas pola vosa visita, no meu nome o no #blgtk08#Daniel so decir que foi un pracer. Moitas grazas
Comentario por Rafael (17-06-2014 08:32)
Deixa o teu comentario
Nome:
Mail: (Non aparecerá publicado)
URL: (Debe comezar por http://)
Comentario:
© by Abertal