Club de lectura Nós tamén navegar IES Lagoa de Antela


ler sen cancelas

O meu perfil
 CATEGORÍAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

2ª TERTULIA DE PROFES


Celebramos a 2ª tertulia do club de profes deste curso. Desta vez convocáronos dous textos breves: o relato ?Ver las orejas al lobo? de Alice Munro, galardoada co Premio Nóbel de Literatura este mesmo ano; e a famosa e polémica carta do xefe Seatle ao presidente dos USA. Tamén falamos da película Lejos de ella, dirixida por Sarah Polley e baseada no relato da escritora canadense.

O relato conta como unha muller comeza a perder a memoria e toma a decisión de ser internada nun centro psiquiátrico. A enfermidade provoca turbulencias emocionais na aparente estabilidade matrimonial, liberando mentiras, reproches velados, sentimentos de culpa e medos agochados. O deterioro progresivo da muller e o seu comportamento?inadecuado? dende un punto de vista racional desconcertan o seu home que, ao principio, se resiste a aceptar os cambios condutuais derivados da enfermidade.

A polémica xurdiu coa expresividade emocional dos personaxes cinematográficos da película, demasiado contidos e fríos para algunhas persoas. Quizais a nosa pertenza a unha cultura máis ruidosa e xestual nos impide comprender e mesmo desconfiar da expresión emocional que non se axusta á nosa aprendizaxe cultural.

A carta do xefe Seattle foi interpretada como unha apoloxía da defensa da terra, a costa da idealización do bo salvaxe. Algunhas persoas sorprendéronse de que a carta fose en parte falsificada para favorecer a concienciación ecolóxica. A maior parte das contertulias coincidían en que o importante era a mensaxe, a denuncia da agresión á natureza exercida por unha parte da humanidade.


Comentarios (1) - Categoría: CLUB DE PROFES - Publicado o 15-12-2013 15:51
# Ligazón permanente a este artigo
Chuza! Meneame
1 Comentario(s)
1 Ola Club da Lagoa de Antela. Este post sobre o relato de Alice Munro sérveme para ir facendo boca. A verdade é que tiña ganas de lela#blgtk08# pero non me daba disposto. Agora, despois de ler, Carme a túa reseña, xa estou máis animada.
Ata ja! Véxovos nas tertulias.
Comentario por Avelina (10-02-2014 22:07)
Deixa o teu comentario
Nome:
Mail: (Non aparecerá publicado)
URL: (Debe comezar por http://)
Comentario:
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0