Club de lectura Nós tamén navegar IES Lagoa de Antela


ler sen cancelas

O meu perfil
 CATEGORÍAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

LER É VIAXAR E VIAXAR É APRENDER
Dá igual o que un procure nos libros, o que importa sempre é a viaxe e a viaxe sempre nos ofrece e nos agasalla outras cousas diferentes daquelas que en principio buscabamos.

Cavafis
Comentarios (0) - Categoría: VARIOS - Publicado o 18-05-2008 11:57
# Ligazón permanente a este artigo
EDUARDO GALEANO VISITOU OURENSE

O autor de O libro dos abrazos e As veas abertas de América Latina presentou un novo libro, Espejos. Falou dos que non saen na foto, dos excluídos, e leu e contou historias que nos puxeron a carne de galiña.


1778, FILADELFIA: SE EL NACESE MULLER

Dos dezaseis irmáns de Benxamín Franklin, Jane é a que máis se lle parece en talento e forza de vontade.
Pero á idade en que Benjamín marchou de casa para abrirse camiño, Jane casou cun talabarteiro pobre, que a aceptou sen dote, e dez meses despois deu a luz o seu primeiro fillo. Desde entón, durante un cuarto de século, Jane tivo un fillo cada dous anos. Algúns nenos morreron e cada morte abriulle un tallo no peito. Os que viviron esixiron comida, abrigo, instrución e consolo. Jane pasou noites sen durmir arrolando os que choraban, lavou montañas de roupa, bañou moreas de nenos, correu do mercado á cociña, fregou torres de pratos, ensinou abecedarios e oficios, traballou cóbado a cóbado co seu marido no taller e atendeu os hóspedes o aluguer dos cales axudaba a encher a pota. Jane foi esposa devota e viúva exemplar; e cando xa estiveron crecidos os fillos, fíxose cargo dos seus propios pais achacosos e das súas fillas solteiras e dos seus netos sen amparo.
Jane xamais coñeceu o pracer de deixarse flotar nun lago, levada á deriva por un fío de cometa, como adoita facer Benxamín a pesar dos seus anos. Jane nunca tivo tempo de pensar, nin se permitiu dubidar. Benjamín segue sendo un amante fervoroso, pero Jane ignora que o sexo pode producir algo máis que fillos.
Benxamín, fundador dunha nación de inventores, é un grande home de todos os tempos. Jane é unha muller do seu tempo, igual a case todas as mulleres de todos os tempos, que cumpriu o seu deber na terra e expiou a súa parte de culpa na maldición bíblica. Ela fixo o posíbel por non tolear e buscou, en van, un pouco de silencio.
O seu caso carecerá de interese para os historiadores.

EDUARDO GALEANO.
Comentarios (4) - Categoría: VARIOS - Publicado o 16-05-2008 22:13
# Ligazón permanente a este artigo
HOMENAXE A ´XOSÉ Mª ÁLVAREZ BLÁZQUEZ

Comentarios (0) - Categoría: VARIOS - Publicado o 16-05-2008 22:07
# Ligazón permanente a este artigo
BLOG DOUTRO POETA DA LIMIA: XABIER XIL XARDÓN

O poeta Xabier Xil Xardón colga os seus textos na rede, explora e recréate!!http://ocadaverdoespello.blogspot.com/

Comentarios (0) - Categoría: VARIOS - Publicado o 14-05-2008 09:32
# Ligazón permanente a este artigo
E MÁIS PALABRAS...

Comentarios (0) - Categoría: VARIOS - Publicado o 07-05-2008 12:48
# Ligazón permanente a este artigo
LIBROS QUE LEMOS E ESTAMOS A LER EN 4º DA ESO E 1º DE BAC
Deixade os vosos comentarios!!


As confesións de Carlota Doyle, de Avi.

Made in Galiza, de Séchu Sende.

Un home que xaceu aquí, de Aníbal Malvar.

Pel de lobo, de Xosé Miranda.

Durmido sobre os espellos, de Jordi Sierra i Fabra.

O lapis do carpinteiro, de Manuel Rivas
Comentarios (2) - Categoría: VARIOS - Publicado o 16-04-2008 09:28
# Ligazón permanente a este artigo
PARTICIPA NO CONCURSO DE LINGUA DE AMOR!

Entra e participa no concurso de declaracións de amor en galego, se te apuras recibes premio seguro.http://www.linguadeamor.eu
Comentarios (1) - Categoría: VARIOS - Publicado o 09-04-2008 09:45
# Ligazón permanente a este artigo
MES DA PALABRA - ESPAZO PARA LER E CREAR
Publica as túas creacións

Haikus

Eu nin vou nin veño
pero sei o que son,
eu son Galega.

Comecei a ler
Cando tiña tres anos;
Dixen: in-fla-ción.

Paula

Impresións

Se ser adicto á lectura é estar tolos, a nós que nos pechen nun manicomio xa! Eu leo porque, cando o fago, gozo coma unha nena de tres anos cun caramelo. Moita xente le só por afección; eu fágoo tamén polo arume que desprende un libro recén aberto.

Paula


Un parrulo branco
púxose morado
comendo moras.

Victoria
Comentarios (1) - Categoría: VARIOS - Publicado o 03-04-2008 18:54
# Ligazón permanente a este artigo
SÉCHU SENDE VISITARANOS O LUNS 7 DE ABRIL

Do relato ?Unha palabra común?.

[...] Coñecín moitas palabras que desapareceron e todos os días me cruzo na rúa con algunha que acaba de nacer.Mais hai uns quince días sucedeume algo preocupante. Acababa de acordar e estaba saíndo da ducha cando soou o timbre da casa. Vestinme apurada e abrín a porta. Cando vin que era un castelanismo fechei a porta con medo. E respirei fondo.Que quede claro que non teño nada contra as palabras estranxeiras. Na miña vida coñecín moitas que viñan aquí facendo turismo. Pasei moi bos momentos con algunhas palabras italianas e francesas e unha palabra alemá e mais eu mesmo tivemos unha historia de amor hai algúns anos.

Comentarios (6) - Categoría: VARIOS - Publicado o 02-04-2008 19:31
# Ligazón permanente a este artigo
MARICA CAMPO VISITARÁ O INSTITUTO O MÉRCORES 3 DE ABRIL
Se o mar morrer o son da caracola
perderase no eco que non volve
se o mar morrer non quedarán metáforas
para o amor para a morte para a vida
se o mar morrer os ríos suicidas
coma min nos teus ollos cara ao mar...

Marica Campo
Comentarios (0) - Categoría: VARIOS - Publicado o 26-03-2008 09:41
# Ligazón permanente a este artigo
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0