"TODAS AS LINGUAS SON PATRIMONIO DA HUMANIDADE"
___________________________________
CONSTITUCIÓN ESPAÑOLA
TÍTULO PRELIMINAR
Artigo 3
2- As demais linguas serán tamén oficiais nas respectivas Comunidades Autónomas de acordo cos seus ESTATUTOS.
Artigo 148
1. As Comunidades Autónomas poderán asumir competencias nas seguintes materias:
17- O fomento da cultura, da investigación e, no seu caso, do ensino da lingua da Comunidade Autónoma.
____________________________________
ESTATUTO DE AUTONOMÍA DE GALICIA
TÍTULO PRELIMINAR
ARTIGO 5
1. A lingua propia de Galicia é o galego.
2. Os idiomas galego e castelán son oficiais en Galicia e todos teñen o dereito de os coñecer e de os usar.
3. Os poderes públicos de Galicia garantirán o uso normal e oficial dos dous idiomas e potenciarán o emprego do galego en tódolos planos da vida pública, cultural e informativa, e disporán os medios necesarios para facilitar o seu coñecemento.
4. Ninguén poderá ser discriminado por causa da lingua.
_______________________________
A ROSALÍA
Do mar pola orela
mireina pasar,
na frente unha estrela,
no bico un cantar.
E vina tan sola
na noite sin fin,
¡que inda recei pola probe da tola
eu, que non teño quen rece por min!
A musa dos pobos
que vin pasar eu,
comesta dos lobos,
comesta se veu...
Os ósos son dela
que vades gardar.
¡Ai, dos que levan na frente unha estrela!
¡Ai, dos que levan no bico un cantar!
O día 29 de maio tivemos con nós á escritora Andrea Maceiras. Veu dar unha charla ao noso centro sobre o seu último libro, O que sei do silencio, que o noso alumnado de 4º está a ler. A charla foi amena e ilustrativa, o mesmo que os seus libros.
Categoría: ESCRITORES - Publicado o 17-06-2019 09:54
Como cada ano tivemos a sorte de contar cos regueifeiros Caruncho e Pinto d'Herbón.
Asistiu 2º ESO en dúas quendas. O noso alumnado disfrutou e aprendeu a facer regueifas. Foi unha mañá magnífica!
Categoría: O FALADOIRO - Publicado o 30-04-2019 13:00
O día 11 de abril asistimos á representación da obra teatral LANGUAGE PLANNING dos Quinquilláns. Foi una actividade ofertada polo Concello de Culleredoe o noso centro assistiu co alumnado de 3º e 1º bacharelato.
Esta montaxe teatral de carácter cómico e retranqueiro a partir de diferentes investigacións sociolingüísticas e de relatos de Made in Galiza de Sechu Sende.
Categoría: ESCRITORES - Publicado o 23-04-2019 09:40
Este venres estivemos de celebración no noso centro. Estivemos celebrando o 182 nacemento de Rosalía de Castro. O alumnado, guiado poca profesora Neves, estiveron participando na creación de cartaces, recitados poéticos......
Este luns, a Real Academia Galega acolleu a presentación da Guía dos elementos químicos. Historia, propiedades e aplicacións,unha obra divulgativa que supón ??a primeira oferta de denominación normalizada e oficial dos nomes dos elementos químicos en galego?, subliña Manuel González, coordinador do Termigal, un servizo creado en 1997 por un acordo entre a Real Academia Galega e a Xunta de Galicia a través da Dirección Xeral de Política Lingüística e o CRPIH.
Os afeccionados á astronomía teñen no boletín quincenal que publica a Unión Astronómica Internacional (IAU) unha fonte de contidos e referencias para achegarse á actividade que se desenvolve arredor desta ciencia en todo o mundo. E na publicación da IAU, entidade que en 2019 cumpre un século de existencia, o galego ocupa un posto de honra: é a cuarta lingua do mundo (alén do inglés, idioma orixinal do boletín) en ter unha tradución do que é unha obra de referencia no planeta.
o día 16 o alumnado de 1ª de bacharelato asistiu no salón de actos da Laboral á conferencia de María Solar sobre o seu último libro publicado, "Os nenos da varíola". O libro baséase nun feito histórico poco coñecido pero moi importante. Por un lado, supuxo o fin desta terrible enfermidade e por outro, vemos a importante contribución que fixo Galicia para acadar este éxito.
Interesante, amena, didáctica...... así foi a conferencia de María Solar.
Un libro moi recomendable e que podedes atopar na nosa biblioteca.
Categoría: ESCRITORES - Publicado o 05-02-2019 12:36
O día 18 de decembro tivemos a sorte de contar coa visita dun dos escritores máis destacados do panorama actual, Manuel Núñez Singala.
Nesta ocasión falaranos da súa última e apaixonante novela, "Noite de temporal", baseada nun feito real, o naufraxio do vapor correo Santa Isabel en 1921.
Parabéns pola túa obra e grazas por visitarnos, Núñez Singala!
Categoría: ESCRITORES - Publicado o 25-01-2019 16:27
O luns 22 de outubro puidemos gozar coa presenza de MJ Pérez. Poderiamos dicir que MJ é unha muller do Renacemento, xa que esta artista toca tódalas facetas relacionadas coa súa arte: cantante, compositora, música, produtora, realizadora...
Ademais de disfrutar coa súa actuación, MJ Pérez pode servir como referente ao noso alumando interesado na comunicación, produción de vídeos, música...
Grazas pola túa presenza, MJ Pérez!
A Real Academia da Lingua homenaxea no ano 2017 ao escritor CARLOS CASARES MOURIÑO.
"Hai xente que fala da vida a través dos conceptos; outros tenden a facelo con imaxes e algúns máis con metáforas. Sempre tiven a tendencia, mesmo nas discusións máis abstractas e volátiles, a entender o mundo baixo a especie do narrado" (Carlos Casares)
Durante o século XIX, Cuba enfrentouse á persecución da trata e víuse na obriga de buscar alternativas ao traballo escravo para a producción da caaa de zucre. Mais as relaciones laborais na illa estaban construídas ao redor da escravitude.
No ano 1853, a Compañía Patriótico Mercantil de Urbano Feijóo y Sotomayor,levou a man de obra galega ao campo cubano,foi un dos intentos fallidos de levar traballadores libres a Cuba.
Ao ano de empezar a funcionar, a Compañía e 'los gallegos de Feijóo' levaron o caso ata as Cortes españolas, debido ao incumprimento dos contratos e á situación laboral de escravitude.
AS LINGUAS SON PATRIMONIO DA HUMANIDADE E AS OUTORIDADES DEBEN PROTEXELAS COMO SE FORAN UNHA SOA.
Eis um interessante filme escrito e dirigido por Daniel O´Hara sobre a língua na sociedade irlandesa. Em apenas dez minutos narra umha história que começa na China e segue em Irlanda, mas também semelha atingir outras realidades mais próximas ...
'Yu Ming is ainm dom' legendado em galego português
O día 29 de maio tivemos con nós á escritora Andrea Maceiras. Veu dar unha charla ao noso centro sobre o seu último libro, O que sei do silencio, que o noso alumnado de 4º está a ler. A charla foi amena e ilustrativa, o mesmo que os seus libros.
.jpg)
A
