E.N.D.L. EPA Albeiros Lugo


O blog do equipo de normalización e dinamización lingüística da EPA Albeiros de Lugo

O meu perfil
 CATEGORÍAS
 WEBS RECOMENDADAS
 BUSCADOR
 BUSCAR BLOGS GALEGOS
 ARQUIVO
 ANTERIORES

Excursión a Corme e Laxe
O pasado venres 3 de xuño alumnos/as e profesores/as do EPAPU Albeiros fumos visitar dúas localidades da Costa da Morte: Corme e Laxe, ademáis do castro de Borneiro (A Cidá) e do Dolmen de Dombate.
En Corme foi o noso anfitrión Suso Lista.

Aquí tedes as fotos da viaxe:
Visita a Corme e LAxe
Comentarios (0) - Categoría Saídas ao contorno - Publicado o 06-06-2016 17:51
# Ligazón permanente a este artigo
"A noite" de Manuel María, poema signado

A noite from EPAPU Albeiros on Vimeo.

Comentarios (0) - Categoría Actividades culturais na cidade - Publicado o 21-05-2016 18:30
# Ligazón permanente a este artigo
Agasallos de Nadal
Os agasallos de Nadal son motivo de ledicia pero moitas veces tamén un quebradeiro de cabeza. Por este motivo queremos botarvos unha man suxeríndovos que este ano pensedes en agasallos que ademáis promovan o coñecemento da nosa lingua e da nosa cultura. Na entrada do centro atoparedes un tríptico con suxerencias.
Descarga o tríptico (pdf)
Comentarios (0) - Categoría Xeral - Publicado o 16-12-2015 13:38
# Ligazón permanente a este artigo
A Esmorga en DVD
Esta película baseada na novela homónima de Eduardo Blanco-Amor xa está á venda en DVD. Agora xa temos a oportunidade de disfrutar dun magnífico relato dirixido por Ignacio Vilar e interpretado por Karra Elejalde, Antonio Durán "Morris" e Miguel de Lira na nosa casa.O filme foi nominado ao Goya en 2014 como mellor guión adaptado.
Comentarios (0) - Categoría Xeral - Publicado o 24-11-2015 17:10
# Ligazón permanente a este artigo
VI Día da Ciencia en Galego
O mércores 4 de novembro tivo lugar a videoconferencia "A máquina que constrúe a mente e a realidade" a cargo do profesor Xurxo Mariño Alfonso, do Dpto. de Medicina da Universidade de A Coruña, especialista en Neurofisioloxía e membro do grupo Neurocom.
A charla estivo moi interesante e ao final tivemos a oportunidade de consultarlle dúbidas vía Twitter.

Aproveitamos para crear a nosa conta de Twitter @EPAPU_Albeiros. Animámosvos a seguirnos!!
Comentarios (0) - Categoría Conferencias no centro - Publicado o 18-11-2015 13:10
# Ligazón permanente a este artigo
Encontro co escritor e actor Suso Lista

O día 24 de abril tivemos o pracer de que Suso Lista nos presentase e nos falase dos seus Salseiros e tamén, en certa medida, da vida en xeral.
Algúns dos temas que nos achegou forn a vida dos percebeiros, o pracer da lectura, a importancia da formación académica e cultural, as súas lecturas, os seus inicios na escrita literaria, o paso de blog a libro, os motivos de inspiración, as razóns polas que un libro sempre supera unha película, a súa experiencia de neno que vivía riba da sala de cine e construía as súas películas a través do que oía, filmes que logo contaba aos amigos ao día seguinte e moitas outras anécdotas e reflexións, que poderedes ler con máis vagar na entrevista con el que publicamos na revista Abrindo paso.


Comentarios (0) - Categoría Conferencias no centro - Publicado o 11-05-2015 08:14
# Ligazón permanente a este artigo
Contos de medo no museo
Alumnas e alumnos do centro participaron o pasado xoves día 16 de abril na actividade Rutas Literarias, organizada polo Departamento de Didáctica do Museo Provincial de Lugo.
As Rutas Literarias combinan a lectura dunha obra, neste caso a titulada Contos de medo no museo, coa visita ao edificio seguindo unha ficha con preguntas que cada equipo debe completar con información extraída do libro ou do propio museo.

Para ver máis fotos:
View post on imgur.com
Comentarios (0) - Categoría Actividades culturais na cidade - Publicado o 22-04-2015 12:59
# Ligazón permanente a este artigo
Palabras de amor (ou non), en imaxes
Aquí tedes algúns dos resultados dos traballos cos poemas que fixeron as alumnas e os alumnos do centro.

Podedes desfrutar do poema de Rafa Villar, "Ausencia", en lingua de signos e dar unha olladela ao taboleiro que recolle as composicións e traducións dos textos.

Atoparedes poemas de Mª Xosé Queizán, Mahmud Darwish, Susana Aríns, Fernando Pessoa, Lupe Gómez, Elena Liniana Popescu, Rafa Villar, Carlos Drummond de Andrade, O Leo ou Darío Xohán Cabana.



Comentarios (0) - Categoría Xeral - Publicado o 13-03-2015 12:31
# Ligazón permanente a este artigo
Unha viaxe pola historia da música a través dos instrumentos
Abraham Cupeiro cun carnyx e algunhas pezas da colección
Compromiscuo

Máis fotos en:
Abraham Cupeiro
Compromiscuo
Comentarios (0) - Categoría Actividades culturais na cidade - Publicado o 10-03-2015 12:53
# Ligazón permanente a este artigo
Palabras de amor (ou non)
Parece que todos os poemas, todas as músicas falan de amor ou temas relacionados (ou non).



Propómosche un concurso (podedes organizarvos en grupos):
1. Buscade un poema de amor que vos guste. Aquí escollemos algúns organizados por temas; mais se ningún destes se achega ao que queredes dicir, podedes usar outro poema ou unha canción.
Tamén podedes seleccionar só algúns versos.
2. Buscade ou creade unha imaxe que consideredes que reflexa ben o que tenta transmitir o poema.
3. Confeccionade un cartel integrando a imaxe e o texto (mudando o tamaño, forma, cor, disposición... de letra).
4. Entre todos os carteis escolleremos o(s) que mellor consiga(n) integrar texto e imaxe para transmitir o que quere dicir o poema. Os gañadores aparecerán na revista de normalización.


Nivel 1
- Para namorad@s do amor
- Para incomplet@s que se completan
- @s que non saben como dicilo
- Para básic@s intens@s
- Para ácid@s e prosaic@s
- Para soñadores
- @s que temen a ausencia
- Para fatalistas optimistas
- E o desamor...

Nivel 2
- Morrer e resucitar de amor
- O estremecemento
- Para independentes
- A ausencia

Comentarios (0) - Categoría Xeral - Publicado o 11-02-2015 02:40
# Ligazón permanente a este artigo
1 [2] [3] [4]
© by Abertal