Esta nova de opinión recollina no Diario de Pontevedra (venres 15 de outubro de 2011). Está escaneada porque non a atopei en formato dixital.

Non te quero por bonita,
que xa sei que non o és,
quérote por moreniña
e pola lei que me tés.

N’aquela corredoiriña,
en aquel anoitecer,
o qu’entrambos nos xuramos
ti-lo sabes, eu tamén.

Miña vida está en teus ollos,
miña morte está tamén,
dame a vida ou dame a norte,
para min todo está ben.

"Mentras se ía abrindo a fosa da destrución do empleo, na que millóns de condenados perdían a súa esperanza e a súa dignidade, vostedes forrábanse a capachos sen o máis mínimo recato nin pudor“, “Vostede é alguen que fai política con maíúsculas e sen mollarse, ademais de ser un poderoso líder na sombra, axeno ó escrutínio público” ou “vostedes son os que gobernan ós que din representarnos”?

Iniciativa popular para ser o xermolo (elemento que ó desenvolverse dá lugar a un ser vivo) dun semanario integramente galego.

Que nos están a pedir:

- Asinar o apoio no blogue sermos Galiza

- Axudar a difundir a iniciativa a través dos nosos contactos.

- Convertérse en accionista de SERMOS GALIZA e, por tanto, en co-propietario/a do medio.

- Subcribirse ó semario que sairá á rúa nos próximos meses. Para estares informado/a e leres un traballo xornalístico crítico, de interese e na nosa lingua.

- Animar a todos os que nos rodean a que asinen o apoio, se convertan en accionistas e se subscriban ó semanario.

- Colaborar con artigos, como fonte informativa, alertando de temas que temos próximos. Unha podía ser esta, por exemplo.


Detrás da andaina informativa figuraban xa os nomes de Marga Romero, Néstor Rego, María Reimóndez, Manuel Mera, Teresa Moure, Nemesio Barxa, Manuel Vilar, Xurxo Souto, Xosé R. Freixeiro Mato, Xosé Lois O Carrabouxo, Marica Campo, Olalla Rodil e Francisco Carballo.

Neste tempo teñen acadados miles de apoios por parte de particulares e asociacións, e de numerosos representantes de entidades sociais e organizacións.

En Pontevedra Marga Romero, xunto con Néstor Rego e Manuel Mera, animaron á cidadanía a facerse con accións deste proxecto, para constituír un capital social inicial que permita poñer en marcha e soster economicamente o proxecto, uns 300.000 euros, divididos en 1.000 accións de 100 euros, e formar entre todos e todas unha xunta de accionistas anónima, plural e diversa, na que ninguén poida quedar con máis do 10% do capital, e evitar así o seu control.

En Santiago, Teresa Moure dixo:

"Somos (sodes) un grupo tan heteroxéneo como a sociedade galega", "Outra prensa é posíbel, unha prensa galega, do pobo para o pobo, que preste atención aos movementos sociais e recoñeza o carácter nacional de Galiza".

A profesora francesa Caroline Domingues, nos seus traballos de investigación sobre a nosa lingua, afirma que os efectos dos grandes medios de comunicación en Galicia producen un efecto contranormalizador ó usar practicamente como único código o castelán. Recordamos o ridículo 5% , e aínda por riba subvencionado.

As imaxes deste artigo son un dos efectos desta contranormalización que se exerce practicamente dende todos os eidos, incluído o ensino, onde sabemos que o galego como lingua vehicular en xeral non existe. Especialmente cando falamos co alumnado fora das clases de galego, por exemplo nos recreo, e cos pais. E non falemos agora do nivel de galego que impartimos, porque como agora somos todos especialistas en todo ...

U-lo o cumprimento da lingua de referencia inicial?

U-lo o cumprimento do Artigo 3 do Novo Decreto sobre a lingua da Administración Educativa?

U-lo lema Entre Nós en Galego dos primeiros lexisladores democráticos do noso país.

Levamos máis de 30 anos coa Lei de Normalización Lingüística. Normalizamos ou Contranormalizamos?

Non me canserei de repetir estas pequenas normas lexislativas que son, de momento, das poucas onde nos podemos amarrar os que queremos que non desapareza o galego.

De que vale unha lingua se non se fala?

Engado que este efecto contranormalizador estano sufrindo moitas familias, na que me inclúo, e ten difícil solución porque non se está axudando nin ós pais nin ós mestres . Digo isto por que nas famosas e dubidosas enquisas un 40% das familias pedían galego , e resulta que practicamente case non se chega ó 12% . E o que nos espera, pois, por exemplo, o sistema de inmersión ligüística catalán, modelo para moitos outros países con linguas minoritarias porque está funcionando, resulta que o queren tirar abaixo. Por que atacar un modelo que funciona e onde está demostrado que incluso o nivel de coñecemento de castelán é superior o de outras Comunidades onde só falan castelán? Alí os nenos pequenos falan catalán, aquí non. Algo está fallando.

E hai rumores de querer cambiar a Lei de Normalización . Sónavos iso de A Coruña e La Coruña?. E por que non Puentevedra?

E ó de lingua propia do Estatuto xa estou vendo que lle queda pouco.

Remato con unha gran iniciativa que está xurdir en ou con SERMOS GALIZA: entre todos, con moi poucos cartos ó ano (160 €), podemos facernos accionistas e deste xeito, manter un semanario integramente en Galego. Recórdovos que non hai ningún periódico, semanario, .. nos quioscos, a e con 3000 subcritores de arrancada, mínimos para poder manter a rotativa. Xa somos moitos os que ímos colaborar. Para mantelo xa somos suficientes, para exténdelo polas caferías, institutos, ... fan falta máis.
É unha maneira de loitar contra esta contranormalización. Non si?

Tamén podes asinar o Manifesto contra a Marxinación do Galego nos medios. Temos que facernos ver.

[1] [2] [3] 4 [5] [6] [7] [8] ... [82]