Finalmente o blogue foi exonerado pero non "indultado" por unha das partes implicadas. E por un rogo desta persoa, continúa pechado.

Ábresen logo dous novos na escola:

Normalización Lingüística e

E. Física Campolongo


O meu persoal é:

Milprimaveras


15-04-2012

A polémica pancarta xa está no cole



De 5 de octubre de 2011

Defensa do Ensino Público


Iniciativa Sermos Galiza

Lois Pereiro

X.M. Pintos

O galego na Admin. Educativa
De



Normás ortográficas do Galego





Decreto do Galego 79/2010

O noso perfil
 CATEGORÍAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

Campaña pola oralidade en Galego 5ºA
Cartel de grupo (María, Laura e Jacobo)


Estos son algúns dos que xa están feitos.


Comentarios (1) - Categoría: Galego - Publicado o 21-10-2011 11:21
# Ligazón permanente a este artigo
Primeiro danche premios e logo chámanche xabardo
De Blogue Educatibvo


Esta imaxe de arriba ben a conto porque fai uns anos, estando en Poio, eu, e ninguén máis (fun o único voluntario naquel momento), levaba a páxina web do colexio aquí sinalado. Hoxe en día estou a facelo, do mesmo xeito, con este modesto blogue de Normalización. Aclarar que hai moita información que a subo porque ma remiten os compañeiros e compañeiras.

Ate este curso, no novo centro que estou, non se me permitiu máis (a marcaxe foi sempre férrea). E non sei o tempo que lle quedará porque hai unha presión que tamén se lle pode chamar política, que está medrando ... e a miña saúde e as miñas outras obrigas non sei se darán para tanto. Dende logo se aquí non me deixan falar fareino noutro lado. A miña pregunta en todo isto é Por que non podemos defender aquí o ensino público?

A que temos medo?

Vai ser un paradoxo ter que defender o ensino público nun sitio privado.

Como podedes comprobar a páxina web (CEIP A Seca) estaba en Blogues Educativos de Interese no servidor da Xunta de Galicia. Hoxe está máis ben parada (a do cole), xa case non sei como a manteñen. Co tempo que temos, e agora áinda máis cos novos horarios, levar semellante traballo, non é nada doado, "Non é moco de pavo".


Sei que hai xente que se cuestiona se os contidos son educativos ou non, apropiados ou inapropiados, políticos ou non políticos, ou se procede poñelos aquí ou noutro sitio. Son opinións. Tamén podo engadir, que o ano pasado, houbo compañeiros que aprobaron a oposición e que me comentaron que nos cursos que tiñan que facer nas practicas (Funcionario en prácticas), este blogue, agora censurado, foi un dos aconsellados, dentro dos educativos, por ser dos máis dinámicos que había na rede. Paradoxos da vida.

Debaixo puxen, primeiro a imaxe dos premiados no 2007-2008 en Innovación Lingüística, no noso centro (en Poio) eu mesmo solicitei e coordinei o curso. Máis abaixo están algunhas imaxes das ligazóns onde está metido Mundiño ou nlcampolongo.





Poñendo en google "nlcampolongo" tamén aparecen outros enlaces a outros artigos do blogue.

Sei que se lle pode pedir máis cousas a un blogue, este ten as súas limitacións, e eu tamén teño as miñas.

Se a esto lle xuntamos que en pouco máis de dous cursos xa ten máis de 58.000 entradas, eu diría que este blogue está axudando a que se lea en galego. Non si?


Remato deixando un vídeo, para aqueles que non me coñecen, onde comento algo do que fixemos para que nos concederan o Premio de Innovación Lingüística. Por certo, o máis chulo do vídeo, e a canción "O rap da macedonia" que fixeron uns alumnos de 1º. Foi un éxito total no colexio.


Comentarios (3) - Categoría: Defensa do Ensino Público - Publicado o 19-10-2011 23:40
# Ligazón permanente a este artigo
Proposta para as Derradeiras Vontades
Con motivo da proximidade da data de santos (novembro) o Concello de Pontevedra (Normalización Lingüística) decidíu retomar unha proposta que Rubén Aramburu presentara na Rede de Entidades Amigas da Lingua (REAL) hai xa tempo. Coa colaboración do colectivo "Galegos de por vida" e do notario de Pontevedra Luís Darrieux, convídannos a participares no acto que se vai celebrar no Pazo da Pedreira, o vindeiro venres 28 de outubro, á tardiña.

O acto consistirá na sinatura ante notario do texto que achegamos a aquí. Se queredes no acto de sinatura pública, podedes enviar un correo a normalizacionlinguistica@concellopontevedra.es , co voso nome completo xunto co número do DNI. O día do acto teredes que levar o voso DNI, xunto cunha fotocopia para lle entregar ao notario.

Remata o prazo para a incripción o luns 24 de outubro ás 14 horas.

Este é o texto proposto:

Entendemos que a normalización lingüística debe abranguer todos os eidos da existencia das galegas e dos galegos sobre a terra,incluso aqueles arredor do intre da extinción da persoa. Entendemos que o exercicio da galeguidade e o noso compromiso individual ou colectivo coa terra e a lingua debe ser continuado e sen desfalecementos ata a mesma morte. Somos conscientes da enorme perda de identidade cultural e histórica, incluso das contradicións e incongruencias que acontecen en todo o relacionado cos actos fúnebres onde, paradoxalmente, a persoa xa desaparecida semella renegar da lingua nai que defendeu, empregou e aproveitou en vida.

Por iso, as persoas aquí presentes, abaixo asinantes, convocadas polo Concello de Pontevedra e pola Rede de Entidades Amigas da Lingua (REAL) no Pazo da Pedreira da cidade de Pontevedra, o día vinte e oito de outubro de dous mil once, manifestamos o seguinte:

"Que a lingua galega é a miña lingua, a lingua do pobo ao que considero pertencer e a lingua que quero que me acompañe ata a morte.

Que achegada a hora do meu pasamento, quero que todo o relativo ao meu funeral e enterro sexa realizado exclusivamente en lingua galega e, polo tanto, pido á miña familia, ás autoridades relixiosas e civís e aos servizos funerarios que fagan en lingua galega canto teñan que facer, público ou privado, oral ou escrito.

Que, se terceiras persoas, sexan da familia ou autoridades relixiosas ou civís, tentasen impedir a realización desta miña derradeira vontade, pido a calquera outro familiar, amiga ou amigo que tivese coñecemento deste desexo meu, que tome todas as medidas para facelo cumprir e, en caso de absoluta imposibilidade, que faga que se me enterre en silencio."


(NOMES E APELIDOS, NÚM. DNI E SINATURAS DAS PERSOAS QUE ASINAN)


Antonio Ferrer Moreira. DNI. ......

....................... DNI .......




Artigos relacionados:

Unha entre catrocentas

A lingua dos mortos.

Burela da que falar.

Milprimaveras máis.

En galego agora e sempre.
Comentarios (0) - Categoría: Mandas testamentarias - Publicado o 18-10-2011 17:16
# Ligazón permanente a este artigo
A pancarta do Conservatorio de Música de Pontevedra
De Pancarta


Hoxe pasei polo Conservatorio de música e vin a súa pancarta posta ben alta para que ninguén a poidera romper como fixeron coa da EEI Crespo Rivas, de Campolongo (Pontevedra). A pancarta é esta que vedes nesta imaxe, un recorte de prensa.


O problema máis grande que tiveron eles este ano foi o de que sacaron os interinos especialistas pra dar certos instrumentos e metéronlle profesores de Secundaria non tan especializados para estes menesteres.
Comentarios (0) - Categoría: Defensa do Ensino Público - Publicado o 17-10-2011 21:44
# Ligazón permanente a este artigo
Os mestres da Laxe tamén se manifestan
De Pancarta


Entrar na súa páxina web.
Comentarios (0) - Categoría: Defensa do Ensino Público - Publicado o 17-10-2011 21:29
# Ligazón permanente a este artigo
Como subiron os prezos.

Dende logo hai algunhas diferenzas en algunhas cousas dependendo do sitio. Unha delas, moi importante, é a do que gaña un camarero polas nosas terras. Dubido que a maioría chegue a este soldo. Non si?
Comentarios (1) - Categoría: Xeral - Publicado o 16-10-2011 22:02
# Ligazón permanente a este artigo
15 o. Primeira manifestación mundial global
Eu fago unha pregunta maliciosa. Por que en Santiago se puxeron valados case na metade da Praza do Obradoiro? Ver fotos en Galicia Cofidencial.

Deixamos aquí parte do Manifesto:

"Xa estamos fartxs.

Xa non estamos acampadxs. Xa non estamos indignadxs. Xa non estamos asustadxs.

O que estamos é fartxs.

Porque fai seis meses que nos botamos ás prazas para reclamar un cambio, para reclamar os nosos dereitos máis básicos, e despois de medio ano de accións e mobilizacións, as nosas propostas seguen a ser ignoradas. Os nosos argumentos, ridiculizados. As nosas queixas carecen de importancia. As nosas ideas son terxiversadas e manipuladas para serviren de guinda de plans e outras mentiras electorais que seguen sen atacar a raíz do problema. Atónitos, observamos como as cousas cambian… para peor!

Por iso estamos fartxs.

E sen embargo, algo temos que estar a facer ben, algo ten que estar a pasar para que xente de todo o mundo estea na rúa, o mesmo ca nós, polos nosos mesmos motivos, neste mesmo momento.

Hoxe estamos a facer historia. Hoxe é o día no que o planeta ten unha soa voz, unha que reclama un cambio global.

Hoxe é o día no que todo cambia.

Benvidas, benvidos a primeira manifestación global da historia da humanidade! ...

Ler todo con máis fotografías


O vídeo anunciando o 15 o:




Unha re-evolución semella comezar:



Artigo relacionado:

Un accionista do Banco Santander defende o Movemento 15 M
Comentarios (2) - Categoría: Xeral - Publicado o 16-10-2011 21:23
# Ligazón permanente a este artigo
Marcial do Adalid
Marcial do Adalid (A  Coruña, 1826-1881), recoñecido pianista e primeiro compositor galego importante de música profana culta, escribiu ao longo da súa vida pezas para voz e piano, probablemente influído nos seus inicios polas  melodías  do músico francés  Charles Gounod (1818-1893), inspirándose en textos latinos, italianos, alemáns e casteláns. Adalid  posuía un gusto literario exquisito e coñecía ben a prosodia de todas as linguas que empregaba. Pero aquí interésannos as súas vinte e seis composicións sobre textos galegos, escritas nos últimos anos da década de l870 e agrupadas -a excepción dunha- baixo o título de Cantares vellos e novos de Galicia. Nestes cantares, alternan un "vello", tomado e adaptado do repertorio popular -folclórico- e un "novo", totalmente orixinal. Ao compoñer estes "Cantares", Adalid foi o verdadeiro creador do xénero da melodía galega, que haberían de continuar  Chané  e  Baldomir, e isto supuxo unha achega musical básica ao "Rexurdimento" de Galicia. A súa esposa, Fanny Garrido, novelista que adoptou o  pseudónimo  de  Eulalia de Lians, tradutora de  Goethe e de  Heine, e supostamente coñecedora dos lieds románticos, é autora de moitos poemas aos que  Adalid puxo música. Vallan de mostra estas melodías deste compositor que a continuación se describen.



Saudade (Airiños, ariños, aires)

Airiños, airiños, aires,
airiños da miña terra,
airiños, airiños, aires,
airiños levaime a ela.

Un poema sinxelo, cheo de saudade, que comeza con esta estrofa popular, xa empregada por Rosalía nos seus Cantares galegos

Afrixida (Vén a ser o canto doente dunha muller que o ten todo, agás o seu amor ausente)

Aquel meu muiño,
tan verde n’o vran,
me deixa maquías
a centos, de gran.
E teño facenda,
e padres e hirmáns,
e teño un filliño,
me falta seu pai!




Música clásica de compositores galegos:

Proxecto Galicia XXI
Comentarios (1) - Categoría: Música - Publicado o 16-10-2011 08:50
# Ligazón permanente a este artigo
Que pasa na CRTVG ?


Que pasa coa nosa televisión galega? Por que se puxeron de folga?. Os propios empregados cóntannos o que está a pasar. Eles tamén queren calidade, non privatización, e menos recortes.
Comentarios (0) - Categoría: Opinión - Publicado o 15-10-2011 21:56
# Ligazón permanente a este artigo
Helicópteros collendo auga na Moureira


De Helicópteros collendo auga


De Helicópteros collendo auga


De Helicópteros collendo auga


O sábado 16 de outubro estiveron a traballar dous helicòpteros e un hidroavión da Xunta nun incendio que se produxo detrás da Excusa, en Poio.

Aquí vemos como recollen auga na Moureira (Ría de Pontevedra),entre a Ponte da Barca e a Ponte da Autoestrada.

Foi curioso ver como collían a auga tan preto da xente. As salpicaduras chegaban incluso ás cámaras de fotos.

Ver máis fotos.
Comentarios (2) - Categoría: Fotos - Publicado o 15-10-2011 11:46
# Ligazón permanente a este artigo
© by Abertal
Estadisticas y contadores web gratis
Contadores Gratis