O vindeiro venres 8 de agosto casa a filla do televisivo Jimmy Giménez Arnau e Merry Martínez-Bordiu. O pai non está convidado, parece que non é da corda dos franco. A familia franco está de celebración no pazo de meirás. O pobo galego será convidado de pedra na exhibición das propiedades que os franco aínda teñen na Galiza. Durante 40 anos foi ben pouco o que tivemos na galiza pra celebrar por conta da familia do caudillo de españa por la gracia de dios O pazo de meirás é agora dos herdeiros de franco
O pai da moza despacha con retranca en: Vanitatis.com que no entiende esa insistencia de la madre de “volver al lugar del crimen”. “Son ganas de j… las cosas. Si ella (Mery) se casó conmigo en el pazo y salió como salió, para qué repetir la historia. Yo creo que donde tendrían que celebrar el matrimonio es en el Vaticano. Ahí no tendrían problemas. O ya puestos, en la Catedral de Burgos. En esa ciudad instaló Franco su cuartel general de la masacre. ¿Qué si espero la invitación? No, hace muchos años que sali del museo de cera”, dice
Si señor, a jimmy se lle pode acusar de moitas cousas pero é quen de saber e dicir como son os franco
Para tan sinalado día está convocada manifa na porta do pazo (somos o pobo, pero na porta.)
Somos o pobre do pobo galego
pra nós nunca hai maio
pra nós sempre é inverno...
Este peixe podería estar pasado, non ten boa pinta
Unión Penosa (un dos máximos accionistas de R) podería deixar de selo. A que noutrora fora a promotora da cableira enxebre xa non gusta de R. Quen fora promotor e alter ego da cableira jalleja alónxase máis da Galiza
R naceu como un proxecto (tolo?) de Unión Penosa, dotar Galiza de rede de cabo propia. Foron centos os millóns que Unión Penosa enterrou na galiza. Levantáronse rúas, pecháronse empresas, abríronse zanxas e non quedou recuncho da galiza urbana (e algo da rural) na que os directivos da coruña e vigo deixaran sen furar
Unión Penosa gastou moitos cartos en R e fixo tamén moitos máis
o soño de R
Un dende o seu posto como profesional puxo o grao de area ao proxecto durante tres anos. E hoxe algo de ledicia me da pasear polas rúas da galiza e ver o feito (e perpetrado.) Non son quen de mirar ao chan, só miro ao alto. Aos cabos que polas fachadas van (poderían ir mellor.) Fixemos o que poidemos e nos deixaron pra que a galiza tivese un presente tecnolóxico na internet. Se se acadou abondo xa hai xente opinando a todas horas
Dicíase que o obxectivo de unión penosa en R eran os contadores da luz. Tan parvo aparato sería substituido por un modem que en tempo real levaría os datos de consumo polas redes de R ata as centrais de unión penosa. Xa non poderá ser (ou si.) Agora a rede pasará a outro dos que apostaron por ela Caixanova
Alguén se estará a preguntar porque non Caixagalicia? Pois non é caixa galicia porque eles cando se fixeran os concursos pra as concesións administrativas fixeran bloco con: La Voz de Galicia e non pillou cacho. Quizá algún entenda agora porque durante anos cable R tiña unha páxina de publicidade na Voz de (Caixa)galicia
O sistema xudicial da españa ten o seu senso. Que eu non vexo nin me sinto quen de comprender. Pero algo debe ter que cando pasas istas cousas (e case peores) nos din que deben ser aceptadas (con resignación engadiría eu.) Vamos como se nos cae un lóstrego enriba, se afunde un buque na costa ou nos toca ser presidente de mesa electoral venche a ser o mesmiño. Sonche cousas que veñen de moi enriba (e de detrás.)
De juana chaos asasinou
De juana chaos pertence a unha organización terrorista
De juana non gusta da comida no caldeiro e aproveita pra perder ises quilos de máis
De juana é un moustruo dunha sociedade con carencias democráticas
Veño de sorprenderme ao ver que non hai netiqueta pra tolls! Os troll, os máis citados na web por web(on) master (xunto coas súas nais) non teñen folla de ruta www. Incrible!
Curiosamente as netiquetas son para que os usuarios NON sexan trolls! Consideran aos usuarios troll que hai que impedir se manifesten. Como os greenlings hai que telos afastados da auga e aos trolls da web
Que sería da web sen os troll? Xa estariamos repoñendo la casa de la pradera tódolos días. Os geek vai tempo que levarían autorradio no monopatín. Os web(on) master xa terían sacado as esvásticas como páxina de inicio...
UN O troll é democrático. Ti pode que nunca sexas web(on) master, mod (nerd) ou gurú pero todos podemos ser trolls
DOUS A moderación (censura) evita a proliferación de trolls (1 mito web)
TRES Os troll xurden por xeración espontánea efecto greenlings
CATRO O troll non nace nin se fai: é putativo web
CINCO Contra o troll a fin xustifica os medios
SEIS Troll & spam (touciño e velocidade)
SETE A igrexa te excomulga o web(on) master faite troll
OITO O troll é un ser non recuperable socialmente pra a web
NOVE Se o troll ten páxina web pasa a chamarse web(on) master
DEZ Troll (Internet) Non existe a especie fora do hábitat web
ONCE O troll ten compoñente pirómana (flame) e cociñeira. Tende a brasear ao web(on) master
DOCE Ante o troll sacar crucifixo offtopic
TRECE Todo o que non é da corda do web(on) master e as súas pallas mentais é troll
CATORCE Os troll están documentados históricamente. Un tal Xesús foi o primeiro troll dicindo aquelo de: un de vós hame traizoar antes de que cante o galo
QUINCE En caso de ataque troll: poñer os pc en círculo
