Nasas


parabéns!!!
eu xa a felicitei
isto é para quitarlle as cores ;-)
se a coñecedes:
aínda estades a tempo de facelo vos tamén
-hoxe (ou calquera outro día)-

PARABÉNS MOZA!!!!

Lanses (5) - Categoría: lanses persoais - Publicado o 04-07-2007 18:26
# Ligazón permanente a este artigo
MADE IN GALIZA!!! xa está aquí

Contáronmo as pulgas dos Carruselo desde o seu blogue:

"O Circo de Pulgas Carruselo actuará na Feira do Libro da Vigo o vindeiro martes 3 de xullo, ás 20.00, con motivo da presentación do libro MADE IN GALIZA, de Séchu Sende.

Séchu Sende, coñecido amante das pulgas e autor do texto clásico no mundo da psicoentomoloxía “Como domar unha pulga”, explica que este é un libro que procura a fórmula da liberdade na punta da lingua. Un libro de historias orixinais como cada unha das persoas e dos pobos que coñecemos ou soñamos: únicos. Un libro que conta contigo para ler o mundo con palabras que tamén son túas. Un libro difícil de soñar, como a vida mesma. Contraditorio, inocente, emocionante, creativo, rebelde: un libro Made in Galiza."

Seica ficamos todas convidadas!!!
Lanses (2) - Categoría: arrastres - Publicado o 27-06-2007 18:21
# Ligazón permanente a este artigo
17 de maio
O plan promete:

Primeiro andarei por aquí:

Xuntanza da xente de Galega e do galego

E despois por aquí:
























E mirarei cousas aquí:

17 de maio + internet + galego + futuro

E gustaríame poder ir aquí...

Lanses (0) - Categoría: arrastres - Publicado o 16-05-2007 19:42
# Ligazón permanente a este artigo
O test de Proust
Collo a pelota da Costureira (agradecida e contenta de que xogue comigo aínda que estes xogos non sexan os meus preferidos) e aquí vai...

1. O principal trazo do meu carácter?
A enerxía (aínda que leve unha boa temporada co ying/yang pouco equilibrado).

2. A calidade que prefiro nun home?
A bondade e a alegría.

3. A calidade que desexo nunha muller?
As mesmas.

4. O que máis aprecio nos meus amigos?
A súa amizade.

5. O meu principal defecto?
A desorde (é dos primeiros).

6. A miña ocupación preferida?
As estrelas, a pintura (abandonada), a lingua e os falar.

7. O meu soño?
Moitos... que se vaian cumprindo.

8. Cal sería a miña maior desgraza?
A perda das persoas que quero e a intranquilidade.

9. Que quixera ser?
Quen son.

10. Onde desexaría vivir?
Onde estou: a cabalo entre Santiago de A Costaneira (Noia).

11.A cor que prefiro?
Dúas: acastañada e verde

12.A flor que prefiro?
Os pampillos.

13.O paxaro que prefiro?
De paxaros non sabería dicir. De bechos o grilo.

14.Os meus autores preferidos en prosa?
Cunqueiro. Tamén Castelao, Isabel Allende, Blanco Amor, Ferrín...

15. Os meus poetas preferidos?
Incondicionais: Alfonsina Storni e Rosalía de Castro. Antón Aviles, Celso Fernández Sanmartín, Ferrín, Lorca, Manuel María, Pilar Pallarés... e algunha e algún máis.

16. Os meus heroes de ficción?
Fiz (por cacolas) e Shin Chan(por atrevido)

17. As miñas heroínas de ficción?
Pipi Lanstrum (por libre e atrevida e...).

18. Os meus compositores preferidos?
Aute.

19. Os meus pintores predilectos?
Non sei se predilectas pero gústanme algunhas obras de Antonio García, Miró, Patricia Saco... mais tampouco entendo moito.

20. Os meus heroes da vida real?
Entre outros e outras que me rodean: miña nai e miña madriña, meu pai e meu avó Manolo.

21. As miñas heroínas históricas?
Aquelas que loitaron polos dereitos, liberdades e xustiza das mulleres e tamén das persoas.

22. Os meus nomes favoritos?
Xiana, Xosé, Antía e Antón.

23. Que detesto máis que nada?
Os abusos e as mentiras para cometer inxustizas. A maldade.

24. Que caracteres históricos desprezo máis?
Os que privan das liberdades.

25. Que feito militar admiro máis?
Ningún.

26. Que reforma admiro máis?
A que fago de cando en vez no meu espazo de traballo.

27. Que dons naturais quixeras ter?
A orde.

28. Como me gustaría morrer?
Docemente.

29. Estado presente do meu espírito?
(Re)ilusionado.

30. Feitos que me inspiran máis indulxencia?
Os que se fan de boa fe

31. O meu lema?
Segundo a ocasión. Mais un que define moitos "Ghopita".

Chegoume da Costureira e eu pásolles a pelota a Ancos, Ligamabitacora, á xente do circo das pulgas, ao Gardador de Xanelas e a Doris Dei e a Mingos (se se animan a abrir un blogue ou neste mesmo)
Lanses (4) - Categoría: arrastres - Publicado o 12-05-2007 11:05
# Ligazón permanente a este artigo
o circo das pulgas en Ames!!!
Sei que os irmáns Carruselo andan polo país adiante nas Semanas do libro e a lectura (do medo).
Hoxe andarán pola Mahía grazas ás concellarías de educación e cultura do Concello de Ames: ás 6 da tarde no Pazo da Peregrina (Bertamiráns, Ames).
Se queredes coñecer máis sobre a familia Carruselo, a historia do circo das pulgas ou o espectáculo das pulguiñas non deixedes de dar un volta polo seu caderniño.
Lanses (4) - Categoría: arrastres - Publicado o 07-05-2007 09:42
# Ligazón permanente a este artigo
25 de abril e feira nacional
hoxe é un día diferente por moitos motivos que sempre uniron a moita xente:

-Feira nacional do San Marcos en Noia
este ano tocoume festexalo o 22
mais durante todo o día
lembrarei os diferentes ritos
polos que calquera nativa debe pasar...

-25 de abril: seguiremos as novas na rede.

Grazas a Calidonia polos cartaces. O do noso blogue é un dos 100 que alí aparece.



Lanses (0) - Categoría: arrastres - Publicado o 25-04-2007 09:49
# Ligazón permanente a este artigo
Albaroque da lingua
Escoitei no Barrio de San Pedro que o 16 de maio festa "raxada" e bulín a apuntarme disque é:

"para toda a XENTE DA LINGUA sen exclusión por razóns de idade, raza, opción ortográfica ou ideolóxica, discapacidade ou talento artístico: profes de academia, da pública ou da concertada ou da privada, sociolingüistas con título ou sen el, sociólog@s, técnic@s da normalización, psicolingüistas, ecolingüistas, artistas de toda caste comprometid@s coa lingua, xornalistas que aínda non se pasaron ao castelán, activistas sociolingüístic@s, cibernormalizador@s, mestres de a ferrado, veteran@s de guerra, guerrilleir@s en activo, estudantes e parad@s, neofalantes ou paleofalantes..., e, en fin, toda aquela xente ligada á normalización da lingua / toda a GENTE DA LÍNGUA sem exclusom por raçóns de idade, raça, opçom ortográfica ou ideológica ou talento artístico: profes de academia, da pública ou da concertada ou da privada, sociolingüistas com título ou sem el, sociólog@s, técnic@s da normalización, psicolingüistas, ecolingüistas, artistas de toda caste comprometid@s coa lingua, jornalistas que aínda non vos passastes ao castelám, activistas sociolingüístic@s, cibernormalizador@s, mestres de a ferrado, veteran@s de guerra, guerrilheir@s em activo, estudantes e parad@s, neofalantes ou paleofalantes…, e, em fin, toda aquela gente ligada á normalizaçom da língua".

O prospeuto para participar é moi clariño:
instrucións para se anotar, data... e outros xeitos de participar.

Vémonos alí.

Lanses (0) - Categoría: mareas - Publicado o 14-04-2007 16:01
# Ligazón permanente a este artigo
para deterioros da lingua

coñecín a un deles no Concello de Ames
o rapaz xa tiña daquela traza
pintaba ben,
sabía de sociolingüística (ensinoume unha clasificación de falantes de galego aínda sen analizar por parte dos estudosos e das estudosas máis relevantes do país -para abrir boca "os do galegho da boca aberta"-),
e por riba é ghaiteiro (dos de verdade, eh?).
esta imaxe fíxoa para a portada dun calendario (ano 2007) do BNG de Rois

aghora xa é un traballador de verdade
xuntouse con outros dous
son do país
falan
escriben
pensan
deseñan
inventan
...
desde o barrio de San Pedro
para o mundo:
CEN LITROS METRO CADRADO

MOITA SORTE!!!!


Lanses (0) - Categoría: arrastres - Publicado o 08-04-2007 21:08
# Ligazón permanente a este artigo
novas da secretaría xeral
Chegan as novas da Secretaría Xeral de Política Lingüística...

e manda truco!!!!
o primeiro que contan é que
as novas tecnoloxías da lingua chegan ao Parlamento de Galicia co tradutor automático de Política Lingüística. A través dun convenio no que Política Lingüística lle cede ao Parlamento unha licenza para o uso desta ferramenta o Parlamento comprometese a promover a instalación, o coñecemento e o uso do tradutor entre o persoal que emprega os equipos informáticos. E desde logo, na mesma notiña falan do eficaz que é a ferrramenta.

E unha dille que si: “chegar esta ferramenta á sede do poder lexislativo de Galicia, para que tamén na forma os textos legais galegos amosen o compromiso desta institución coa defensa da lingua no seu uso máis correcto”.
E a outra dille que tamén: “contribuímos desde a Cámara galega a impulsar as medidas que garanten o dereito dos galegos e das galegas ao uso do idioma”.
E así esquecen outras cuestións
que parece seguen á marxe da lexislación vixente. Nas mesmas novas a propia secretaría manda unha doutrina para crentes ou indecisas.

Será que as cousas nesta Secretaría van de fe?

Lanses (0) - Categoría: mareas - Publicado o 03-04-2007 17:00
# Ligazón permanente a este artigo
para as que non teñan vacacións
ou queden sen plan
e para que a cousa non sexa só penitencia
unha proposta de luz, solidaria e que alimenta (apta para calquera tipo de vixilia) nesta Semana Santa: cuarta edición da Festa do pan de Carballo e primeira edición da feira solidaria (PANXEA 2007).

Para o corpo e para o espírito: chocolatada, pan, queimada, produtos do comercio xusto, imaxes de Alejandro Zapico, obradoiros cos Picompé e co novo circo Manazas, documentais "Cabo Verde sabi!!" (Manolo Maseda) e "En tierra prestada" (Alejandro Zapico), música dos Veraneantes, Javi Javichi, son solidario: Raigañas, Batuko Tabanka e Fol de veneno; Turres Band e a gala solidaria co pobo saharaui que contará con Malvela, Fía na roca, Kepa Junkera e todas aquelas persoas que até alí se acheguen.
Lanses (1) - Categoría: lanses persoais - Publicado o 03-04-2007 13:23
# Ligazón permanente a este artigo
galega das Rías Baixas




así son
nasadepau[arroba]yahoo.es
 navegación
 outras nasas
 ANTERIORES
 de pesca
 en augas galegas
 ARQUIVO
 FOTOBLOGOTECA

© by Abertal