POR UNHA MAREA GALEGA


Resultados municipais 2007

Datos desglosados ()

Consulta aquí os datos de Cambre e outros concellos [...]

Web concello [...]


Datos na Voz de Galicia [...]


MOITAS GRAZAS A TODOS E TODAS POLO VOSO APOIO AO BNG DE CAMBRE
Programa electoral
Comentario (0) - Categoría: MUNICIPAIS 2007 - Publicado o 28-05-2007 20:17
# Ligazón permanente a este artigo
Un proxecto para 385 prazas de aparcamento



Un proxecto para 385 prazas de aparcamento no barrio, centrará a mensaxe do candidato nacionalista neste día.


O BNG remata a campaña eleitoral de Cambre no barrio máis populoso do Concello, no Temple, onde se concentra 35% da ppoboación. E remata a campaña como a empezou, facendo propostas en positivo para a xente. Neste día o BNG aproveitará para a explicar o seu proxecto de ampliación de prazas de aparcamento no barrio.

“Son moitos os reptos e as necesidades nas que traballar, como nos demandan veciños e comerciantes, pero o primeiro para todos eles, xunto co tránsito, son os problemas orixinados pola falla de aparcamentos públicos, e para iso o BNG comprométese con proxectos concretos”. Desta maneira, o candidato nacionalista, abordará un importante compromiso do BNG para a vindeira lexislatura consistente en dotar dun mínimo de 385 novas prazas de aparcamento. Estas prazas situaranse en espazos públicos das Rúas Pígara e Padre Feijoo e en aparcadoiros soterrados baixo parcelas públicas da Rúa Estanque e Estanque de abaixo (na que se construirá o Centro de día).

Mellorar a calidade de vida do barrio e colaborar cos emprendedores e emprendedoras do noso comercio é o obxectivo. Iglesias manifestará no acto de peche que os problemas se solucionan con decisión e con traballo, e con bos proxectos para a xente. E o BNG, ademais, ten a credibilidade suficiente para garantir o seu cumprimento.

Este proxecto está a ser difundido entre os veciños e veciñas do Temple e, entre os comerciantes e empresas desde onte, xoves.


Dende as 20h, no Parque Ramón Barba do Graxal, terá lugar este acto de peche de campaña. As intervencións do candidato a alcalía, Xabier Iglesias, e dos candidatos Carmen salvador e Borja Quintela serán acompañadas polas actuacións musicais de Pangaea e pola banda Potenkim.



Programa electoral
Comentario (0) - Categoría: MUNICIPAIS 2007 - Publicado o 25-05-2007 15:48
# Ligazón permanente a este artigo
O Temple contará con actuacións especiais no vindeiro período

O Temple contará con actuacións especiais no vindeiro período. A ampliación do colexio do Graxal e o acordo con Vivepresidencia para o primeiro Centro de día para maiores, son só o comezo.

O candidato á Alcaldía, Xabier Iglesias percorrerá o barrio do Temple para explicar o seu programa, acompañado por candidatos e candidatas da zona. Esta actividade de difusión eleitoral realizarase durante toda a xornada por rúas e establecementos da zona e, xa á última hora do serán, o candidato trasladarase á Coruña para acompañar a Quique Tello no mitín central do BNG coruñés.



O mércores, dia 23 de maio, a candidatura do BNG de Cambre continuará a campaña eleitoral na zona máis urbana do Concello. A caravana eleitoral recorrerá a parroquia do Temple, onde reside o 35% da poboación municipal. O potencial desta parroquia será destacado polo candidato nacionalista como unha fortaleza e como unha oportunidade. A xuventude, 36 anos de media, da poboación, o encontrarmonos nunha zona que destaca por un comercio puxante ou, o posuir grandes posibilidades de comunicación, son, a xuizo de Iglesias, aspectos positivos que serán aproveitados para unha acción de goberno que saberá poñelas en valor.

Das políticas levadas a cabo nesta lexislatura, desde o goberno do BNG en Cambre, suliñará os importantes avances en cumprir con algunhas das demandas e reivindicacións históricas da zona. Así, o acordo con Educación para a ampliación do Colexio do Graxal, a posta en marcha dos comedores escolares e, o acordo para construir instalacións deportivas no colexio Portofaro, serán avances destacados no eido educativo.

Un impulso decidido pola igualdade será o plano de eliminación de barreiras arquitectónicas, xa comezado esta lexislatura e que ten dado como froito a instalación de elevadores no CEIP do Graxal e no Centro da terceira idade.

Como resultado da súa xestión, á fronte da Área de Benestar, resaltará como un dos logros máis importantes da lexislatura o acordo acadado coa Vicepresidencia para a construcción no Temple do que será o primeiro Centro de Día municipal para maiores, que estará operativo en 2008.

A ordenación urbanística do barrio consideráse, polo candidato nacionalista, prioritaria. Explicará a súa intención de habilitar zonas de aparcamento, de impulsar o Plano viario comarcal para conseguir que a auto-estrada conecte coa N-VI e coa estrada do Temple a Cambre, para desconxestionar a Costa da Tápia. Obter solo público para novos equipamentos como un novo centro de saúde ou a construcción de vivendas protexidas, será outro dos obxectivos.

Dentro da ordenación urbanística, Iglesias, comprometerase a aprobar un regulamento para as antenas de telefonía, que estableza as restriccións necesarias para garantir a saúde pública e eliminar a alarma social xerada.

Programa electoral
Comentario (0) - Categoría: MUNICIPAIS 2007 - Publicado o 23-05-2007 09:52
# Ligazón permanente a este artigo
O BNG vai á Barcala para dar conta do balance de lexislatura e expoñer as súas propostas.Xuventude e maiores o primeiro



O martes, dia 22 de maio, a candidatura do BNG de Cambre continuará a campaña eleitoral. A caravana eleitoral chegará a unha das zonas máis poboadas do concello, a urbanización da Barcala, onde culminará a xornada nun acto cos veciños e veciñas no local socio-cultural da Rúa Río Brexa, ás 20:30h. Neste acto o candidato nacionalista, Xabier Iglesias, estará acompàñado pola número dóus da candidatura e actual concelleira de Servizos Sociais, Sindi Becerra.

Durante a xornada, os membros da candidatura, acompañados polo candidato á Alcaldía, o nacionalista Xabier Iglesias, recorrerán o barrio para repartir e explicar o seu programa eleitoral en contacto dircto cos veciños, nomeadamente, as propostas pensadas para este barrio. Ao remate da tarde, ás 20:30, no local sociocultural, Xabier Iglesias fará espepecial énfase nas liñas de traballo que impulsarán desde o vindeiro goberno, apartir do 27 de maio.

Neste encontro cos veciños e veciñas, o candidato á Alcaldía aproveitará para explicar como a xestión do goberno municipal foi especialmente satisfactorio nesta zona e puxo como exemplo as accións das que foi responsable como Concelleiro de Benestar Social e Cultura: A ampliación da superfecie da Biblioteca municipal e a eliminación de barreiras, a construcción e posta en funcionamento do Centro de Servizos Sociais ou, a construcción no barrio da primeira escola infantil pública do Concello, unha Galescola, que comenzará a andar co novo curso.

A mellora xeral do barrio e dos seus espazos urbanos, da seguridade vial e dos equipamentos e programas sociais indican o interese amosado por este importante barrio, comentóu e, indican, a intención de proseguir dotando de servizos á xente que aquí reside. Os xóvenes, con puntos de encontro e convivencia, e os maiores, que precisan un local para desenvolver as súas relacións e actividades, son compromisos para a vindeira lexislatura. Así mesmo, Iglesias, anunciará a súa intención de dotar á Barcala dunhas dependencias onde se poidan realizar trámites administrativos sen necesidade de se desprazar.

O candidato nacionalista explicará que unha das accións máis importantes que levará a cabo a partir do 27 de maio, será a construción dunha zona adicada a skaters e patinadores entre a Barcala e o Temple, para recoller as demandas da grande cantidade de xóvenes aficionados destes dóus entornos de Cambre. Unha obra non de gran custo pero sí de grande incidencia social entre a nosa xuventude.

Programa electoral
Comentario (0) - Categoría: MUNICIPAIS 2007 - Publicado o 22-05-2007 11:18
# Ligazón permanente a este artigo
O BNG centrará en Sigrás a explicación das suas propostas




O luns, dia 21 de maio, a candidatura do BNG de Cambre continuará coa súa intensa campaña eleitoral. A caravana eleitoral chegará a parroquia de Sigrás, onde culminará a xornada nun acto cos veciños e veciñas no local social do Souto, ás 20:30h. Estará acompàñado pola número dóus da candidatura e actual concelleira de Servizos Sociais, Sindi Becerra.

Durante a xornada, os membros da candidatura, acompañados polo candidato á Alcaldía, o nacionalista Xabier Iglesias, recorrerán a parroquia para repartir e explicar o seu programa eleitoral e, nomeadamente, as propostas pensadas para Sigrás. Ao remate da tarde, ás 20:30, no local do Souto, Xabier Iglesias fará espepecial énfase nas liñas de traballo que impulsarán desde o vindeiro goberno, apartir do 27 de maio. Neste encontro cos veciños e veciñas o candidato á Alcaldía aproveitará para explicar propostas referidas á seguridade vial: a construcción de sendas peonís entre a ponte das Insuas e o Instituto de Sigrás – frecuentada por cantidade de estudiantes a diario será prioritaria-, no lugar de Aián, ou na Xira; a extesión da rede de saneamento será outro dos eixos. Neste aspecto destacará como foron as súas xestións persoais co Alcalde de Culleredo, o que permitíu o desbloqueo do enganche do saneamento de boa parte da parroquia ao colector do río Valiñas, que levaba anos parado e que se conectará de inmediato. Noutra orde de cousas, fara especial mención á atención ás necesidades educativas, liña na que se compromete a seguir, como as importantes melloras xa conseguidas no colexio público coa construcción da polideportiva cuberta, o programa “mañanceiro”, de recepción de alumnos/as antes da hora de apertura da escola ou o apoio ao comedor escolar. Manifestará, así mesmo que un dos grandes obxectivos desta lexislatura que remata do goberno nacionalista en Cambre é, precisamente, o comenzo das obras da Escola Municipal de Música no Souto-Sigrás. Serán 850m que estarán disponibeis a principios do vindeiro ano e que, satisfarán e completarán as necesidades de Cambre en canto á formación e difusión da Cultura Musical por moitos anos.

Respeito á parroquia de Sigrás, o candidato nacionalista, fará especial mención dassúas intencións de estabelecer un plano de protección do “camiño inglés”. Entre a ponte da Xira e a Rocha, transcurre un dos máis senlleiros tramos da ruta xacobea e o BNG comprométese a protexelo e poñelo en valor. Recuperar o entorno da ponte, acordar o uso veciñal do vello hospital de peregrinos e tomar medidas para o mantenimento do camiño e das súas características, serán obxecto da planificación urbanística que o BNG promoverá desde a Alcaldía de Cambre.
Programa electoral
Comentario (0) - Categoría: MUNICIPAIS 2007 - Publicado o 21-05-2007 10:32
# Ligazón permanente a este artigo
Quintana demanda a transferencia da rede ferroviaria interna e a creación dun ente ferroviario galego
Cambre, 18 Maio 07. Anxo Quintana, portavoz nacional do BNG, percorreu esta mañá en tren o traxecto que une Cambre coa estación de tren de San Cristovo, na Coruña, acompañado polos candidatos do BNG á alcaldía destes dous concellos, Henrique [...]
Programa electoral
Comentario (0) - Categoría: MUNICIPAIS 2007 - Publicado o 19-05-2007 00:49
# Ligazón permanente a este artigo
Entrevista ao Candidato á Alcaldía na Voz de Galicia

Foto da Voz de Galicia


18 de maio. A Voz de Galicia fai unha entrevista ao noso candidato á alcaldía, Xabier Iglesias.

Consulta a entrevista aquí[...]
Programa electoral
Comentario (0) - Categoría: MUNICIPAIS 2007 - Publicado o 19-05-2007 00:33
# Ligazón permanente a este artigo
PROGRAMA ELECTORAL 2007/2011 - BNG de Cambre
Catro anos do BNG no goberno:
Un balance positivo



Se queres ver o noso programa electoral en soporte dixital e formato pdf,

só tes que descargalo desde aquí [...]
Programa electoral
Comentario (0) - Categoría: MUNICIPAIS 2007 - Publicado o 18-05-2007 19:25
# Ligazón permanente a este artigo
Xabier Iglesias comprométese a políticas centradas na xuventude
Afirma que os mozos e mozas terán unha atención especial desde a Alcaldía de Cambre apartir do 27 de maio



Durante a celebración do II festival “rock na ría”, que congregou a centos de xóvenes no Temple, o candidato nacionalista a alcaldía de Cambre, Xabier Iglesias, manifestou que a vindeira lexislatura será a dos xóvenes.

Este festival, organizado pola concellaría de Cultura, que dirixe, e no que participan 9 grupos aficionados de Cambre, é unha demostración do apoio ás formas de expresión da nosa xuventude, recordou.

Salientou que froito dese interese, o pasado mes chegou a un acordo coa Dirección Xeral de Xuventude polo que, este mesmo ano, comezará a construcción de locais de ensaio gratuitos para os músicos aficionados xóvenes de Cambre, instalcións que contarán cunha pequeno estudio de gravación de maquetas. Estas instalacións serán complemantarias da Escola municipal de Música, que nestes días comenza a súa construcción e que estará lista a principios de 2008.

En políticas para os xovenes anunciou que, ademais do apoio ás expresións musicais e artísticas, na vindeira lexislatura extenderán a habilitación de puntos de encontro e convivencia para a mocidade en todas as parroquias. “Os xóvenes non poden estar na rúa como único recurso, desde o goberno promoveremos locais e espazos urbanos para que a nosa xuventude poida convivir e desenvolver as súas aficións e capacidades”.

Unha das medidas que se acometerán de inmediato, dixo, é a preparación dunha zona no Temple habilitada para patinadores e skaters, actividade con moitos practicantes entre os mozos e mozas das zonas urbanas do Concello.

Programa electoral
Comentario (1) - Categoría: MUNICIPAIS 2007 - Publicado o 14-05-2007 17:45
# Ligazón permanente a este artigo
Xabier Iglesias comprométese a ordenar urbanisticamente o concello en dous anos
Afirma que as promesas poden ser as mesmas pero non todas as forzas políticas teñen credibilidade. Uns demostramos que cumprimos e outros están instalados na política de “vender fume”.


O candidato nacionalista a alcaldía de Cambre, Xabier Iglesias, no comezo da campaña elitoral, afirmou que as políticas municipais positivas para a xente pasan pola ordenación urbanística do concello.

Necesitamos solo público en Cambre para un novo colexio, necesitamos crear cidades deportivas en Cambre e no Temple, necesitamos espazos para un novo centro sanitario no Temple, para podermos ordear o tránsito rodado e aparcamentos.

Iglesias advertíu que isto non é posíbel sen unha xestión urbanística que mire polo interese xeral e non polo duns poucos. “uns demostramos a nosa responsabilidade cumprindo cos acordos e sacando adiante os proxectos e, outros, terán que dar moitas explicacións de porqué non hai sobre a mesa nen unha soa proposta de ordenación do Concello, cando foi esa a súa responsabilidade nesta lexislatura. O proxecto socialista en Cambre está agotado e roto, e Cambre precisa dun cambio de liderazgo.


O BNG prioriza, tamén, o impulso desde o concello á construcción de vivenda protexida. Unha das peores consecuencias da falta de planeamento e de políticas urbanísticas ao servizo da xente é o encarecimento da vivenda e imposibilidade para os que empezan ou para os traballadores , de adquirir a súa primeira vivenda. O candidato nacionalista confirmou que desde a alcaldía será firme en garantir que o 40% das novas promocións residenciais teñan algún tipo de figura de protección oficial, sexa para a venda ou aluguer.


Rematou a súa intervención decindo que o que se xoga nestas elección non é quen escrebe máis e mellor nos seus programas, quen ten as mellores ocurrencias, senon que ten a credibilidade suficiente para cumprilas. O BNG en Cambre é críbel e demostrouno co enorme traballo en políticas culturais, de igualdade e benestar, desenvolto nestes catro anos.


Programa electoral
Comentario (0) - Categoría: MUNICIPAIS 2007 - Publicado o 12-05-2007 18:43
# Ligazón permanente a este artigo
MITINS do BNG de Cambre
Campaña municipais 07


Domingo, 13 de maio 12:00
MITIN en Peiraio

Instalacións da Xuventude de Peiraio
Falarán Pili Agilda e Xabier Iglesias

Luns, 14 de maio 20:30
MITIN en Sta. Mª de Vigo

Local Social A.VV.
Falarán Laura Fernández e Xabier Iglesias

Martes, 15 de maio 20:30
MITIN en Andeiro

Centro Sociocultural de Andeiro
Falarán Antón Otero e Xabier Iglesias

Mércores, 16 de maio 20:30
MITIN en Brexo

Local A.VV. “A Unión” de Brexo
Falarán Miguel Barreda e Xabier Iglesias

Xoves, 17 de maio 20:30
MITIN en Cambre

Anfiteatro do Parque da Igrexa de Cambre
Falarán Antón Otero , Sindi Becerra, Borja Quintela, Tereixa Táboas (Conselleira de Vivenda)e Xabier Iglesias

Venres, 18 de maio 20:30
MITIN no Temple

Local Sociocultural do Graxal,
Rúa Álvaro Cunqueiro
Falarán Carmen Salvador e Xabier Iglesias

Sábado, 19 de maio 18:00
MITIN en Bribes

Local Sociocultural no Cruceiro
Falarán Pili Agilda e Xabier Iglesias

Sábado, 19 de maio 20:30
MITIN en Anceis

Local Social de Anceis
Falarán Borja Quintela e Xabier Iglesias

Domingo, 20 19:00
MITIN en Pravio

Local Social de Pravio
Falarán Silvia Quintela e Xabier Iglesias

Luns, 21 de maio 20:30
MITIN en Sigrás

Local Social do Souto
Falarán Sindi Becerra e Xabier Iglesias

Martes, 22 de maio 20:30
MITIN na Barcala

CSC da Barcala
Falarán Sindi Becerra e Xabier Iglesias

Xoves, 24 de maio 20:30
MITIN en Cecebre

Local Social Apeadeiro
Falarán Laura Fernández e Xabier Iglesias

Venres, 25 de maio 20:30
FESTA PECHE CAMPAÑA
FESTA DA MOCIDADE

Parque Ramón Barba
Falarán Rai Pérez, Borja Quintela, Carmen Salvador e Xabier Iglesias


progama electoral
Categoría: MUNICIPAIS 2007 - Publicado o 11-05-2007 15:31
# Ligazón permanente a este artigo
O BNG quere impulsar a igualdade desde as 21 oficinas I+ B que creará a Xunta este ano

Ao acto acudirón varias candidatas do BNG de Cambre.


O portavoz nacional do BNG incluíu onte entre os obxectivos do programa nacionalista para as municipais a creación das vinte e unha oficinas I+B (Igualdade e Benestar) que Vicepresidencia quere poñer en marcha este ano, e para as que espera "contar coa colaboración dos concellos". Quintana realizou o anunciou no acto celebrado este sábado -6 de maio- en Santiago para explicar as bases das políticas de igualdade dos nacionalistas ante un auditorio de duascentas mulleres no que se atopaban varias das candidatas do BNG nos concellos.Tanto o vicepresidente da Xunta como a secretaria xeral de Igualdade, Carme Adán, revisaron as medidas impulsadas desde a Vicepresidencia que, dixeron, baseáronse na "transversalidade" e nun maior protagonismo "fronte ás propostas raquíticas do PP". Quintana recordou que dos seus 315 candidaturas, 64 están encabezadas por mulleres.
Comentario (0) - Categoría: MUNICIPAIS 2007 - Publicado o 07-05-2007 00:39
# Ligazón permanente a este artigo
O goberno do BNG en Cambre adiántase ás políticas que quere facer o nacionalismo nos concellos

Este luns, día 30, acudín a Ourense, xunto con outros candidatos e candidatas do BNG da nosa comarca. Tratábase dun acto de presentación de "dez medidas estrela do BNG para os concellos". Un resumo, ou mellor un eixo de traballo, do que temos intención de facer a partires do 27 de maio. Imaxinade a miña satisfacción cando comprobo que algunhas delas, desas dez medidas, xa son unha realidade no noso Concello, en Cambre. Son realidade porque a acción de goberno do BNG estivo desde o principio centrada en cubrir as necesidades da xente. Porque puxemos un especial empeño en priorizar as persoas a atención as persoas dependentes e en pór en marcha medidas favorecedoras da conciliación laboral e familiar. Sei, sabemos que non está todo feito, que queda moito por andar, pero en Cambre neste camiño da igualdade e o benestar xa temos un bon treito recorrido.

Cando iniciamos esta lexislatura, aló polo verán de 2003, definimos unha folla de ruta: no ano 2007 en Cambre, os veciños e veciñas, terían que disfrutar duns servizos inexistentes nese momento. E puxémonos mans a obra. No ano 2004 comenzamos, en dous colexios, o servizo de recollida dos estudiantes desde as 7:30 horas, con almorzo opcional. É o programa "mañanceiro", hoxe consolidado en catro colexios, posibelmente chegará ao quinto no vindeiro curso, e que atende a cen nenos de infantil e primaria do noso concello. Son moitas as familias que grazas a este programa teñen un pouco máis fácil a súa vida diaria, que poden atender as súas profesións sen estar condicionadas polas obrigas familiares. Isto, que semella tan lóxico e normal non existe na grande maioría dos concellos galegos.
Pero fixemos máis cousas nesta liña. Veíamos que non só eran as xornadas escolares as que xeraban conflicto cos horarios laborais. Que faciamos cos nosos fillos neses periodos vacacionais curtos que salpican o calendario. Os días de Nadal, da Semana Santa, do mes de Xullo. Normalmente nas empresas só nos dan un mes de vacacións ao ano e, quen temos fillos, atopámonos cun auténtico conflicto neses periodos. Pois tamén desde o noso goberno puxemos en marcha medidas neste sentido. Os campamentos urbanos, combinando actividades de lecer e educativas, permiten en Cambre, atender e educar aos nosos fillos cubrindo os horarios de vacacións escolares.

Pero tamén no campo da dependencia fumos pioneiros, non en exclusiva pero sí excepcións no mapa de servizos que os concellos aportan aos seus cidadáns. Desde o ano 2005 temos en marcha un servizo de transporte adaptado para persoas con discapacidades. Facilitando a accesibilidade a servizos médicos, sociais ou a necesidades de tipo persoal antes impensábel e que en moitas ocasións as persoas que o precisaban ou as súas familias non tiñan posibilidade de conseguir. Ou puxemos en marcha un servizo de comidas a domicilio, "o comedor sobre rodas" , que neste momento beneficia a trinta usuarios e que lles permite continuar nos seus domicilios, no seu entorno e coa súa xente, se ter que marchar a unha residencia.

A partir de maio continuaremos ampliando estes servizos, creando outros novos, pero polo de pronto podemos decir con orgullo que en Cambre hai persoas, xente, máis independente que no ano 2003. Podemos decir con satisfacción que en Cambre a atención aos nenos e nenas é un pouco máis doada para as familias porque o Concello destina fondos e medios a axudar a conciliar a vida persoal e laboral. Nisto adiantámonos pero non está todo feito.

Os xóvenes, os nosos maiores, o acceso á vivenda son os retos que nos marcamos para o vindeiro periodo pero, diso continuaremos falando...

Xabier Iglesias

Cambre, primeiro de maio de 2007
Programa electoral
Comentario (3) - Categoría: MUNICIPAIS 2007 - Publicado o 01-05-2007 14:32
# Ligazón permanente a este artigo
A estrela da campaña fírmana os candidatos e as candidatas do BNG
A estrela da campaña fírmana os candidatos e as candidatas do BNG

O portavoz nacional apresenta en Ourense as dez ideas estrela do BNG para as municipais 07

Ourense, 30 abril 07.- Os candidatos e candidatas do BNG aos 315 concellos de Galiza realizaron esta mañá en Ourense unha presentación simbólica das 10 propostas estrela da formación nacionalista para todos os concellos galegos.
Comentario (0) - Categoría: MUNICIPAIS 2007 - Publicado o 30-04-2007 20:10
# Ligazón permanente a este artigo
Quintana asegura que o BNG 'fixo unha pretemporada sobresaínte en Cambre e xa lle chegou o momento de gobernar'

O cabeza de lista, Xabier Iglesias, asegura que "este é o momento de que os veciños e veciñas escollan entre a decadencia e a eficacia"

Cambre, 27 Abril 07.- O portavoz nacional do BNG, Anxo Quintana, participou este serán no centro cultural O Graxal, en Cambre, no acto de presentación da candidatura do BNG ás eleccións municipais, encabezada por Xabier Iglesias Oviedo.

O líder nacionalista manifestou a súa convicción de que a lista do BNG forma o "mellor equipo", e o único "preparado para que Cambre deixe de saír polo seu urbanismo nas páxinas de sucesos e saia nas de política social".

Asi, lonxe das divisións internas que ocasionan nas outras formacións as actividades inmobiliarias dos seus candidatos, Quintana destacou a cohesión da lista formada polos 23 homes e mulleres do BNG, e lembrou que xa teñen "demostrado a súa capacidade para gobernar" e lembrou as iniciativas postas en marcha desde o goberno municipal como o xantar a domicilio.

O portavoz asegurou que só a candidatura que encabeza Xabier Iglesias poderá vai facer "o que os veciños e veciñas queren, que se preocupen por protexelos, e non polos seus intereses particulares".

A este respeito, Quintana salientou o importante traballo levado a cabo polo BNG nos últimos catro anos dende a Concellaría de Benestar Social , "o que supuxo unha notábel mellora nos servizos de benestar e igualdade".

Neste sentido, salientou as propostas que lle teñen apresentado e anunciou que acaba de asinar o decreto para a subvención dun centro de día no concello e lembrou que xa está na fase de selección de persoal o proceso para abrir unha Galescola no concello coruñés.

A única candidatura en positivo

Pola súa parte, número un da lista nacionalista en Cambre asegurou na súa intervención que "este é o momento do cambio posíbel en Cambre" e insistiu en que o 27 de maio a única opción válida é o nacionalismo e advertiu de que hai que "escoller entre o continuismo e o cambio, entre a decadencia e a eficacia".

O cartel do BNG estendeuse na descrición dos 23 homes e mulleres que compoñen a lista nacionalista e asegurou que forman "un equipo que demostra capacidade, vinculados á súa xente, dialogantes, ilusionados e capacitados para gobernar este concello". Tal e como xa dixera ao presentala aos medios, Iglesias dixo da súa candidatura que "en ela, hai de todo, menos promotores inmobiliarios".

"PXOM para a cidadanía e non para os especuladores"

Ademais, Xabier Iglesias comprometeuse a que unha das súas primeiras medidas como alcalde de Cambre será aprobar un Plan Xeral de Ordenación Urbana "pensado nos intereses de todos os cidadáns, e non nos dos especuladores".

O cabeza de lista chamou tamén a atención sobre o feito de que a lista nacionalista é a única composta por persoas "que viven aquí, e con interese por que este concello vaia adiante" e contrapuxo esta situación á das listas das outras oito candidaturas "porque case todas se formaron contra alguén, contra o PP, contra o PSOE, ou contra os seus candidatos, pero a nosa é unha candidatura en positivo, e a favor de Cambre".
Programa electoral
Comentario (2) - Categoría: MUNICIPAIS 2007 - Publicado o 29-04-2007 00:45
# Ligazón permanente a este artigo
Candidatura BNG Cambre - Eleccións 2007

BLOQUE NACIONALISTA GALEGO (BNG)

1 HENRIQUE XABIER IGLESIAS OVIEDO

2 SINDI BECERRA MONTES

3 ANTÓN OTERO DOMINGUEZ

4 LAURA FERNANDEZ MARTINEZ

5 BORJA QUINTELA CASAS

6 PILI AGILDA FERNANDEZ

7 MIGUEL A. BARREDA CEREIJO

8 CARMEN SALVADOR PARDO

9 LUIS CAO MAHIA

10 ANA M. FERNANDEZ RAMILO

11 ELISEO LOPEZ RIO

12 ELVIRA EIROA VARELA

13 RAIMUNDO A. PEREZ FERNANDEZ

14 MARI CARMEN IGLESIAS IGLESIAS

15 DIEGO CASAL GARCIA

16 XOSE MANUEL DIAZ SANCHEZ

17 LURDES IGLESIAS VAZQUEZ

18 XOSÉ GONZALEZ BREA

19 SILVIA MABEL QUINTELA MARTINEZ

20 JAVIER CASTRO CONCHEIRO

21 CARLOS BRUQUETAS SANTOS

Suplentes:

1 FÁTIMA GALÁN IGLESIAS

2 XOAN ANTÓN VAZQUEZ RAMOS



Noticia no Metropolitano
Programa electoral
Categoría: MUNICIPAIS 2007 - Publicado o 25-04-2007 10:36
# Ligazón permanente a este artigo
A presentación da Candidatura de Cambre contará coa participación de Anxo Quintana, este venres 27 de abril no CSC do Graxal ás 20:30
Programa electoral
Comentario (0) - Categoría: MUNICIPAIS 2007 - Publicado o 22-04-2007 14:52
# Ligazón permanente a este artigo
Xabier Iglesias participa en Localía TV este luns, 23, ás 20: 30
Entrevista en TV Localía

Convidamosvos a que vexades a entrevista do noso candidato a alcaldía -Xabier Iglesias- que terá sobre as 20:30 en TV LOCALIA, este luns-23 de abril- no programa Plató Aberto.


Video campaña Cambre 2007


Programa electoral
Comentario (0) - Categoría: MUNICIPAIS 2007 - Publicado o 21-04-2007 13:29
# Ligazón permanente a este artigo
Entrevista no Metropolitano do Candidato á alcaldía de Cambre
“O BNG conseguiu mellorar Cambre nestes catro anos de goberno”

Xabier Iglesias, é o candidato do BNG á Alcaldía de Cambre. Forma parte do goberno local sendo responsábel da Área de Cultura e Benestar social.
Diplomado en Maxisterio aínda que desde principios dos oitenta exerce como empresario-
autónomo de instalacións, actividade que suspendeu ao se dedicar esta lexislatura en exclusividade ao traballo municipal.
Ten 47 anos e é pai de tres fillos.Veciño de Cambre onde reside coa súa familia.
É concelleiro en Cambre desde 1999 e, en 2003 encabezou a candidatura do BNG.
Entra na política, moi cedo -seguramente demasiado cedo, coma el mesmo recoñeceaos 16 anos. Contacta co nacionalismo na Universidade Laboral, primeiro con organizacións de mocidade nacionalista e logo na frente nacionalista ANPG, a mesma que deu lugar ao actual BNG, do que é militante dende a súa fundación no ano 1982. Foi un dos promotores da actual organización do BNG de Cambre, hai 14 anos, e protagonista cos seus compañeiros do avance espectacular desta formación nas sucesivas eleccións municipais.
Ben, imos comezar abrindo fogo. Achéganse
xa as datas eleitorais. O BNG ten todo
listo?

- Estamos traballando en equipos para redactar o programa de goberno e simultaneamente para rematar a confección da candidatura.
Pendente da súa ratificación polo Consello Nacional do BNG, xa temos decidido na Asemblea local a composición dos primeiros 14 postos. Haberá sorpresas agradabeis, moitas caras novas na primeira liña da acción política en Cambre, homes e mulleres por igual e alternados e, algunhas persoas de grande prestixio no seu ámbito de actuación.
En próximas datas faremos a presentación.
O que sí me gustaría decir e destacar a grande receptividade que temos nas persoas coas que falamos para colaborar no programa, coa candidatura ou para a campaña.
Son moitas as achegas de ideas e o ofrecimento de colaboración. Estamos moi satisfeitos e coido que augura uns grandes resultados para o BNG e para Cambre.
- Coma se atoparon o Concello por dentro,
ao chegar por vez primeira a gobernar?

- Non houbo sorpresas. Tódo os veciños de Cambre coñecíamos perfectamente o estado do Concello e hoxe, asegúrolle, está moito mellor que no 2003. O BNG levaba moitos anos seguindo de perto a política municipal e integrados na vida social do noso Concello. Levóunos ben pouco tempo poñernos
ao frente das nosas responsabilidades.
Tiñamos os obxectivos claros e foi doado poñer
a maquinaria en marcha.
- Entrar a formar goberno orixinou problemas de adaptación dentro do seu equipo ou co propio partido coaligado?
- Sen dúbida, tivemos que facer un esforzo de adaptación nós mesmos - pasar da oposición ao goberno esixe cambios-. Pero para iso nos presentamos ás eleccións, para gobernar. E francamente, estou convencido de que o fixemos ben. Aí están os resultados para ver.
- Mantívose unha boa relación entre os dous partidos respectando a autonomía na xestión das áreas, así coma nos temas de carácter xeral, nestes catro anos?
- O balance xeral teño que decir que é favorábel
para os intereses dos cidadáns, que é o que importa. Coido que o que lle importa a xente é se fumos ou non capaces de xestionar ben os seus asuntos, non se Xabier Iglesias e Antonio Varela se levaron ben, ou se a relación PSOE-BNG foi cordial.
Polo demáis recoñezo que este goberno de coalición funcionou razonabélmente ben, con luzes e sombras, é certo, pero cun resultado final aceptábel.
- Qué aportou o BNG a este goberno de coalición?
- O primeiro estabilidade. Unha lexislatura cun goberno do PSOE en minoría tería sido un auténtico desastre. Non o digo desde o punto de vista dos intereses partidarios, día xente é se fumos ou non capaces de xestionar ben os seus asuntos, non se Xabier Iglesias e Antonio Varela se levaron
ben, ou se a relación PSOE-BNG foi cordial.
Polo demáis recoñezo que este goberno de coalición funcionou razonabélmente ben, con luzes e sombras, é certo, pero cun resultado final aceptábel.
- Qué aportou o BNG a este goberno de coalición?
- O primeiro estabilidade. Unha lexislatura cun goberno do PSOE en minoría tería sido un auténtico desastre. Non o digo desde o punto de vista dos intereses partidarios, dígoo desde a visión dos cidadáns que terían que sufrir a ineficacia e a parálise da administración municipal. E os nacionalistas tivemos a responsabilidade suficiente para que isto non se producira.
En segundo lugar aportamos unha grande capacidade de traballo e de renovación. Ninguén pon en dúbida en Cambre o traballo e esforzo desenvolto polo BNG no Concello. Aí están os resultados. Pero é que ademais estivemos presentes en todo, no traballo diario e nas reivindicacións veciñais . O BNG non é unha forza política que se mova só cando hai
“foto”, e as nosas xentes sábenno.
E en terceiro lugar, e non menos importante,
aportamos ideas e proxectos. Desde unha
posición política innequívoca e firme de
impulso as políticas e benestar, de defensa e promoción da nosa lígua, cultura e patrimonio e, de convertir o noso Concello nun lugar mellor cada día para convivir e criar aos nosos fillos.
Estamos ao final deste periodo e para todos é evidente que o Cambre de 2007 é mellor que o Cambre de 2003. No BNG temos a satisfacción e orgullo de ter contribuido a isto de maneira determinante desde o goberno.
- Vostede pasou de estar na oposición, a formar parte do goberno municipal, co cambio que iso supón na forma de exercer a política...
Nos traballabamos dende a oposición para que iso fose exactamentre así. Non podería ser de outra maneira: ese era o noso obxetivo.
Neste contexto, cando tantos votantes de Cambre nos dan o seu apoio, estannos a dicir que queren que gobernemos, algo que testamos tamén con posterioridade ás eleccións. Falamos con diferentes persoas para que nos deran o seu parecer e nos dixeran se estaban de acordo con que entrasemos a gobernar ou se, polo contrario, debiamos seguir facendo oposición. A opinión
foi unánime: había que entrar a gobernar. Os veciños e veciñas saben, ademais, que cando tocou exercer de oposición fixémolo de maneira constructiva, facendo propostas, aportando ideas e dando o noso respaldo a accións de goberno que nos parecían adecuadas. Non foi, polo tanto, díficil cambiar o “chip”.
- O resultado das Eleccións Municipais do 2003, supuxeron unha sorpresa polo grande avance obtido no número de votos en Cambre?
- Supuxeron unha relativa sorpresa, certamente
agradable pero tamén relativa, polo seguinte: o noso histórico eleitoral desde o ano 91, cada catro anos, foi de duplicar votos, non sabiamos con certeza que iamos duplicar outra vez, o que si tiñamos era a percepción, mellor dito a información, pola xente coa que falabamos, de que se nos valoraba coma unha formación política con espacio propio en Cambre; que tiñamos un moi bo nivel de aceptación, que estabamos para quedarnos e que o camiño á Alcaldía cada vez parecía menos complicado. Ben, chegan as eleccions do 2003, duplicamos votos outra vez, pasamos a 4 concelleiros e entramos a formar goberno. Os obxetivos cúmprense sobradamente.
- Despois destas verbas xa me deixa enriba da mesa a seguinte pregunta: con que espectativas inicia a actual campaña electoral a súa formación, o BNG en Cambre?
- Pois estamos nunha situación moi parecida á do ano 2003, de obter un grande avance, pero ademais agora partimos dunha maior presenza institucional e dunha maior experiencia e coñecimento. Desta volta o obxectivo é obter a Alcaldía e contar cunha maioría suficiente para poder exercer un goberno eficaz para beneficio dos cidadáns.
Esta posibilidade non é remota nen un simple desexo. Así nolo confirman a opinión da xente que se nos achega e, mesmo, datos de enquisas que circulan por aí e que, por certo, non as encargóu o BNG.
- Sen discutirlle esa opinión, todos os partidos poden decir o mesmo?
- Sen dúbida. O mesmo que o digo eu, todos están no seu dereito. Pero se observamos a realidade política de Cambre cunha visión imparcial podemos percibir varias cousas, ou responder a algunhas preguntas:
- Estamos ao inicio dun novo ciclo político en Cambre? -Cal é a forza política que ofrece renovación, caras novas e xente emprendedora?
- De que lado están situados os proxectos e as ideas con garantía de se cumpriren?

Non teño dúbida de que o BNG é o que ofrece esa garantía de cambio de ciclo, de renovación e de ideas. E ademáis coa experiencia práctica de que ademáis de falar e prometer, facemos.
- Hai algún asunto que destacaría da súa xestión estes catro anos?
- Como é lóxico son moitas cousas e sería inabordábel desde unha entrevista como esta. As maiores satisfaccións están nas políticas de benestar e igualdade. O esforzo realizado en conciliación laboral e familiar, programas como o Mañanceiro, a atención a nenos e nenas en campamentos urbanos nos periodos de vacacións, o apoio aos comedores escolares e as axudas directas ás familias. Multiplicar por tres o orzamento de
servizos sociais, aumentando o persoal e
construindo unha nova sede na Barcala. Fíxese
que na actualidade non hai lista de espera no servizo de atención domiciliaria nen na tele-asistencia. Programas novedosos e pioneiros como o comedor sobre rodas. A política de eliminación de barreiras arquitectónicas, os colexios rematan a lexislatura sen barreiras. O impulso ao bon labor das bibliotecas municipais. Ampliamos a X.Docampo da Barcala e creamos unha nova no Temple, “Os templarios”. A posta en funcionamento do Centro sociocultural do Graxal,
do Centro de Formación municipal no Poligono
do Espíritu Santo. Os paneis electrónicos
informativos. En fin, moitas cousas que xunto con outras que comentamos constitúen unha conta de resultados moi positiva e da que estou moi orgulloso e satisfeito. Pero, sempre o digo, queda moito por facer.
- Cales foron os seus compromisos electorais
que quedaron sen cumprir?.En que
capitulo vai o culebrón da Casa da Cultura?

- Decía antes que este goberno tivo luzes
e sombras. Tamén hai obxectivos sen cumprir e o inicio da construcción da casa da Cultura de Cambre é o máis destacado. Pero merece unha explicación. Un proxecto desta envergadura precisaba que todos fixeramos os deberes. Algúns cumprimos e outros non. Traballei cos arquitectos e o proxecto completo está nas nosas máns desde
hai un ano. Conseguín o compromiso financieiro da Deputación por 800.000 euros, o grupo nacionalista provincial puxo toda a carne no asador, e negociei coa Conselleira nacionalista Ánxela Bugallo unha achega de Cultura por 500.000 euros. Lamentabelmente estamos aínda a espera de que se concreten as promesas do Presidente Touriño e, de que, o peor de todo, se tramite dunha vez o Plan xeral de Cambre que permitiría a contrucción
nesa parcela. E iso, como todo o mundo sabe, é de competencia socialista no goberno local de Cambre. Pero non é unha queixa porque o meu compromiso, e o do BNG, é o de facer este proxecto para Cambre.
Irá máis tarde do previsto pero o faremos.
A única condición é que teñamos suficiente apoio eleitoral para ser nós quen solucionemos o problema urbanístico e rematemos a financiación.
- Queda moito por facer aínda. Cales van ser os eixos do seu programa para a próxima lexislatura?
- A xente e as políticas de benestar en sentido amplo. Estamos a punto de rematar a primeira escola infantil pública de 0 a 3 anos, e continuaremos coa dotación de prazas de infantil. Estes días está en contratación a construcción da Escola Municipal de Música que de aquí a un ano estará funcionando.
Acabamos de chegar a un acordo con Vicepresidencia para o que será o primeiro Centro de Día para os nosos maiores no Temple. Estamos, tamén, preparando o convenio coa Dirección Xeral de Xuventude para dotar de locais de ensaio gratuitos para os grupos de música de Cambre. Un montón de proxectos que están encamiñados.
Pero falaba da xente e do seu benestar e non existe tal cousa se non hai posibilidades de vivir aquí. As políticas de vivenda serán unha prioridade.
- A que se refire con prioridade en políticas
de vivenda?

- Os prezos de hoxe son inabordabeis para xóvenes e asalariados. Imos poñer só á disposición da Consellaría de Vivenda para a promoción de vivenda protexida, en venda e aluguer. Non hai benestar sen vivenda digna e sen servizos de igualdade, pero tampouco sen emprego de calidade. Imos ampliar o solo industrial no polígono e fomentar
a instalación de novas empresas.
Pero para todo iso marcámonos como obxectivo
prioritario a tramitación inmediata do Plan Xeral.
- Fálenos do Plan, semella raro non ter
nada tramitado en catro anos.

- Efectivamente. Como vosté sabe formamos en xuño de 2003 un goberno de coalición en Cambre entre o PSOE e o BNG. Repartimos as competencias de goberno e, precisamente, as de urbanismo quedaron
nas mans socialistas e tiñan, como encomenda
prioritaría, a tramitación do Plan Xeral.
O BNG dotou ao goberno da estabilidade
suficiente para que cada quen xestionara as súas áreas con tranquilidade. Nos fixémolo e aí están os resultados. Outras cousas semella que non foron tambén. Son un sorprendido máis porque aínda sabendo das dificuldades destas tramitacións, dos
cambios legais continuos e da problemática social que xenera, actuamos con responsabilidade, sen presionar e con lealdade. O resultado está á vista e por iso digo que vou asumir como tarefa prioritaria a tramitación do PXOU na nova lexislatura.
É imprescindíbel para ordenar o territorio,
para obter solo para equipamentos de benestar
e vivenda e, para financiar os investimentos.
- Non nos fala de problemas, acaso está
todo razonablemente ben?

- Ben, decía antes que hai quen ve o Concello
sumido no caos e no desastre. É un punto de vista. A min gústame falar de retos.
Creo que estou máis próximo á visión da maioría da xente que se encontra feliz por vivir aquí, que disfruta do noso contorno e da convivencia cos veciños e que vé as carencias -que as hai- como metas nas que poñer toda a ilusión para chegar. Hai unha maneira de enfocar as cousas, a pesimista
e de impotencia, a que pensa que somos vítimas
de non se sabe que poderes, e a optimista e ilusionada que quere aportar solucións e traballa para conseguilo. Aí estou xunto cos meus compañeiros do BNG, no optimismo, na ilusión e nas ganas de traballar para todos e todas.
- Cambre ten sido noticia nos últimos
anos por intervencións doutras administración,
o río Mero o AVE, que teñen xerado contestación.

- Sí, é certo, e coa presión social e a unidade
institucional conseguimos cambiar proxectos agresivos, como o inicial do río, para conseguir o que vai ser un dos mellores recorridos medioambientais de toda a área. Recuperamos un río que estaba desaparecido e maltratado, que era descoñecido, e que agora vai ser o noso pulmón natural e que o poderemos disfrutar. O do malchamado AVE e outra. Pero estou seguro que conseguiremos cambiar o proxecto entre todos. A exemplar mobilización cidadá e os apoios recibidos faranno posíbel. Desde logo desde Cambre e desde as responsabilidades que poida asumir, desde a Alcaldía, impediremos as destruccións salvaxes das
nosas mellores zonas. E ademáis vai ser unha prioridade manter o actual trazado do tren para cercanías.
Traballeremos con espíritu de cooperación, con visión de País, negociando e falando. Pero seremos firmes na defensa do noso patrimonio natural e cultural. É unha obriga que temos co noso municipio, coa comarca metropolitana onde estamos, e coa nosa Nación. E isto ten moito que ver coa
ordenación urbanística. Temos urxencia en
blindar o Concello, os seus valores patrimoniais,
medioambientais e da paisaxe para impedir futuras ameazas, e iso farémolo co Plan Xeral.
A súa vocación é a política.Coma a aquel outro político que lle cabía o estado na súa cabeza, a Xabier Iglesias, aínda que menos ambicioso, éntralle o concello de Cambre na cabeza. Ten as cualidades que precisa un bo político municipal: visión da xeografía, tanto fisica coma humana do espazo local e unha interpretación solidaria e integradora doutro espazo mais amplo, a Area
Metropolitana, da que dende moitos anos é un firme defensor. Desexámoslle moita sorte -igual que aos demais candidatos- na vindeiras eleccións municipais.

"Entrevista publicada no Entorno Metropolitano do mes de abril de 2007"
Comentario (0) - Categoría: MUNICIPAIS 2007 - Publicado o 17-04-2007 00:10
# Ligazón permanente a este artigo
Video da candidatura Cambre 2007
Video da candidatura Cambre 2007

Comentario (2) - Categoría: MUNICIPAIS 2007 - Publicado o 02-04-2007 00:21
# Ligazón permanente a este artigo
1 [2]
Non somos un pobo durmido

ididididid

id id













mareadecambre@gmail.com
 CATEGORÍAS
 LIGAZÓNS
 BUSCADOR
 BLOGS GALEGOS
 ARQUIVO
 DESTACADOS
 Anteriores
 Fotos





© by Abertal