Nesta última semana do primeiro trimestre do presente curso escolar 2007/2008 celebraranse dous concertos que inician dúas novas colaboracións con entidades da cidade herculina.
Nun primeiro caso trátase do Centro Asociado da UNED con motivo do XXV aniversario da localización do centro na cidade, co que se celebrará un concerto no salón de actos do propio centro o xoves 20 ás 20:30 horas. Nel intervirán dúas formacións camerísticas integradas por alumnas do Conservatorio Superior de Música da Coruña: un dúo de frauta e percusión con Aída López Sucunza e Mª Isabel Diego Calviño respectivamente e o Quinteto “Bagatela” integrado polas alumnas Patricia González Moreira, frauta, Isabel Pérez Reduello, óboe, Paula Bereijo López, clarinete, Aída Lozano Beceiro, trompa e Graciela López Varela, fagot.
O venres día 21 ás 13:30 o dúo de frauta e percusión repetirá intervención no Hall de ingreso ao emblemático edificio coruñés “Torre de Cristal” como inicio dunha colaboración que permita realizar actividades concertísticas das formacións do Aula de Música de Cámara do Conservatorio Superior de Música da Coruña nun ámbito diferente aos espazos habituais de concertos, con público e ambiente marcadamente diferentes.
Conciertos
Música de Cámara
UNED
Torre de Cristal
