|
|
|
|
| Adeus Blogoteca, Ola Blogger!! |
|
Cambiamos, por motivos varios, entre eles a posibilidade de ver vídeos dende o blog.
Este é o novo enderezo que a partir de hoxe é o que actualizaremos.
http://www.mostradeteatroafeccionadodocondado.blogspot.com/ |
|
|
|
|
| Baixamos o telón |
|
En realidade, como ben sabedes os que vos acercastes nalgunha ocasión ás Fraguiñas, non temos telón, pero outro ano máis, a Mostra bota o candado.
Pero non vos preocupedes, xa queda menos para a VIII edición!!!
Dende a organización o que queremos é agradecer fondamente a todos os que nos botaron unha man durante estes días, para recoller ou montar parte do material, comprando unha camiseta, asistindo ás sesións, difundindo e publicitando, a través do "boca a boca" a nosa actividades, aos periodistas que se acercaron e comentaron a Mostra, aos grupos por participar e divertirnos, a vós por asistir, ...
Estamos xa traballando na próxima, aínda que primeiro haxa que rematar de recoller o material.
Non desesperedes que o teatro continúa e Móstrate'09 está cerca!! |
|
|
|
|
| Fóra presión, comezamos |
|
Os últimos retoques sempre son máis dos que un pensa. E sempre ocupan máis tempo do que un desexa. Pero, ao fin, como estaba previsto, nunha noite fresca de máis para o tempo no que estamos, levantamos o telón. É unha frase feita porque nen telón hai...
O que si hai son ganas de teatro. Estaban onte á noite moitos amigos que xa viñeron nos anos anteriores, outra xente nova, nenos, maiores, ...máis de 350 persoas!!!
O grupo fantástico, diante e detrás. Xente con ganas de divertirse e divertir, que é o que máis importante e fan moi agradable todo.
E logo, no último acto, os pinchiños e os comentarios, coa entrega de recordos,...
Unha boa noite de teatro, que segue hoxe, mañá e pasado.
Deixa a tele e ven ao teatro!! |
|
|
|
|
| Hoxe comezamos e mañá seguimos... |
|
Hoxe levantamos o telón da VII Mostra, con teatro, con ganas de pasalo ben, con boas obras e fantásticos actores e actrices, ...
E mañá seguimos con máis teatro.
Todo, como sempre, ás 22:30h con entrada libre e gratuita.
Vémonos na Mostra! |
|
|
|
|
| E na Internet tamén está a Mostra |
|
 En moitas páxinas, pero, por exemplo, podedes atopar referencias en:
Vieiros.com: http://www.vieiros.com/nova/68003/ribadavia-si-teatro-afeccionado-tamen
Ou en teatroaficionado.blogspot.com
http://teatroaficionado.blogspot.com/2008/07/vii-muestra-de-teatro-aficionado-del.html |
|
|
|
|
| Mañá levantamos o telón |
|
O Grupo Tarantela, coa obra "Vostede ten ollos de muller fatal", será o encargado de levantar o telón da VII Mostra.
Ás 22:30h, nas Fraguiñas, en Fornelos, contamos contigo. Entrada, como sempre, libre e gratuita.
Tarantela Teatro naceu xa hai máis de cinco anos en Beade, Vigo, grazas á iniciativa dun grupo de mulleres que querían facer algo en conxunto, concluíndo no teatro, como alternativa ideal para desfrutar do tempo libre. Tarantela estreouse o 17 de Xuño de 2000, representando a obra Mórdeme, de Inma Souto. Continuando coa súa andaina, e baixo a dirección de Eva Vila, actual directora, estrearon dende entón outras obras, de autores como Carlos Casares, Blanco-Amor ou Castelao.
“Vostede ten ollos de muller fatal”, a obra que representarán na Carballeira das Fraguiñas, é de Enrique Jardiel Poncela e narra as vivencias dun “don Juan”, conquistador de mulleres ás que cambia de cando en cando, con inxeniosos diálogos e situacións divertidas. Unha oportunidade para desfrutar na butaca.
|
|
|
|
|
| Estamos a piques de comezar |
|
Queda moito menos, os últimos retoques para levantar o telón da VII Mostra.
Para chegar tedes un post anterior coas indicacións precisas (é sinxelo).
As últimas cuestións a ultimar e, entre elas, ti. Faltas ti e os que ti coñeces, para pasar unha noite agradable deste verán, que por fin parece que chegou.
Vémonos na Mostra! |
|
|
|
|
| Este é o cartel deste ano |
|
 |
|
|
|
|
| Quedan 6 días para levantar o telón |
|
 Aproxímase a data na que levantaremos o telón da VII Mostra de Teatro Afeccionado. Estamos cos últimos retoques, cos últimos asuntos que resolver, ...
Ide facendo sitio nas vosas axendas para asistir ao espectáculo teatral ao aire libre da Mostra deste ano, con espectáculos variados e interesantes.
Vémonos na Mostra! |
|
|
|
|
| Aquí está o cartel da Mostra deste ano |
|
Como anunciamos en datas pasadas, a VII Mostra de Teatro Afeccionado do Condado, Móstrate, celebrarase os próximos 23, 24, 25 e 26 de Xullo.
E este é o cartel:
MÉRCORES 23, ás 22:30h:
TARANTELA TEATRO, de Vigo, coa obra:
Vostede ten ollos de muller fatal
XOVES 24, ás 22:30h:
ATURUXO DE MELPÓMENE, de Narón, coa obra:
Cometa, cometa, ...
VENRES 25, ás 22:30h:
SAL-MONELA TEATRO, de A Coruña, coa obra:
A cea dos idiotas
SÁBADO 26, ás 22:30h:
AVRESNO TEATRO, de Moaña, coa obra:
Historias íntimas do paraíso
Fai un oco na túa axenda e reserva os días para o teatro afeccionado ao aire libre.
Vémonos na Mostra.
|
|
|
|
|
|
|
|
|
