O PAIS DE LÉS A LÉS.

Hai un aspecto local que vai un pouco fora do titulo deste artigo no blogue,trátase unha vez mais do tema recurrente e así será até que teña solución o internet en Morgadans.

Entregamos o redor de 1650 sinaturas perante a Xunta de Galicia,como plataforma Gondomar Fibra xá,tivo acollida no diario Atlantico, e no xornal Faro de Vigo.

No dia seguinte deste feito e da publicación nestes diarios,saíu no mesmo medio a compañía Movistar mediante un escrito,cuase publicitario,no que se lles enchía a boca,e semellaba que non tiñan padriño,gabandose así mesma e prometendo unha vez mais a cobertura de fibra en Morgadans e por extensión a 80 lugares de Gondomar.

Son exactamente as mesmas “desculpas” desde o ano 2015,co agravante que este que escribe sospeita fundadamente que a compañía tenta apañar as subvencions do ano 2017 que alá foron e as deste ano que xa foron convocadas,polas DISTINTAS administracions.
Quer dicir isto que ainda queda muito por facer.(Nota parte deste asunto e extensibel a compaía “R”,no caso que a Morgadans se refire.)

Tan grave ou mais e por moitas razons,a extensión por todo o país dos parques das ventoiñas,desde Morgadans até Viveiro.

Vulnerase sen ningún tipo de rubor mil e unha normas,e non so iso modificase pola Xunta,normativa pretérita,para facilitar a extensión dos parques.Con unha actuación totalmente parcial e cando menos sospeitosa,totalmente a favor da instalación destas estructuras por todo o país.

Non podemos deixar correr este asunto,os beneficios para Galiza son moedas,a perda en todolos campos, e, a hipoteca de futuro e incontabel.

31 de maio do ano pandémico 2021.