Esta iniciativa pretende incentivar o uso individual e colectivo do galego como lingua nosa, con dous actos:


TROCA DAS LAPIDES:

Descobriremos unha placa o pé do cemiterio,lembrando a os mortos que nos conservaron o idioma e chamando a os vivos para mantelo.




DECLARACION DE VONTADES:


Con un acta de presenza,aquela persoa que o desexe, declara naquelas mandas,perante a familia,amigos,parentes,coñecidos,institucións que quere ser lembrado como viviu-en galego-e deste xeito transmitir o seu patrimonio lingüístico e cultutal.

Acudide todos!!! (para asinar o acta tedes que levalo o DNI).

Sr.Xabarda o vexo a vostede extremadamente cabreado,nunca o vin tal!!!

Non equivocaste de cheio,so e que despois de barbearme puxen unha masaxe de acool e quedaronme moi soltos os músculos da face,e non me dan outro xeito.

Por certo Adrián ti non tes mellor cara.

Poisque veño do médico daí en Gondomar,e disque alguns van ter que pagar por receber as consultas e outras cousas.


Adrian, moi descamiñados non van,por exemplo ti sabes que en Portugal que está aquí a 11 Kms, xa pagan por toda a sanidade?....,grazas a un goberno socialista portugués dun tal Sócrates?,pois sí en canto a "Troika" dixolle que tiña que aforrar, ese "socialista" o primeiro que fixo foi tirar cartos da sanidade portuguesa.

Eles chamanlles TAXAS MODERADORAS,sabes por qué ? por se alguén que estea enfermo abusa do médico?????.

Que me dí Sr.Xabarda.

O que eescoitas Adrian.E mais voute decir canto teñen que pagar ata 31 de decembro do ano 2011.

Unha consulta nun hospital central custa 4,60 euros, cada vez que vas.
Unha consulta nun hospital distrital 3,10 euros,cada vez que vas aló.
Unha consulta nun centro de saúde custa 2,25 euros.
Unha urxencia hospitalar entre 9,60 euros .
Unha urxencia básica 8,60 euros.
Unha urxencia nun centro de saúde 3,80 euros.

Todo iso tendo seguro,agora ben se non o tiveres, ou estiver caducado, custa a consulta 30 euros, as mediciñas aparte pagalas tí.

E sabes mais, alén diso hai un sistema de penalizacions e multas,por si "abusas" da sanidade pública, e podente excluir de "beneficiarte" destas taxas por dous anos-(Como se pagar isto fora un beneficio).


Adrian pola cara que pós vexote peor que eu,e vexo tamén que ti de Portugal só coñeces a feira de Valença, e o frango grellado, non si?.


Pois meu amigo vou a informarte un pouco mais, ao tal Sócrates que era "socialista",chumbarono os portugueses, e sabes que fixeron poisque votaron "masivamente", por un governo "de dereitas", de un tal Passos Coello.

O Passos,que tamén dixo que tiña solucions máxicas para o país, ven de anunciar que seguindo a liña do seu antecesor, vai aumentar as TAXAS MODERADORAS, un 50% a partires do primeiro de xaneiro de 2012, e decir

Unha consulta nun hospital central custará 6,90, cada vez que vas.
Unha consulta nun hospital distrital custará 4,65, cada vez que vas. que vas aló.
Unha consulta nun centro de saúde custa 3,37 euros.
Unha urxencia hospitalar entre 14,40 euros .
Unha urxencia básica 12,90 euros.
Unha urxencia nuncentro de saúde 5,70 euros. e dos 30 euros pasará a 45 euros.

Como tí Adrian eres un rapaz moi intelixente,daraste conta, cantos dos habitantes de Morgadans poderían pagar iso se as taxas se puxeran acó e foran as mesmas???,tes dedos na man, e nos pés.

Tamén te darás conta que cando vais o médico co neno e con 43º de febre, o primeiro que te imos a ver e se levas os cartos no peto, e xa te vexo facento a cola para clarexar a túa situación persoal.

Imos ver cantos pensionistas de Morgadans deixarán de ir ao médico por non poder pagar estas taxas.

Mais o simpático do caso, e que a imposición destas taxas en Galicia, non comezou co goberno socialista,senón co actual do PP e sen tanto barullo.
Ti crees que o próuximo goberno que se vai a constituir para Galicia no próuximo mes de decembro do ano 2011,de un tal Rajoy vai a falar tamén do pago sanitario. BINGO!!!!!, e chamaranlle tamén CO-PAGO, xa se lles foi pola boca o nome, agora buscarase un pretexto, cousa que e moi fácil
e a funcionar e todos contentos.

E botar no lixo, anos e anos de loita polos dereitos mais elementais das persoas, como son o dereito a saúde, e todo porque o manda a "troika".
(Até agora eu sempre pensei que iso da Troika eran os tres cabalos que tiraban polos carros dos señores feudais rusos, pois vexo que nón.)

Amigo Adrian,a door de moa non e nada comparado co que nos ven enriba.E o pior do caso que haberá habitantes destes lares que "aplaudirán "tal medida,sabes porqué?,porque non loitaron por ela,porque atoparon todo feito.

Por certo ti que eres bo calculista, canto coidas que me costará a consulta da moa,se vou ao centro de Gondomar, Ramallosa ou Povisa, por isto???.

No pasado mes de setembro no día 23, celebrouse a Reunión ordinaria da Xunta Veciñal da Entidade Local Menor de Morgadans,que mentras a Señora Merkel e o FMI non digan outra cousa seguirá funcionando por obra e graza da inercia.

Pero a cousa non vai por ahí, o tema foi que ocurreuseme dar unha boleia polo cemiterio de Morgadans,vamos o de Gonda, Santiago, o de toda a vida, o veciñal, o público, o civil, o que está fora do recinto da iglesia,e facer una visita a os mortos, como fago caseque todos os domingos que podo,para ver se me falaban, e vaia se o fixeron!!!, ainda que ao final penso que era cousa de vivos o asunto.

Por se alguén non se molestou en facelo antes, percorrín detidamente as dúas partes do cimiterio,que para os que non o saiban, ainda sendo civil está dividido en DUAS partes, unha para católicos,apostólicos e romanos, e acolá outra para os “outros”, vamos os protestantes , os de sempre, os díscolos, os non católicos, os de toda a vida, que non van ao ceo, os que levan a contra.

Pois sí e certo segue ainda dividido!!!,sempre me fago a mesma promesa, en canto saia de aquí teño que falar con Pepe de Sara, para ver de arranxar o asunto, alguna vez o teño feito, mais a pelota está no seu tellado,mais penso de que desta vai.

A cousa en sí merecería que eu fixera outra tese de doutoramento,pero imos deixar iso para outro.

Curiosamente que tamén e discutible, non atopei a ninguén que tivera tamén o apodo, alcume, seudo nome ou como se quixera,isto e xa para nota,e moito menos un chamado epitafio,feito ou desexado polo difunto, ou posto polos sobrevivintes.

Do contido das lápides desboto o mais común “Recuerdo de tus hijos y esposa….”,en fin que desgraza.

Pobre Arsenio ou Elvira, que naceron galegos,viviron en Morgadans,falaron galego,casaron en galego, tiveron fillos en galego, e estes fixeronlle a pedra lápide nunha lingua que non van a entender-por acaso puxeronlles una foto,por se non se recoñecían-

A min isto da lingua sempre me chamou a atención,-^{maldicions aparte}-pola cousa divina,sempre me preguntei que lingua falaría Deus, e claro que si o Xesucristo era o seu fillo como se dí por ahí,este só falaba Arameu-e dicir galego daquél entón-polo tanto e ben pensar que Deus falaría tamén arameu.

Chegados a este ponto so nos queda pensar se Xesucristo falaba arameu,que seica sí, ou falaba latin, por iso que era a lingua “culta”,polo tanto Deus tamén falaría latin digo eu,mais o que parece claro e que o Xesus predicaba en arameu,non en latín.

Pero o asunto foi que morreu primeiro o fillo que o pai,pero si sabemos que o pai non puxo lápide alguna na tumba do fillo,só una pedra redonda,encarregoulla ao lapideiro un tal Xosé de Arimatea...

Os que si eran afeccioados a poñer epitafios eran os romans, por aquello de INRI, o digo.

Pois ben despois de todos estes circunloquios e medios rodeios,chego a trisitisima evidente conclusión, de que os galegos de Morgadans,non seguimos neste ponto ao pé da letra a descripción bíblica, “….E Deus creou ao home a súa imaxe e semellanza…”,porque ou ben falariamos arameu, ou si con iso da evolución teríamos que ensinarlles galego os nosos fillos, como fixo Deus co seu.


Neste ponto fago miñas as verbas de determinado e ilustre lingüista extranxeiro,notable,e listo donde os haxa, que decía que defender hoxe o galego, e un exercicio de pura ecoloxía lingüística,por certo que fala e escribe galego, mellor que moitos habitantes deste couto.

Agora ben facendo tamén miña una expresión do meu amigo Antonio Esteves, cando dí “Oh Xaime isso não me da jeito nenhum pá..”,quere decir que vai tomar una decisión que hai que aceptarlle senón isto non vai polo carreiro,pois a miña decisión vai ser intervencionista e cun resultado mais que dubidoso, vou a propor unha moción na próxima Xunta Veciñal, de que todas as lápides que vaian en galego, señan subvencioadas directamente ,con digamos 50 euros,para incentivar o seu uso,e previamente se faga a campaña de mentalización sobre o uso funerario do galego.

A miña pregunta é ..Que lingua e precisamente a que está en vías de extinción,polo suicidio lingüístico inducido…?.

Que lingua e a marxinada..?

Até a prouxima.
Xabarda
06 outubro 2011

Olá Laureano,Bon día ¡

Bon día Sr. Xabarda!, parece que ese carballo está duro para cair!.

Certo, mais non o vou a tirar sou vou coller unas ponlas,xa que penso que non hai problema que non se arregle cunhas boas vereas de carballo.

Sospeito polo seu ton ao falar Sr. Xabarda que me vai a comentar da corrupción en Gondomar.

De corrupción si! de Gondomar sí! pero non moi lonxe de ti,mira nas túas costas e verás que penso só na Entidade Local Menor de Morgadans.

Pouco mais te podo comentar que o que xa leiches nos panfletos do BNG, que están a correr estes días por toda a parroquia,levamos ano e medio sen un pleno da Xunta Veciñal na entidade,feito que foi xa denunciado en distintas ocasions públicamente.

Hai menos dun mes fixose una homenaxe a profesora que o merecía pola súa adicación a Morgadans, pero como muitos de vos dixestedes, ese homenaxe podíase ter feito hai un ano, agora ou dentro de otro ano,parece que o que se pretendía era celebrar o festin en campaña preelectoral.. pero eso sí para iso facía falla o voto do BNG, e o coñecemento de esta xente, non vaia a ser que acusaran a presidencia da entidade de tirar o diñeiro ou de xogar cos vellos e pensionistas ¡!!

Bon Sr.Xabarda non tan vellos estaban por alí, porque eu vino a vostede con alguna xente nova.Pois claro Laureano, e tomei un vaso de viño tinto da Comisión de Festas, porque considero xusto a homenaxe,pero non a manipulación das persoas.

Pero Laureano, ese e un tema menor,como ti sabes na Entidade Local, as derradeiras contas “aprobadas”, co meu voto en contra, FORON AS DO ANO 2006, e isto fixose no ano 2008, e decir dous anos despois,as contas a todos os efectos foron as Contas do Gran Capitán.

Der orzamentos nin falar do tema, o derradeiro presentado fixose no ano 2009,e era para estar vixente NO ANO 2008, isto non hai por donde collelo.

No ano 2009, non hai orzamento, no ano 2010, non hai orzamento, no ano 2011, agora neste momento xa tiña que estar aprobado para empezar a utilizarse o primeiro de xaneiro do ano 2011.

Vamos Sr. Xabarda quereme decir vostede, que non sabe canto gaña o Presidente Sr. Urbano, quereme decir vostede que non sabe canto gaña o Secretario,quereme decir vostede que non sabe cantos son os gastos da entidade, quereme decir vostede
que non sabe porqué se gastaron 6000 euros en fotocopias,quereme decir vostede porqué os montes están relados de piñeiros e eucaliptos, a tala-rasa, quereme decir vostede que non sabe canto pagan as canteiras estean legais ou non,e quereme decir vostede segundo leín na prensa anteonte que lle ocultaron a partida de 121000 euros do desgoberno dos tránsfugas do Concello de Gondomar, que foi librada o 10 de marzo do ano 2010.

Pois sí Laureano, e ainda te quedas corto, porque non se ven obras por ningures,non sabemos “oficialmente”, donde está a excavadora que se nos endosou pola Diputación no ano 2008-xa che falarei nalgún momento deste trapicheo con todo luxo de detalles”

Eu creolle Sr. Xabarda porque me consta que e vostede o home mais informado de todo Morgadans.

Si Laureano,pero non son eu o que debo dar as explicacions de todo esto,ti dixechesme mais de una vez que noutras etapas polo menos facianse lavadoiros para Morgadans, algo se veía,pero eu so neste momento queroche facer una pregunta, se ti estiveras no Concello de Gondomar, ¿darías un pataco a estes irresponsables?.

So te podo decir que por parte da fiscalía entendeuse doadamente o problema, o resultado veremolo dentro de catro anos, una vez que transcurran todos os recursos posibles.

Por certo Laureano, pensas que este vergallo de carballo chegará ou precisarase de outro maior.?

19 de outubro do ano 2010
CORRUPCION EN MORGADANSCORRUPCION EN MORGADANS !

Olá boa noite!

Boa noite Sr. Xabarda,así me contestaban,Xeraldo,Feliciano,Xosé León, e María,todos eles membros da xunta directiva da Asociación Cultural de Morgadans-que conste que o nomeamento e meramente locativo, xa que describo a os membros pola súa situación con respecto a mín e comezando pola esquerda, como levo facendo toda a vida,polo que calqueira connotación sexista estaría proscrita-.

Xosé León, foi mais explícito e co sorriso nos beizos meio incrédulo,e suspectivo, dixo “….quedaches de vir as nove e viñeches as nove e media……..”.Certo contesteilles,pero veño sensiblemente afectado,pola morte dunha amiga.

E sen que ninguén mo preguntara,excepto cas súas olladas, fitabanme,falei.

Pois sí finou Alexandra Koss,ilustre profesora da Universidade de San Petersburgo,entre outras cousas,e grande traductora literaria entre o ruso e diversos idiomas,e vivo exemplo de como as linguas son ligazóns e non rupturas.

Mais non e eso exactamente o que quero suliñar hoxe aquí convosco ,senón que Alexandra,falaba galego como calquera dos que estamos acó neste momento,era nela asemade un siño de identidade en Galicia.

Alexandra,respirou os aires da Serra do Galiñeiro-Caldeirón,da miña mán,e bebeu a auga curativa destas montañas de Morgadans,e quedou extasiada coas paisañes do solpor no Val Miñor, e tamén por que non quedou sorprendida coas xentes destes lares que ataban coas súas mans os bravos garañons,deu tamén a coñecer Morgadans na súa terra San Petersburgo,puxo a Morgadans no mapa por decilo dun xeito explícito e claro.

Creeu no idioma galego,aprendeuno con 60 anos,e falabao de cotío,cos seus alunos na Universidade de Vigo.namentras estivo connosco ensinandolles o idioma ruso.

Fixo distintas traduccions ruso galego e galego ruso,magnificando a nosa lingua-vamos igualiño que Feijoo,cortoume Maria-.

Cando a visitei na súa casa, o pasado vran,nun fermosísimo bairro Petrogradski en San Petersburgo,estaba amordazada por un derrame cerebral ,e en troco das froles que lle levamos, non me permitiu falar ruso e obsequioume con una breve conversa neste idioma galego que outros desprezan.

Era Alexandra Markovna Koss,(1933-2010)una persoa físicamente miúda,-o cal una vez mais demostra que a proxección persoal nada ten que vez co físico- e lembrome a primeira vez que nos coñecemos,hai xa dezasete anos ,expresábase nun perfecto portugués ,tal cal unha muller de Póvoa de Varzim, -como boa pribáltica-e que sintonizou perfectamente co portugués de Monçao,como o que escreve.

Salve Alexandra, e as miñas lembranzas de vida para ti e o noso amigo Andrei Rodowski,que de
seguro sentirá tamén a túa perda inmediata,é moita a débeda que temos contigo os galegos e ben pouco o que te recoñecemos.

Sr.Xabarda,cree vostede que en Morgadans entenderán do que está falando.?

Tranquilo Xeraldo,depende donde caia a semente,pero de corrupción,xa falaremos outro día a partires do 31 de maio ¡¡¡¡.

Pois efectivamente Xabarda ,o adiamento estaba mais que xustificado!!!

Morgadans-24-05-2010

¡A CULTURA MUDOU ¡ ¿ESCOLAS ou CENTROS CULTURAIS?

No mes outubro do ano 2008,pleno do día 25 , tomouse unha decisión curiosa,desafectar a Escola de Prado e convertila nun Centro Cultural.

¡…..UNHA TABERNA MAIS…..!.

Bon eu non digo iso, só quero indicar que o troco e moi dubidoso.

Até ese momento e por decisión dos nosos antergos,eso foi o que foi sempre a escola unitaria chamada tamén Centro Rural Agrupado,pero no curso escolar que andamos non se xuntou o número mínimo de nenos para mantela aberta, xa que a Consellería de Educación pede un número mínimo de nenos, cinco ,para ser rendibel.
¡Agora me entero que a educación ten que ser rendibel económicamente ¡ pero continue siga ¡.
Pois o dito non vin a ninguén facer unha manifestación ou convocar a os veciños para que tal escola non se pechara,deron por feito que tal escola había que pechala, a pesares de que o asunto xa se sabía moito atrais..

Eso sí o Oráculo local foi correndo a intenta mobilizar a os pais para que o Concello pagara o táxi, e ,os meniños que quedaban, baixaran as escolas de abaixo, como así o fan todos os días,o certo foi que o Arauxo, efectivamente paga o taxi como non podería ser menos e os meniños son recollidos e levados.

O Oráculo local foi decindo despois que houbo que presionar ao concello para que pagaran o taxi, que senón en todo caso a Entidade os pagaría pero eles non se quedaban sen transporte ¡¡¡!!!.

Pois cada vez entendo menos.

O asunto foi que no pleno en cuestión, aprobou a proposta,coa oposición frontal neste ponto do Vogal do BNG,que dixo que debía manterse para usos educativos, en concreto a Escola de Canteiría,como unha escola de emprego.

Que quere decir con Escola de Canteiría,pois moi simple, primeiro, que a escola este ano non ten nenos pero non quere decir que o próuximo ano non os teña, co cal pódese retomar o uso inicial e polo tanto seguir apostando polo uso continuado para este fin,a escola e de uso diario, e resulta moi difícil o montalas cando non has hai.

Pero e que ademais,incluso pensando que os meniños non foran consumidores da escola porque non os hai, si poderíamos facer que os xóves,en idade laboral, foran consumidores de cultura profesionalizante e vencellada e integrada ao entorno.
¿Sabias que hai Concellos, repito concellos, con menos tradición e vinculación a pedra que Morgadans e en concreto Prado?, e que dispoñen das súas Escolas de Canteiría,que son escolas subvencionadas,totalmente gratuitas,profesionais, permanentes,e que permiten a inserción laboral dos que estudan nelas, e por outro lado sería un medio de facer colaborar as empresas de canteiría neste proxecto-dignificalas socialmente un pouco-, que de momento o único que fan e quitar pedra.

Pías nada machiño. ¡ Non colleron nada disto ¡ , a escola vai como vai e o centro cultural imolo ver.

¡Ah!. Vexo que vostede non quere falar da política de “centros culturais en Morgadans”, xa vexo vostede e dos que pensa que hai moitos ,de que se fomenta a división tradicional entre os de arriba ,Vilas e Prado e os de abaixo San Roque e Gonda e de que con un só sobraba.
Bon iso dilo ti ,pero moi descamiñado non andas.

Mira pensa niso, unha das funcions precisamente das escolas son eso, PRESTAR SERVIZOS EXTERNALIZADOS a comunidade, para charlas, reunions,exposicións,eventos, e calquer actividade cívica ou política, que se tercie entre elas as culturais, señan eventuais ou semi-permanentes,pero,pero,pero, o contrario e MOI difícil, porque un centro cultural, salvo nun momento puntual NON se pode convertir en escola, porque a normativa ten unhas eisixencias MOITO maiores para os centros educativos, ¡pilláchelo!.

A propósito vou a contarche unha cousa,sabes que a Diputación deu 2500 euros para o “premio anual de poesía Victoriano Taibo”, sí ,pois SI.

Pero entón teño que preguntarlle unha cousa,se o tal premio xa estaba pagado pola Entidade, ¿Qué vai a facer a entidade con esos 2500 euros?.

Boa pregunta Luis vexo que vas aprendendo lixeiriño,iso deixámolo para o seguinte artigo, non perdas conta.

Bon ,o tema e ir metendo patacas quentes por donde se poida,porque si ven había un acordo do Concello, na etapa de Carlos Silva para facer un centro Cultural en Prado,cando todo era verde para o PP,o certo é que nin estaba orzamentado nen había diñeiro para elo, e ademais con Gondomar sen plan urbanístico, vai quedar todo como unha bolerca,pero estes aprendices de meigos tiran para adiante a routadas.

Veremolo mais adiante cando todo esto nos pase factura.

¡Non polo que lle vexo a vostede na cara ,dame o fío do lombo que seguramente alguén anda apañando que lles poñan o seus nomes como promotores ao centro cultural.!

Hola Pepe, ¿ como che vai?.¿Viches a expo da asociación cultural de San Roque,menudo exitazo ?.

Bon día Xabarda,ven tirando como sempre,pois sí non a perdín, desde logo.

Atopabame eu matinando sobre como situar a Morgadans no mapa,pero penso que xa non vai facer falla,porque con esto da autopista-Integra, xa hai outros que o puxeron antes, e sobre todo como alvo de non sei que intereses,¡menuda desfeita!.Pero aguarda que ahí ven o Sr.Lugilde o da Entidade Local e co Xosé Manuel e os de Gonda, no lo van decir nun minuto.

Pois veredes a cousa e moi simple,vannos a decorar o Balcon do Val Miñor.

Achegaronnos toda a documentación da autopista que vai desde Vilaza até Couso,co ramal de Gondomar que remata en San Benito, e a nós cóllenos ahí por baixo en Xende,vamos que nos secesiona Xende de plano.Chamanlle o Vigo-Integra ¡¡¡¡¡!!!!!.

O simpático do caso non e eso,senón que con esa autopista poderemos ir a Couso, a Gondomar, a Chaín,a Peitieros,e a calquer lugar do Val Miñor, todo nun tiro de pedra,van por entradas e saídas cada 25 metros,terá ademais dous carrís bicis en cada sentido,e dous paseios de a pé para aqueles que queiran contemplar a fermosa paisaxe ,levará ademais a cada beira unha área forestal a base de carballo do pais, con salgueiros na parte baixa do recheo mais húmida,din ademais que as expropiacions para non meterse en líos xa non van ser como antes:primeiro non vai coller nen unha soia vivenda, xa todo está pensado, acordouse ademais que os prezos señan xustos e para non entrar en discusión, se pagarán todos monte e prado, como se foran metro cadrado urbán,vamos rigoroso valor de mercado.

Por outra banda preveendo o crecimento harmónico de Gondomar e en particular de Morgadans, xa van deixar unha parte específica na marxe esquerda da autopista para o futuro metro Vigo-Morgadans,pensando por suposto en todalas dificultades de transporte no futuro.

Por suposto como isto podería alterar algo o sistema de subministro de augas e demais, vai haber unha partida especial para renovar totalmente e gratuítamente todalas traídas de augas por donde pasa.

Alén diso se por un acaso a autovía chegara a ser de pagamento como a outra do Val Miñor, ¡a da beira de enfrente !,-que foi unha bendición para todos nós-, xa se pensou que esta nova seña absolutamente gratis para todolos veciños de Morgadans en particular.
¡Tocounos a lotaría mozos !
Bon está a vista que o tedes claro,vexo que se nos abre un período nada curto, de liortas ,regueifas e mais batallas, para evitar que unha vez mais mexen por nós sea quen sea.
Eu vou decir unha cousa ,así como fixeron os do BNG hai uns días na escola de Guillufe co alcalde Arauxo a cabeza,mañan 29 de xullo hai una reunión de todolos afectados dunha punta a outra ,en Gondomarno auditorio, para monta-la plataforma pola defensa dos lexitimos intereses de todos e contra a autovía,imonos ver aló e que non falte ninguén.

AUTOVIA ¡ NON GRAZAS!

Morgadans,xullo,2008.

Viña eu matinando sobre un acto cultural de Morgadans en activo, recente, o certame Victoriano Taibo,que foi esponsorizado pola Entidade Local de Morgadans cando me atopei con Margarita e decíame : Xabarda ¿Sabias que as memorias individuais son esenciais para a conformación da nosa identidade,como indiviuduos,pero cando parte de esas memorias foron rexistradas a traveso da fotografía tamén axudan a comparar a nosa situación actual coa do feito reflectido?,eu perante esa afirmación filosófica tan fonda quedei abraiado.

Dixen ¡Sigue ,sigue Margarita que te escoito!.

Pois nada xabarda que ,alén diso si todas esas memorias individuais son recollidas e simplesmente expostas a terceiros xa nos dan un criterio moi colectivo dun pobo, dunha localización xeográfica,de unha socioloxía determinada e mais outras perspectivas desde logo irrefutaveis.

Por estas ideas e moitas mais ese fato de homes e mulleres da Asociación Cultural San Roque de Morgadans tivo a acertadísima idea de poñer en valor todo ese feixe gráfico en forma de fotos, de distintas persoas e familias de Morgadans que o aportaron.

Por elo organizan para todos nós unha exposta pública de todo este material recollido,organizado, e sobre todo de alto impacto visual,porque o que conteñen só cada quen o sabe,esta posta visual terá lugar entre os días 12,13,19, e 20 de xullo nos locais da Asociación no Adro de San Roque,cun horario moi escollido para que ninguén poida faltar a este acontecemento.

¡Ah moi ben ! xa me enterei do asunto,hai unha exposición fotográfica en Morgadans para o mes de xullo,pois perfecto alí me terás coma un mais.

Todos nos estamos seguros que imonos sentir identificados ainda que a foto non seña nosa,porque sempre hai un pouco de nós en cada imáxe-quen queira ver que vexa-.

¿Sabedes cal e para nos a diferencia desta manifestación etnográfica con respecto de outras? moi simples, ninguén de nós lembrase de nada ou moi pouco da música que se tocou ou baillou o ano pasado,pero estou seguro de que ninguén vai a quedar indiferente desta mostra fotográfica, na que TODOS somos suxeitos dela, ¡así era Morgadans !. ¡que acerto con esta mostra!,os nosos apoios por apostar tan claramente polas persoas.Ide pensando en recoller nun libro ou nun video no só estas fotos senón o novo material videográfico que vai a sair a de ser posible as innumerabeis e verdadeiras historias que alí hai.

17 DE MAIO DIA DAS LETRAS GALEGAS EN MORGADANS.


Xa dixemos que o blogue era para dar unha visión dos aconteceres de Morgadans.

Morgadans ainda que noutros aspectos puidera parecer o contrario está conectada ao mundo,-eu sempre digo o mesmo para min o orden de importancia xeográfica é Morgadans,Paris,Washington,por esa orden non movo nen un só ponto-.

Pois ben como toda a galeguidade, o primeiro acontecer que nos salta a vista con todo isto e que,hoxe 17 de maio do ano 2008 no día das Letras Galegas,é entre outras cousas o nome,Morgadans;e moi rico en nomes,semella que fora bautizado por distintos padres,daquela os distintos apelativos.

Morgadans, e as putativas de , ”Morghadans”,Morghadanes e Morgadanes segundo cae,por certo con certo uso, a distintos níveis.

Si así de claro, non vaiamos moi lonxe de esas cousas,pois se collemos o carimbo da Entidade Local Menor,podemos ver a diglosía nestes nomes. (Ollo Xabarda non te metas hoxe nese terreo,pois calquera lles dí que hai que tirar ao lixo o carimbo e mandar facer un novo co nome correcto “Morgadans”,¡ que 10 euros mellor invertidos ¡).

Se ollamos para alguns carteis das comisions de festas pegadas polos paus da lus,e nos lugares de costume, e das paradas do bus,escritos oficiais etc. vemos que escapaselles o putativo a mínima de cambio.

O certo e que desde o Decreto 299/1997, de 23 de octubre, polo que se dispoñen os nomes oficiais das parroquias pertenecientes ao Concello de Gondomar,a cousa parece claro,Morgadans.

¡Que iluso eres Xabarda! Pero se as normas están para non se cumplir home incluso as do galego.

Bon que polo menos hoxe seña para lembrarnos a todos o moito que hai que facer ainda, e sobre todo o valeiro de contido que está ainda o dereito colectivo dos galegos fronte a unha suposta "libertade" de elexir as linguas.

No aspecto literario isto para reflexionar,leino hai só 38 anos e non se me esqueceu.

A VOLTAS COS PLENOS DE MORGADANS

Semella que está todo de pernas no ar,porque antes non se escoitaba ren e agora en dous días vai todo pola volta.

Este día atopeime con Ramón e decíame ¿ oes Xabarda? acabome de atopar co Sr. Lugilde o do Bloque na Entidade Local Menor, ía a mercalo períodico ao kioske, ¡menudo rebote levaba! , ¿e logo Ramón ?,poisque estos do PP andan a chulear os plenos na Entidade,pois si algo leín la prensa ese outro día.

Dixome unha chea de cousas que de ser certas non van a rematar ben. ¡Solta Ramón ¡ .

No pleno ordinario do mes de novembro/07 fixouse o calendario de celebración dos Plenos da entidade, e quedaron fixados ,cada dous meses no derradeiro venres de cada mes, e si este for festa o día anterior., ata aquí todo ben.Xa falaremos noutra ocasión do tema do contido deses plenos porque non teñen desperdicio.

O 28 de marzo venres tocaba pleno ordinario para tratar os asuntos que procederan, e ademais catro mocions do Bloque de maisimo interese para os veciños que xa foran presentadas en xaneiro,pois nada de nada non houbo pleno, aló non apareceu ninguén,nen tamppouco a seguinte, despois houbo unha convocatoria con tres dias de adianto, e no día seguinte foi desconvocada polo PP, a convocatoria seica non traía as mocions do Bloque, eso si metía outras cousas que non teñen desperdicio como a tala rasa dos pinos e eucaliptos Monte Galiñeiro !!! en fin que che vou decir, que ata hoxe non hai pleno nen convocatoria.

Por certo Ramón ¿que é o que dis que tiñan esas catro mocions do Bloque? Pois contoche que dende a constitución formal de esta ELM de Morgadans,con data 02 de outubro do ano 2007,non foi tratado en ningún momento o orzamento correspondente,tanto o pasado do 2007-dación de contas-como o novo 2008.

Nembargantes en termos concretos si se trataron aspectos moi parciales aillados pero con certa entidade económica,que figuran recollidos nas actas tal cal son o arqueo de toma de posesión por valor de 144.695,55 euros,e,o pagamento de tres facturas a, que viñan da Xunta Veciñal anterior, e que foron tramitadas como extraordinarias.
-Pepe excavacions , por valor de 13.838,62 euros.
-Manolo,SL por 4351,72 euros
-Concretos SL,por 4453,01 euros,que viñan da Xunta Veciñal anterior, e que foron tramitadas como extraordinarias!!!!!!.

De seguir nesta liña e obvio que estas actuacions despertan todo tipo de sospeitas diante dos veciños motivadas pola evidente falla de transparencia no manexo dos fondos públicos que TODOS estamos obrigados a respectar e administrar.

Asemade unha correcta levanza das contabilidades públicas e dos libros obrigatorios son un camiño inexcusable,por demais e en particular o LIBRO DE PATRIMONIO de esta entidade que recolla con toda claridade transparencia,e no seu orden temporal,todo tipo de propiedades públicas da Entidade Local Menor de Morgadans,explicitando con sumo detalle, todo tipo de cesións a particulares,polo motivo que seña, as servidumes que comportan, o precio ou canon que proceda,a súa duración, e demais elementos relevantes que permitan en TODO MOMENTO sen recurrir a memoria de particulares mais oiu menos interesadas, o estado das propiedades da ELM de Morgadans.

Decío o do Bloque ¡Vaia por diante que nunca vai ter a nosa aprobación e anuencia calquer tipo de cesión,que non esté baseada nestes presupostos. ¡

Por tanto se pide de este pleno da ELMM :

1ºQue se presente con carácter inmediato o ORZAMENTO do ano 2008, que habremos de entender que sería o do 2007 prorrogado ao non ter sido debatido o do ano 2008.Co detalle que proceda.

2ªA preparación inmediata das contas públicas da ELM de Morgadans, para ser cando menos examinadas no seguinte pleno da entidade,dado que esas contas haberán de ser presentadas antes do 31 de xullo do ano 2008, para a ^{súa presentación} ao organismo fiscalizador.

3ªA exposición pública para todos os veciños nos lugares de costume-cando menos-no taboleiro de edictos da entidade de estas contas para XERAL COÑECIMENTO.

Fundamentaba a moción do Bloque,no interese xeral de todos os veciños de Morgadans.-20 xaneiro 2008-

¡Ordía Ramón deixasme de pedra, entón estos ^ghebos traballan como a tenda da Lola !.

Mira a min con isto chégame xa pois se escoito o outro xa non durmo.

Non parece de recibo para ningún veciño,que se calquer comunidade por moi pequena que seña ten o seu sistema de contas e presupostos donde explican, como ingresan ou gastan catro pesos que teñen ao ano, como esta Entidade Local non ten orzamentos.
Pensando en alto deberían aparecer con toda claridade os ingresos da entidade,das canteiras,quen paga, canto se recolle, da venda dos eucaliptos, dos piñeiros, donde se corta como se corta, canto se cobra por elo quen e de que maneira o pagou, canto foi en facturas, para que , de qué cando, canto se gastou en coches, en comunicacions , en dietas, para que foron esas dietas, menos mal que non hai empregados e que ahí non hai gasto ningún,que desfeita.
O que está claro e que non había interese algún en facer os orzamentos nos plenos anteriores,os orzamentos hai que facelos por anos naturais,antes de que remate o ano,co que haxa.Nembargantes trataronse outros asuntos ocultando aspectos de altísimo contido económico e de grave perxuizo para a facenda pública da entidade,supoño que haberá que ver todo iso con moita calma,se e que as cousas non mudan,e esta xente non cambia o paso.

Estou matinando que mais de ún vai poñer catro “mojons” no monte e dicir que el dél, pois que como o monte está daquela maneira e non hai Libro de Patrimonio,a cousa xa está.

Menos mal que disto so sabemos Ramón e mais eu non sabe ninguen que son só os meus pensamentos.

¿Qué me contará o Ramón o proúximo día ? isto e o bo que ten Ramón que se queres manter un secreto non tes mais que decirllo.
abril 2008

1 [2]