MÓLLATE COA LINGUA


Cantas cousas podes facer coa túa lingua? Seguro que máis das que pensas.
Móllate coa lingua é o blog do Equipo de Normalización e Dinamización Lingüísticas do CPI Terras de Maside (Maside, Ourense).

Quen somos?
mollatecoalingua@gmail.com
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

Alba María
Alba María fala de Carmiñas, Carolinas e Penélopes nesta música que escolleu Arlet. A música aparece no disco Aínda, gravado en 2015 e é froito de a autora ter gaño o I Certame de Canción de Autor en Galego do concello de Teo.

Aquí tedes unha ficha coa letra e un dos vídeos no que aparece esta música.
Podedes consultar a seguinte ligazón sobre a autora e tamén vos recomendamos ver (se non fixestes xa) o programa dedicado á Carolina de No bico un cantar.





Comentarios (0) - Categoría: Músicas para entrarmos - Publicado o 26-02-2016 14:40
# Ligazón permanente a este artigo
Mobiliza Rosalía
As que queren adeprender a puntear.
As que bota fóra o mar.
As que cantar, cantaron.
As que se perden nos camiños brancos.
Aquelas que ao lado se sentan das vítimas.
As que van por leña ao monte
e soias a ven arder no lar.
As que cantan, tecen, camiñan.
As que berran tolería!

Polas meniñas gaiteiras
e as costureiriñas
e as que pegan na fouce,
tranquilas, esperando
pola alba do día.

E sempre, sempre
pola lingua que eu falo.


24 de febreiro de 2016
Día de Rosalía de Castro

Debuxo de Íker González de Freitas
1º de Educación Primaria
Comentarios (0) - Categoría: Rosalía - Publicado o 24-02-2016 16:15
# Ligazón permanente a este artigo
Sempre entre nós
Na súa recente despedida do CPI de Maside, o compañeiro Villanueva regalounos as verbas que figuran a continuación. Dende o ENDL, vaian para el o maior dos agradecementos -polos aloumiños á lingua, polo sentimento sincero- e os mellores desexos para a etapa que agora comeza.


Un azar de encrucilladas achegoume a este Outeiro.
E descubrín unha infinda paisaxe de amizades compartidas.


GRAZAS...


... por todos estes anos
nos que compartimos soños;
polas vivencias, polos recordos;
grazas polas lembranzas,
polos sorrisos cómplices,
pola complicidade das miradas.

Grazas...
... pola forza das palabras;
das fermosas, das que engaiolan,
das que constrúen pontes de entendemento;
grazas tamén polas que firen e magoan,
cando impiden que se ergan os muros
do silencio.

Grazas...
... por achegar confidencias,
por abandonar as coirazas
que constrinxen e atafegan;
grazas por liberar emocións
na humidade morna das bágoas,
nos latexos do corazón.

Grazas...
... por amosar sempre o norte,
por evitar os naufraxios nesta singradura;
grazas polo apoio, polo afecto,
e mesmo polas disputas;
por abrir sempre camiños,
por non pechar as portas grazas,
grazas por ser...

... AMIGOS


En xaneiro de 2016, iniciando un itinerario de ausencias, pero prometendo que a distancia non será nunca morada do esquecemento.

Con agarimo,
Manuel Vázquez Villanueva
Comentarios (1) - Categoría: Xeral - Publicado o 01-02-2016 23:15
# Ligazón permanente a este artigo
© by Abertal












O contido desta páxina precisa unha versión máis recente de Adobe Flash Player.


Obter Adobe Flash Player