MÓLLATE COA LINGUA


Cantas cousas podes facer coa túa lingua? Seguro que máis das que pensas.
Móllate coa lingua é o blog do Equipo de Normalización e Dinamización Lingüísticas do CPI Terras de Maside (Maside, Ourense).

Quen somos?
mollatecoalingua@gmail.com
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

Querem música?

Querem música?

Há. A miles. Miles de músicas.

Tantas tantas músicas que nem uma vida chegaria para as ouvir todas.

Para arrolar, dançar, berrar, para enviar a quem amamos, para bater no chão com raiva, para apertar-nos o coração, para beijar, para redimir-nos. Para dizer chega, chega, chega...

De música horrível, de letras de machoman, de canções de amor sem verdade.

Há tantas músicas galegas que passamos na escola cada dia, que se decidem ficar com o horrível já nom é com nós. A sério.

As dúas primeiras acabam de saír.
As outras tardei tres minutos em lembrá-las.

Seria impossível lembrar todas as músicas galegas que cantaruxamos algúm dia. Ou as que Arlet colocou um dia e agora coloca Daniela. Seria impossível. Porque nunca caberiam na entrada dum blogue. Nem num blogue inteiro.








LIBREMENTE - Labregos do tempo dos sputniks from Lucía Mallo on Vimeo.






Comentarios (1) - Categoría: Música - Publicado o 14-11-2016 01:04
# Ligazón permanente a este artigo
RAP DO MAGOSTO
Esta semana unha das músicas para entrarmos é do Rap do Magosto, que está no disco de Paco Nogueiras Nodar, Brincavai

Aquí tedes a letra e máis abaixo o vídeo.

Rap do Magosto- Brinca Vai! Paco Nogueiras

Castaña, castaña, do chan se apaña,
Metida no ourizo non é una “patraña”.
Magosto, magosto, non vaias co posto
Lava castañas e alegra ese corpo.

Coidado cos dedos, pódeste picar,
O castiñeiro protexe o seu froito vital.
Apañando con tino metendo nun cesto,
Deixando secar a castaña ao solleiro.


Despois de ben secas, mételle o dente,
Ponas ao lume para que estean ben quentes.
Despois dun tempiño están preparadas
Comemos castañas, castañas asadas.


Tamén é costume furar a tixola
Para asar as castañas. A tixola mola!
Hai outros que queren facelas cocidas,
Fiúncho e cachelos, castañas fervidas.


Non hai desperdicio, non perdas o tempo,
Tan só hai que poñer en bo uso o peteiro.
Deixádeme agora que convide eu.
Castañas, castañas, non sexas baldreu!

(Retrouso)


Comentarios (0) - Categoría: Músicas para entrarmos - Publicado o 08-11-2016 23:11
# Ligazón permanente a este artigo
Outono 2016

CAMIÑADA OUTONO 2016

O ENDL do CPI Terras de Maside organiza unha camiñada para o día 5 de novembro (sábado). A andaina, duns once km, ten o seguinte percorrido circular:
O Campo da Cruz - O Marco - Varille (cruceiro e miliario)- Partovia (reitoral)- Corval - Sona (aldea abandonada)- Porto de Eguas - O Marco - O Campo da Cruz (igrexa de Santa María de Grixoa e peto de ánimas).
O noso itinerario, que discorre por parte do Camiño dos Arrieiros, levaranos por determinados puntos de interese cultural (ver arriba) e paisaxístico.

Pódese consultar a ruta na seguinte ligazón de Wikiloc:
Preme aquí para acceder á ligazón.

RECOMENDACIÓNS
-É importante levar roupa cómoda e calzado axeitado para terreos de firme irregular e con posible presenza de auga.
-Unha parte da ruta discorre por camiños non asfaltados (sendas, corredoiras...), unhas veces limpos e outras, máis ou menos pechados pola vexetación. Prégase que os/as nenos/as de menor idade vaian acompañados/as dun adulto.
-A ruta ten pendentes dun certo grao de dificultade e, aproximadamente, catro horas de duración. Pregamos consulten o trazado na ligazón de wikiloc.

HORARIO
Sairemos ás 9:30 h da Alameda de Maside. Desde alí iremos en coches particulares ata o Campo da Cruz (Grixoa), onde iniciaremos o percorrido a pé. Regresaremos para a hora do xantar ao Campo da Cruz; haberá auga, empanada e froita para aquelas persoas que queiran quedar a comer.

COMO INSCRIBIRSE?
Están convidadas/os alumnado, familias, profesorado, membros da comunidade escolar e antigos alumnado e profesorado. Para apuntarse é necesario entregar no centro este impreso cuberto ou enviar un correo a mollatecoalingua@gmail.com, facendo constar os mesmos datos que aquí se especifican. A data límite, para calquera das dúas opcións, é o venres día 4 de novembro.
Os/as menores de idade que acudan á camiñada sen os seus pais / titores legais precisan autorización previa destes, o modelo da cal se facilita ao alumnado no colexio.



(Cortar e entregar no centro)
-----------------------------------------------

— Nome do alumno/a, profesor/a, etc.:
— Curso (no caso do alumnado):
— N.º de acompañantes:
— Dispoñen de coche?
— Quedan a comer?
— N.º de teléfono (é importante para poder poñernos en contacto se se producise algún cambio na actividade):
Comentarios (0) - Categoría: Camiñadas - Publicado o 02-11-2016 08:39
# Ligazón permanente a este artigo
© by Abertal












O contido desta páxina precisa unha versión máis recente de Adobe Flash Player.


Obter Adobe Flash Player