MÓLLATE COA LINGUA


Cantas cousas podes facer coa túa lingua? Seguro que máis das que pensas.
Móllate coa lingua é o blog do Equipo de Normalización e Dinamización Lingüísticas do CPI Terras de Maside (Maside, Ourense).

Quen somos?
mollatecoalingua@gmail.com
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

10 anos da marea negra
O día 13 de novembro de hai 10 anos o Prestige afundíase na costa galega.Comezaba un dos episodios máis negros da nosa historia.
E queremos recordalo. Ou aprendelo.
Colocamos no centro unha exposición de fotografías que Xulio López Fernández tirou nesa altura. Visitarémola e traballaremos con ela ata decembro.
Pero hoxe queriamos pararnos un pouquiño.
O alumnado de 3º Secundaria lerá algún texto e poderemos ver este vídeo, elaborado tamén con fotos de Xulio, algunhas xa recollidas na exposición.
A voz do vídeo púxoa o alumnado de 4º da ESO, que nos conta unha historia escrita por Concha López Fernández, mestra do centro.
A música é de Luar na Lubre.

O alumnado de Primaria tamén terá os seus vídeos e historias.

Non podiamos deixar de parar un pouquiño o 13 de novembro.

Beatriz Fernández

Comentarios (5) - Categoría: Prestige - Publicado o 13-11-2012 01:28
# Ligazón permanente a este artigo
O ALUMNADO E AS FOLGAS
Parécenos interesante recoller algunhas informacións para o alumnado sobre o seu dereito de secundar unha folga.
Reproducimos literalmente algún fragmento do que aparece na páxina da Liga Estudantil:

Se son estudante…


O dereito de folga do alumnado está garantido polo artigo 8 da Lei 8/1985 do 3 de xullo, reguladora do Dereito á Educación que condiciona o dereito só ao cumprimento de tres requisitos:

1.- Que a convocatoria da folga sexa resultado do exercicio do dereito de reunión

2.- Que exista unha comunicación previa á Dirección do centro educativo.

3.- Que o alumnado curse 3º da ESO ou curso superior

Segundo o artigo 8 da Lei 8/1985 do 3 de xullo :

[...] Ao fin de estimular o exercicio efectivo da participación dos alumnos nos centros educativos e facilitar o seu dereito de reunión, os centros educativos establecerán, ao elaborar as súas normas de organización e funcionamiento , as condicións nas que os seus alumnos poden exercer este dereito. […] as decisións colectivas que adopten os alumnos, a partir do terceiro curso da educación secundaria obligatoria, con respecto á asistencia a clase non terán a consideración de faltas de conducta ni serán obxecto de sanción, cando estas fosen resultado do exercicio do dereito de reunión e sexan comunicadas previamente á dirección do centro.

Complétase co artigo 28 do RD 732/1995, do 5 de maio, polo que se establecen os dereitos e deberes dos alumnos e as normas de convivencia nos centros:

1. [...] os alumnos poderán reunirse nos seus centros docentes para actividades de carácter escolar ou extraescolar [...] ás que poda atribuírselle unha finalidade educativa ou formativa.

2. Os Directores dos centros garantizarán o exercizo do dereito de reunión dos alumnos dentro do horario do centro. Os Regulamentos de réxime interior dos centros establecerán o horario que se reserve ao exercicio deste dereito. […]

Se queres ler o texto completo, podes acceder desde esta ligazón
Comentarios (2) - Categoría: Alumnos/as - Publicado o 12-11-2012 19:53
# Ligazón permanente a este artigo
Novembro 2012
Xa saíu o número 2 de Ollos de Aula, a revista que edita a Coordinadora Galega de ENDL.
Nestas páxinas atoparedes algunhas reflexións sobre a LOMCE (Lei Orgánica da Mellora da Calidade Educativa), as entrevistas das familias coas titoras ou titores e as recomendacións de Gracia Santorum para ler, oír ou facer neste mes do Magosto. Podedes encontrar moitas máis recomendacións no seu blogue, trafegandoronseis
As familias que así o solicitaron recibirán nesta semana unha copia impresa da revista.

Comentarios (0) - Categoría: Ollos de Aula - Publicado o 12-11-2012 19:42
# Ligazón permanente a este artigo
CAMIÑADA GARABÁS

O ENDL do CPI Terras de Maside organiza unha camiñada por Garabás o día 17 de novembro (sábado). A andaina, duns doce/trece km, é circular e ten o seguinte percorrido:

Faquín (campo de San Pantaleón)- O Bolo- Fontaíñas- Mundín- Faquín.

Na nosa ruta aproveitaremos para visitar o petróglifo do Bolo, un dos máis importantes de toda a provincia, e a torre medieval de Mundín, unha das escasas mostras de Románico civil da comarca, así como para percorrer parte do camiño medieval que une Sobreira co Bolo.
Pódese ver información sobre a torre de Mundín e o petróglifo do Bolo na páxina do concello de Maside. Tes que picar nesta ligazón e desde alí accedes ás correspondentes fichas.

Pódese consultar a ruta na seguinte ligazón de wikiloc


QUE LEVAR?

É moi importante levar roupa e calzado impermeables, xa que a maior parte da ruta discorre por camiños de terra que, nesta altura do ano, están enlamados.

HORARIO

Sairemos ás 10 e media da Alameda de Maside. Desde alí iremos en coche ata o campo da festa de Faquín, onde iniciaremos o percorrido a pé. Regresaremos sobre as dúas e media ao campo da festa de Faquín. Alí haberá auga, froita e empanada para aquelas persoas que queiran quedar a comer.

COMO APUNTARSE?

Están convidados alumnado, familias, profesorado, membros da comunidade escolar e antigo alumnado. Para apuntarse é necesario entregar no centro este papel cuberto o martes, día 13 de novembro.
Tamén se pode enviar un correo a mollatecoalingua@gmail.com antes do xoves, día 15 de novembro, cos seguintes datos:



Nome do alumno/a:
Curso:
Nº de acompañantes
Especificar o lugar de que se sae:
Maside (Alameda). Neste caso, especificar se teñen coche para ir a Faquín:
Faquín (campo de San Pantaleón)

Quedan a comer?
Nº de teléfono (é importante para poder poñernos en contacto no caso de que se produza algún cambio na actividade).
Comentarios (5) - Categoría: Eventos - Publicado o 12-11-2012 12:50
# Ligazón permanente a este artigo
© by Abertal












O contido desta páxina precisa unha versión máis recente de Adobe Flash Player.


Obter Adobe Flash Player