MÓLLATE COA LINGUA


Cantas cousas podes facer coa túa lingua? Seguro que máis das que pensas.
Móllate coa lingua é o blog do Equipo de Normalización e Dinamización Lingüísticas do CPI Terras de Maside (Maside, Ourense).

Quen somos?
mollatecoalingua@gmail.com
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

BOLBORETAS
As irmás Mirabal, Patria, Minerva e María, foron mulleres dominicanas que se opuxeron á ditadura de Rafael Leónidas Trujillo e por iso asasinadas. Creceron nun fogar rural acomodado da Sección Ollo de Auga no municipio de Salcedo (hoxe cabeceira da provincia que leva o nome de Irmás Mirabal).
Cando Trujillo chegou ao poder, formaron un grupo de oposición ao réxime, coñecido como a Agrupación Política 14 de Xuño. Dentro deste grupo eran coñecidas como As Bolboretas.
Foron detidas e torturadas en varias ocasións. Acabaron sendo asasinadas o 25 de novembro de1960. A súa morte causou unha gran reacción na República Dominicana que contribuíu a despertar a conciencia no público e finalmente culminou co asasinato de Trujillo o 30 de maio de 1961
Na honra destas mulleres cada 25 de novembro conmemorase o Día Internacional da Non Violencia Contra a Muller. Isto foi establecido no Primeiro Encontro Feminista Latinoamericano e do Caribe celebrado en Bogotá, Colombia, no ano 1981.
O 17 de decmbro de 1999, a Asemblea Xeral das Nacións Unidas declarou o o25 de novembro como Día Internacional da Eliminación da Violencia contra a Muller, en conmemoración do sacrificio das irmás.
En 1995, a escritora Julia Álvarez publicou a novela En el tiempo de las mariposas, baseada na vida das Mirabal. A novela foi levada ao cine en 2001 nunha película co mesmo nome, protagonizada por Salma Hayek, como Minerva, e Edward James Olmos como Trujillo. No ano 2008 Javier Balaguer rodou un documental “Del fondo de la noche” baseada nesta historia.

Se necesitas información de calquera cuention relacionada coa Muller pódela encontrar nesta ligazón. http://www.igualdadegalicia.org/

Un número de teléfono para chamar no caso de necesitares axuda: 016
E tamén
Teléfono das Mulleres:
900 400 273
O Teléfono das Mulleres é un servizo de emerxencias gratuíto e anónimo. Funciona as 24 horas do día e ten cobertura para toda a Comunidade Autónoma.
Comentarios (0) - Categoría: Alumnos/as - Publicado o 24-11-2009 14:05
# Ligazón permanente a este artigo
CONCURSO “A NOSA HISTORIA FACÉMOLA NÓS”
A idea é rescatar dos caixóns e dos vellos álbums familiares fotos que teñan unha historia detrás, que moitas veces non é coñecida pola xente máis nova da familia. Desta maneira trátase de que os alumnos teñan un achegamento a xentes e a sucesos que ocorreron hai tempo e que no seu momento foron importantes. Tamén se busca que se produza un acercamento entre as vellas e novas xeracións a través de imaxes de persoas que foron mozos e mozas, que traballaron, que se namoraron, que choraron, que riron e fixeron festas, que emigraron, que casaron e tiveron fillos, repartiron herdanzas, fixeron unha casa...

Exactamente igual ca hoxe pero hai uns anos.


BASES


1.- Poderá participar calquera membro da comunidade escolar: alumnado, familias, profesorado e persoal non docente.
2.- Haberá dúas categorías: adultos e alumnado. Dentro da categoría do alumnado establécense as seguintes subcategorías: infantil, 1º, 2º e 3º ciclo de primaria, 1º e 2º ciclo de secundaria.
3.- Os traballos, en soporte informático (*), consistirán nunha fotografía acompañada dun texto en galego (que non exceda de 200 palabras) explicando a historia da foto ou das persoas que aparecen nela, agás en Infantil, onde o profesorado deste nivel decidirá como se presentan. Valoraranse especialmente aquelas fotografías nas que as mulleres sexan as protagonistas.
4.- Cada concursante poderá presentar varios traballos.
5.-Os traballos iranse publicando no blogue do Departamento de Normalización www.blogoteca.com/mollatecoalingua e os mellores na revista do Centro. Farase tamén unha exposición no Colexio.
6.- O prazo iniciase o 1 de decembro de 2009 e remata o 1 de marzo de 2010.
7.- Os traballos gañadores coñeceranse o 26 de marzo de 2010.
8.- A participación no concurso implica a aceptación destas bases.



(*) O Departamento de Normalización comprométese a escanear as fotos a aqueles concursantes que non poidan facelo na casa, devolvendo a fotografía no mínimo prazo posible. Tamén se compromete á corrección ortográfica dos textos.
Comentarios (1) - Categoría: A Nosa Historia Facémola Nós - Publicado o 14-11-2009 19:26
# Ligazón permanente a este artigo
Andaina polos antigos límites de Maside, San Amaro e Partovia
Plano da andaina
A división administrativa actual (Provincias e Concellos) é algo relativamente recente no tempo ( as provincias creáronse en 1833). Anteriormente o territorio estaba organizado doutra maneira (cotos -Coto de Partovia- parroquias, xurisdicións, concellos). Desta antiga división conservanse algúns marcos que pensamos que é interesante coñecer e conservar xa que pertencen á nosa historia local.

Por esta razón, os Departamentos de Educación Física, Historia, Orientación e Normalización organizan esta andaina para o alumnado, nais e pais (ou calquera familiar) e profesorado, co fin de promover o exercicio físico, o coñecemento da nosa historia, a convivencia entre todos os membros da comunidade educativa e o uso da nosa língua.


Programa:
- O percorrido iniciase no Lago e visita 4 marcos ( O Montegrande, estación do gas en Vilaboa, O Marco e Costa de Anllo).
- Xantar na área recreativa de Porto de Eguas.
- Pola tarde visita guiada á Rectoral de Partovia, que ten a súa orixe nuha granxa creada polos frades de Oseira no século XIII.
- Visita e baño (opcional) no balneario das Caldas de Partovia
- Regreso ao punto de partida no Lago

Data: sábado 21 de novembro
Hora de partida: 10:00 horas
Hora de chegada (estimada): 17:00 horas
Distancia total: 12,2 km ( 7,8 km pola mañá e 4,4 pola tarde)
Que hai que levar? : calzado cómodo, bocadillo, auga e ganas de andar

Para apuntarse só é preciso mandar polos alumnos o nome e un teléfono de contacto por se hai cambios de última hora. Os alumnos que veñan sen un adulto deberán asinar unha autorización que se lles proporcionará só a aqueles que estén interesados.

Comentarios (0) - Categoría: Eventos - Publicado o 12-11-2009 12:15
# Ligazón permanente a este artigo
© by Abertal












O contido desta páxina precisa unha versión máis recente de Adobe Flash Player.


Obter Adobe Flash Player