MÓLLATE COA LINGUA


Cantas cousas podes facer coa túa lingua? Seguro que máis das que pensas.
Móllate coa lingua é o blog do Equipo de Normalización e Dinamización Lingüísticas do CPI Terras de Maside (Maside, Ourense).

Quen somos?
mollatecoalingua@gmail.com
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

Nace o blog da Coordinadora de ENDL do Carballiño
LINGUA DE BUXO inaugurouse hai uns días cunha reflexión sobre as Bases para a elaboración do novo decreto.
Podedes acceder a el premendo na ligazón.
LINGUA DE BUXO
Comentarios (0) - Categoría: Xeral - Publicado o 22-01-2010 11:49
# Ligazón permanente a este artigo
Posicionamento do Claustro sobre as bases para a elaboración do decreto de plurilingüismo
O Claustro do CPI de Maside, en relación ao texto que contén as bases para a elaboración do decreto do purilingüismo no ensino non universitario de Galicia, presentadas o 30 de decembro de 2009 quere manifestar o seguinte:

1. Supón unha agresión ao galego xa que resta os seus usos no ensino obviando: a realidade sociolingüística de Galicia, na que existen dúas linguas en clara desigualdade; a obriga do propio goberno, que incumpre así a legalidade tal e como argumenta a Real Academia Galega nos puntos 2 e 3 da Análise da RAG ; a opinión pública, que se ten manifestado de forma masiva en contra desta política lingüística e criterios pedagóxicos.

2. Restrinxe os usos do galego no ensino ao reducir a súa presenza ao 33% das materias en Primaria e ESO e supor a práctica desaparición do galego en Infantil.
A súa aplicación imposibilitaría, por tanto, que o alumnado acadase competencia activa en galego. É tamén a 1ª vez que as leis educativas establecen un máximo para o uso do galego

3. Esta restrición do uso do galego xustifícase nas Bases coa impartición dun terzo das materias en lingua(s) estranxeira(s), principalmente inglés. Á parte de non explicitar como se vai aplicar no curso 2010-2011, non contemplar o alumnado con necesidades educativas,? sobreenténdese desta medida que a sociedade galega debe sacrificar a lingua propia en favor dunha lingua universal.

4. A administración fai deixación das súas funcións ao establecer que a opinión das familias sobre en que lingua se deben impartir determinadas materias ou debe aprender o alumnado a ler sexa vinculante. Esta suposta ?liberdade? crearía ademais conflitos e claras desigualdades.

5. Estas Bases derrogan o Decreto 194/2007 do uso do galego no ensino sen que fosen avaliados os resultados da súa aplicación e xustifican esta decisión nos resultados da ?consulta ás familias sobre o uso das linguas no ensino?. O rexeitamento do Claustro deste centro a esta consulta foi unánime e argumentado nunha reunión extraordinaria realizada o día 17 de xuño de 2009 Alén diso, a promesa de derrogación do devandito decreto é anterior á realización da tal consulta.


6. Existen, ademais, outros aspectos nos que estas bases supoñen unha marxinalización para o galego: o uso do galego na administración queda supeditado a un uso voluntarista, o alumnado estranxeiro poderá solicitar a exención da cualificación na materia de lingua galega, pero non así na de castelán; as familias pasarán a formar parte dos EDL , pero non así doutros Departamentos, desaparece o termo de normalización en todo o texto,?

En conclusión, as bases para a elaboración deste decreto supoñen unha restrición do uso do galego no ensino xustificada na busca do plurilingüismo e na falsa liberdade das familias e supoñen, deste modo, unha agresión á nosa lingua que vén precisamente daqueles que teñen a obriga de protexela.

Por todo o anterior rexeitamos estas bases e esperamos que non se desoian as masivas críticas que leva suscitado e se corrixan as numerosas eivas do texto presentado o día 30 de decembro.
1(1) Análise da Real Academia Galega das Bases para o decreto do pluriligüismo no ensino non universitario de Galicia, 16 de xaneiro de 2010. ^
2(2) Nos anteriores textos legais establecíase un mínimo para o uso do galego. ^
3(3) Ver argumentación no punto 6 de Análise da Real Academia Galega das Bases para o decreto do pluriligüismo no ensino non universitario de Galicia, 16 de xaneiro de 2010. ^
4(4) Equipos de dinamización da lingua galega (denominados no anteriores decretos equipos de normalización e dinamización lingüística) ^
Análise da RAG sobre estas bases
Comentarios (0) - Categoría: Xeral - Publicado o 22-01-2010 11:36
# Ligazón permanente a este artigo
Queremos galego II
Nas seguintes ligazóns hai máis información sobre o decreto e comentarios.
Coordinadora de Traballadores de Normalización da língua
A noticia do informe da RAG: RAG (noticia Xornal de Galicia)
comunicado de Galiza Non Se Vende
Comentarios (0) - Categoría: Xeral - Publicado o 18-01-2010 16:08
# Ligazón permanente a este artigo
Queremos galego
21 de xaneiro, folga xeral no ensino.

Podedes consultar toda a información en http://www.queremosgalego.org/

Queremos galego
Unha noticia nun xornal portugués (Correio do Minho
Artigo de Suso de Toro en El País
Comentarios (0) - Categoría: Xeral - Publicado o 17-01-2010 20:36
# Ligazón permanente a este artigo
FELICITACIÓN

Esta foto representa a forma de felicitar a entrada do ano novo no país dos meus pais, que proceden de Marrocos. Nesta imaxe en concreto aparece a miña nai cando tiña 20 anos aproximadamente. Para felicitar as festas acudían a un estudio de fotografía ou pagaban a un fotógrafo particular nas súas casas para confeccionar a tarxeta.
A miña nai chámase Arabia e actualmente vive conmigo e co meu irmán Naufal e a miña irmá Dunia en Maside nunha casa pequena.
En Marrocos viviamos nunha cidade nunha casa moi grande onde habitaba tamén a miña avoa.
As palabras de felicitación do aninovo están en francés, que é unha das línguas empregadas neste país.


Nabila Samir Ouad. 5º EP
Comentarios (0) - Categoría: A Nosa Historia Facémola Nós - Publicado o 12-01-2010 21:51
# Ligazón permanente a este artigo
OS REGALOS DA ARXENTINA
Os dous maiores son o meu bisavó Antonio e a miña visavoa Carmen. Carmen naceu en 1915 e Antonio en 1904. Carmen morreu no ano 2005 e Antonio en 1959.
As dúas de abaixo son a miña avoa, que é a máis pequena e a miña tía avoa. A miña avoa chámase Visitación e a miña tía avoa Odonina.
O motivo desta foto foi que unha tía da miña avoa, que era a súa madriña, mandoulles uns regalos, e nesta foto saen os regalos, os bolsos e a tela dos vestidos, e mandárona á Arxentina.



Angel Novoa Bugueiro. 5º EP
Comentarios (0) - Categoría: A Nosa Historia Facémola Nós - Publicado o 12-01-2010 21:44
# Ligazón permanente a este artigo
DON RAMIRO
Partovia, 1933
De rapaz tiña oído falar do mestre don Ramiro. Parece ser que era moi querido, que facía boas migas cos rapaces e tamén coas mozas e mozos
que xa non ían a escola, cos que cantaba e preparaba pequenas obras de teatro. O que non entendía era que a pesar destes comentarios alguén nunha ocasión o denunciara e que estivera na cadea un tempo. A parte que máis me gustaba da historia é que os veciños da parroquia, grandes e pequenos, foran correndo recibilo cando por fin o soltaron, xa que en realidade non había motivo para acusalo de nada. Só a envexa dalgún cacique ao que non lle gustaba que a xente pensase por si mesma. A pesar da súa inocencia foi represaliado e desterrado a unha escola de Burgos. Corrían malos tempos a mediados dos anos 30 do século pasado.


Don Ramiro é o segundo de pé pola dereita, na fila de mozos. O resto son mozas e mozos de Partovia vestidos para representar unha obra de teatro en 1933.


C. Fernández
Comentarios (0) - Categoría: A Nosa Historia Facémola Nós - Publicado o 12-01-2010 20:08
# Ligazón permanente a este artigo
VIAXES
Luís, Concha e Jaime (1952)
Luís era electricista. De novo, gabeaba coma ninguén polos postes de madeira dos tendidos eléctricos da Serra do Suído, con aqueles ferros dentados atados aos nocellos, que máis ben semellaban a boca dun cocodilo, e coa única seguranza dun cinto de coiro que o suxeitaba ao pau. Un día coñeceu a Concha, quen desde moi nena traballou arreo para axudar na casa, pois era a máis vella de tres irmáns e irmás e, tal vez, a súa única diversión era ?escapar? os domingos para pasear co seu noivo.
Concha e Luis casaron en abril do 1952 e a súa lúa de mel foi ben curta: unha viaxe a Ribadavia. Logo, no verán dese mesmo ano, Jaime, un amigo, invitounos á súa casa, na Hedreira (concello de Avión) e alá marcharon.
Pode que hoxendía nos pareza unha viaxe sinxela de realizar, pero daquela, cando aínda as estradas eran camiños de carro, non existían teléfonos móbiles e quen tiña unha pequena moto, tiña un grande tesouro, ir desde Partovia (O Carballiño) ata o alto da Serra do Suído, tiña que ser unha viaxe ben dura. Non obstante, a satisfacción que proporciona compatir amor e amizade, compensa sempre calquera esforzo. Os rostros de Luís, Concha e Jaime así o amosan.



Concha L. F.
Comentarios (0) - Categoría: A Nosa Historia Facémola Nós - Publicado o 12-01-2010 19:59
# Ligazón permanente a este artigo
A BISAVOA JOSEFA




A muller da foto é a bisavoa Josefa, que naceu no ano 1908 e finou no 1992.
Casou de moi nova e tivo tres fillos e fillas, entre quen está a miña avoa Modesta. O meu bisavó Emilio non tardou en morrer e a miña bisavoa quedou viúva. A pobreza que había daquela fixo que o irmán do meu bisavó, Julio, se xuntase con ela para axudarlle a coidar aos fillos e fillas. Desta unión naceu meu padriño Pepe. Julio non tivo unha vida moi longa, polo que Josefa tivo que sacar adiante aos seus catro fillos e fillas como puido. Gañaba o pan para a súa casa adicándose toda a súa vida á agricultura. Na casa tiña porcos, unha vaca e galiñas, coma todas as familias daquel entón.




Anxo González Veiga ? 5º E. Primaria
Comentarios (0) - Categoría: A Nosa Historia Facémola Nós - Publicado o 12-01-2010 19:53
# Ligazón permanente a este artigo
DÚAS IRMÁS



Estas son a miña avoa Visitación, que é a máis pequena, e a miña tía avoa Odonina, que é a máis alta. A miña avoa tiña 8 anos e a miá tía tiña 10 anos. Esta foto fíxose para mandarlla ás súa tía e á súa madriña a Bos Aires, Arxentina.
A miña avoa, cando era pequena, ía á escola e despois de vir da escola, tiña que ir coas vacas e logo, á noite, tiña que facer os deberes.



Laura Bugueiro Rodríguez ? 5º E. Primaria
Comentarios (0) - Categoría: A Nosa Historia Facémola Nós - Publicado o 12-01-2010 18:25
# Ligazón permanente a este artigo
[1] 2 [3]
© by Abertal












O contido desta páxina precisa unha versión máis recente de Adobe Flash Player.


Obter Adobe Flash Player






Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0